والدفا ثوب المدينة... كل برد استعذبه

رغبة الغايب تنامت يوم اخذ شكل الغياب

كل شيٍ ما تطوله باليدين... وتكسبه

ينبني له في خيالك ألف سور وألف باب!

مثلك أنت المستحيل ومثلي اللي يطلبه

ما منع عشق الصحاري للمطر بعد السحاب

أدري ان الحب نزوه... وأعذب الحب أصعبه

لا تصير الما واطولك خلك أبعد من سراب

اكبت الشوق لوصالك وان طغى قمت اكتبه

واعرف انه ما يجيبك لا سؤال... ولا جواب!

لا تعجّب من جنوني... لا ولا تستغربه

شاعرٍ يهوى الخيال وعاشقٍ يهوى العذاب

يشتعل ليل المدينه وانت برد استعذبه

رغبتي يمّك تنامت يوم طوّلت الغياب