على رغم الخسائر الأربع التي تعرض لها منتخبنا الوطني في الدور التمهيدي وبفارق 11 هدفا أمام إسبانيا (33/22) وبفارق 20 هدفا أمام ألمانيا (38/18) وبفارق 24 هدفا أمام فرنسا (41/17) وبفارق 7 أهداف أمام تونس (28/21)، إلا أن حراسة منتخبنا الوطني جاءت في صدارة الترتيب العام لكفاءة الحراسة على مستوى الـ 24 منتخبا بالتساوي في النسبة مع حراسة المنتخبين الأسترالي والمصري.
وحققت حراسة المنتخب الوطني الممثلة بمحمد عبدالحسين كحارس أساسي والمخضرم محمد أحمد كحارس بديل نسبة 45 في المائة، وهي النسبة الأعلى، في إشارة إلى أنها الأكثر اختبارا في البطولة من بقية الحراسة في المنتخبات الأخرى، بتصديها لـ 87 تصويبة من أصل 192 تصويبة صوبت باتجاه المرمى، في حين أن الحراسة المصرية تصدت لـ 95 تصويبة من أصل 210 تصويبة على المرمى.
وحققت الحراسة الأسترالية النسبة ذاتها، بتصديها لـ 63 تصويبة من أصل 140 تصويبة باتجاه المرمى، وجاءت الحراسة الجزائرية في المركز الرابع بنسبة 44 في المئة، ومن ثم التونسية والتشيكية في المركزين الخامس والسادسة بنسبة 40 في المئة.
العدد 3060 - الجمعة 21 يناير 2011م الموافق 16 صفر 1432هـ
00
محمد احمد تاريخ من الانجازات ومحد قدر يوصل لمستواه لحد الحين
ومشاركته اقل تقدير له
محمد احمد عميد حراس اسيا والنعم
الى الزائر رقم 10
بس هذا انته حاط على الباربارية وعلى الحارس
الباربارية تاج على راسك
ومحمد احمد تبعك خذوه على حساب تيسير محسن اللي احسن منه
اكرر الحارس تعبان
الحارس تعبان غيروه يا ناس
رقم9
اقول الحارس انه معجب به وجميل وهو اقو واحد لو ماهو شان البحرين كلش خراب
الى رقم 7
تدري ليش تعرف قافلة الاغبياء
لانك واحد منهم
لو ما كنت منهم لكنت عرفت الارقام والاحصائية الموجودة فوق
لكن وش اقول ارد اقول لك
دع القافلة تسير و ...... تنبح
الى رقم 6
انا اقول قافلتي الحمدلله اعرفها لكن قافلة الاغبياء انت ادرى فيها لان عقليتك عقلية تخلف واتحطاط
الى الزائر رقم 4
اقول بابا ها الفريق اللي في الدرجة الثانية اقوى بكثير من فرقك اللي اهني واللي في الخليج بمراحل كثيرة
واذا تقول ان الحارس يربش عساه دوم يربش دام انه يصد في المباراة اكثر من 20 صده
الا حارسك اللي تمدحة ما وصل لها النسبة التصدي لا مع فريقة ولا مع المنتخب
وما اقول الا دع القافلة تسير و ...... تنبح
الى زائر 4
اقول روح اتغدى افضل لك شنو التناقض الا في كلامك تبغي البحرين تفوز وتبغي الحارس يطور مدام هذا كلامك انتة ماتبغ فوز للبحرين ولا تطور حق الحارس واقول محمد احمد بي باي خلاص
الى 3
معاك اخوي في كلامك واللي قلت له، بس تعرف من يبي الحارس؟؟ فريق درجة ثانية في المانيا، ثانيا انت شفت محمد احمد لين يلعبونه شيسوي، والله يبدع في الحراسة والصدات، انا ما ابي منك شي بس ابيك تشوف الحارس في مباراة اليوم وشوفه شنون يربش ويخرونه شلون، انا ما عندي عداوة مع الحارس ولا شي بس انا ابي البحرين تفوز بعد، موب عيب يعني اذا انتقدنا نقد رياضي، انا ما سبيت الشخص ولا شي بالعكس اهو يشكر انه يمثل البحرين ويلعب مع اليد بس يبيله بعد اهو لين ما يطور شوي بعد...
الله يوفق الجميع
الاهلي
حبيبي لو الحارس مشخال ماعتقد اندية اوربية تبي تضمه مدري وشفيك عليه الكل يمدح فيه واذا تبي محمد احمد يلعب قوله اذا فيه شده ينط 60 cm واذا تقول ان الخبرة تلعب دورهة انا اقولك موشرط لان في كرة اليد الخبرة تطلع اخر الدقايق اشلون تحافظ على الفوز بس كرة اليد كل فترة تطور مثل ما الجزائر اكتشفت الدفاع المتقدم وكوريا اكتشفوا الكورة الي تغير اتجاهة الي ابي اقوله ان محمد احمد عقلية قديمة والي اجوفه ان محمد عبد الحسين الكل يبي يضمه وبتجوف اول ناس بضمونه الاهلي حق الخليجية
الى رقم 1
اي شهادة اي خرابيط، هذي احصائيات مالها معني الجريدة تبي ترقع حق الحارس، اخس شي منتخب استراليا ب -103 قول عقبه منتخبنا ب -61 قول.
يعني منتخبنا ثاني اخس حراسة على مستوى الارقام في البطولة، افهم يا عاقل.
الله يستر اليوم وما يسبحونه البرازيل.
رد للي
هذا شهادة للي يقول بان الحارس مشخال
يالله رد الحين وتكلم