قراراكم فاشل.. ورايح يزيد الفقراء والمتساولين في البلد!!

لماذا يتم تنفيذ هذه القرارات الفاشلة.. فهناك فئة فقيرة جدا ويصعب تركها بعد مضي 3سنوات من صرف المساعدة المالية (الهزيلة).وخاصة فئة المتقاعدين والمتقاعدات. أتصور سوف يزداد عدد الفقراء فقراًً ويزداد عدد المتسولين في كل مناطق البحرين بعد تطبيق هذه القرار الفاشلن ومن الميزات الحسنة لهذا القرار والذي يفيد (الوزارة) طبعاً هو: التخلص من الأعداد الهائلة للأسر المحتاجة وهذا يدل على أن نصف الشعب يعيشون تحت خط الفقر.. فيرجى الغاء هذا القرار المجحف في حق فقراء شعبنا! وأين نواب الكراسي من هذا القرار؟!

السب الحقيقي لهذه الحركات

السب واضح وضوح الشمس، وسهل فهمه، فبعد تجنيس ألاف العرب والأجانب، زادت الضغوط على جميع الخدمات، ومن ضمنها المساعدة الإجتماعية. فإذا لم يحرموا ويستبعدوا عدداً من الأسر المحتاجة، فكيف يستطيعون صرف المساعدة للبحرينيين الجدد؟ هل فهمتم؟

فيه صعوبه بااعادة تجميع الأوراق المطلوبه

بالنسبه للمطلقات تطلبون أفاده بعدم صرف والد البنت المطلقه ع بنته اذا هي ساكنه معاهم بالبيت..وهذي الورقه من المحكمه..وغيرها من الأوراق المطلوبه..صعب وااايد..نرد نعيد تجميع الاوراق صعب وايد..الله كريم

كفاية ذل واهانة للشعب البحرين

اعتقد مايحدث مصخرة زيادة مايكفي اهانة لو مب محتاجين ماتحجو ولاطلبو مساعدة لمتى بتتحسون الناس كانهم شحاتين يعني عقب 3 سنوات بترجع زوجها بترجع اعالة اعيالها
الحين العيال عاقين والامهات والابهات مساكين ماحد معطيهم ويه والارملات بزيادة والجوع زايد فاتقي الله نحن شعب نكافح ولكننا نهان باساليب مختلفة
اقتراح للوزيرة ارجو ان تسحبيها ولاتذلي الامهات كفاية ذل
فهناك امهات ليسو لهم معين كيف سيقومون بالتجديد فكري بهالشي مب الكل عندهم حد معاهم فكري بس

مهزلة التنمية

..... بس الي صار اليهم سنين وياخذون المساعدات الي عطتوهم بطلاع الروح اشلون يحسبونها طلبهم بعد ثلاث سنين جاوبي .....حسبي الله ونعم الوكيل فيكم مسخره انتوا على المواطنين ومحد لجألكم الا محتاج وانتوا ....

مهازل التنمية

والله حاله مع هالقوانين وهالوزاره الي موعارفه شسوي بحالها الناس ابتلشت فيها والله وضايعه حقوقها كمواطنين ومن حقها تعيش عيشة كريمه بلا ذل ومهانه بس تعودت على اجحاف الناس وتبي كل واحد يروح يقولهم ياعمي وياسيدي من فضلك واحسانك تتكرم علي وتمشي طلبي لان صار اليه دهور عندك مكوم وانا اعيش بمراره الفقر والاحتياج ليش كل هذا يصير ؟؟الطلبات مكدسه عندهم بالهبل ولايفكرون يشوفونها بس شاطرين اي طلبكم عند اللجنه ولا اللجنه تدري عن خبرها اصلا حرام عليهم والله الناس عايشه على نار وهم ابد الله لا يبري ذمتهم

بل

اش هالسخافة يطرون من عندكم ،، تبغون تساعدونهم ساعدوهم من غير ذل ولا كل مرة تجديد بيانات اما انتو بصراحة شي مو طبيعي ويا ريت مبلغ يسوى 30 او 60 دينار ما تكفي حتى لاسبوع وتبون عليها تجديد والله حالة .

