بلا منتجع بلا هم

هذا كان في عيد الهالوين محد كان يستهزء ولا شي هو لبس تنكري لا اكثر ولا اقل !

اتقوا الله

حسبي الله على كل من سب الهيئه أو أستهزأ فيهم ...والهيئه ورد ذكرهم في القرآن الكريم ...في قوله تعالى :بسم الله الرحمن الرحيم {وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ ...
اتقوا الله وانتبهوا لما تكتبون ...فأنتم محاسبين ...
وماضيع شبابنا الا الفتن الموجوده بالبحرين حسبي الله ونعم الوكيل ...

هاذي الساده

المشاركه ال20 تقول يحبون النسوان هذي الساده الي لاعبين في طويفكم الهيئه رجال والمشكله الي ما يحبون الهيئه وان شاء الله يطلعون الهيئه في البحرين يخففون من الزنه

الى زائر 4

اخوي انا معاك بس بشرط ان تكون الهيئه للوالدين اللي يسمحون لبناتهم واولادهم بالخروج في صورة غير لائقه ودون رقابة.وياريت كل ولي امر يتحاسب على اهمال ابنائه والله لايجيب وفلت وقول الشارع يربي احنا مب قاصرين عيال شوارع ... تحياتي

...

هو من التفآهة إن يسوون مثل هالتصرفآت الطفولية
لكن من وجهة نظري إن الهيئة مضيقين ع المجتمع ومآ لهم نفع ب صرآحة هع
مثل مآ يقولون > يأمرون النآس بالمعروف وينسون أنفسهم
قوموآ صلوآ وهم يدورون ! خير يالأخ
الحين ع طول جذي اللي المفروض يكونون مصلحين بالعكس يكونون مفسدين
وأسلوب العنف المتبع مآ يجيب فآيدة
والدليل تعآل البحرين وشوف السعوديين ع أصولهم
وهذآ يبين إن الأسس اللي السعودية تبني عليهآ أجيآلهآ غير سليمة
شنقول غير الله يصلح الجميع ويهديهم

هذه هي الحقيقة

والله لو تدركون ما ه فوائد الأمر بالمعروف لاقتنعتم
وثاني شي هذه طاعة لله , يعني تبون الناس تسوي مسخرة ومحديودها
عندنا في الجامعات اكبر مسخرة وهذا من سبب الاختلاط المشين
انا كليتي كل واحد عنده قيرل فريند
وكم مرة شافوا صبيان مع بنات في حالة لا ترضي الله
يعني تبو الله يخسف فيكم الارض
استغفر الله واتوب اليه

يحليل البحرين تينن

الي ماتسوقه مرضعه سوق العصى ماينفعه طول عمرهم اهل البحرين ملتزمين بالدين من غير امر او معروف واحلى شي في البحرين الحريه ببساطه بمجرد الاذان تلاقي الناس تروح المسجد من غير اوامر من احد وفي نفس الوقت ال مايبي يصلي هو حر بينه وبين ربه

والله مصخره

وش يقول هيئة المعروف خخخخخخ انت فقط جوف اشكالهم وبعدين اتكلم خخخخخخخخ هدا رقم 4 قاعد يدش بالف اسم خخخخخخخخ

زائر رقم 4 ورقم 25احنا عندنا شـــــــــرطه وكفــــــــانـــــا

هيئة الأمر بالمعروف والنهي عن المنكر مثل مايسمونها أهم كلهم أصحاب سوابق ولين قالو بتوبون خلوهم بهالشغله , بعدين احنا اهني بالبحرين التفصخ جا من الفنادق والبارات اللي سامحه فيها الحكومة
, والشي الثاني اللي خلى هالشباب يسون هالحركه دليل على ان هالمنتجع لايوجد به احد من الهيئة أو الشرطه لذلك لم يقبض عليهم في نفس الوقت فأين هم عن هذا المكان ؟؟؟
, بخصوص زائر رقم 25 يعني الهيئة اهي اللي بتوقف اهلك من التفصخ على قولتك يعني انت شخص مالك سلطة ولاغيرة على اهلك مخلي هالشي الهيئة اهي تتصرف وين رجولتك

كلكم راع

كلكم راع و كلكم مسؤول عن رعيته .

وشهد شاهدا من أهلها يا زائر رقم ‏4

الى كل معارضين رقم 4
وشهد شاهدا من أهلها
الي هم زائر ‏27,26

نضحك مثلا

الشباب صايرين خفاف هالايام قاعدين في حفلة تنكرية مثلا!

