شارك عضو منتديات محرقاوي دوت كوم (العفريت 1988) في منتداه بهذا الموضوع:

- العفريت 1988: اليوم آنه حاطلكم هذي الموضوع لأن هذي المشكلة بتصيدني وبتصيد غيري.

المشكلة اهيه أن الحين صاروا ما يعطون الليسن إلا في الشهر إلي أنولدت فيه

يعني إذا شهر 9 تأخذه في 9 وإذا 10 تأخذه في 10.

بعض الناس يقولون زين هلون

بس آنه أقول مب زين ووايد من ربعي بعد لأن آنه شهر 10 ومسجل في الجامعة، والجامعة تبطل شهر 9 وما بيعطوني الليسن إلا شهر 10. يعني أتم شهر كامل أروح الجامعة بنقل عام ولا ويك؟

مادري الصراحة إنتو شنو رايكم ، وإذا عندكم حل قولولي

- بنت الذوادي: تسلم ياخوي على طرحك للمــوضوع...

قبل كل شيء .. عورت قلبي ترى معلي يحلها ألف حلال

بس تدري اهمه يعطــون الليسن في نفس الشهــر من بلوغــك عمــر 18 سنــة

ومو ملحقيــن على البلاوي إلي تصيــر...

وإذا تبي الصــج... لو يزيدون في العمــر أحســن، لكن ما ايــد

لانه يوم كنت بأخذ الليسن قالوا لي يمكن يزيدون العمــر جااااان استخف

بس اشووه خذته واهمه للحين يقولون...

بس الصــراحه لو يزيــدون احســن وااايد تهــور في هالســن...

اسألني عن حوادث الجــامعه والله انهــا مميــتة بعيد الشر عنكم...

أنا اقولك هالشيء بتجــربه شخصيــة...

لانه صج مـرة بغيت ارووح فيهــا وكان الحادث في الجـامعة بــعد...

يلا معلي ياخووي مــرة عليك مــرة على ربعــك التوصيــلة

وان شاء الله مالوعت جبدك وانا اهذر

- بوعيسى 123: اخوي هالقرار صار له فترة طويلة يمكن سنتين

- الشاكي: انا اقول انة لازم يعطون ويخلون مراعاة حق الي يروحون الجامعة

ويأخذون في الاعتبار الناس الي مثل حالتك انت

فيراعونهم ويعطونهم الليسن...

لانة ذي راح يكون شبه حق من حقوقهم

والله يعطيك على قد نيتك في الليسن ياخوي

تقبل تحية أخوك

شاكيووو

- العفريت 1988: مشكورين على ردودكم (شكلي كسرت خاطركم)

بس عن الي قال إن القرار صارله سنتين...

أهوه صج صارله وايد بس قبل إذا وديت لهم أوراق التسجيل في الجامعة يعطونك الليسن بس الحين يقولون لك ما يصير

- محرقاوية:بوووووه اخوي...

والله احس فيك...

لأن انا نفس حالتك... بس أنا اخس يعني انا متخرجة من العام وليحين ماخذت الليسن بس قاعدة اتدرب توني لاني من مواليد 88

وما نفع معاهم ولا شيء... المشكلة ان يقولون لك القانون قانون...

وأنا من رايي ان لو بيعطون الرخصة حق اللي صار عمرهم .,,18

فلازم يسمحون حق كل متخرج بالليسن... ما عليهم اهوه مواليد جم او شهر جم

الواحد يتأذى الصراحة وخصوصاً اذا كان جامعي

بس يالله اصبر اخوي ما بقى شي الا جم شهر...

ما دام انا صبرت سنة كاملة

وهاي الموضوع مهما تحجينا فيه بعد ما منهم فايدة...

على العموم الله يوفقك ان شاءالله .. وتاخذ الليسن وترتاح

- نور المحرق: لا موشي هلوون

- دمي حمر: كلـــــــــــــــــش موشي

أنا أحيـــن سامعه بعد عن ذي القرار اللي ما يصير تأخذ الليسن الا اذا صار عمرك 21 عاد ما يندره صاجين في اللي يقولونه وله اشاعه!

بس عاد إنشاء الله ما يطبقونه

والله يعطيك على قد نياتك وتنحل مشكلتك إنشاء الله

- العفريت 1988: بعددددددددددد

إن سووه واحد وعشرين مابتجوفون إلا مكتوب في الصحيفة العفريت 1988 داش مؤبد في بوزعبل

«عاد ليش مؤبد الله أعلم»

جاملني

نقل عضو منتديات العين العودة (علي) إلى منتداه هذا الموضوع:

جاملني تكن صديقي!

صارحني وكن ألد أعدائي!

أيصل تناقض العالم إلى هذا الحد؟

عقول نحملها في رؤوسنا... يبدو أنها فارغة

وإن لم تكن فارغة فستكون حتما تحمل في داخلها هواء فقط.

هل من المعقـول أن يكون المجامل أعز الأصدقاء وأوفاهم

والصريح الذي ينتقد ويسعى لتصحيح أخطائك يعتبر عدوك

مواجهــــة

اعقد مواجهة بينك وبين نفسك... حاول الوصول إلى نتيجة مرضية

ترضيك أنت... وترضي من حولك... وقبل ذلك كله

ترضي ذلك الضمير الذي بداخلك...

لا تكن مجاملا حتى وان كنت وحيدا وبلا أصدقاء

فالإفـراط في المجاملة يتحول الى نفاق غير مرئي

وسرعان ما يتطور الأمر

وتتحول مجاملتك إلى شبح من الأكاذيب!

إذا تخلصت أنت مما يسمى بالمجاملة فاعلم أن من حولك سيحذون حذوك... ولاتكن مصرا على استخدام شبح المجاملة

لأن الاصـرار على الخطأ يعتبر خطيئة

الصراحة ليسـت سكينا حـادة تجرح المشاعر

بل هي فن... يصعب على الجميع استيعابه

فالصريــح معك، دائماً مريح

من منظور آخر

هل من المعقـــول أن يكون عدوك غبيا حتى يخبرك

بمواطن ضعفك وينبهك بأخطائك؟!

العدو الحقيقـي فائق الذكاء... فهو من يسعى الى تزيين

شخصيتك وإيهامك بأنك شخص كامل حتى... تقتنع بما يقول

وتتوقف عن السعي نحو تطوير ذاتك

معادلة ذكية يستخدمها العدو ليقلب الموازين لصالحه

من دون أن تشعر أنت!

بات الاعداء أذكياء جداً... ينهشون لحمك وأنـت تقف من دون حراك!

يذمونك ويقضون عليك وانت تبتسم... وتصفق لهم!

سياسة... جاملني وكن صديقي

صارحني وكن ألد اعدائي

توسع نطاقها... ولم يعد الفرد فقط من يستخدمها

بل المجتمعات أيضـاً باتت تسير على هــــذه السياسـة

والحاذق لا تخفى عليه أمور كهذه