ماكو عقل ؟

بصراحه هذا الرجال الي طلق زوجته بدون عقل مختل لان يطلق زوجته عشان الطماطه واهي مشتريه الطماطة لمن مو اليه عشان يزحر ابه لان الطماطة يحطون في اغلب الطبخات لو ماسوت اليه طبخة حلوه بعد بطلقها بقول لهااا شنو طابخة اليناااا

صفقة اسلحة بـــ 60 مليار دولار والشعب جائع !!!!!!!

وأضاف الشاهد أن الزوج بعد هدوئه قال له إنه لا يستطيع شراء صندوق الطماطم (3 كيلوجرامات) كل ثلاثة أيام لأن راتبه لا يتحمل ذلك .

من مساوء غلاء الطماطه

مسكينه لو مشتريه هامور اشسوى !!! اكيد بطلق نسوان جيرانهم

غريب الامر

وينهي انا بتزوجها بالحلال

حتى طماطة ههههـ

هذي موظة جديدة هذي السنة والله يعلم في سنه جاية ويش بيسبب الطلاق O_o"
حمدالله على نعمة العقل.

جوفوا حل

الله اكون في العوووووووووون مايسوه هل طماط اللي يهدم ابيوووووووت لازم طماط يعني

صدق السالفه

يا الله عاد خذ
بدت اثر الطماطه تغلبنا
بصراحه اهي غلطنه شنو تصرخ في الشارع على زوجه وين كرامته امام الناس
والله مهزله

هههههه

ههههههههههههههههه الحمدالله والشكر

رب ضارة نافعة

لما ارتفع سعر الطماط قاطعت شرائه ليس بسبب ضيق اليد ولكن بعدم قناعتي بسعره وأهميته، وصرت أطبخ الصالونة بدونه وشنو طعمه، والسلطة معظمها خضار ورقية ويحبونها عيالي، وأكبر فائدة حصلتها إن ابني تشافى من حساسية مزمنة ما كنا نعرف سببها، ولما اشتريته ردت عليه الحساسية. لذا قررت مقاطعته مرة أخرى .... فالمرأة يجب أن تكون فطنة ومبدعة ومرنة في تدبير أمورها

ابو ايات

الحين كل ما يشوف الطماط يذكر طلاق زوجته ويمكن يبي ياخد وحده جديده واخذه حجه هههههههههه والله حاله والله طرطرة

ام محمد

ياليتني طماطة مخلوطة في الخلاطة .

انعل ابو البخل , ما يصبر للبيت وبعدين يتفاهم مع زوجته أقصد يزنط مرته .
الله على الدنيا !!! ذكرت في المهرجانات الغربية شلون يلعبون بالطماطة والحين صاير عليه الغلا ومحد يكدر يشتريه

مقابية في بني جمرة

احسن شي انا من اغلي الطماط وانا قاطعته ولااستخدمة في اي طبخة عيل شنو كيلو الطماط بدينار ومائتين فلس في وين احنا عايشين لكن انت وانتي الله يهداكم بس خليتون الطماط يتسبب في طلاقكم انجان قاطعتونه مثلي والله يعني انتوا مايحله طباخكم الا بالطماط حطوا كلاص ماي بدل الطماط يعني زين جذي تخلونه يكون بينكم مثل الشيطان الله يخليك يالبصل ارجوك تدخل واصلح بينهم وخلك وسيط

هاويش هالبخل .. بيطلع الامااااااام

صاقعه تصقعه اسود الويه ..

لوكان السبب شيئ آخر

المشكلة إن السبب لو كان شيئ آخر كنا تعاملنا مع الأسباب بشكل آخر... أعتقد بأن هذا الرجل سفيه أو أحمق... عجل ويش اللي يخليه يرمي هالكلمة على زوجته لأنها اشترت حاجة بدون إذنه أو تراددت وياه.. ليش اهو تزوجها والا اشتراها.. خسارة والله يارجال هالزمن.. خسارة فيكم الحريم...في ناس الطلاق عندها سهل وناس تتمنى تتزوج حق تستر روحها وما عندها...

sakafa

hahahahah dahaktniالمستعان بالله اي والله

طماط

هههههههههههههههههههههههه والله شي يضحك رجع صندوق الطماط خلاص ماله داعي الطلاق

استغفر الله

هذا سببه الغلاء الفاحش

استغرراب شديد!!