للحين هدا تفكيركم

وتلومون الدانماركي إللي رسم عن الرسول عليه الصلاة والسلام، إدا عيالنا يستهزئون بهالأسلوب شننتظر من الكفار ....
متى بترتقون إلى النقد البناء؟ مو عاجبتك الهيئة روح كلمهم كلم الحكومة عنهم إنتقدهم في الجرايد بس ما أقول إلا حسبي الله على الجهل
وأما موضوع هيئة في البحرين وإنتقادات الناس أقول لو الناس كفو حرية ما بنحتاج هيئة بس للأسف صارت الحرية بس تفصخ وتعري وفساد يعني إللي يبي يفصخ حر لكن إللي ما يبي يشوف مفاصيخ وفساد خلاص ما له حل إلا يحبس روحه في البيت لأن الحرية بس صوب واحد

الامر بالمعروف والنهي عن المنكر من اركان الاسلام

قال الله تعالى (كنتم خير امة اخرجت للناس تامرون بالمعروف وتنهون عن المنكر ).
وقال تعالى (الذين إن مكناهم في الارض أقامو الصلاة وأتو الزكاة وامرو بالمعروف ونهو عن المنكر ولله عاقبة الامور)
ياشباب انا والله شاب احب الحرية مثل اي واحد
يحب الحرية .لكن بصراحة اللي يحصل بالمجتمع الان شي يشيب الراس انحلال وتبرج وتقليد للغرب في كل صغير ة وكبيرة.هذابالنسبة عندنا في الرياض واكيد الخليج فيه مثل هذا واكثر.
وللامانة اقولها بكل صراحة لولا الله ثم هالهيئة عندنا كان صارت بلاوي

ان تركتم الامر بالمعروف يولى عليكم شرار الخلق

الهيئة لها سلبيات ولها ايجابيات صحيح من ضمن سلبياتها اعطت نفسها الولاية على المسلمين وفرضت عليهم اغلاق المحلات وغيرها
لكن صدقوني وانا سعودي اقول شبابنا لولا وجود الهيئة كان حالته حاله
اعتقد لو تقام دراسة تناقش اداء الهيئة من حيث تطوير الاساليب وتجنب السلبيات

مناصر تعليق رقم 4

ما عليك منهم يا رقم 4
كل الي عارضوك هم في الاساس علمانيين
وانا احب اقول لهم
اذا ما تبيون هيئة ترسخ الاخلاق
فأنتم ترضون على اهلكم العري والفسق

مخطئان ولكن..

التصرف الذي قام به هذان الشابان خطأ طبعاً، ولكن دعنا نطرحه بطرقة عقلانية علمية، إن تصرفهما وكثير من الشباب السعودي يدل على رفضهما لتصرفات رجال الهيئة وليس للهيئة التي يرونها واجباً شرعياً وأخلاقياً هم مقتنعون به تماماً، ولكن تصرفات وشكل رجال الهيئة وفي ايديهم العصي يضربون به كل من أخطأ وأمام الناس حيث يشعر المخطئ بالحرج وخصوصاً فئة الشباب الذي لا يزيده العنف والعنجهية إلا عناداً و تمادياً ورفضاً كما نلاحظ نحن الآباء ذلك على أبنائنا المراهقين. أما الدّين فلا إكراه فيه، ولا ضرورة لتطبيقه بالعصا

لا للهيه المتخلفه

في بلدنا الحبيب لا نقبل بما يسمى بالهيئه

؟؟

صج والله مافيهم فايده هل الهيئه اصلا انا سالت سعودي كان بائع في السووق اقوول اليه بعني هل الحاجه كان وقت الاذان قال لا يبه تبي تجي لنا الهيئه اقوول اليه شنو يسوووف فيكم قاال الي يحبسونا داخل حمام مدري كم ساعه عقاب لنا يعني احس السالفه مسخره هل الهيئه سمعنا النصح مب في الحمامات تذبونهم

سنااابسيه

ههههههههههههه بروح الهيئه سودان وجه ويموتون على النسوان .. اول خلهم يأذبون روحهم بعدين ينصحون الناس

بحرانية وافتخر

هذا الي قاصر مانبي لاهيئة امر بالمعروف ولا نهي عن المنكر كل واحد ذنبه على جنبه لما هذولاك يتفصخون او يتبرجون انتوا مابيضركم شي مصيرهم للنار هم والي يحبهم اما تقولون لنا امر بالمعروف ونهي عن المنكر لااااااا نبي حرية شخصية للجميع انا فتاة ملتزمة بحجابي بصراحة غيري مايعنيني كثرة الضغط تولد الانفجار وخير مثال على اشقاءنا في الدولة المجاورة مااستفادوا شي من المنع مانبي نصير مسخرة وبعدين بناتنا وعيالنا يروحون دول ثانية ويسوون منكر

الدين معاملة

قال تعالى(ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ)

