اعتادت على الذهاب إلى أحد الصالونات النسائية، وأصبحت زبونة لإعجابها بالخدمات التي يقدمها الصالون، وبدأت بالترويج إليه بين صديقاتها وأهلها، قبل أن تنكشف لها الحقيقة، وهي أن الصالون ليس للنساء فقط، بل للرجال أيضاً.
تلك بداية قصة امرأة بحرينية ترددت في الفترة السابقة على أحد الصالونات النسائية، لتحصل على مختلف خدمات المكياج والتنظيف والمساج، وبسبب إعجابها بالصالون، قررت أخذ صديقتها إليه.
تقول البحرينية: «دخلت مع صديقتي إلى المحل واختارت الخدمات التي تريدها ودفعت المبلغ المقابل لها، وعند توجهنا إلى الدرج المؤدي إلى الدور الأول، فوجئنا برجل يدخل إلى الصالون، ويبدو أن لديه موعدا مسبقا، وعلى الفور همّ بركوب الدرج، فاستوقفته لأسأله عن سبب مجيئه، فقال إنه جاء لعمل المساج، فكانت بداية الصدمة أن الصالون ليس للنساء فقط».
وتضيف «ذهب الرجل ودخل مع إحدى العاملات في الصالون، وهي موظفة المساج، ودخلا معاً إلى إحدى الغرف وأقفلا الباب عليهما، وكانت هذه الصدمة الثانية».
وتشير إلى أن «الأمر لم يتوقف عند هذا الحد، بل تكرر المشهد مرة أخرى مع شاب يرتدي بنطالاً قصيراً (شورت)، وفانيلة بلا أكمام، وهو المشهد الذي أثار دهشتي، وجعلني أنفعل وأبدأ بالصراخ والغضب، والتعبير عن رفضي لما تقوم به إدارة الصالون».
وتبيّن أن «صراخي وغضبي جعل إحدى الموظفات تغادر فوراً بعد أن أخذت حقيبتها الشخصية معها، إلا أنني استمريت في الصراخ، وخصوصاً أنني وثقت في الصالون وروّجت له بين صديقاتي».
وتقول: «دخل رجل آخر، وبعد أن دفع مبلغ المساج وتوجه إلى الدور الأول، تحدثت معه وسألته عمّا إذا كان يقبل أن تدخل زوجته مع رجل في غرفة مساج مغلقة، أو يقبل ذلك على أخته أو أحد من أهله، وبعد كلام طويل معه قرر عدم الدخول لغرفة المساج، وعاد ليأخذ المبلغ الذي دفعه ثم يغادر المكان».
وتذكر أن «ما يؤلم القلب أنني أعرف أصحاب الصالون، ولم أتوقع أن تصدر منهم مثل هذه الأفعال، وما يثير السؤال كيف يسمحون بهذه الأفعال غير الأخلاقية في صالون مخصص للنساء».
كما تساءلت: «أين الجهات الرسمية والرقابية عن المحلات التي تُستغل في الممارسات غير الأخلاقية، وكيف يسمح أصحاب هذه المحلات لأنفسهم بأخذ الأموال بهذه الطريقة غير الشرعية؟».
وتبدي استغرابها من «إنكار أصحاب الصالون بأن ما يجري في محلهم حرام، فعندما تحدثت معهم وقلت لهم كيف تقبلون بهذه الأمور، وأنها حرام، قالوا إنهم يعرفون الحلال والحرام، ولا يحتاجون أحداً ليعرفهم به».
العدد 4638 - الثلثاء 19 مايو 2015م الموافق 01 شعبان 1436هـ
.
ليش الي في التعليقات كلهم حاطين اللوم على الصالون؟ ليش ماتلومون الرجال الي يروحون لهالاماكن بس لانهم رجال صرنا نحلل ليهم الي يسوونه بحجه انها شهوة و طيش شباب مادري شنو .
