مجهوله

اهم شي طلع لكم بيت قولوا الحمد الله والشكر اهم شي بيت مو شقه حتى لو ضيقه او صغيره بس اهم شي تمشي حياتكم وعليكم بالف عافيه ...

لا حول ولا قوة الا بالله

ابوي من زمان مقدم واللحين توفى وقريب احنا بنلحقه وهالبيت ما حصلناه

مسخرة والله

بالنسبة حق اللي تعليقاتهم " المتجنس والمتجنس " أقول مجنس عربي ولا مجنس فارسي مو انتوا تقولون لا للتمييز ..!! ولا بس حجي ....

بيوت الإسكان لدفعه القادمة 1994

إحنا 94 يوم راح جدي يراجع لينا قالو مو مدروج الاسم ف القائمة وبت خالي و ولد خالي راجعو ونفس الوقت واليوم اللي راجعوا فئة خبروهم وين بيعطونهم واحنا مادري شصاير علينا ،

الله يعينكم

احنا 5 سنوات مو متحمليين مو بعد 24 الله يساعدكم خوك

انتظااار ..

24 سنه ننتظر ولكن ما من مجييب .. نذهب لوزاره الاشغال لتقول الاخرون منتظرين اكثر .. اهذه وزااره حكوميه ؟!!

أم زينب

الحين الواحد إذا قدم بيت أسكان ما يقدم إليه هو شخصيا يقدم الى أولاده

الغاء طلب الارض بناء من طلب وزارة الاسكان ومن ثم الخير طلبي عدة سنوات لخرئ

حسبنا الله ونعم الوكيل,,حسبنا الله ونعم الوكيل

المنامه

الشاطر شاطر بالفعل مو بس الكلام

كذب المنجين ولو صدقوا

ما اصدق هذا الكلام لاني ا 20 سنة من الانتظار اللهم طولك يا روح

وزارة بلا ضمير

والشماليه. لمن يعني للمجنسين ؟؟ طلبنا من 93 اولادنا تزوجوا والباقي ما عندهم مكان متشتتين ياوزارة فاشله. الله ينتقم منكم

لمن يتكلم عن الاجانب العرب تاج على راسك لان الوطن العربي واحد من المحيط الى الخليج واكيد ابناء العرب الاصل ما يتكلم على ابن العرب ولكن المتعربين ......... الذي لا يعرف لهم اصل ولا فصل هم الذي يتشدقون عن العرب لان عندهم عقدة نقص وبينما من تسمونهم اجانب يحمون البلد ويسهرون عليها تلقاك في ................ وعند حزت حزايزها تنخش مثل الفار نحن لا نريد نجرح حد ولنكن زودوها ........ .اما ابناء العرب الاقحاح من العائلات المعروفه فلهم كل الشكر والتقدير .

تعبنا من الجذذب .!!

اني مرة طلبي 95 واعيش في بيت اسكان مكون من 4 عوائل وتعبنا واحنا ننتضر والبيت في حالة سيئة وكل عائلة تحتوي على 6 او اكثر .. يا وزير الاسكان تعال شم الريحة الظهاري كل بيت ريحة غذاا ..

بحرين بلاد العجائب

ياوزير الاسكان الحين نمشي بالاقدميه والله على حسب المنطقه مب عارفين حتى التصريحات فيها كذب البيوت حق السكان الاصلين او ........... لاتفهموني غلط هههههههههه

ليش زعلانين

ليش زعلانين ياجماعة الخير،طلبي قسيمه من 1987 وللحين انتظر مافيه شيئ، الله كريم

انشروا الاسماء وتاريخ الطلب لتكون هناك شفافية

انشروا الاسماء لنرى لمن ستذهب هذه البيوت

flat

what about flats of salmabad????of witch year will get flats in salmabad???

الاسكان

هدا ويش نتزوج ونقدم طلب حق الاسكان ونفرخ وجيب اولاد وهل البيت ما بنحصلنة والله مشكله في الحياة ,دوله صغيره وشعب قليل موقادرين يوفرون بيوت الي المواطن البحريني ,الحين مشروع توبلي ماصار ما يندره الي من هدالين البيوت والله كريم .