احلى شي في الدنيا الحريه وكل واحد حر الي يبي الصلاه ماتفوته

مناصر زائر 4

انا معاك يا زائر 4 مب شرط يطبقون كل القرارات والصلاحيات مثل السعودية ولو بشكل القليل في البحرين
اما زائر 6 .. إذا كنت تعتبر النهي عن المكنب من الاعمال الهيلقية على قولتك، فأقول حسبنا الله ونعم الوكيل
و زائر 9 و10.. فأنت ترى النقطة السوداء في الصفحة البيضاء لا ترى سوى السلبيات.
وزائر 11 ... إذا القرن 21 يتطلب منه التعري والمسخرات وتقولون هذي حرية شخصية فيقول الله نعالى ( وَلا تَبَرَّجْنَ تَبَرُّجَ الْجَاهِلِيَّةِ الأُولَى)
فلا بركة فيه من عصر

it was halloween!

guess it was a costume for halloween!
they chose perfectly!
especially after M.I.A wore niqab and abaya for halloween!
hilarious!

من رفاعي حر إلى رقم 4

كلامك صح و هذولي اللي يعلقون ضد تعليقك اسمهم..."هيئة الأمر بالمنكر و النهي عن المعروف"
___________________________
فلا تبالي بما يتادي به السفهاء

عبدالله ضي

نحن نريد هيئة أمر بالمعروف ونهي عن منكر في البحرين ، يكون امرها بالمعروف لينا ولا يحابي او يفرق بين احد وآخر ..
يعني مثال للتقريب : بكرة ابنتي تخرج بثياب غير لائقة مثلاً ستأتيها العصا على ظهرها ، ولكن ابنة العائلة الفلانية ، أو ابنة الوزير الفلاني ستمر على رجال الهيئة بالثياب التي تحلو لها مرور الكرام ، يعني الامر بالمعروف على الذي ليس عنده واسطة او من عائلة مرموقة ، وليس كأنه أمر معروف لا يفرق بين غني وفقير وبين وزير وفراش

رأي خاص

فكرة إن تكون هناك هيئة كفكرة هي جميلة .!
ولكن نجي للواقع نشوف تطبيقها ماهو بالطريقة الصحيحة ..!
وسلبياتها أكبر من إيجابياتها .. لأن التمرد صاير يزيد عناداً ليهم ..!
نتمنى نشوف قوانين تناسب الواقع .. يعني بتعامل طيب .. وأسلوب .. رضى الطرف المقابل كان بها .. مارضى بعد مانقدر نجبره ع شيء مو مقتنع فيه .. ولكن بشرط إنه يدفع ضريبة مخالفة القانون ..
نتمنى جذي .. !

الزائر رقم 4 و10

الظاهر انتم من مناصرين طالبان احنا في القرن 21 والناس لها افكارها وفي مملكة مفتوحة بعض الحريات

...

اي هذا الي ناقص اتصير عندنا هيئة في البحرين ...

معاك زائر 4

بالفعل الوضع في المجمعات صار لا يطاق
نروح للضروره فقط . كرهنا زيارة المجمعات بسبب التفسخ الأخلاقي اللي فيها المفروض وضع قيود وخطوط حمر

زائر4

اذا ماتبي امك أو اختك او زوجتك يشتغلون أو يسوقون سيارة خله يسوون هيئه في البحرين.

كيف لا وقد ...

ما دام ان هناك من السفهاء من يسخر ويستهزأ بالرسول صلى الله عليه وسلم ... فكيف بمن هو دونه .. فلا غرابه في الامر ... والله المستعان

"جمري"

هل كان النبي (ص) يمشي في الأسواق وفي يده عصا يضرب بها الناس وهو ينادي الصلاة ؟ حاشاه بأبي هو وأمي وهو من قال فيه الحق سبحانه وتعالى {فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظًّا غَلِيظَ الْقَلْبِ لانْفَضُّوا مِنْ حَوْلِكَ} إلى آخر الآ ية الشريفة .. .........

الى زائر 4 .. رد العم

اقوول استريييح احسن قاصرين احنا يعني ززز الي تبي تزيد هم الهيالق بعد والله

في البحرين في الترلللللييي

في البحرين قال

وجهة نظر لا غير

مثل ما الهيئة لها عيوب فهي لها أيجابيات واااااااايد
فالايجابيات اكثر من العيوب
فرد المنكر واااااااجب
احنا ما نقول ان لهم بعض التصرفات الخاطئة في المعاملة ولكن احسن من ولا شي
شوفوا المسخرة عندنه في البحرين من لبس فاضح في المجمعات وغيرها
انا رايي ان تكون هاك هيئة في البحرين لرد الفساد

حيلوه

الشباب رايحين حفلة تنكرية يعني.. راحت عليهم احين مابخلون شي الا وبقولونه عنهم كفار ومرتدين والخ

هههه

آقول ... راحت على عليهم عدل ... ههههه

اقول راحت على هالمنتجع

من غير شي هالهيئة مو مخلين احد في حاله
الحين بيعسكرون ليهم