علمت «الوسط» أن مواطنا مصابا بأعراض الحمى نقل بسيارة إسعاف إلى مجمع السلمانية الطبي بعد تلقيه حقنة «فولتارين» أصيب بعدها بالهلوسة. وتشير تفاصيل الحادثة إلى أن المواطن (م. ع) وعمره 25 عاما ذهب إلى مركز جدحفص الصحي صباح أمس للعلاج من أعراض الحمى، وبعد أن تلقى علاجا بواسطة الحقنة، سقط أرضا خلال وقوفه في طابور لانتظار الحصول على شهادة طبية، ما أدى إلى إصابته في رأسه. وأضافت مصادر قريبة أن المواطن بعد أن سُمح له بالذهاب إلى المنزل أصيب بنوع من «الهيستيريا»، تطلّب إثرها الاتصال بالطوارئ، حيث تم نقله بسيارة الإسعاف إلى مجمع السلمانية الطبي، واكتشف لاحقا أن المواطن أصيب بنزيف داخلي.
ولم يعرف حتى الآن السبب الذي أدى إلى تدهور صحته، بعد أن وضع في العزل تحت العناية القصوى.
العدد 2636 - الإثنين 23 نوفمبر 2009م الموافق 06 ذي الحجة 1430هـ
لاحول ولا قوتا إلا بالله
اضاهر نفس الابره الي طقوني فيها ببريدة انقطع التنفس عندي وحطو تنفس صناعي بس الحمدلله انا الحين بخير
الله يشفيه ويرده لهلوه إن شاء الله
عن الدكاتره
ليش همه الدكاتره مابعرفو انه ابره الفولتارين خطر على حيات المواطن ولله اشي بقهر
،،، الله ياخذ الحق ،،،
السلام عليكم ورحمة الله وبركاته،،،
ما تشوف شر يا ماجـــد والله يقومك بالسلامة بجاه أم البنين وأبو الفضل العباس ويردك لأهلك وخطيبتك يا رب العالمين.
من المفترض قبل إعطاء المريض الحقنة يتم سؤاله عن اصابته بحساسية ، ضيقة ، الخخخ،، ؟!!!! مو يوصلون ويعطون الابرة. طبعا تقع هذه المسؤولية ع الدكتور/ة والتمريض المؤهلين.
والله ياخذ حقك وترجع بالسلامة.
سلاماااااااااات
المعروف ان اللي يعطونة ابرة الفولتارين يخلونه نصف ساعه يرتاح عليها في المستشفى لانها تسبب الدوار الواضح ان المريض ما ارتاح عليها وراح وقف في الطابور مما ادى الى سقوقة ارضا وبسبب السقوط صادة نزيف
اللهم شافة بشفاءك وعافة من بلائك يا كريم الله يطمن اهلة علية
الظاهر مابتوبون
مادري لمتى بننطر مايعرفون يعالجون عدل الله يستر على الولد وينجيه على شبابه دكاتره خرطي
!!!!!!!!!!!!!
الله يشافيك ياماجد ويرجعك لاهلك سالم هذا الشاب من قرية المصلى .
النواب
الأخ الي قال وين النواب ؟؟؟ ماشفت لما استجوا كتله الوفاق للوزير الصحه ما شفت القطيع الي واقف معاه وأعتبروها حرب الخرفان ؟
لاحول الله
الحين مجرد سمعوا الخبر الكل قام على المراكز والمستشفى وللحين ماعرفوا السالفه الصحيحه
يمكن الولد تعبان عدل وصاده اغماء يعني مو شرط من الابره بعد امر طبيعي الكل يمرض
بس الناس على طول قالوا اهمال !!؟
اذا اهمال اهله ماراح يسكتون
@@
الاحظ من القراء وايد اراء مرة ضد الصحة ومرة ضد الطاقم الطبي ومرة ضد نفسهم
يبة الفولترين تنعطى بعد التاكد من خلوهم من امراض بالمعدة او قرحة او التهاب بالمعدة ويجب ان لايكون مصاب بالربو او ضيق تنفس وطبعا نشرح هالشي للمريض والطبيب هم يسئل المرضى واتنعطى للمريض عضل ويرتاح نص ساعة لمعرفة المضاعفات يعني مب من الطاقم الطبي بعض الاحيان يكون العلاج له مضاعفات كل على حسب المريض خلنا نجوف شالسبب بعدين قعد الفو قصص
طالبة تمريض
فولتارين مره وحده الله يستر ,, الله يقومه بالسلامه .. وليش ان شاء الله عزل وعنايه قصوى شكله الـ ICU فاضي يبون يملونه .. بس وش هالأطباء والله أحنا الطالبات والطلاب نموت نهلك من الشغل في الطوارئ والـ Staff قاعدين يتفرجون علينا بصراحه المعاش مو محلل ,, احنا نرجع بيوتنا مانقدر انحط ظهرنا على الفراش .. والله قهر المعاش ليهم والتعب لينا مااقول إلا الله كريم .. والله يقومه بالسلامه
بنت القطان
الله يقومه بالسلامة ما عليه شر ان شاء الله
الشاب هذا من اقربائي..
