استثارت فكرة ذات طابع رومانسي بين عريس وعروسه في ليلة زفافهما في قصر للأفراح في تبوك (شمال) السعودية، غضب والدة العريس بعد أن أراد إلباس عروسه الحذاء أمام المدعوات، إذ بادرته بصفعة مفاجئة لم تكن في الحسبان، وسط قهقهات الحاضرات. وذكرت صحيفة "عكاظ" في عددها الصادر اليوم الخميس أن " القصة تتمثل في رغبة العريس إضفاء طابع رومانسي في ليلة زفافه للتأثير على نفسية شريكة حياته، حين اتفق معها على الدخول إلى قاعة الزفاف مرتدية فردة من الحذاء، والأخرى تحملها شقيقتها حتى دخوله، لكي يضعها في قدمها أمام المدعوات.
بيد أن هذا الاتفاق لم تكن أسرته تعلم بتفاصيله وبمجرد أن أمسك العريس فردة الحذاء، ووضعها في قدم عروسه، ثارت والدته غضبا، وانهالت عليه بالضرب والسباب، معتبرة أن خطوة ابنها تقلل من الصورة الذهنية المعروفة عن الرجل الشرقي. وبعد أن أشبعت ابنها بالضرب أمام الحاضرات اللاتي لم يستطعن تمالك أنفسهن أمام الموقف الضاحك، حمل عروسه وتوجه بها إلى المطار لقضاء شهر العسل في ماليزيا.
شووق
هههههههههههههههههههههه يهبللل ...ذا الرجال الزين والا بلاش
...
لجنون فنون وقلة العقل مصيبة الله يخلف عليه هو ومرته مسوي روحه روميو وغضنفر زمانه
انا احترم الرجل اللي يسوي هلون
وهالشيء ما يقلل احترامة بالعكس يكبر في عيوني واحطة في عيوني واقدر لة هالشيء اللي سواة صج اذا سواة بدون اتفاق بينة وبينة بفرح وايد بس لو كان قالي قبلها والفكرة جات من عندة باقولة لا يسويها جدام الناس مع اني اشوفها مو عيب بس عشان المجتمع المتخلف ما يتكلمون علية واللي قاعدين يتطنزون ترى كلهم محترين الله يهنيهم ببعض وبالرفاه والبنين
قديم !
قديم الخبر من اللعام
بس على فكرة كانوا يقولون انه انتقل للمستشفى ^.^
نكتة
بموت من الضحك
بس يستاهل الضرب كلش بعد ما يستحي على الفشيلة و كان عادي عندة يتطنزون علية و لا بعد شهر عسل
كلمة حق
صرااحة .. الأمهاات يبون الأبوة يدلعونهم وما يبون اولادهم يدلعون نسواانهم ؟؟
يا عمري ..
وع
واع سوو هالحركة من قبل فصارت شئ كريهه
دور غيرها المرة الجاية
الخبر قديم
الخبر قديم
لو صار مثلة !!
كلاهم تصرف خاطاء
موقف بايخ من الزوج تصرفه غير صحيح وبالاخص في مجتمع الاسلامي لبسه حذاء أو غيره ليس أمام الناس أنما بينك وبينها أما تصرف الام رغماء غيرتها على ابنها زادة طين بله بدل ماتحفظ كرامته قامة باهانته يخرطي موكل شيئ يعملون الغرب يكون صحيح
هناك العديد من القصص زوجة تشتري وتجهز نيابه عن زوجها
الاخ طاح مصلم ... الزوجة هي اللى اشترت الشقة وهي اللى عطته المهر قالت له روح قدمه لأهلي لأنه يا عيني ما لحق يجمع فلوس المهر وهي اللى دفعت فلوس الحفلة في الفندق وهي اللى دفعت مصاريف السفر والاقامة ... يعني المعرس عليه يجتهد في الباقي
لا يفوتك
مسكين بغى ايفوشر بس ما تهنى هههه ((رد الشيخ بفشلته))
حتى البحرينيين سووها
سمعت مرة عن زواج في البحرين المعرس حمل الجوتي وراح للعروس المسرح ولبسها
تجربتي
انا لما باس رآسي صار ويهي احمر وزين مااغمى عليي
هذا لو يلبسني الجوتي ويش بيصير فيني
فلم هندي
... ها ها ها ها ها ها ها ها ها .. مااتخيل الجووتي يراقص على راسه ولاطلع بعد بايقنه من امه ههههههههههههههههههه ياحليلك اهم شي سافرة شهر البصل
ستراويه ما ترضاها
مهما كان الرجال إليه رجولته و بعدين اذا في العرس بلبسها جوتيها عجل و شحاله في صباحيته ؟؟ !!!!!!!!!!!!!!
