ياجماعة انصحوني

ياجماعة اني خريجة علم اجتماع ورحت اليوم الوزارة وسجلت في دورة ارشاد وتوجيه نفسي"خاص لتخصصات العلوم الاجتماعية"وقالوا انها تدريب في الشركة او المؤسسة مع دراسة لمدة سنة كاملة 11 مادة بالعربي بس وحدة انكلينزي والراتب 300 اشرايكم؟زينة الدورة؟

الشكوى لله

ماهو مصيرنا ياتمكين نحن في مؤسسات أهلية بسيطة اين التدريب الذي يمكن ان يعالج لنقص الذي وجدتموه عندنا!!!!!!!!!!!!!!!!!!!!نريد حل ولماذا نحن خريجات علم الاجتماع لا يوجد لدينا شاغر في وزارة التنمية؟؟؟؟؟؟؟

وظفوا القائمة بالبشارة

وظفونا مازلنا نهدد بالطرد والعقد بخلص والراتب 280 دينار وين التوظيف الى تكلم عنه بعد سنه عائدون الى ساحة العاطلين حرام والله حرام لا ابشرك انحنا في وزارات حلوها زيدونا اوثبتونا لو صعبه ؟؟؟؟؟؟؟؟؟؟؟؟؟؟؟ التوظيف تحت الطاولة

خريجة 2008

اللي تبع تمكين،صحيح المعاش قليل،لكن أهون منا على الأقل المشروع تبعكم،فيه توظيف في الوزارات،أحنا ما لينا اللا الشركات،ودوام الشركات من 8 صباحا إلى 4 أو 5 مساءا،أو فترتين،صباحي ومسائي!
والشركات أغلبها بسيطة ومو مضمونة!
ولا وياليت نراجعهم الوزارة وموظفاتهم يشتغلون،أو يدوامون،مثلا مرشدتي،بس مرة وحدة دخلت عليها،البقية كل ما أروح يقولون غايبة!

عاطلة من خمس سنوات

خمس سنين ماشفت شى غير الكلام الى لايسمن ولايغنى من جوع لحد الحين احلم بوظيفه وياليت عقب ها الانتظار ثابته بتكون مؤقت سنه وتالى عاطلة ارجع من جديد بس الفرق انى اشتغلت سنة 270 دينار وايد عليي بعد هذا قدر المواطن في هالبلد ماقول الا مالت على البمبر

حسبي الله ونعم الوكيل...

اني جامعيةو اشتغل في شركة ... وواحد اجنبي ويانا ما يشتغل بس كله يفتر ويشرب شاي وراتبه 3 أضعاف راتبي... وش نقول غير حسبي الله ونعم الوكيل...

الشكوى لغيرر الله مذله؟؟؟؟

علاوة سكن علاوة عمل وعلاوة غربه وعلاوةزوجيه وعلاوة مواصلات وعلاوة أتصالات وعلاوة حرارةكلها الى الاجانب لو زين أني هنديه هههههههه شباب حمدوا ربكم 280 وتقولون قليل الكهرباء 30 والبترول20 والزوجه مسكينه 30 والأجار 200هذا وما حسبت الروضه ولا مصاريف الاولاد بعد حسبوها شوفوا كم يفضل ؟؟؟؟؟ وتقولون قليل الله يهديكم يا شعب البحرين الحرارة تحت الصفر والبحرين تحت خط الفقر ههههههههه طلبوا الله يفرجهااا ياجماعه خلوها على ما ضاقت أبوابها الا فرجت
عدد الأحرف: 453 , اقصى عدد هو : 500

عاطلة

والله قهر على قلبنا لمتى يعني هالحال اللي احنا فيه؟؟ والله طلعت روحنا من الانتظار حسبي الله ونعم الوكيل حسبي الله ونعم الوكيل وين بيروحون من الله

الشكوى لله

حسنو وضعنا ورفعو رواتبن امعيين نحصل 280 والله عيب افرضو على الجهات الي تبغينا تدفع زيادة مو موظفين نكرف ببلاش
هذا غير الاهانات والكلام الي نسمعة موظفين تمكين قال تمكين

تصريحات متناقضة لبعضها البعض

في أحدى الصحف المحلية قرأت قبل أيام خبر مناقض لهذا الخبر ويقول الانتهاء من توظيف قائمة ال 1912 ونحن نعقب ونقول الان اصبح عدد العاطلين اكثر من 1912 ولعدة اسباب ومنها تخرج عدد كبير من الجامعيين واصحاب الثانوية العامة وهذا بالاضافة الى التسريحات الغير مبررة وتكثر البطالة بهذا الشكل لاكن تصريحاتهم متناقضة جدا والعاطلين أغلبهم بحرينيين من طائفة واحدة

آه منك يا أوال(خيرش لغيرش)

انا ما ألوم الوافد للبحرين للعمل بها لانه يبحث عن رزقه،لكن الشره على الي فتح ليهم الباب بمصراعيه.انا واحد من هالقائمةاو ما شفت شي لحد الانوعمري(32)أو ويش بقى من العمر كثر ما مضى؟؟؟؟؟؟؟؟؟؟؟؟؟ِوفوا لينا حل ثابت مو مؤقت

والدبلوم من معهد البحرين ما لهم رب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابغي جواب عاجل ياوسط تسالون تمكين

ألحين زاد عدد العاطلين الى أكثرمن 250000

ياوزير ليكون نايم
قد زاد عدد العاطلين الى أكثر من 250000 جامعي فقط هذا غير خريجين الثانوية و انت للحين ماوظفت أل1912 !!!!!!!!!!
والله مهزلة
ديرة توظف الأجانب وتنسى مواطنيها إلى عشرات السنيين عاطلين

ياسعادة الوزير الموقر سؤال من مجموعة 1912خريج

ماذا نفع وقد بقي على العقد المبرم بيننا وبين تمكين سنه او اقل شوي وماذا ونحن لازلنا حسب عقدكم متدربين ومعاشنا 270دينار وينخصم منها للتامينات ونحصل على الفتات الباقي من هالراتب ووعودكم بتثبيتنا ولازلنا فى حيص بيص ما العمل والبعض يحمل الماجستير والدكتوراه وما زلنا قابلين بالراتب الزهيد ولا مكافأة ولاعلاوة لامعيشية ولا زوجية ولايحزنون واجانب معنا فى العمل معاشاتهم فوق 1000دينا وموظفين عنك فى تمكين يحملون ثانوية معاشاتهم 500دينار فمافوق اين العدل ومامصيرنا بعد نهاية العقد