يعني معقولة هالاهمال..الصبي طاح قدامهم..شلون خلوه يمشي..إذا كان يهلوس؟؟..او على الاقل يخبرون اهله بلي صار..المشكلة انه للحين ماندري هو الي صاده هذا من طيحة او من ابرة..ولو مارجعنا ليهم الظهر وسألناهم لأنه لاحظنا حالته غريبة ومو طبيعي جان ماعرفنا حتى انه طاح!
حسبي الله ونعم الوكيل..ادعوا ليه يا جماعة..راح بصخونة وطلع بنزيف داخلي!!
ياالله بالفرج
بلااوي نسمعها عن هالمستشفيات ماعليه شر انشالله والله يفرج عنه بحق اهل البيت
^_^
مو شي جديد
الله يواليه الصحه والعافيه
سمحولي يازوار ترا لقصور مو من الاضباء بل من الضغط الذي عليهم ونتوا تشوفون مافي محل حتى في الطوارىء والله يكون في العون على الاقل يكونون جناح بالكامل يتكون من 50 الى 70 غرف لمرضى الطوارىء ويكثرون من الاطباء العرب المشهورين في مستشفيات الخارج والحمد لله الملك مو مقصر جميع الاجهزه الحديثه والمستلزمات موجوده
الواطن مسكين ؟؟؟
وما له أي قيمه في هذه لبلد . الله هم كثر من لمستشفيات لخاصه و لجامعات لخاصه و ولمجمعات وكل هذا على خرطي لمواطن هو ضحيه والله .
!!!!!!!!!
زائر واحد تأكد من الخبر اعتقد مذكور تلقى الابرة بالمركز الصحي مو بالسلمانيه ... الفولتارين علاج مخفف الالم الجميع ياخذونه بس اعتقد لازم التأكد من مدى تقبل الجسم له في حالة وجود حساسيه ... الله يشفيه انشاء الله
لا حول ولا قوة الا بالله العلي العظيم
عادي من المستشفيات انا بنفسي عطوني دواء غلط لمدة سنة كامة الله ستر ما صار لي شئ حتى الاطباء استغربوا انه ما صادني شئ من الدواء
اغلاطهم ما يعترفون بها لو نغلط باخذ وصفة الدواء قبلوا الدنيا علينا وفضحونا في البحرين كامل
حقن فولتارين
حقن فولتارين
الرياض : حذرت وزارة الصحة أطباءها من الإفراط في استخدام حقن "الفولتارين" كمسكنة للآلام وخافضة للحرارة في الحالات الطارئة؛ وذلك لوجود شك في علاقة هذا الدواء بحالات توقف القلب والموت المفاجئ.
مضاعفات أبرة الفولترين
بعض المرضى لا يناسبهم ابرة الفولترين مثل أمراض الربو وأمراض الجهاز الهضمي يمكن يسبب لهم حتى الوفاة لا سمح الله
حقنة الفولتارين مأمونة لمن ليست عنده حساسية ضده
أنا أفترض أن يقوم جهاز التمريض بعمل اختبار بسيط على جلد المريض قبل اعطاءه حقنة الفولتارين وبعد التأكد من عدم وجود حساسية يجب أن يبقى المريض نصف ساعة جالسا بعد تلقيه الحقنة. يجب فتح تحقيق في هذا الموضوع ويحاسب المسئول أما اذا تبين ان المريض أسرع بالانصراف فلا يلم الا نفسه والله انشاء الله يشفيه ويعيده الى اهله معافى.