و العموم زواج مبروك
نوووووووووووووووور
هذول يهال باجر اتحكهم الدنيا ويصير الواحد منهم ما عنده وقت يلبس نعاله مو البس الثاني
هههههههههه
للحين مو متخيلة شلون كانت تمشي العروس من البوابة للمسرح بجوتي واحد يعني عرجة خخخخخخخ خصوصا الحذاء اكيد له كعب عاااالي خخخخ آآه بكني يعورني من الضحك خخخ
عجل ماسمعتون عن اللي دخلو بتابوت والاضءة بندوها واصوات ناس تصرخ وتنوح واخر شي الامير اللي هو الزوج فتح التابوت وقبل الاميرة اللي هي العروس وقعدت من الغيبوبة هههه الله يقطع بليسهم السعودين
هههههههههههههههههههههه
الناس يلبسون ذهب مو جوتي
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
اصيل
ليش حذاء مافى شئ يقدمه قبله حب واحترام على الراس ترفع من قيمة الاثنين
هههههههههه
متاثر بقصة سندريلا الاخو
الجوتي اختفى قبل العرس بيومين
انا سمعت انه في الأصل كان مشتري الجوتي هدية حق امه .. و الأم تفاجأت و انصدمت لما شافت الجوتي على العروس .. لاكن يستاهل ما جاه من امه.
خجلة
لو انا مكان الزوجة ما ارضى على زوجي واقلل من شأنه امام الناس بدل ما ارفع راسه امام الناس انزل راسه يلبسنى الحذاءبس الشره مو عليها على الاهبل زوجها
خوش هدية
في مصر اهل المعرس يقولون للمعرس ان يذبح امام العروس كطو (قط) مو يلبسه زوجة جوتي جذي ليش ما اهي ذبحت جذام كطو .
حركه مضحكه
الخبر مضحك جدا
شكرا للوسط
بصراحه انا فى الحجره بروحى لاكن ضحت وايد
بل بل صج فشله هههههههههههههههههههه
لكن الشرهه على هالعروس ليكون عبالها في أمريكا..وهالمعرس الخبل من أول ليلة أنخبل ..لكن قلعته يستاهل..يازعم العروس بتطلع ابفنتق جديد
أهم شيئ شريكة العمر
أحسن شيئ سواه انة سافر مع عروسته شريكة عمره
شنو المهم في الموضوع يا حبكم حق الشماته
ياجماعه استرو على الناس في الدنيا عسى الله يستر عليم في الاخره
ام زهراء
ههههههههههه مسكين
لو موزع موز أبرك له
مع تجربه لي حيث أن في ليلة الدخلة جات اخت العروس وما خلتني اخلص العصير وخذت مني الكاس ولليوم محتفظ بالكاس واملأه عصير واشربه كله ... والله خزعبلات مالها أول ولا آخر وعريس يطير حمام واخر يدخل بسكيتنق والله فناتق \\
اليتيمة
وااااي لكن يستهاهل .. ويافرحة ماتمت .. ولكن ليش مخبي عن اهله الخبر ..
زواج مبارك
احنة سمعنا ان الجنة تحت اقدام الامهات مو الزوجات وثاني شي العروس اشلون مشت في القاعة بحذاء واحد يعني مثل خالتي قماشة هاهاهاها.
