يسعد صباح اللي يشاهد صباحك

يا رقة الاحساس واشراقة الشمس

لك شاعرٍ من بسمتك وانشراحك

غنى لك أشواق المشاعر على الهمس

ارفع عن النور الطبيعي وشاحك

وسلّم بعينك واشبك الخمس بالخمس

يا زين من زينك طليقٍ سراحك

وسبحان من هو بالحلا غامسك غمس

لبّت خيول الشوق داعي رياحك

وفز الخفوق وجيت من ضيقة الأمس

شرهان أسلّي خاطري في مزاحك

واشرب رحيق الورد بالذوق واللمس

دخيل زينك لفني في جناحك

وغطّني برموش عينك عن الشمس