لهالدرجة يا الطماط اسوي جدي لا مستحيل
و الزوج روح اشتر من البرادات الطماطية بربية اشتر ثلاث لليوم
لهدرجة الرزالة
وحتى يعني لان الطلاق عمرة ما بكون لعبة

حدث العاقل بما لا يعقل فان صدق فلا عقل له لا حد يصدق هذا الخبر

ياطماط ياطماط

غربلك الله يا الطمام لابالله مرتفع سعرك ولابالله مطلق الاوادم @_@

هاذي نكتة ولا شنو ؟

حلاوة الطماطة اللي في صورة يجنن >>شكله لذيذ ويلي على أيام لول مفلت في الثلاجة
وبعدين الطلاق باطل لانه في حالة غضب ,,,,
وانزين اذا انخفضت الأسعار بيرجعون لبعض ؟؟؟
الله يصلحهم الشيطان خب في كل مكان استاد لهسوالف
الله يهدينا

زمن العجائب والغرائب..مير الله يعين

ههههههههههههههههههه
الله يرجكم يالوسط ع هالقصة الغريبة
مع اني في السعوديةوماقريت هالسالفة في صحفنا..
لكن على كل حال الزوج في ذا الحالة هو المخطئ .ووالله مايستاهل بنت الاجواد اللي ضحت عشانه وعشان عياله طول هالعشرة..لااا
وعشان ايش عشان صندوق طماط؟!!!!!
وطماط تشتريه عشان تطبخه له ؟؟؟

عجبي ليش ما رجعه!!

لو هم في الخطوبة جان وداها معرض الجواهر العربية وقال اخذي ولا تسألين عن السعر... لكن بعد قهر سنين يطلق حتى من غير حجة!!

وعين الرضا عن كل عيب كليلة
ولكن عين السخط تبدي المساويا

عكاز@

والله خش طماط اللي في الصوره شكله طماط روسي ههههههه

إشاعة

انا سمعت أن الطماطة صاروا يهربونه أنكثر من إللي خبري خبركم .

رد على زائر 14

طلاق الغاضب لايقع عند معظم أهل السنة "وفي الحديث لا طلاق ولا عَتاق في إغْلاقٍ "
وأيضا الثلاث طلقات في مرة واحدة تعتبر طلقة واحدة عند اهل السنة لأن الطلقة هي المرة التي يتم فيها الطلاق وليس اللفظ سواء ثلاث أو عشر مرات يحسب طلقة.
وإنه أبغض الحلال عند الله

جهل

جان قال لي بدفع له بدل طماطم كل شهر
الجهل مستشري في الامة

ههه

زائر 10 موتني ضحك
ههههههههههههههههههه

؟؟؟؟؟؟؟؟؟

يعني لازم طماطم اطبخي بدون طماطم وكثري الصلصل
على قولت البحريني تجميع الاردن معقود بندوره

القشة التى قصمت ظهر البعير

السالفة لاهى طماطم ولابطيخ . السالفة انه يريد ان يطلقها يمكن شاييف له شوفه وخاصة هو حارس امن ويمكن الجديدة شرطت عليه بطلاق القديمة . يمكن احلى واغنى واكشخ . حط حرته فى هذه الفقيرة بصندوق الطماط.
يعنى كم قيمته 30 لو 40 ريال. احد عاقل يطلق زوجته علشان 40 ريال .
ولكن المسألة فيها انّ ( وبعض الظن اثم )
بتسمعون بعد فترة قصيرة اخذ غيرها

هههه

شباب وش رايكم نسوي مؤتمر الطماطم

كله كلام

الظاهر من السالفة ليس الطماطم هو السبب وإنما هو فقط شرارة لنار متأججة من قديم ، فمشاجرة بالايدي يدل على عدم احترام الزوجين لبعضهما البعض وعدم تقبل الاثنين لبعضهما البعض ، وان الزوج بتكراره يمين الطلاق ثلاث مرات دليل واضح بأنه كان يتمنى الفكة من زوجته من زمان ، لأنها سليطة لسان ونكدية

التفكير بعقلانية وحكمة في مواجهة الامور وحلها

عتبي كل العتب على ما قام به الزوج من تطليق زوجته من خلال طلبها الطلاق بسبب امر تافه جدا قيامها بشراء طماطم نتيجة ارتفاع سعره وهذا ليس بمبرر لقيام الزوج بهذا التصرف الذي لا يرضي الله وحتى لو كانت هناك مشكله كبيرة فالحكمة ومواجهة الامور بعقلانية تغنيك عن الطلاق وبلاويه ,, عجبي ان تحدث هذه المشاكل في بلد عربي اسلامي يوجد به بيت الله الحرام ,, العرب وتصرفاتهم تجعل الغرب يضحكون على اختلافهم مع بعض لاتفه الاسباب في الدنيا

