جيتك بقايا حي كل أكثره مات

وصلت لك بآخر رمق من حياتي

جيتك خوي الخوف في رحلة الذات

بين الرجا وظروفي القاسياتي

جيتك من الفرقا كثير التلفّات

جيت أنتحر في نجلك الناعساتي

جيتك مزيج جروح ودموع وآهات

نديم لعيون الأسف والشماتي

جيتك شظايا تشتعل شوقي بسكات

ما ادري حزن مدري سعادة سكاتي

جيتك لو إنتي سابع المستحيلات

اللي يحبّك يصنع المعجزاتي

جيت استجيرك من شمس المتاهات

عيّت تظللني تحتها عباتي

وابـ... أتعفى عقب عذاب المعاناة

على رصيف أشواقك الدافياتي

تلقّفيني من ايدين التشتات

صيري بحلاة الروح قارب نجاتي

هلي غلا يمحى كدر كل ما فات

يا مزنة أفراحي ومنبع هناتي