الرجولة ما تقاس بتلبيس الحذاء
تدليل الزوجة شيء أساسي و مهم بالحياة الزوجية، و الزوجة أميرة العرش و ملكة بيتها.. فلماذا لا يلبسها الحذاء..( اكو حريم وايد يقلموا اظافر ازواجهم و يهتموا بتنظيف ارجلهم و تلبيسهم الاحذية .. شنو فيها اذا عاملوا الزوجات بالمثل .. و صج الأم ما عندها سالفة )
سعودي
اني اشتغل في اكبر محل احذية في البحرين ودائما اشوف الزبائن السعودين البسوون زوجاتهم الاحذية حتى اني ندمانة اني ما ازوجت سعودي
زائر
الحركة بايخه وين
صج ردود ابيخ
الريال وحر في حركاته الرومنسية مع زوجته
وهذي امه مثل مايقولون غيرة لو اهو مسوى لها جان اخذوها بمفهوم احترام لامه
صج يعني مساكين بالبحرينين تعودتوا على البخل العاطفي ،، اهو يادوبه يطلع الفلس للمهر جانه مطلعين جبده واذا اخذها رواها المر
صج ماتحجى عن الكل بس اغلبية جذي
بعدين السعوديين فيهم وايد واعين غير اللي نسمعه عنهم
الله يهنيه بعرسه
موقف محرج
الريال مو عندة موخ والا الزوجة هي حذاء يغيرها متى ما ودة
والاهم ارضاء اهلة والاخص والدتة التى لها منزله رفيعة
واقول هذة العادة مو بالعادة الحسنة التى تعود عليها العرب بس الله يهدية الى وقع لة من امة يكفية فضيحة امام المعازيم
ههههههههههههههههههههههههههههههههههههههه
بانسدح من الضحك
أم علي98
حسافة ماكان في زمننا هالشي كنت سويت هالحركة اللارومانسية
صراحة حركة سخيفة من الزوجين والأم معذورة ماقدرت تتحمل منظر ولدها أذليل نا لو مكان الأم أخذت الجوتي وكفختها هي وأهلها وطردتهم
سخافات أخر زمن
الحجى
من اولها كذا الله يطلعه من آخرته .... عجبي رجال آخ...... زمن
هذا زوج حب يضيف جو مرح امه مارضت ...
ونحن نتعب ونعمل ليل نهار ومكسورة ظهورنا من اجل راحة الزوجة ومتطلبات الاطفال وفوق هذا كلمة طيبة ما تحصل منهم وبعدين يدوسون علينه في الحذاء ويوصاونه المحاكم ووو
بل بل
ههههههههههههههههه شر البلية مايضحك
ماتوقع احنا البحرينيات اسونها لأن اصلن الصبي بقول جي انا حمار عندش البس بعد !!
سالفة قديمه
من زمان ذي سالفة نعرفه مايبتوا شي يديد
عاد حطوا تعليقي
.... صير ريااااااااال
هذا ولدي وهو صغير واني اربيه بكلمة صير ريال وآخرتها في ليلة العرس ينزل نفسه تحت ريول مرته ويلبسها الجوتي ......
لو اقعد طول الحفل حافية ما لبسني زنوبة حتى
لك الحشيمة والكرامة يابو احمد
ما ارضاها لك واحنا بروحنا مو بعد جدام الناس
لكن الخبر فطسني من الضحك والأم معذورة
زين سوت فيه
لو اني مكان امه جان كفخته بالجوتي
و عساه ما تزوج
طاح حظة ما عنده رجولة
ماتعلم من مواقف مثيلة سابقة؟
مرات ومرات صارت هالحركة وطلعوا منها المعاريس مضروبين المفروض يعلم من غيره ههه لكن شكله ماتوقع هالشيء من والدته
واعتقد انه والدته ضربته مو عشان انه قلل من شأنه لا بل غيره من انه من اول ليلة معناته راح يكون مطيع لزوجته وهذا مالا تريده الامهات لأولادهم بإطاعة زوجاتهم وفي المقابل اطاعتهم حتى في اتفه الاسباب يعني لو هو ملبس امه الحذاء اكيد ماراح تضربه تضمه وتحبه وماتعتبره تقليل في شأنه..
كل يوم فنتك ( اصل الكلمة Fantastic)
اليوم يلبسها الحذاء جدام الناس. أمس وحدة تهدي المعرس إغنية باحبك يا حمار.