الصحفية الصغيرة

ابدأ كلامي: بضحك عميق يوم قريت التعليقات،
هذا مو سبب يطلق زوجته في الصراحة ويش رايكم،
اقول للي توه متزوجة لاتطلب طماطة واجد لازوجة بطلقة ههههههههههههههههههههههههه
صح مووووووووووووووووووووووووووووووو
لنتهي بكلامي:بس لاتاكلون طماطة في حياتكم كله علشان أزواجكم مايطلقونكم
تحيات
الصحفية الصغيرة
لاتاكلون طماطة واججججججججججججددددددددددد

شر البلية ما يضحك

هههههههههه وش نقدر انقول اول شي الطلاق باطل لانه جاء في وقت الغضب يعني الزوج مو واعي شنو ايقول اما عن سالفة الطماط انا شفت بعيوني قبل فتره في محل خضروات مشاده كلاميه بين زوجين بعد على نفس الشي ولاكن في الاخير الزوجه انتصرت بعد اقنتعه ان السله احسن من الكيلو . اما عن نفسي اشتريت سله بس عورني بطني لانها بدينارين ونص الموز والتفاح ارخص الحين الله المستعان

بروح

بروح بسرعة الى الطماطه اللي على النار لا يحترق هههههههه ويطلقني زوجي هههههه بس الحمد لله اني شيعية ولو رمه على زوجي يمين الطلاق وهو غضبان بكون فى حالة غضب ومايناخد فيه اشوه ومليون اشوه ههههه ينتي ميته من الضحك

ياطايح الحظ

انزين اهو ماسأل نفسه ليش بتشتري الطماط؟
اكيد لدبته اللي قدامه مترين معروفين رجالهم ليل نهار عيش ولو يوم ماطبخت اليه جان كفخها وماسوى فيها سواية
يعني هي بتلعب بليارد بهالطماط اكيد بكون ثلاثة ارباعه في دبته الغبي

يازمن شو المضحكة

دافع على شان زوجته أكثر من 2000 دينار مهر وطايح وحفلات وصرف على الأولاد وتربيتهم أخر لحظة طلاق عشان صبدوق طماطة بـ 3 دينار أو أقل أفا ويش الهعقليلات ويش هاي الطماطة .

يالطماطية

يالطماطية عذبتي حالي

الطماطم تتسبب في تطليق سعودية

مسكين هذا الرجل ،ومسكينة تلك المرأة وأولادها الأربعة ،فراتب حارس الأمن في السعودية لايتجاوز الفين ريال (200دينار)ماذا يفعل هذا المسكين في ظل هذا الارتفاع الهائل في أسعار المواد الغذائية ؟فما بالك بباقي المستلزمات المنزلية .
أكثر أسباب الطلاق لدينا هي بسبب هذه المشاكل تدني في مستوى الرواتب وعدم تقدير من طرف الزوجة للحالة الاقتصادية لزوجها .
يجب أن لايقل مستوى راتب أي سعودي عن 5000ريال ،حتى يستطيع تأمين الحد الأدنى من مصاريف الأسرة

الطلاق لم يتم لأجل الطماطم فقط

أعتقد أن الخلافات بين الزوجين و عدم التفهم و إعندام الحوار السبب الرئسي وراء الطلاق
و حادثة الطماطم ما هي إلا حادثة تكمل سلسلة المشاكل و الخلافات بين الزوجين

الزوجة المبذرة والتي لايهمها الزوج يعمل او منهك او مريض الحال سوى

يذكرني هذا الموقف الطلاق بجحا ...
حيث عنده قفص دجاج في 3 دجاجات وفي السنة مرتين ياكلون اذا تكاثر الدجاج زادت الوجبات

بحرانية الهوى

ماعندهم سالفة بس يعتبر طلاق باطل لانه الطلاق له شروط واذا توافرت صح اطلاق
والله يهدي الجميع يارب

احمد البر

آه عليك يا إعلام كم تغير من مسارات الحياة حيث ما تشتهي بل وتغير قناعات وافكار كانت مترسخة في عقل صاحبها.
كل ما يراد له ان ينتشر ويشغل الشارع قاموا بتأليف قصه تصل الى حد الصواب حيث ان مؤلفها يصل الى درجة تصديق الخبر. نعم انت انت الاعلام

عفنا الصالونه!

موضوع مضحك ومبكي،احنا عفنا الصالونه بسبب غلاء الطماطم مع ان أولادي موتهم الصالونه لكن وش انسوي بعد لين ما يفرجها الله، وأتمنى للزوجين أن يرجعون حق بعض لأن بحسب مذهبنا احنا الاثنا عشرية في هذي الحالة ما يحدث طلاق والله يصلح الأمور......

