من راح زايد ما بقى شي زايد... رحمة الله عليك... لست أعلم... كيف سيكون حال كلمة «الخير» بعد زايد؟!
من راح زايد ما بقى شي زايد
غير الدموع اللي على الخد والايد
ثقيل هذا الحزن والله... «وايد»
افطرت بدموعي قبل جيّت العيد
أحس بي ضيقه تناجي الوسايد
واتحشرج بآخر سؤالي وأنا اعيد
شاقول لي جا العيد؟ وشلون أعايد؟!
شقول للدنيا؟وشحكي وش ازيد؟!
من مات؟! قولوا؟! لا تقولون زايد!
شيفيد هذا الشعر؟! شيفيد؟! شيفيد؟!
تبت يدا شعري وتب القصايد
لي غص باسمه طفل يقرى الأناشيد
(الاه) كحل وهـ (المواجع) قلايد
ما عاد به فرح اتّهنى به الغيد
الدمع في حلق الشوارع تزايد
وما عاد لورود المحبه مواعيد
وما عاد يفرح للمريض المعايد
وكنها شهادة نعي كل المواليد
من راح زايد ما بقى شي زايد
ولا عاد نبغى جيّت العيد... يا عيد
العدد 813 - الجمعة 26 نوفمبر 2004م الموافق 13 شوال 1425هـ