الصراحه المجتمع هو الي يسمح لهالاشياء تصير لانه لو يربون الولد نفس مايربون البنت على انها تتمسك بدينها كان ماتلاحقو الشباب لهالافعال بس مجتمعنا المتخلف يبيح للرجال كل شي
هذا من اسباب عدم الامن
هذا اللي مضيع البلد
مو مخرب الديرة اله معرفتهم بالحلال والحرام
من أمن العقوبة أساء الأدب ...الأفضل إنهاء المساجات كافة وغلق باب الشر من أصله والمثل يقول الباب الهتجيك منه الريح سده واستريح
البحراني
اتمنى من الجميع التعقل هناك الكثير من المشاكل المماثلة
والبعض أعتاد هذه الأمور فلهذا لم يبدي استغرابه
كذلك من يفكر في الحرمة لابد أن يستنكر هذا الفعل
وليس من الغريب مثل هذا الموضوع
وهنا السؤال لكل مشكك في الأمر
هل صحيفة الوسط ستنقل هذه الرواية بدون تحقيق أو تفكير...
يجب التحذير و الفحص عن كل مكان مشكوك في أمره
كما انصح زيارة النساء الآتي يعملن في منازلهم لأنهن أطهر و اخلص من الغير والله أعلم
صح
إذا الكل بيسكت وبقول عادي تالي لين شاف أولاده في هالأماكن بعد بقول عادي !!!!
الله يستر على خلق الله
..........
طمبورها
هالديره كلشي فيها مسموح جت على الصالون والمساج
اذا كان الخمر والزنا مفتوح نهارا جهاراً في نص البلد بشارع الحكومه 24 ساعه في الحي المالي وسط السوق والكل يشوف ويسمع سواء من عامتة الناس او الشرطه .
صارة المشكله في المساج اكيد بكون مافي مشكله...
بس ما اقول الا طمبورها...
وأنت صاااج
شفت بعيني..العاهرات..عقب ماخلصوا لياليهم الحمرا..بملابسهم العارية..يتمشون وسط الحي التجاري
شنووو المشكلة!!
شنو المشكلة!!!!؟
طمبورها مكرر !!
أؤيد تعليق الاخ طمبورها العظيم .. فعلا الديرة مطمبرة في كل شي .. لذلك طمبورها وبشدة ..
؟؟؟
وين هالصالون خلنا نروحه؟
مدينة حمد
ليلة عرسي دلّعت روحي في صالون وسبا في مدينة حمد الدوارالأوّل ، واكتشفت انه خلط لكن كادر العمال في الصالون كلهم نساء.
انا اروح مساج تايلندية في شقق مفروشة عجيب
وش الفرق بين المساج في الصالونات والمساج في الشقق المفروشة؟؟
انا اروح مساج في شقق مفروشة عجيب مايخلون شيء مايسوووونه
طبعا اللي تسوي المزاج وحدة تايلندية خبرة
بس ماتمارس الدعارة
فقط مساج في مساج
واحسن من الف رجال يسوي مساج
هالمرة شكلي بجرب مال الصالونات
نجوف يسوى اولا
اتقو الله
وش باقي بعد ؛ بلد إسلامي وكله مسلمين خرطي ...كما تدين تدان لاتستهينو بما حرم الله
عشوائيه لا حد
مع الاسف الشديد اصبحنا في وضع حرج فسوق البحرين في سقوط وهبوط بصوره غريبه وناهيك عن الترويج الخارجي لجميع السلع والخدمات خارج اطار التجاره. والمشكله الاكبر سوق هيئه تنظيم العمل هلكت التجار وخصوصا المؤسسات الصغيره والمتوسطه وجاءت وزاره التنميه لتتم عليهم بالتشجيع بالمشاريع المنزليه بدون رخصه ولاضرائب.
اصبح الوضع ماساوي وخيف بالضوضائيه التي تعيشها.
الستار الله
من المقصر؟
وين وزارة التجارة وشؤون الشركات وينك ياوزير وينك يامدير وين المفتشين يعني لازم اجيكم أوامر من فوق علشان تشغلون عدل؟ .
نحن خائفون من الصالونات
للي هاجموا المرة ما فهموا الموضوع و الفوا كï»»م من عندهم و شيء ثاني واضح انهم من مرتادي محï»»ت المساج المخلة بالأدب.. يجب على احد الوزارات ارسال مفتشيين بشكل دوري و مفاجيء.
اخيرا يا رجال ï»» تفقدوا دينكم و رجولتكم من اجل نزوات شيطانية استغفروا ربكم و تذكروا الموت وعذاب القبر و الآخرة
كلام فاضي
بصراحه مب كل شي يتصدق
ثاني شي هل المساج حرام؟
الصالون ماعجبك تقدرين تروحين صالون ثاني!