لاسكان

سال يعني طلبات عام 2001 بكوان اي سنه بضبط يا باسم الحمر ؟

المشتكى لله

تزووجنا وابوونا لحين ماطلع له بيت عايشين ف بيت جدنا .. واالشكووى لله لاغيررر

والتي تعود إلى الأعوام 1993 - 1994 -

ما شاء الله
الإنتظار 20 الى 25 سنة
و تسديد قيمة البيت 25 سنة
يعني إذا تقدم على بيت و عمرك 25 لازم تضيف عليها فترة الإنتظار 25 سنة صار عمرك 50 و ما عندك بيت!!! و إذا حصلت البيت ضيف عليه 25 سنة أو 30 سنة مدة تسديد قيمة البيت يعني توصل 75 الى 80 سنة و إنت ما ملكت بيت أيها المواطن البحريني.
يعني في أحسن الحالات لازم تعيش 75 سنة أو 80 سنة عشان تتسمى ملكت البيت!!!!

مجرد سؤال

طلبي من سنة 1988 م هل في أمل أحصل شيء أو بس راحت عليي ؟

متى دورنه في الاسكان؟؟

اه من ولدوني لليوم هاذي التاريخ ماتغير متى بيوصل الى تاريخ 98 ان شاء الله لين توفى وزير الاسكان بنحصل يعني

لن شاء الله تنحل الأزمة

اتمنى ان نحصل على هالبيت اللي انتظرناه سنين واحنا ننتقل من شقه لشقه والإجارات طالعة فوق والمعاش ما عاش وشكله زوجي بيطلع تقاعد قبل ما نحصل البيت دخنا واحنا ننتظر الدور والمناطقيه واجد ظلمنا والعمل بالأقدام مثل أول أحسن

خيرنا لغيرنا

مرة متبرعين حق مالي ومرة الصومال ومرة موزعين خيول ومرة موزعين جنسيات يلا ويش انسوي دولة يالله تنشاف من الخريطة ومشاكلها وبلاويها موصلة القمر

صح النوم

أصلاً المفروض من البداية يتخذ الأقدمية كمعيار للتوزيع بلا أمتداد قرى بلا خرابيط من كبارة البحرين يعني

74

92 لم يذكروا ليش يعني بعد مالينا والله حاله يسونها؟؟؟

كلام جرايد

طلبي سنة 1995 . متى راح احصل على وحدة سكنية !!!
هل سيتم ادراج الاسماء ورقم طلباتهم في الجرائد حسب الاقدمية؟
من هم اصحاب الاقدمية ؟!!

يامعين

الله ايعينكم

لاتعليق

لا خوك ماأعتقد بيحطون الأسامي في الجرايد إن اللبيب بالإشارة يفهم

ازمه ورى ازمه

بسأل وزير الأسكان ، كم عدد المجنسين الجدد اللي بس من خمس سنوات وكم نصيبهم في لبيوت ، وبسأل وزير العمل نفس السؤال رغم الجواب لايخصه حيث عملهم معروف في الوزارتيين ، وبعدين بسأل الناس وبقول ليهم مشوا بوزكم ، الغريب اولى ، وطقوا راسكم في الطوفه.

تمويه

ألحين كل هاالمشاريع اللي حاطينها في لستتكم بس بتغطي هالطلبات والله عجب، والمدينة الشمالية ياتره بتوزعونها على مين ماجبتون طاريها!!!!!!! ياوزارة الإسكان قولوا شي يدش المخ مو تسون تمويه للناس بحجة الأقدمية

تمويه

ألحين كل هالمشاريع اللي حاطينهم في لستتكم بس بتغطي طلبات 93،94،95 والله زمن العجايب، والمدينة الشماليه بتوزعونها على مين؟!!!!!!!!!! قولوا شي يدش المخ ياوزارة الإسكان تره الناس فاهمه ألاعيبكم

غريبة والله!!

في بعض الردود من لاعقي الاحذية هدفها بس التعليق على تعليق (المواطن)!!!...اللي اختشوا ماتوا

اي

صدقت ياخوي

قلعاوي

متى سوف يتم توزيع الوحدات لمشروع قرية القلعة مللنا الانتظار!

والشماليه

وليش الشماليه مايبتون طاريها

بارباري

ويش صار عن المدينة الشمالية يا وزير في الوزارة يقولون أن طلباتنا تكون من ضمن المدينة الشمالية بس ماكو خبر عنها لايكون توزعة على أشخاص بعدهم ما وصلو البحرين

احلم

يالفقير لك الله في بلدك لا تجد بيت يئوويك

امس القرار واليوم يطبق

بغض النظر عن موضوع القرار انما صدر القرار من رئيس الوزراء بالامس واليوم يطبق
وين مجلس النواب ورأي الشعب في الموضوع
البلاد تدار من ......