وش هالغموض
شلون يعطونه ابره ولقاح وهم يعرفون مضاعفات هاللقاح واكيد اعتبرونه من مرضى AH1N1 يادافع البلى .. جيف يفكرون الاوادم فيران تجارب
لا حول ولا قوة الا بالله العلي العظيم
الله يشافيه بحق محمد وآل محمد
الله يشافيه
لا حول و لا قوة إلا بالله العلي العظيم , يعورنا قلبنا نقرأ هالأخبار من الصبح , الله يشافيه بحق محمد وآله عليهم السلام
الله يشافيه
هذا كله بسبب الاهمال مافي رقابه من قبل وزارة الصحه كلش المفروض المواطن بعد الحقنه يرتاح اقل شي ربع ساعه
اكيد وزارة الصحه تتحمل اي خطأ او اي اهمال من قبل الموظفين وفي هالحال هم سبب تدهور صحة الشاب يعني لا سمح الله لو يصيب الشاب اي مكروه هم السبب الرئيسي له
الله يشافيه ويفرح هله فيه
سلامات
سلامات وما يشوف شروخطاه السو، ان شاء الله يقوم بالسلامه ويرد لأنهله سالم غانم بحق محمد وآل محمد الطيبين الطاهرين ، وان شاء الله التفاصيل تبين بكره ..
ما تشوف شر
الله يواليك الصحة والعافية وطول العمر بمحمد وآل محمد.
من اين شهادة الدكتور
سؤال هل الشهاده حصل عليها من السوق السوداء
اين الرعايه الصحيه
الله المنتقم الجبار
الله لا يسامحهم على الابره الا عطوه اياه الله المنتقم الجبار ,,بعده في عز شبابه ,,ما اقول غير حسبي الله ونعم الوكيل ,,والله يساعد امه المسكينه ,,حالته صعبه على ولده الله المعين..
يا فارج الهم والغم ويالله صباح خير
لا حول ولا قوة الا بالله العلي العظيم يارب نطلب منك الستر والعافية وتبعد عنا جميع المراض بحق محمد وآل محمد الأطيبين الأطهار ويفرج عن هذا الشاب الضحية ويعطية الصحة والعافية 00000
بحرانيه
الله يفرج عنا ياربي بحق ام البنين هاذي اكيد القنه مالة الخنازير 100 ب100 راحت علينا ياجماعه لاتسكتون عن الحق
خط تحمرRRRR
ولم يعرف حتى الآن السبب الذي أدى إلى تدهور صحته، خط احمر عند هذاه الجملة
تكررت كثيرا لم هل اطبائنا ليس بالكفء ام هو اهمال
اتقوا الله فهذا امانة بين ايديكم فهل من ضمير حي يا وزارة
ولا ننساه في هذا الصباح بالشفاء
مسكين
الله يشفيه ...
يعني مو من الحقنة ، من الطيحة صاده اللي صاده
الله يشفيه....
نسال الله له باشفاء العاجل...
:S
أخااف عاطينه لقاح h1n1
مناشدة الملك
كل يوم قصه عن مقصب السلمانيه
نناشد الملك بقانون يردع الاطباء عما يفعلونه بنا و وزير الصحة مسئول عن اخطائهم وين النواب و ين الحكومه عن التحقيق فييما يرتكبه الاطباء بحق هالشعب المسكبن و الله حرام الى قاعد يصير ما عاد في امان او ثقه بالعلاج بالبحرين
ما ادراكم مافولتارين
حتى امى تصيبه بالهستيريا لما تاخذ ابره فولتارين احين لوشيصير ما تاخذ ابره فولتارين
ملاك
انتبهوا جيدا الحقنة (فولتارين) ليها آثار سلبية تظهر للشخص بعد فترة
الله يستر ..
الله ينجيه على شبابه
مسكين الله يرده الى اهله سالم يعني الحقنه هي مالت انفلونزا الخنازير.؟؟؟؟
لو مالت لسخونه؟؟؟
المفرووض انهم يشوفون شنو ضربوه يمكن بالغلط
كل شي عادي
ياعلي
ويقولون ما ليها تأثير الحقنه .. الله يشافيه يارب
الله يستر بس
لا تعليق اخر
00
على قولت اخوانه المصاروه (يا خبر بفلوس 00بكرة ببلاش)(بعد أن وضع في العزل تحت العناية القصوى.) ليش العزل 00؟ والقصوى بعد000
لاحول ولاقوة إلا بالله
أجر وعافيه والله يلبسه ثوب العافيه يارب
ولد الجفير
الله يستر على الجميع من حقنة «فولتارين والله شافي ( م ع )
والله قهر
السبب واضح من مقصبة السلمانية
الواحد يدخل صاحي يطلع فيه الف شي ..
مافي اهتمام للمرضى ولا شي بس يقبضون راتب اخر شهر .. ما يشتغلون شغل انساني كله مادي