سناابسيه

يا الطماطه يا الطماااطيه .. عذبتي حالنا يا الطماطيه .. مدوره وحمرا يا الطماطيه

وش ذا الكلام

وش ذا الكلام يالطماطية وش دخلك بين الرجال ومرته ما انت حالك حال الذهب صاير

آنه الطماطه الحمرة الأغلى بين الخضرة

ماصارت حالة قامت الناس تتطليق بسبب غلاوة الطماط .. بس طلاقه باطل لأنه كان في لحظة غضب ومايجوز.. ومانقول إلا الله يهديهم ويرجعون لبعض بس اهي مصختها كل 3 أيام تشتري ماصارت حالة لازم تحاسب شوي لهالفقير ,, الله يهدي الجميع

عكراوي

ياطماطيه ياحلوة ..فديتج بأكل الحلوى...ياطماطيه ياأمورة..صرت لي فرج ياشحرورة...عساش الرفعه بالديره ...ويصير سعرش هاموره....وسلامتكم

ياطماطة ياطملطة يابو المشاكل ياطماطة !!!!!!

معذور تري الرجال لين طلف مرته ما ينلام ياجماعة لان احتا نستعمل الطماطة في جميع اطياقنا ولا نلحق واذت اشترين كمية كبيرة نخيس ونخسره وانا يوم الجمعة اسوي بيض وطماطة وبنتي نحب الطماطة خالي بدون بيض اقعد اصارخ عليها واسوي لبها لكن اقلل كمية الطماطة علشان البي طليها وما نحجج واصارخ وهذا الحال ياجماعة انتو ويش ر يكم هذي حالة يالله عليكم والله العوين ,

اخ يا الطماطا

اخ يا الطماطا... كفاية صرت مثل الذهب... قمت اطلق بعد

الوردة الصريحة

واللة العظيم كسرت خاطري مسكينة هالمرأة وله يسوى عليها هالطماط وهذا هي ما تهنت بعد واكلت منة ألحين خلاص بتصير لها عقدة من الطماط ولا بتشتهي حتى تشوفه او تشتريه ولو يصير برخص التراب !!! ( وش هالحالة ) ؟؟ لو جارتي هالمرأة جان عطيتها بدل الصندوق ( 2 ) وله يخترب بيتها وتصير مطنزة للناس يا رجال أتقوا اللة في هالحريم مساكين !!!!

القضية ليست قضية رمانة ولكن القلوب مليانة

في مثل شعبي ينقال قيل هذا المثل حادثة حدثت بسبب رمانة وتطلقت امرأة بسببها.. وهذه الحادثة مشابهة لقضية الرمانة...
يعني بالله عليكم الرجل يتعب ويكد من الصبح الى الظهر والا الليل عشان يوفر قوت المعيشة وهذه الافندية تقوم بتبذير الاموال على اشياء لسيت بوسع العائلة شرائها.. الكل يعرف بأن الطماط سعره هذه الايام غالي!! فلِمَ تشتريه ان كانت العائلة ليست بمقدورها شراؤه؟؟

نعم القول والفعل

هاذي الي يسمونها .. الطماطة التي قصمت ظهر البعير .. تحصل وراء صندوق هالطماطة سنين من العذاب والهرير المجمع فأتت الطماطةكأنها رسول سلام

زين سوى فيها

لان الزوج يشتغل من الصبح الى الليل وزين منه اجمع كم دينار وهذه تروح تشتري شى غالي ولا كانه مفتكره خله تحس شوي

صار الطماط ابو المشاكل والمصائب

شوفوا يالتجار شلون عايشين الفقراء طلق ز وجته بسببكم ترفعون وتنزلن على كيفكم
اني بعد ولدي ظربته وسبب طماطية اكل منها اشوي ورماها وعصبت عليه وضربتة
يعني زين عليك يالطماط ابو المشاكل

الله كريم

لهذة الدرجة غلاء اسعار الطماطم يخرب عش الزوجية؟؟سبحان الله الخالق يلا بحسن الخاتمة

أنا الطماطية الحلوة

أنا الطماطية الحلوة إلّي ياكلني كل يوم تصير خدوده حمرة هي أنشودة يرددها أطفال روضة ربما تأثرت الزوجة بهذه الأنشودة وأرادت الإكثار من الطماطم. هههههههههه الأخوة الأعزاء لا تنظرون إلى الموضوع بسطحية، فهذه الطماطية هي القشة التي كسرت ظهر البعير، فهناك تراكمت مسبقة أدت إلى الانفجار.

