أحبك

جف حبر اليراع ونش بحر الحنين

كان ما ترحم لدمعٍ بعيني يفوح

خاف ربك بعينك منظر الدمع شَين

خالد محمد العتيبي

البحر

قلت: البحر خيره كثير، ولا على حدّاقتي

يلقون ما يلقون من نقص السنين وزُودها

باقه، مثل بالضبط ما عندي بقى من باقتي

تهدى لمن، مني لمن بِيض الوجَيه وسودها

سليمان الرشيدي

عاهدت

أنا اللي عاهدت يمنى المحبه والوفا... يمناه

متى نوفي... واصافح ناس من طبعي ومن لوني؟

وانا اللي ترسم اقلام الاوادم ضحكته وبْكاه

عسى تغريهم شْفاهي... ولا يدرون بعيوني

علي الضوي

حكيم

ولو راد ثبّتها بحزمه... ولكن عف

حكيمٍ يداري عز ناسٍ يودّونه

رجالٍ على دين الفلاحي جمعهم حلف

بالارواح قبل الحال والمال يفدونه

محمد المر بالعبد

جاهل

جاهلٍ يستمري العقل، واعقلْه اجهله

لاجل يرضيهم كبر، وهْو طفلٍ بالخفا

جا يدوّر شي تحت الرماد ويشعله

وانتشى من ضحكةٍ عابره فيها احتفا

مشعل الفوازي

زرعتك

بربك هالغطا رغبة حيا دمسه

أو الداعي كذب وجهي بمر موسه

زرعتك حب بيديني ونبت خمسه

أصابع كل ابوها فيك مغروسه

ماجد عبدالرحمن