تستاهل

اقل عقوبه هادي وخلها لمن يعتبر شنو عقوبه كبيرة الطلبة امصخينها يفكرون المدرسين شغالين عندهم عنهم ما تعلمو

الى متى نسمع قضايا التخلف السعودي الغجري؟!!

جلد وبعد قدام الطالبات؟!! اش هالقساوه القلوب..وزاره تربيه اولا ثم تعليم ليس بهذه الطريقه!
الطالبه مازالت في سن المراهقه ولا نستغرب من هذه التصرفات والعقوبه ليست بهذه الطريقه .......قليل من العقل يا غجــــر

تستاهل

هاي السعودية واحكامهة الممتازة

تعور القلب

ما يسوى عليها وش هل المديرة القاسية (سيدة ناظلي) ضربيها مثل ماضربتش مو سجن وجلد في المدرسة ما اظن تعيش البنية بعد هذا الشي

الحزم مطلوب

يمكن يكون قرار جزاء قاسي .. بس من واقع خبره بمدارس اعدادية وثانويه ..تستحق العقاب ..لان حسب المذكور ان تم تنبيه الطالبه عدة مرات والتعامل مع المراهقين شئ في غاية الصعوبة لان استجابتهم بطيئه نوعا ما .. لذلك لازم تكون عبره لغيرها من الطالبات لان الادارة او المدرسين يكون لهم احترامهم ومكانتهم واهي ماتعلمت اشلون تقدر الاخرين وتحترمهم ..التعاطف حلو بس مايربى اجيال .. المفروض نكون اكثر وعي .. يمكن تغيير نوعية العقاب بيكون افضل واكثر تأثيرا على المدى البعيد .. والله يهدي اعيالنا كلهم

مو مصدقه إنها صايره مديره قامت بتسوي جديه عشان إتصدق

الظاهر إن المديره مريضه نفسيا" أوعقلها صغير لأنها حطت عقلها وعقلية وحده مراهقهأوكي إن الطالبه تاخذ جزاها بس موجديه.

حسبي الله ونعم الوكيل على المديرة الظالمة

هذي المديرة ما عندها احساس ولا حتى قلب قلبها ميت قاسية حسبي الله عليها وعسى حوبة البنت ما تتعدها الظالمة. الطالبة المفروض تتعاقب لكن مو بهذا العقاب وأمام طالبات المدرسة حسبي الله على المديرة الظالمة

كرزكانيه للأبد

سجن و جلد آآآآآآآآآآآآآآآآآآآآه وش هالخبر يعور وجيب النفاضيه .... ويش فيها هالمديره مجنونه او فيها أعراض سن اليأس ؟؟؟ الله يخلف على السعوديات بس (( جوع وضرب جموع))

مناميه

هذه قسوه مو لهدرجة الظلم جلد مرة وحده

ام الخير

ياعليييييي وبتنفذ هالحكم قدام الطالبات ويش هالقلب الا عليها فيه مليون طريقة لتأديبها بس مو جلد أأخ والحين اشتا يعوووووور الله يساعدها مسكينة هالطالبة واني اشك انها بتتعقد وبتصيدها حالة نفسية شديدة اولا لان الجلد يعور والسجن يقهر وثاني شي الجلد قدام الطالبات كلهم يعني قصتها بتنتشر في كل مكان واحتمال يأثر عليها لين كبرت وجو يخطبونها ما بيبونها مسكينة.... مو قادرة اتخيل روحي مكانها الله يساعدها..

مساكين

اعتقد ان الحكم شديد ولكن نحتاج الى القرارات التاديبية في مدارسنا وتنفيذها على الجميع دون استثناء .يعني لو المعلم غلط نشوف الوزارة تعاقبه وبشده بس لو الطالب غلط دائما ما تتعذر له الوزارة

شكل المديره مسنوده

شكله ان المديرة ليها ظهر قوي لان مهما يكن فأن الفتاة لا تزال في سن المراهقه يعني جاهلة واذا لابد من عقابها فيجب مراعاة عدة امور اولاه السن الشئ الثاني حجم المشكلة العقاب اوفر على الجرم اللي مسوتنه

حراااااااااااااااااااااااااام

اتفق في كلامي مع الزائر رقم واحد
الصرااحة مبالغة في الحكم
فيه مليوون عقاب وعقاب تتعاقب فيه البنت
بس شهرين سجن و 90 جلدة هذا ظلم بحق بنت
في هذه المرحلة من الدرااسة !!!!

بلللللللللللل

جلد مره وحده، خلهم يجون مدارس البحرين ويشوفون شنو يسوون الطلبة في المدرسين والمشرفين وفي النهاية ياخدون عليهم تعهد وإذا كلش غرامة خمسين دينار، يعني هذولا لو في السعودية كانوا خذوا حكم إعدام

مظلومة

شنو هل مديرة الطالبة المسكينة يابت تلفون مو مسدس او سيف والله خاطري اعطي هل مديرة كف اش هل قصوة ..و الله حرام . احين لو بنت المديرة سوت جذي اش بتسوي افف كل الي اقدر اقولة و لكل ظالم يومه

_ نــور الهــدى _

لا والله الحكم ماهو مُرضٍ الا مَرَض يا دافع البلاء شهرين وجلد في المدرسة مرة وحدة وش هالقلوب وش هالقسوة .. هيه غلطانة ما اختلفنا لكن [فَمَنِ اعْتَدَى عَلَيْكُمْ فَاعْتَدُوا عَلَيْهِ بِمِثْلِ مَا اعْتَدَى عَلَيْكُمْ وَاتَّقُوا اللَّهَ وَاعْلَمُوا أَنَّ اللَّهَ مَعَ الْمُتَّقِينَ]