(أ) جهز العتيبي، وحوارية متورطة في العميق من الحكمة... وأسئلة يعي تمام الوعي قيمتها الفارقة والمتمايزة عن الأسئلة... ذلك أن الأسئلة حراك دائم في مساحات التقصي، فيما الأسئلة تقف وتنتهي حين تطل الإجابات برأسها.

المدى يا ذيب »شاه«... الله يحللها عليك

سرها يا الذيب الأمعط والكرم طبع وسمايه

يشتري خوتك رجال شجاع ويصطفيك

للدلال الصفر طيب ما بحث قاصي خفايه

كل ماضيك المشرّف صار قدمك يحتريك

لا يهمك يا السنافي كلها كذب ودعاية

لو خذلك الوقت الأقشر كل لحيه تفتديك

عارض مر وتعدى وش عليك من الوشايه

انت من يقطع دروب الخوف والليل يعديك

كنك اللي ينهب الفرجه ويرميها ورايه

إن لقيت لموحش الطرقه رفيق ينتخيك

تعتزي به وانت رجال وما تبغي وصايه

الوفا طبعك وطبعك لو تمله يبتليك

جعل ربي يبتلي بطبوعك انصاف أصدقايه

ما تخونك بندق اللي مات عمره ما نسيك

ما تهون العشره إلا عند ابن ليلة غوايه

وش يعزي راعي الشرفا بعد موت الشريك

كود موت ذاق منه المر جلاب النهاية

صاحبي خذلك من الاوجاع قرطوع ودريك

في زمان ينفخ الكذاب في زيف الكفاية

لعن أبوصبح تصبح بالجهل وصياح ديك

فتحت فيه الطيور اللي تقرط في قفاية

يمتلي صبح الجرايد بالمهجن والركيك

وكل شينه ترمي الشينه على كبد المرايه!

لعن أبوها هي تهندم تشتهينا أو تبيك

تلتفت يمي ومره تلفت صوب أخويايه

آه يا الكره المخبا بعين ذيك البنت ذيك

شوهت في خاطري حلم القصايد والقرايه

صاحبي... أما تجي للسارحة ولا تجيك

ما درت يا صاحبي عن طيب معدنك ومدايه

والمدى يا ذيب شاه الله يحللها عليك

الكرم يا الذيب الأمعط... طبع تقدير وسمايه

(ب) في دولة قطر الشقيقة ثمة معالم لا يمكن للزائر والمقيم أن يسلخها ويفصلها عن ذاكرته وضرورة حضورها، من بينها جهز العتيبي