بلغت كلفة مناقصتي التأمين الصحي لأعضاء مجلسي الشورى والنواب وموظفيهم، 234 ألفاً و265 ديناراً، وبحسب التفاصيل فقد جاءت كلفة التأمين الصحي للنواب وموظفي الأمانة العامة وأسرهم بمبلغٍ قدره 77 ألفاً و500 دينار، فيما بلغ إجمالي التأمين الصحي على أعضاء مجلس الشورى والموظفين فيه 156 ألفاً و765 ديناراً.
وتضم الأمانة العامة لمجلس النواب نحو مئتي موظف، يعملون في قطاعات متخصصة، هي الأمانة العامة المساعدة للموارد البشرية والمالية والخدمات، والأمانة العامة المساعدة لشئون اللجان والجلسات، وكذلك الإدارة العامة للبحوث والمعلومات، وتتبع هذه القطاعات الرئيسية العديد من الأقسام والوحدات الإدارية المختلفة.
والأمانة العامة بحسب التعريف الرسمي الذي يقدمه مجلس النواب هو جهاز فني وإداري معاون لأعضاء المجلس لأداء مهامهم النيابية، والتشريعية، والسياسية، والمالية، أو ما يتعلق بنشاطه في الشعبة البرلمانية، وهو الجهاز الموصل للمعلومات البرلمانية والفنية للنواب.
أما بالنسبة إلى مجلس الشورى فتضم الأمانة العامة نحو مئة وخمسةً وثلاثين موظفاً، يعملون في إدارات مختلفة تندرج تحت كل من الأمانة العامة المساعدة للموارد البشرية والمالية والمعلومات والأمانة العامة المساعدة للشئون البرلمانية وإدارة العلاقات البرلمانية والإعلام، وتتبع هذه القطاعات الرئيسية العديد من الأقسام والوحدات الإدارية أيضاً.
ويندرج هذا التأمين الصحي لأعضاء المجلسين تحت بند المصروفات المتكررة، إذ تم رصد 7 ملايين و341 ألف دينار لمجلس الشورى، ضمن موازنة العام 2010، فيما رصد لمجلس النواب 6 ملايين و522 ألفاً للعام ذاته.
يشار إلى أن مجلسي الشورى والنواب فضّا بأمرٍ ملكي في 11 مايو/ أيار الماضي خاتمين بذلك الفصل التشريعي الثاني الذي بدأ في العام 2006، ومن المعروف أن الامتيازات التي يحصل عليها أعضاء المجلس الوطني من النواب والشوريين تستمر حتى تسلم الأعضاء الجدد مناصبهم بعد الانتخابات.
ومن المتوقع أن يتم إجراء الانتخابات المقبلة نهاية العام الجاري، وحتى ذلك الحين فإن أعضاء المجلسين المذكورين يحتفظون بصفتهم الرسمية والدبلوماسية كأعضاء في المجلس الوطني، ويتمتعون بالحصانة وبكل الامتيازات المكفولة لهم.
العدد 2829 - الجمعة 04 يونيو 2010م الموافق 21 جمادى الآخرة 1431هـ
الله كريم
مساكين يستاهلون للا تظلمونهم مو مقصرين في شي كل شي يبيه الشعب وفروه لهم
سلامات
واسم الله عليكم .. تصرفونها بالهنى ان شاء الله
عفية عليكم والله شطار .. مايجيبها الا ارجالها
من هذا للتأمين النفسي بعد .. ل\\أن بصراحة واجد يتعبون نفسيا في شغلهم من امتابع مشاكل المواطنين ومآسيهم
اقول مالت على البمبرة
حراااااااااااااام عليكم
6 ملايين سنويا نضربها في اربع سنوات مده المجلس
6.000000x4 = 24
24 مليون دينار بحرييييييييييييييييني
اتحدى كل نائب اذا يعرف انها من اموال ربويه انه يتنازل عنها . موب كفو
نبي تفصيل أكثر علشان نعرف مين اللي كان طوال مدّة عمر المجلس مريض أو يتمارض؟؟؟
وين الفاتورة التفصيلية يا نواب ؟؟
نبغي فواتير مفصلة حتى نعرف مين كان كلّة مريض ، و مين كان يتمارض ؟؟؟؟
لآن النائب اللي كلّة مريض هذا ما منّه فايدة بالعكس هو خسارة في خسارة، و خصوصا النواب اللي يتمارضون...
