صارت الدراسه لاهم من حياة الطلبه ؟؟؟

حسبنا الله ونعم الوكيل الحين صارت الدراسه اهم من حياة الطلبه شنو فيها لو يتأجل فصل دراسي كامل راح تنقلب الدنيا يعني ؟؟؟المدرسه هي بؤره خطره لنقل المرض وين عقلهم ذلين ؟؟

مصخرة

المرض مع اقتراب الشتاء قاعد يتزايد والغريب انتو ياوزارء من صجكم الفريق بيستمر فحص طول السنة عندكم عقل انتو حطو اجهزة مسح اذا جايفين عمركم فلة وخلوها عند كل مدرسة صج مهزلة مب عارفين شتتسون يبة عدلو مدارسكم الكحة وحمامات الطلبة وطاولات مضى عليها الزمن بالقرى وبعدين تحجو كله كلام فاضي وعقلية مافي ابدا صج الاجانب وين وانتو وين

طالب ثانوية :لا للطابور .

شنو هذا الوزارة وعدتنا انها ستنهي الطابور الصباحي في جميع المدارس ولكن حين رحنا يوم الخميس احنا طلبة الثانوية قالوا يوم الاحد اختبارات مال مدري ويش وعليهم درجات ويوم الاحد فيه طابور هذا ويش نتمنى يكنسلون الطابور وانا مستعد اقول اسم المدرسة الي قالت لنا ان يوم الاحد فيه طابور بكل جديه صراحة احنا زين منا نروح المدرسة ويبونه طابور حق كل واحد لاسمح الله ينعدي ول ينتشر الملرض الله لايقوله نتمنى يتكنسل الطابور صراحة مامنه فايدة مامنه ال الوقفه والشمس وراح يساهم طبعا في انتشار الفيروس لا للطابور

كلام فاضي

يوميا نسمع من هل الكلام ومافي فايدة
المرض قاعد ينتشر ولا في فايدة ام بناتي ماخليتهم اروحون المدرسة خايف ععليهم وياريت من اولاياء المور مايخلون اولادهم ايروحون ااتن ماعندنا اله هم

احترازات مدرستنا

ما شاء الله مدرستنا ا لابتدائية وفرت كل شيء لعودة الطلبة صابون سائل وعلبتين كلينكس هذا إلي قدرت عليه وزارة التربية بهرجه لضحك على عقول المهرجين خلهم أول ايوفرون للمعلميهم ثم لطلابهم

الورش مصدر من مصادر نشر الوباء

الوزارة تخاف فقط على الطلبة ولا تهتم لصحة المعلمين، فهل هي تضمن سلامتهم وعدم انتقال الأمراض إليهم خلال الورش التي تنفذها، والتي يحضرها أعداد كبيرة من المعلمين، ومن بينهم المجنسين والوافدين الذين عادوا للتو من أوطانهم الأصلية، في الأسبوع الماضي حضرنا ورشة عمل، وكان المصريين يعطسون ويكحون ونحن كنا نعيش حالة رعب، فهل هذا ما تريده وزارة التربية والتعليم.

كلام بكلام

صرنا نسمع كل يوم كلام جديد,قبل يقولون الفحص لمدة اسبوع فالسؤال اذا كان لمدة اسبوع هل بيختفي المرض نهائيا بعدهالاسبوع؟غريب هالكلام واذا الاجابة لا فهل يعقل ان يظل فريق الفحص يوميا وطول السنة وبهالاجواء ومع هالاعداد الهائلة؟ هذا شيء غير معقول لان على فرض وجوده فان الحصة الاولى يوميامنتهية ومحد بيستفيد منها, فالظاهر الواحدلازم يترك كل شي ويقابل بس هالبوابة ويفحص ليما تصيده ضربة شمس ويموت وخلاص

أم تعاني

لللاسف الشديد كلام التربية يناقض مانسمع ونشاهد .. كل يوم تتكلم شيئ يناقض بعضة ياريت المكلف بالكتابة يوضع المواضيع السابقة أمام عينة حتى يضبط على أساسة الموضوع الجديد لتكن الكتابات في سياق واحد حتى تقنع القراء...الله يسامح المسؤلين ويهديهم حتى يتخدون القرارات الصائبة ويحافضون على الأرواح الا موجودة في دمتهم قبل مايفوت الوقت ...

جامعتنا

ان شاء الله عاد الفحص يكون من احسن مايكون لطلبه المدارس ... مو مثل جامعتنا ماشفنا لا فحص ولا شي اول يوم حاطين كاميرا واحد واقف يمها من غير اي جهاز الي يمرون مجموعه ماعتقد هالكاميرا تلتقط اي حالات اصابة الي يمر يكتب اسمه ويمشي ليش مادري مفروض في رقابه من وزاره الصحه وين اجهزه المسح الي يتكلمون عنها ماشوف اسخدمو لنا جهاز مسح للفحص وقياس درجة الحرارة ... الله يستر بس