انا اعطيكم حل وسط يا وزارة الصحه

انا اقول كل واحد زور الاوراق الطبيه الرسميه يأخذ عليه تعهد داخل المستشفى بعدم تكرار هذا الفعل وتحفظ في ملفه الصحي , فأن تكرر هذا الفعل مره ا\\ثانيه يحول الى النيابه العامه او مركز الشرطه ليأخذ حقه من القانون وفقا لدستور مملكة البحرين
والله ويش رايك يا رئيس الاطباء بهذا الحل الوسطي الذي يرضي جميع الاطراف ؟؟؟ اتمنى الرد ؟؟؟؟
والسلام عليكم ورحمة الله وبركاته ,,,,

ماحد بيحس بألمنا

أني مريضة سكلر فترات تصيدني نوبات ولو اتدحن ما اروح المستشفى بس مرة بعد ولادتي بولدي صادتني نوبة شديدة ولما رقدوني كل ما يعطوني ابر ما احس بشئ والالم يزيد وكانت نسبة التكسر عالية عندي ومن الالم هاوشت الدكتور واني اصيح عاد عطاني ابرة خلتني نفس المجنونة كرهت نفسي وكل الي حوالي ولما صرت زينة وسالت قالوا لي اسمها بثدين!في ابر فعلا كانها مخدرات بس ماحد بيحس بالألم الي يصيد مريض السكلر تراه مانتمناه حتى لعدونا:)!!!!

اتمنى ان يكون هذا هو الحل

السكلر مرض خطير لكن بالعناية والتغذية الجيدة يستطيع المريض ان يسيطر علية والأدمان للادوية المهدئة اخذ مني اخواني الاثنين وهم في عز شبابهم توفو بسبب الأدمان وليس بسبب السكلر

حسبي الله و نعم الوكيل

أني مريضة سكلر .. و لما قرأت الخبر آلمني جدا مو لأني ابغي المورفين .. و لا يهمني اصلا .. بس اقول انتون ما تحسون .. الألم لما يجينا ما نتمناه لا لعدو و لا لحبيب .. من كثر ما نتألم نحس روحنا بتطلع و هذا كل اللي قدرتون عليه ؟؟
رحم الله والديكم و ما قصرتون .. يجي منكم اكثر و الله لا يراويكم في عزيز

تحت أي عرف

بالله عليكم يا وزارة الصحة تحت أي عرف دولي في مجال الصحة يتم التبليغ عن مراجع للمستشفى و ان كان تزوير او متعاطي للمخدرات، رساله المستشفى هي العلاج او رفض العلاج او رفض صرف الدواء كما هو الحاصل هنا لا التبليغ!
و هذا ليس من باب المعارضه لكن ارجو من وزراة الصحه اطلاعنا على قانونيه هذا التصرف
و شكرا للوسط

الرحمة ياناس

مريض السكلر مرات اتكون نوبة الألم عالية ولما يرد يرجع البيت يرد يزيد , يرد يرجع الطواري يوم ثاني وياويله اذا رجع مرة ثانية الكل يطالعه بنظرة غريبة وشاذة , حرام تحكمون على الكل انهم مدمنين , محد يتمنى يقعد بالمستشفى نص دقيقة ولكن المرض ومايسوي

مريض سكلر

أنا مريض سكلر أزور الطواريء في السنة مرتين أو مرة فقط , وبعد الأطباء مايعاملوني زين , يعاملوني كمدمن , ويدققون في أخر زيارة كانت لي الى الطواريء أنا أش ذنبي ؟ يعني ناس أتخرب على ناس .. ماأتشوفون الينا حل !

الى جمعيه السكلر البحرينيه بعد نسيتكم فالتعليق الاول

نبي منكم نشاطات ثانيه غير الاعلان يوم والثاني عن حالات الوفاة تبع مرضى السكلر. مرضى السكلر وصل عددهم 18 الف والى قدام دام دفاعكم بس عن البثدين والمورفين طالبو على الاقل ببروتوكول خاص بعلاج مرضى السكلر يكون بعيد عن هالادويه

خطوة إيجابيه

اشجع هالخطوة وبشده على الاقل ممكن تساهم في تقليل أعداد المدمنين الا تعج بهم الاسره في اروقه السلمانية وخصوصا مدمنين البثدين عقب ما نمنع عنهم فالطوارء وياريت تنحط قوانين صارمه وشديده الى مرضى السكلر لانه الملاحظ فالفترة الاخيره انهم يدخلون السلمانية وعقب اول جرعه يوقع AMA{{{ضد المشورة الطبيه ولا خلصة الخدرة على قولتهم يرد يجي الطوارء يبي يترقد واعتقد حرام ينقال انه الدكاترة او التمريض اهم السبب في ادمانهم لانه طق ونطقينا سب ونسبينا واحنا ننصح بس محد يسمع

ام البنات

اصلا حتى لو مريضين المستشفى يمورضونهم من كثر الادوية وخلونهم مدمنين.

احتواء المشكلة

بدل ما تعالجونهم عن الادمان الى انتو تسببتون فيه بتحولونهم للنيابة والله حرام عليكم هدول اولادنا واولادكم ماهم اولاد الشوارع الرحمه زينه ا لمشتكى لله