سالفه تضحك

ههههههههه مايسوى عشان طماط عاد

آه .. على عصر الحجة قريب الظهور إن شاء الله

يبحث المؤمنون فيه عن محتاج للخُمس والزكاة وأموال الحقوق الشرعية ويطرقون باب من يعتقدونَ بحاجته إليها فيرفضها نتيجة الغنى والخير الكثير .. عصرٌ يستغنونَ فيه الناس عن استلام أموال الحقوق الشرعية لثرائهم وكثرة خيرهم وأموالهم نتيجةَ العدل والمساواة .. نتيجة التمسك بالدين والقرآن ..
اصبروا إخوتي .. اصبروا قليلاً فالخير كل الخير لكم يا مؤمنين

ضوع الشموع

بطلت الثلاجة اليوم وشفت الطماطة خلصت!!!!
اشوى سكت وماقلت لزوجي يشتري طماطةمع ان رايح السوق!!!!

.............

مطرح ما تنام *** اضرب في جيب التمام
لأنه كان تحت ضغط شديد و حرارة شديدة و بمعزل عن الهواء ملايين السنين

وين العقلانية ؟؟؟؟

اي زمن احنه عايشين في عصر الحجري ؟؟؟!
شنو راح يكون مصير الاولاد الاربعة ؟؟ كل هاي عشان طماط .... حتى لو غالي الطماط في اسلوب اسمة التفاهم بلعقل مو العنف
و الصراحة هاي مو ريال يمد يدة على مرة
اهناك يسوون تكنولوجيا و احنة اهني ما نعرف نزرع

اه يالطماط

شكل الناس جنت والسبب هالطماطه

اتقوا الله

يا جماعة الموضوع عند الشيعة لا يقع الطلاق ويكفي أنه في لحظة غضب

لا تستعجلون

الناس الحين بتفكر طلقها عشان صندوق طماط .. يا جماعة الخير الرجال طلقها عشان ان اهيا صارخت عليها واهيا طلبت الطلاق وقدام الناس .. ومحد يلوم احد لان الاثنين غلطانين.. وان شاء الله يعقلوا ويرجعوا حق بعض

هذي لو شاريه صندوق بيرة جان اسوه فيهه؟

بس تستاهل إهيه وغيرهه . كل ما تعصب الوحده على أتفه سبب تقول حق ريلهه طلقني. جنه الزواج والطلاق لعبه.
معرض المجوهرات مفتوح... جم وحده بتطلق اليوم!!!!!!!

طمطوم الشرير

كله منك يا شرير .. طمطوم الخبيث..
الوسط: رجاءا، مواضيع إشويه أقوى...توكم ماخذين جائزة..

الطماطة

اخاف احجي **وعلية الناس يقولون ***شيقولون
تولع بالطماطة ***وصار معجون

شر البلية ما يضحك

حسبي الله عليك يالطماط خربت بيوت و بيوت مثلك مثل الخمر و الهيرويين .... الحين في ورقة الطلاق شنو بيكتبون السبب ؟؟ عدم توافق الراي ؟؟ وله صندوق طماطم ؟؟؟؟

بلاد القديم

وصل فينا الزمن الطماطا يحدد سير حياتنا في علاقة الزوجية الانفصال او البقاء .
الحمد الله على كل شئ

الحجي

جنون الطماطم ..... موظة 2010

قهر يادنيا الردى

مسكينه يالمرأة تشارككم المرة والحلوة واضحي بحياتها .. تبييعوها بلحظة منشان طماطم حتى مو ألماس

ههههه

بصراحه اله حق يطلق عشان طماطه لان لو انا مكانه بسويها وبفتك من النسوان طول عمري

يالله خير خاتمتك خير

اللهمـــــــــ لا شماته
يا جماعة لا تنطقوا وقت الغضب وخلكم كول
ولله ولي التوفيق

المحرقيه

آخ يا زمن الردي
يالطماط ما خليت اعصاب في الناس صاير انت والهمبه علينا

999

طلاقك باطل لان كان وقت غضب يجب ان يكون الطلاق فيه اطمئنينا وسكينة وكادة مو وقت العصبية وعلى ويش على طماطة طيح الله نمرتك يا طايح الحظ روح عود مرتك احسن ليك هي طلاق باطل مئة في المئة يالزفت عبالك الطلاق بالساهل؟

المستعان بالله

خلصنا من نور ومهند افترينا على الطماطة