مافي ثلاث

مافي ثلاث غرف وثلاث حمامات ومطبخ ارضي للضرورة والله العظيم هلكتونا يااسكان

وزارة الاسكان سوف تدخل موسوعة قينس للارقام القياسيه بالكذب والمماطله

احترنا وياكم اذا رحتو للقرى وسالناكم ليش هذا 2004 تعطونه وانا 96 ما تعطوني قلتو امتداد القرى واذا جيتو لهورة سند المفروض للقرى الاربع قلتو لنا حسب الاقدميه وتروح هورة سند كله مجنسين اذا 93 توكم بتعطونهم أجل من اخذو قبل هالسنوات؟

Be Patients

Be patients friends we are in a roll and we don't know when we will left i am 42 years old an I married too late and i want House for my small family

مدينه عيسى المظلومه

طلبات مجينه عيسى من سنه 92 يعني احنا اللي طلبنا سنه 2000 متى نحصل بيت ظلمنا باسم المنطقيه وان مدينه عيسى بدون امتداد وسنظلم الان باسم الاقدميه نحن 6 عوائل في منزل واحد 24 شخص على الاقل قولو لنا عندكم بيوت لنا

عدل يالاسكان الدليل اسكان الحد !!

اسكان الحد وزعتوه على طلبات 2007 و 2006 ... أي اقدمية اللي تتحجون عنها يالاسكان ؟! و حق من توزعت بيوت اسكان الحد اكيد جميعها حق فئة واحدة !
هالتصرفات و الظلم و بعدين تقولون ليش الناس تعارض الحكومة !

الله يلعن الحاجة

المشكلة هالراتب مايكفي الا للارض يعني لين شريت ارض ماقدرت تبنيها وان بنيت الهوا ماعندك ارض

بوشيخة

نعم للامتداد القري الحين جاين تقولوا اقدمية لا والف لا حطيت املي في مشروع امتداد القرى اكثر من 13سنة انطر والحين تقولوا الاقدمية هذا ظلم

سلمان دائي

عطوني بيت في الرفاع
وأنا على أتم الإستعداد للتعهد بأن لا يصبح منزلي يوماً ما مأتم

تحطيم الرقم القياسي

للي سجل تعليق وذكر مدة انتظاره
انا حطمت الرقم القياسي بالانتظار 22 سنة وعمري الان 52سنة وبعض من العيال تزوجوا فعلا وقدموا طلب للوزارة
خوفي يحصلون على بيت قبلي
المشتكى لله

تحطيم الرقم القياسي حطموا قبلك القاري ابو 33 سنه

اذا انا ابو طلب 2001ونفسيتي متحطمة ومندمرة من المسؤوليات والالتزامات والاجار للبيت اللي كاص ظهري اشلون انتوا يااصحاب الطلبات القديمة جدا ما انقول الا الله المستعان ويوفقنه ويوفقكم

الله المعين

السكوى لغير الله مذلة ....الصبر زين

يا فرحه ماتمت

ادا انه من 2008 ووللحين ما عطونا حتى ما بدل سكن ..هالميه الي وايد عليهم .. يعني تتوقعون متى بيعطونا ................. الظاهر ادا اتحررت القدس يمكن يفكرون يعطونا .زز ادا الله احيانا ....
لا بيوت لا معاشات عدله لا زحرمان ..... ولا مكان عدل هدوووويش نهج من هالديره مثلا

هههههه

توه الناس ياخوك حط عليها عشر سنين وبعدين قول انتظر ....حسبنا الله وكفى

مدينة الشمالية

مدينة الشمالية لم تذكر ليش والبيوت قيد الانشاء الان وطلبي عام 10/01/1993 ويش هذا الظلم المتقع لدى وزارة الاسكان لاحد الان لانعلم إذا اسمي مدرج على قائمة التوزيع بعد ايام ولا لا...

