اللي تجاهل جوهر الابداع في نبذة مقال

أنا بنفس اسلوبه السابق عجزت أعامله

ما هو بلازم يقتنع في شعري أصناف الرجال

يكفيني اللي صفّق لشعري اعجاب وقام له

شعري من شعوري من احساسي على شوية خيال

وإليا استجد من الزمن أشيا تصير إلهام له

وإن كان شعري ما اعْجبك يعجب سواك بلا جدال

يا آدمي: الآدمي ما هي سوى أنامله

تقول قل ما ينفهم وأقول إفهم ما يقال

الشعر شرحه يعتبر في نظرتي اعدام له

ولا قلت أنا اللي كامله فالوقت لله الكمال

من وين تلقى لك انسانٍ صفاته كامله

واللي يبي يكتب فقط مطلوب منه الاعتدال

وشلون ناصل للهدف بأقلامنا المتحامله!

وان قلت أنا أبين عيوب الشعر قلنا لك تعال

الضد ضده يبرزه والمسك يزكي حامله

وان قلت انا الرجْل المثالي قلت لك يا ابن الحلال

النقد كله تصفيه لأمور... والا مجامله