انتون اللي تبون يزيد الهواش يالوسط عشان تكتبون

احس اللي يشربون جيكاره يستخفون في رمضان ????

والله الأعوج اعوج اني زوجي انسان عصبي سواء كان صايم او فاطر ولو كان توه راجع من الدوام او صار له فترة وللعلم اني هادئة جدا بالنسبة مو من النوع الي احن واجد او اثرثر او اطلب منه طلبات وهو توه راجع ولكن أسلوبه بشكل عام نفرني منه وخلاني اكرهه وأعطيه كلام حب ولكن مو من قلبي مجاملة امشي شغلي وياه

و الله إذا تبين الواقع حتى أنا صرت نفسش،، كنت أحبها و أموت عليها وأخاف عليها بس عصبيتها و حنتها كرهتني فيها صرت اتحاشاها ولا احب اتعامل وياها و اقضي كل وقتي في الشغل حتى ما اشوفها ولا اسلم بعد من طحنتها،، أنا ودي بزوجه مثلش طيبه و هادئه ولا تحن لأني هادئ ولا اطلع من البيت

أعتقد أن السبب الاثنين معا أو بعض الاحيان أحدهما...المرأة ما تعرف تضبط الأجست في حال رجع من الشغل أو صرخ صرخة

الهواش عند ناس في شهر رمضان كأنه عادة اعتيادية في حين ان الشهر من اعظم اعماله تحسين الخلق...إذا ما الك خلق اتباعد عن الناس أو نام بصير نومك عبادة عدل..مو تدور الفقيرة تتهاوش وياها...والمرأة بعد لازم ما تحمق الأحمق

(استقبال ازواجهن بطريقة تثير حفيظتهن)
بدل ما تقولون طول الوقت الزوج نايم والزوجة ترجع من الشغل وعلى طول المطبخ الى الليل ما عندها وقت تنام فيه
الأولى الزوجة هي اللي تحتاج كلمات التقدير والاحترام

المراة مكانها بالبيت
محد قال لها تشتغل

اكييييييد
اشلون ماتزيد الهوشات .. اذا ١١شهر يوم تشبه أليسا ويوم نانسي عجرم من المكياج المتناسق اللي يفتح نفسي على الحياة الجميلة ويزيد حبي لها ... ويجيك هذا الشهر ولا ادري أنا عايش وَيَا زوجة لو وَيَا كومار أو راجو أخو موكيش...أكيد كل ما شوفها اتهاوش

إذا ساعد الزوج زوجته في أمور المطبخ خصوصاً إذا كان البيت ما فيه خدامه ما يصير هواش و لا مشاكل،المرأه معذوره تتعب و تشقى و تطبخ و تربي الأولاد والرجال جالس ويا ربعه لحزة الأذان أكيد بتتهاوش وياه،أنا اغسل المواعين عنها بعد ماسفرنا الخدامه و طول الوقت وياها في المطبخ اساعدها

للأسف تزيد المشاكل والشجارات ، زوجي اذا ما حصلني تهاوش مع البنات واذا ما حصل البنات يتهاوش مع الاطفال اعمارهم خمس وسنتين !! واني طول اليوم ساكته وبعد ما نتقي شر لسانه ..

بالعكس تزيد الالفة وتقل المشاكل

انا بالنسبه ليي اموري طيبه والحمد لله ترجع من الجامعه وتقول ليي الا تبيغه بسويه لك وعلى طول بشوشين ويا بعض وصار ليي سنه ونص من تزوجت

انا الي اشوفه و اسمع عنه ان الحالة الرومنسيه تزيد في شهر رمضان

ياريت اتخلون موضوع عن التكلفة . ايهما أقل تكلفة شراء مئونة شهر مضان والطبخ في المنزل أو الاعتماد على أكل المطاعم مع الأخد بالأعتبار فشل الكثير من طبخات المنزل

بالعكس .. يكون الزوج متعب من العمل ويرجع المنزل لينام ويرتاح ويقعد وقت الاذان رايق ومرتاح .
الله يدوم الهدوء والراحة

ما دام المخدع يفوح بالعود و العطر فلا مكان للهواش صياماً و في غير الصيام .....

قرارات صعبة اتخذتها و هي النوم في حجرة لوحدي من عشر سنوات و زوجي يفطر لوحده في شهر رمضان من 4 سنوات و المطبخ الخارجي احب اعمل لوحدي بدون مساعدة و العصبية احيانا تزيد مع الصيام و لكن الابتعاد بين الشريكين يخففها ..

بس الازواج يرجعون متعبين..؟ وش حال اللي راجعه من العمل وبعد تدخل المطبخ؟

الله يعينش ..اطبخي بس وجبة رئيسية وطبق جانبي خفيف

ماحد جبركم تشتغلون ولاحد جبركم تطبخون

احنة نطبخ ثلاث مرات في الأسبوع الوجبة الرئيسية. إلى هو مرق الثريد.

محد يجبرنا صح
لكن الحاجة تجربنا
لما الزوج وضعه المادي ضعيف ولا يقدر يعطي زوجته مصروف عدل
ولا يقدر يصرف على اولاده عدل
ومن نص الشهر مخلص معاشه
ووراه قسط واجار
تعتقد المرة مستانسة لانها تهد بيتها وتقعد من الصبح وتطلع وترجع العصر ؟

المفترض يكون تعاون بين الزوجين .. دانه اساعد زوجتي في امور البيت .. ترا مو عيب اذا الزوج ساعد زوجته ولو قليل