نداء للوزيره

حرام عليش ياوزيره الي قاعد اتسوينه في الناس كفايه مافي اشغال للناس وها الفقراء من وين ياكلون من هالمبلغ الزهيد الي ما يسد حتى الرمق واذا هم كبار في السن الشلون كل مره يروحون يسجلون لو بس تبين اتعبيهم ويه ها لقرارات الفاشله

مااعتقد يقصدون علاوة الغلاء

يقصدون علاوة الغلاء ؟ بتم 3 سنوات ؟ لالالا مااعتقد؟
اتمنى من الملك يثبت هالعلاووه

جذب في جذب

قلبو نشتحق بالرسلبه والموقع والى الحين ماطلع شي لما نتصل كل حين قالو باجر بتنزل علاوة الذل ولانبيها بسنا مذله

الدانة

الحين هالمساعدة تبع معونة الغلاء أو مساعدة غير بعد !!

ويش بتقولين...

كله من الفراغة.. كل مرة يطلع فنتك جديد.. أتفق مع زائر (1)... وأزيدك أخوي أعرف وحدة زوجها متوفي وعندها ثلاثة أولاد واحد في الجامعة واثنين في الثانوي(بنت وولد) بالضبط شهر 11 كمل طلبها سنة عند الشؤون وتراجع فيهم ويوم يقولون ليها الموظف اجازة ويوم في دورة .. لحد ما يأست مسكينة.. مع العلم ان الباحثة جتها البيت وقيمت الحالة واتصلت بعد مرة ثانية.. وهالأرملة ما عندها اي دخل آخر سوى 30 دينار شهريا من الخيرية الملكية لا راتب تقاعد ولا سجل ولا ملك..

مساكين الشعب

كل يوم تزيد المذلة لهم الله يساعدهم اعرف موقف وحدة محتاجة زوجها متقاعد وراتبه (220) وعندها اولاد في المدارس كل بين فترة تروح لهم تبي مساعدة ويجون بيتها ويتأكدون من كلامها وبعدين يرفضون الأعانة لها ويقولون بأنها لا تستحق وهي لا تعمل ايضا وطلبوا منها اذا عندها واسطة تتحرك فيها او تفوض امرها الى الله وعلى فكرة المفتشة اللي جت اليها تشفق عليها بين فترة وفترة من جيسها الخاص ( المفتشة من الأخوات السنة الله يجازيها كل خير ) لكن المشتكى لله

الدكتور

شكرااااااااااا على الخبر ههههههههه

وطني العزيز صباح الخير

الْغِنَى فِي الْغُرْبَةِ وَطَنٌ، وَالْفَقْرُ فِي الْوَطَنِ غُرْبَةٌ.

متفرغة

بس قاعدة وطلع قوانين من عندها ما أشوف تتحلركين علشان الناس ياخذون حقهم كل يوم تقولون االشهر الجاي صارت علاوة مذلة

وبعدين

چنها صدقه بس الى 3 سنوات وبعدين الموجه الغلائيه بتنتهي في هالمده لو المارد طلع من الفانوس وبيعطينا فلوس علشان نعيش
ما اقول الله ياخذ حقنا

كيف سيعرف أن المدة الزمني لثلاث السنوات قد إنتهت

هل سيتم إخطار المستفيدين من المساعدات الإجتماعية في حال إنتهاء المدة الزمنية ؟؟؟ وفي حال تأخر صاحب المساعدة هل يحرم من المساعدة مرة أخرى ؟؟؟

قرارات عجيبة

يعني بعد 3 سنوات راح يكتشف صاحب الطلب كنز في الارض؟ لو الارملة بيرجع زوجها للحياة، لو العجوز بيرجع شباب؟ والله الاهداف واضحة