الحمدالله ربي العالمين طفنه به

في خلال 5 سنوات حصلت على بيت في مدينة حمد
لان زمانه ماكان في تجنيس ولاطائفيه حتى جيرانه
من السنة ومستأنسين وياهم عجيب اما الان اختربت البحرين

قارىْء

لاحظت عدد كبير من القراء شكلهم نفسياتهم متحطمة
الله يساعدكم

خلاص

وين من بحصل بيت هاداك اول الحين التجنيس هلكنه هلاك
بل عدد سكانه 2 مليون ومساحتها ماادرى ايكولون 700 مادرى ويش

هههههه

اهم شيئ ايكولون

يا وزارة الاسكان

بالنسبة الى اسكان جدحفص متى سيتم تسليم المفاتيح حتى يتسنا لنا العمل فيه من تعديلات ومن ثم السكن به .... ويا ريت يتم تسليمنا قبل الشهر الفضيل حتى يمكننا نقل ابنائنا الى المدارس الاخرى

آخر قراري

أواصل السكن في الشقق، وأخلى البيت إلي ما يندرى بيطلع لينا لو لا لبنتي، لا تنتظر مثل ما إنتظرت وأكثر( المشتكى إلى الله)

نعم للاقدمية

نعم للاقدمية ولا امتداد قرى ولا شي
هناك قرى لم ولن تفكر الاسكان في بناء ببيوت اسكان معناتها يمتون واصحاب 2004 و2005 يعطونهم؟؟؟!! هذا ظلم واجحاف في حق القدامه

فاضل 14-1-1995

المشاريع التي ستوزع جانبها او اغلبها تمييز اناا أطالب بوزير منتخب افضل كي لا يجعل التوزيع وكأنه مباراة 6 مقابل 2 بينما الكل يعلم ان بعض المناطق التي ذكرت وصل توزيع مشاريعهم الى 2004 المهم هذا تاريخ طلبي فاضل 14-1-1995

مشروع توبلي معطل ومجمد !!!

لم يتم البدء في حتى في الأساس ... فمتى سينتهي العمل ومتى ستوزع الوحدات السكنيه؟.

المشتكا للة

حسبيى الله ونعم الوكيل وكفى

صديقي انتظر 22 سنه

صديقي انتظر 22 سنه وصار عمره 46 ولين هاالوقت ما دنده ببت

شكرا ياوزرة الاسكان

لانريد مدينة حمد نطلب المدينة الشمالية وكفاية شلخ يوزرة الاسكان

يافرج الله 33 سنه هل يعقل

طلبنا من سنه 1980 عرسنا وابوي لحين ماعطونا كل يقولوون امتداد القرى وش هالحاله ينتظرون ازوج بنتي عشان يعطون جدها بيت حرام 33 سنه

مادامت فعل ناسخ

مادام يقولون بالأقدمية إحسب فيها خربطة وخربوطة توزيع الإسكان مثل قول المثل يوم على جمل ويوم على بغل ميزان عدل مافيه

sunnybahrain

السلام عليكم ،، ما شاء الله طلبات 93 يعني اللي محصل بيت اللحين ،،وبعد انتظار 20 سنه ،، من المحتمل صاحب الطلب عنده احفاد الان واصبحت معظم العوائل كبيره ،،لذلك نرجوا من وزير الاسكان اعطاء اصحاب الطلبات القديمه جدا {بيتين } يا ساتر

دمت بخير يا وطني

صح لسانك هذا حالنا لازم يعطون اللي اولادهم في سن الزواج بيتين اكراما وتقديرا للمواطن الصابر

الحمد لله

فرجت وبيصير عندنا بيت وعقبال للباقي طلبنا 93

عيب عليكم يا وزارة لهرار

عشرين سنة انتظار!
والله تفشلون
يعني انتون ما تفكرن ان بعد عشرين سنة بيصير عدنا أولاد كبار ويبن يتزوجون
وين نوديهم ؟
هالقرقور اللي بتعطونه إياه ما يجزي إلا كم سمكة بس!
أسفي عليك يا بلدي ... الأراضي مبيوقة والخيرات مسروقة والمواطن دايخ!

تستاهلون

وايد عليك هالقرقور

حقد مدفون

حسبي الله ونعم الوكيل ع كل ظالم

روحوا قصوا على غيرنا ... بسكم چذب بسكم عاد

ذبحتونه واحنه ننتظر الى متى!
صرنا أجداد ... والله ما يسوى علينا هالقرقور أو هالقفص اللي بتعطونا إياه ومن بيزاتنه بعد وبعد بتسمونه مكرمه!
روحوا شوفوا دول الخليج اللي سبقتكم بملايين السنيين الضوئية في الإهتمام بمواطنيها.
الله لا يسامح كل ظالم ولكم يوم ان شاء الله قريب

وزارة الكذب مو الاسكان

انه طلبي قسيمه من 1997 مو بيت لحين ما عطني هل قسيمه من 6 سنوات نزلو اسمي في الجرئد بس لحين ماجفت شي
اقول بدلو الاسم من وزارة الاسكان الى وزارة الكذب