والله زين
اذا السعودي لبسها الحذاء !!!!!البحريني يكفخها بالحذاء
راحت علينه
لا يسمعون بنات البحرين بها السالفه ويسونها عاده
لينه في البحرين كل رجال يلبس زوجته الدبله وطبقة الجوتي ترى بنات البحرين على كل شي يقلدون
حركة باااايخة
يا ريت حركة رومانسية صج ألا حركة بايخة .. يستاهل الضرب عليها و بالرفاه و البنين
والله طرطرة .... الزوج سكانه مرته
هههههههههههههههههههههههههههههه كككككككككككككككككككككككككككككككككك
الوردة الصريحة
زين تسوي فيه ولا بصاقة ! مهما كان الرجال ليه حشمته ووقارة وش بقولون الناس عنك يا لذعلة خخخخ
بصراحة مصخها المعرس وامها ازيد
هذا ويش من هذا الزمن ناس يمصخونها مع الزوجة يدلعونهم امام الناس والحضور ليش عندك غرفة خاصة وسوي إلا تبي وامام الناس لازم شوفوا اني واحبة وهو يحبني وامه صغرتة واجد ويبي ليها احد يشيل عنها حب التملك وان ولدها مو ملكها خلاص
\\ويش انسوي سعودييين للحين ما .........
ساعات القارىء يستغرب
ساعات القارىء يستغرب من تصرفات بعض من
الجماعات وخصوصا انهم اختلفوا على اتفه الاسباب
العريس يبي يدلع زوجته من اول ليله ووالدة العريس
دخلت نفسها بينهم واعتقد انها فشلت ابنها
امام الحضور وهذي والدته العريس مو كانها والدته واعتقد انها تغار او ما تبي تعلم الزوجة على الربادة من اول ليله واستغرب انا من المشاكل اللي قاعده تصير في السعودية والسبب واضح
خوش
زين سوت الأم، بس الزوجة المفروض تحط كرامه لزوجها بالأساس
زواج مبارك رغم الضرب والفشيلة
الخبر سمعتة من منتدى سعودي من أسبوع أو أكثر وقبل أن يسافر دخل المستشفى واللة يساعدة على هالأم .
الثريااا
قبل فترة ابضا سعوي سوى هالحركة مع عروسته وضربته امه بالحذاء وتسبب الضرب بجرح في رأسه ونقل الى المستشفى لخياطة الجرح !!!!!!بس هذا الثاني شكله محظوظ وفلت منها ورااح شهر العسل
هههههههه
ويلي هههههههه مخبلين والله كل يوم وطلعوا ليهم فكرة بس عجبتني هع ههههه
الحمد لله والشكر
صدق ما عنده سالفة الناس تلبس زوجاتهم ذهب تعطيهم باقت ورد مو تلبسها جوتي هذي من بدايتها جدي الله يستر من تاليها والأم بعد هبلة تضربه قدام الناس وليلة عرسه تبي تكحلها عمتها مجتمع بايخ الله يهديكم بس .
عفى عليه الدهر
خبر قديم جدًا وفى عليه الدهر
..
والله حالة
ههههههههههههههههههههههههههههههههه
جان لبست امك قبل لا تلبسها
يفكرها سندريلا ههههههههههههههههههههههههههههههههههههههههه
ههه
ههههههه
متخيل مراته سندرا، بس للأسف ما اكتملت
ههههههههههههههه
شر البلية ما يضحك
ليسش؟
ليش يدور على سندريلا؟؟زين ماسوت فيه أمه وهاذي العروس ما استحت وهي تقلل من شأن زوجها جدام المعازيم!! شر البلية مايضحك@@
رمادي
خخخخخخخخخ
بلاوي
ولا افتكر يعني سيده حملها وسافر
لا زم يسطرها بالجوتي علشان يبين رجولته صدق مخ تنك اصلا كل ماكان طيب معا ها بتصير هي اطيب منه وبعيشون باامان اكثر
و خلي يلبسها وش فيها هي بعد بتلبسه اما انتو بعد
دنيا عجيبة !
خطوة كان من الأفضل القيام بها بين الزوجين ، وذلك لكون المرأة ( الأم أو سواها ) ستجرها العاطفة في هذا الموقف الغير محسوب !
ليس القصد عدم فعله ولكن الطريقة والأسلوب والجمع الحاضر يحددان هذا الموقف وطريقة فعله !
زواج مبارك وسعيد وشهر عسل مريح بدون ضرب هههه
ههههههه ههههههه حصريا
حلوة
حذاء سنريلا
معذورة ماتابع الرسوم المتحركة