صوتك اللي بقى لي من ليالينا
عاد لو غاب صوتك ويش يبقى لي
صوتك الموج والمجداف والمينا
صوتك الناس لوني في خلا خالي
صوتك الذكريات اللي اتدفينا
كل ما هل شفت العيد يبدالي
صوتك بعيد مثل البعد يطوينا
صوتك اغليه... صوتك يابعد حالي
من غروب الكلام لشرق اسامينا
يا حبيبه وصوتك عندي الغالي
سولفي... لعنبو هم يبكينا
انت اقصى مدى الهقوات والتالي
ما لها حد شرهتنا وامانينا
والمسافات قشرى مالها والي
يقبل الليل لامرفأ ولامينا
عاد لو غاب صوتك ويش يبقى لي
العدد 337 - الجمعة 08 أغسطس 2003م الموافق 10 جمادى الآخرة 1424هـ