كلام فاضي
بصراحه مب كل شي يتصدق
ثاني شي هل المساج حرام؟
الصالون ماعجبك تقدرين تروحين صالون ثاني!
نعم
عندما يختلي الرجل مع العاملة فقط و في غرفة مقفلة يكون المساج حرام
هراار هرااار
وحتى لو بكون المكان رجالي ونسائي راح ياخد تصريح ويعطون تصاريح يمكن بعد
اتوقع في مسكله ثانيه احس الموضوع في اشوي فلم هندي
!!
لا يوجد توخيص صالون ومساج في مكان واحد وهذه المحلات لا يمنع أن تمارس فيها الدعارة
المفروض على السيدة أن تبلغ الشرطة مباشرة لأنها المحل مخالف ويجب صبغه بالشمع الأحمر
يوجد ترخيص لهذا النوع من الصالونات
هناك تراخيص للمساج والصالون والحمام صحي او مغربي كما نسميه . ولاكن ليس هناك ترخيص للدعارة في الصالونات والعياذ بالله
اشلووون يعني
تقصدون ان الدعاارة لها..تراخيص..بعد..بيع الشرف..ببلاش..حق الا مالوش شرف
قصو على روحكم
بعد رجال تسوي له مساج مرأة بعد مافيها دعارة وسوادة وجه وقلة حيا وشرف ودين
مالش معنى
مدام شفتين ان فيه رجال ليش رحتينه مره ثانيه خخخ مالش معنى صراحه والصالونات كلهم سمعتهم سابقتنهم بتلزين والشين
... اخر زمن
خدو مني وانسسوا السسالفه اكا فاتحين فندق جديد بيعون فيه حلاوهه روحي فهميهم بعد
و الله حاله
لا تستغربون عقب جم سنة تجوفون مساج في الشواع على الارصفة و في محلات بيع الخضرة و السمج
السالفه فيها ان
شكل السالفه كذب وتلفيق من الزبونه
هي زبونه متكرر وتتعامل معاهم مده طويله وما اكتشفت اي شي
وفي يوم واحد شافت ثلاث زبائن رجال داخلين مساج والغريب ان7ا كلمتهم وسألتهم واعطتهم الموعظه
يعني اللي داخل للمساج بيوقف ويسولف معاها ويفضح نفسه
عندها مشكله مع الصالون وحبت تشوه سمعته
والله اعلم
لو تبغي تشوه سمعته
جان نشرت اسم الصالون ! لاكن اسمه مو مذكور خلكم من هالظنون والشكوك انتون تدرون ان عاديهالاشياء تصير في بلدنا مو غريبة ويصير ان اصحاب الصالون كانو خاشين عنها هالشي او انهم كانو توهم فاتحين خدمه المساج للرجال
و انتي ليش انتظرتي من البداية ؟؟
إلى البنت التي تسرد القصة و الحدث، سؤالي لها لماذا انتظرت طوال هذه المدة لتصرخ و تعترض، و هي تقول بأنها كانت تروج للغالين بين صديقاتها و قريباتها؟! بمعنى أنها كانت تزور الصالون مرارا و تكرارا ، و أخيرا لماذا لم تذهب لابلاغ الجهات المعنية كالشرطة أو وزارة التجارة
اش بسوون يعني الشرطة او وزارة التجارة؟
العالم كله يدري ان هالاشياء تصير وخصوصا في المناطق اللي فيها فنادق بس ساكتين ولا يبغون يتحركون
ابي مسااج
ههههههه عجيب خخخخخخ
والنعم فيش اختى
صدق انتين مرة عن عشرة رجال..اللي سويتينة فيهم من نصائح وصراخ يدل على حميتش على بنات ورجال المسلمين.بارك الله فيش
والله عليكم بصالون ...
