نهاية التهور

اين مبدأ الحوار والتفاهم اين حق الجار لجاره اين تلك الاخلاق النبيلة , مع الاسف تلاشت ولم يبقى هناك تسامح , ولا تفاهم ولا حقوق . هداهم الله الى الصواب ومهما آلت الامور سيبقون يعيشون معا في هذه المدينة اوهذه القرية , وليحمل بعضهم بعضا , ذلك اولى لهم .

عن جد في ناس ما عندها اخلاق

امام بنايتي مخصص مواقف للسيارات مع وجود ظل والتضحيه باجمل واجهه وكذلك الطريق وجعل مدخل البنايه على الممر في الاتجاه الاخر وفي كل مره ياتي نفس الشخص ويوقف سيارته في هذه المواقف دون ذوق ومراعاة لشعور الاخرين وفي كل مره اتعامل معه بالطيب واترك له ورقه مذكور فيها الرجاء منعا للاحراج هذه المواقف تخص البنايه رقم؟؟؟ ولكن لا يبالي اراه في اليوم الثاني على نفس المنوال فلم اقم باي عمل غير اخلاقي باتلاف سيارته ولكن المساله ترد الى الشخص نفسه ان لم تستحي فافعل ما شئت

ليش ما تكون الطبيله غلطانه

المفروض من الجانى ان يضرب طبيلته با الحديد لانها سكتت عنهم وقت الوقوف ... مثل ما سوت الحكومه مع الوفاق تركت جمعيه الوفاق وتهاوشت مع الخيمه ههههههههههههه لانها سمحت اليهم بلكلام ضدها داخلها ....

عاد ما توصل للضرب

لو حط رقمه كان خلاص اتصل فيه وخلاه يباعد سيارته وكان الله غفورا رحيما بس في ناس ما يفتكرون بس ما ندري شنو عذرهم بس مهما كان ما توصل لهالدرجة يضربه بحديدة وزوجته بعد لا وين عايشين صرنا نخاف من بعضنا البعض

اخس شي ..

أخس شي احد يوقف جدام كراج البيت بكل وقاحه .. بس هم الضرب غير لائق جان فششت التايرات ومشيت

خسيس..

خسيس من يضرب إمرأة وعديم النخوة والرجولة !! هذا ما علمني أبي رحمة الله عليه.

المتهم غلطان

كل شي يجي بالتفاهم، مو على طول بالاعتداء. بس في ناس شايفة الشارع عند بيتهم شارع أبوهم. يمكن الرجال قال دقيقة وراجع.بس طلع ان فيه ناس ماعندها أخلاق

الطير الجريح

الأثنين غلطانيين صاحب الكراج غلط يوم يضرب صاحب السيارة بالحديد مع زوجتة والغلط الأكبر من صاحب السيارة وقت اللي وقف سيارتة أمام كراج جارة وما اعتقد خلّصت الأماكن علشان ما حصل بارك يبركن فيه وما عنده ذوق والله ذكرني بالجار بركن سيارته في وسط الشارع مقابل كراج البيت ووقت الطلعة ما عرفت اشلون الف السيارة لأن السيد واحد فقط والله يهدي الناس اللي يسوّون جدية يا هبلان أو يستهبلون

المجني عليه والجاني اثنينهم غلطانين بس الغلطة العودة على الجاني . والجاني مجرم حقيقي

الحين الجاني ليش فعل هذا الفعله . ليش ما يكون متسامح ومتعاون مع اخوانه . المجني عليه غلط صح بس مو الى هالدرجة تروح تفرغ االاطارات من الهواء. صراحة مو عدله ومن زود غباء المتهم ( الجاني) انقلب السحر على الساحر . بدل ما يروح بالتسامح والكلمة الطيبة صار العكس. في ناس الله يستر عليهم يوقفون عند طبيلتنه بس ما اروح لهم بالقسوة . اروح لهم بالطيب وبالهداوة . والله يحفظ الجميع

روح بعيـــــــــــد وتعال سالــــــــم

المجني عليه أوقف سيارته أمام كراج منزل المتهم،

توضيح

اللي وقف سيارته عند باب الكراج هو الغلطان وما يستحي بعد لأنه أناني وما يفكر الا في نفسه واذا هو اللي انضرب يستاهل اللي جاه وازيد.

المجني عليه الغلطان

ليش يقال عنه متهم
الأن المتهم ما يشوف ان هذا كراج ليش يوقف ويسد مكانها والخبر ناقص مو مكتوب كم المده الي اخذها المجني عليها وهو واقف امام الكراج يمكن مده كبيره ففي بعض الأحيان الواحد ينقهر
المفروض المجني عليه يحاسب على الوقوف الغلط والمرور اذا تتصل لهم عن الوقوف الخاطئ يقولون لك سنتصل بصاحب السياره وينسون الموضوع ولا يردونن عليك وانت تنتظر