و اللي بغي نعرفة الفاتورة للنواب بس، لو لأحد من طرفهم؟؟؟؟
نبغي معلومات أكثر
أم كشة
حلوة ذي أهم شي أمنوا نفسهم وعائلاتهم وخلو الشعب يولي.....ها.....لأن الشعب ياب لهم المرض فأمنوا على أنفسهم ......لك الله ياشعب يكد و يتعب طول عمره...
مواطن درجة اولى
هؤلاء على راسهم ريشة بسبب تمييز الحكومة . فهناك مواطن درجة اولى وهناك مواطنين درجة عاشرة لا يستحقون الحياة في نظر الحكومة
احنا بدون تامين صحي وبدون حتى علاوة خطر !!!
وين العدل يامن انتخبناهم احنا موظفين في وزارة الصحة نشتغل مثل الح...........ر بدون تامين صحي وبدون علاوة خطر حتى لو مرضنا يعاملوننا معاملة جافة وانتون يانواب يا شوررين اخجلوا من انفسكم من هذه المطالبات
كم بيت تبني وكم ارض تشتري
هذا حالك يامواطن مادري ليش يحصلون هالمبالغ لايكون يعتبرون من الفقراء والله حاله رديه
وين العدل
وليش هالظلم يعني ليش ما يعطون موظفين الحكومة كلهم تأمين صحي لو هي ناس وناس؟؟؟؟
واحنا يالمواطنين العاديين
أعتقد ما لينه إلا الشقى في هالحياة
نواب الوعود الواهيه
شي طبيعي 4 سنين كل اللي تسوونه هرار للمواطن بس قد ما تقدروون تعدلوون وضعكم علشان نهايه الفترة تطلعوون باكبر قدر ممكن من الفايده لا تقولون نواب السنة او الشيعة غير كله محصل بعضة ما منكم فايدة والله اتمنى بس واحد فيكم اللي فيه خير يقول انا غير بسأله في شنو رفضت السيارة مثلا ولا اراتب والله معاش التقاعد مو اربع سنين هاي والحين ماشاء الله عليكم تأمين شكلي انا هالمرة برشح روحي الله السالفة بس اجذب على الناس واستفيد شنو خسرانه وشرط احطم عليكم بالدعاية اللي بسويها حق رووحي
النوخذه
والله طرطره كل ه الفلوس حق مرضهم الله يشافيهم انشالله لانهم تعبو من حل مشاكل المواطنين
وين العدل
الحين هذلين النواب حق ويش يعطونهم تأمين صحي خلهم يشوفون المهن الثانية وخطورتها ولا المدرسين المساكين كل يوم يموتون ويحيون عشان ادرسون عيالكم ونص معاشاتهم يصرفونها على المستشفيات من كثر الأمراض اللي اجيهم الحين في ذمتكم من الأحوج والأحق بالتأمين ؟؟؟؟
استهتار !!!
234 الف دينار والسلمانيه مافيه اسره
لن ننسى ظلمهم ولن نسامحهم.. والحكم بيننا العدل الحكيم..
4 ألف دينار تأميناً صحياً للنواب والشوريين وموظفيهم.. كل يجر النار لقرصه.. لهم الزيادات والتقاعد والمصاريف لا تؤثر على الميزانية ولا تسبب عجز اكتواري.. أما على الشعب والمتقاعدين خاصة فهي تؤثر على الميزانية وتسبب عجز اكتواري وخرابيط.. لقد وعد النواب بتعديل وضع المتقاعدين وعلى رأسه رئيسهم.. ولكن أقروا لهم معاش تقاعدي كبير وهم لم يساهمو بإشتراكات وإن ساهمو فبالقليل.. ونسوا الشعب الذي قضى عمره في العمل والاشتراكات وفي النهاية له الفتات..
ST SFOON ST
كل هذا قليل بحقهم لأن هم المهتمين بشؤون الوطن و المواطن ولا يسرقون ولا يتعدون على الناس ؟؟؟؟؟؟؟ والله حرام لولا المواطن اما قامت لكم قائمة ويجب على السلطة أن تتسم بالشفافية وكل هذة الخسائر يجب ألا تنفق على هؤلأ فالمواطن أحوج بها وكل ما يصرف لهم لو يحسب حسابه ليكفي لسد حالة المواطن ويترك بحريننا أمنة
ما الينا في الطيب نصيب
لو وزع المبلغ على الفقراء او بناء ادوار اضافيه في مستشفي السلمانيه. او بناء مصنع و يوظف فيه العاطلين. كان افضل من ها الخرابيط