ويش حلاوته وامان ومافيه رجال ولافيه سوادة وجه
الا يمبي الرزق الحلال يعرف
واللي يمبي سوادة الوجه مايحتاج بعد
طلب
محتاج اعرف اسم الصالون لانه الصراحة خاطري في مساج وشكله خوش مكان ... وين دلونه عليه خل نروح
الى الزائر 15
احتمال انه توه فاتحينن المجال لدخول الرجال. من جدي توها تشوفهم
دخل في مخك ولا تشاكك
موقع الصالون
وين موقع الصالون لاخد الحييطه والحذر؟؟ مو لازم اسمه
اه جم مره تروح وصارت زبونه ولا قط مره شافت رجال يدخل الصالون
السالفه مو داخله مخي مو هذا السبب اللي خلاها تكتب في الوسط ,, يعني عقليا زبونه عندهم وتعرف الموظفين وطول هالمده ما شافت رجال واحد يدخل المحل ؟؟ غريبه وعقب في خلال مره وحده دخل المحل اكثر من رجل وراحو مساج !! شاك في الموضوع الصراحه مو داخله مخي .. عالعموم يجب وضع رقابه
غريبه
نفس التعليق
وين المشكله
اولا يمكن الصالون يقدم خدماته للرجال والنساء بشكل منفصل لكن المدخل واحد، وثانيا ويش دخل اللي اتسوي المساج اب اخته وزوجته كل ديره ليهم عادات وتقاليد وبالنسبه ليهم عاداتهم وتقاليدهم تسمح لهم بهالمجال، ما اشوفها عارضت وجود رجال في قسم الولاده في السلمانيه يطلعون على عورات زوجاتنا مع توفر النساء لهالمجال
سترك يا ربي
هالديرة راح الستر فيها والحيا اهم شي عند الناس تجميع فلوس
لا حول ولا قوة إلا بالله
هنا البحرين؟ نعم هذه البحرين بعد أن تم سلب البحرنة منها !!!!
هل الصالون مرخص
اذا كان العمل غير مرخص يجب عليها تصوير المشهد و تقديم بلاغ و اذا كان مرخص فهذي مصيبه
بعد الباطل يحتاج ترخيص
قوانين فاشلة ويجب تحريم مثل هذه الأمور حتى رسميا
خوش
المفروض من الااجدر بالزبونه اخذ المبلغ والخروج وعمل شكوة رسميه
نحتاج نعرف أسم الصالون
نحتاج نعرف أسم الصالون حق نحذر بناتنا و أهلنا من الذهاب إليه
..
وش الغريب ؟
في صالونات وايد خلط .. جت علئ هل الصالون ؟
مسويه فيها مول يعني
الغريب
ان هالشي قاعد يصير في بلد اسلامي ! من بيرضى ع اولاده وبناته يشوفون هالمناضر الخاليه من الحياء ؟ ولا شلون اولادنا ينحرفون مو من هالمناضر ؟ كلشي له حدود والشي تعدى الحدود في بلدنا
لازم الدولة تتخذ الاجراءات اللازمة
صاحبة الموضوع قالت ان الصالون نسائي ما قالت خلط يعني المفروض مخصص للنساء فقط ليش ردة الفعل هذي. يعني الرذيلة صارت امر عااادي!!!
صدمة
وش العادي في الموضوع ؟؟ اول مرة اسمع صالون خلط وينه احنا عايشين ؟؟؟
زمن العجائب
لا نستغرب الافعال بل نستغرب ردات الفعل الا مسؤولة وعدم دفع المنكر في زمن اصبح المنكر معروف والمعروف منكر
صالون أطفال
ابنتي اعتادت أن تأخذ ابنها الصغير الى صالون متخصص بقص شعر الاطفال وفوجئت بدخول رجال الى الصالون لعمل المساج ومنظر العامل المقرف من لبس ضيق واستخدام المكياج تواصلت مع صاحب الصالون وشرحت له وكيف يسمح بحدوث هذه الافعال في صالون يدخله الاطفال ....لكن عمك أصمخ
صالون نسائي يدخله رجال؟؟
الحمدلله لااؤيد لا المساج في الصالونات ولاحتى تنظيف الشعر اقتصر على الوجه والحفاف فقط
أعود بالله
كأنه مافيه محلات مساج مخصصه لرجال عشان يسونه بصالون حريم المفروض تخبرنا باسم الصالون كلنا عندنا غيره على نفسنا ويجب تبليغ الجهات المعنيه لاتخاذ اجراء حازم
صباح الخير..
اغلب صالونات الفنادق من الرجال وهذا من زمن ليس بقريب ..اغلبهم من الجاليه ....
اللهم عجل الفرج
الطمع وللحصول على مدخول اكثر لايهم اذا كان يخدش الدين أويشوه الاسلام ..
الله يخارجنا
الله يستر علينا يجب مراقبه الصالونات انا الصالون اللي اروح له محترم