طلبي سنة 2003

طلبي سنة 2003
اذا اصحاب طلب (93-94- 95) توهم افكرون اسوون لهم بيوت سكنيه وعليهم ينتظرون بعد سنتين لي ما ينتهون منهم ووزعونهم
الجماعه اخذ ليهم مساكين 71 سنه الى 20 سنه
يعني بالعربي لازم ننتظر الى سنة 2023 اي ما بعد كأس العالم في قطر2022
يالله....يالله.. ايصوتون علينه ترى اسمكم طلع في هذي الدفعه ...نطروا بعد اشوي لين ما انسلمكم المفاتيح ((( صبري يا حريقة سار لين ما ايجيش ماي لحنينيه)))
الله كريم.....بلد المصايب والعجايب....الشكوى لغير الله مذله

ظلمونا الاهالي قبل الوزارة

حرام يا جماعة ... ظلمنا مشروع أمتداد القرى .. ظلمونا الاهالي قبل وزارة الاسكان فكل من طالب بمشروع أمتداد القرى أشترك في ظلمنا فكيف يحصل شخص على منزل خلال أقل من عشر سنوات ويحرم شخص من منطقة أخرى من الاسكان لمدة أكثر من ثمانية عشر عام ...

سلمونه مفتاح البيت

دخلنه سنه ثانية من استلمنه عنوان وحدة سكنية بسماهيج نبغي المفتاح ياوزير الاسكان ،مالينه علاقة بمشاكل الوزارة مع المقاول نبغي نسكن قبل شهر رمضان ممكن؟

الصابر

بعد انتظار 26 سنة حصلنا على الوحدة تقديمي للطلب شاب ولا شعرة بيضاء لا في الرأس ولا في اللحية وحصولي على الوحدة إلي ماستلمت مفتاحها صرت شايب وفي هالعمر عليه مسؤوليات كثيرة أجار الوحدة ومساعدة الأولاد لتمكينهم من الزواج حيث بلغ الأكبر 25 سنة قلة مكان والراتب ضعيف المشتكى لله فهذا حال المواطن البحريني صبرنا مدخور عند رب العالمين والظالم يستعد لعذاب الآخرة عقيدة تجعل القلب مطمئن

سوال بس

شخبار المدينة الشمالية يا وزارة لمن بتروح البيوت 18 سنة انتظار ولدي ماعاد يقولي يابابا يقول الحين لي يجدو عجبي!!

المظلوم

بعد ما انظلمنا ومضى أكثر من 25 سنة على طلبنا وبعد أشهر قليلة أطلع تقاعد وسني في العقد الخامس سحبنا على الوحدة السكنية العام الماضي وقريبا بإذن المولى نستلم المفتاح بعيش بقية عمري في تسليم القسط الشهري للبيت فضلا عن الأولاد الذكور بلغت سن الزواج ورواتبهم قليلة جدا أدور الى ويش وخلي ويش العمر مشى واطالب بحقي يوم القيامة الي قاعد يصير من زمان حرام موتوه من الحين لكن ويش نقول غير حسبيى الله ونعم الوكيل وكفى

ظلم واضح يا وزارة الاسكان

تتم عملية التوزيع بناء على مبدأ التمييز والواسطة والتفرقة حيث لا توجد آلية تنتهجها الوزارة في ذلك حيث تم أعطائي وعد بأن يتم حصولي على وحدة سكنية شرق الحد وإنني من ضمن المشمولين بعملية التوزيع واستبشرنا خير بذلك وجاءت الصدمة المعتادة وهي تمت عملية توزيع المرحلة الأولى والسؤال هل تمت عملية التوزيع على مبدأ الأقدمية او المحسوبية سؤال نوجهه لوزير الاسكان .

كل بيت مكشوف !!!

في الفترة الاخيرة قامت يبناء مشاريع سكنية لكن كانت كل البيوت مكشوفه ...
ارجوا من الوزارة دراسته

مواطن محب الي وطنة

ويش صار عن المدينة الشمالية لايكون بتصير الي ناس من خارج المملكة

البيوت ضيقه وخانقه وملاصقة ببعضها

والغرف صغيرة ولكن تبقى لنا أمل لحياة أفضل

لو كانت رواتبنا كباقي دول الخليج

لما احتجنا لمكرمات وعطايا ولكن الله المستعان

صباحكم 22 سنة انتظار وصبر

اصبحنا اجداد ونحن نسكن الشقق الضيقه ياسعادة الوزير ..

94

will wait for another few after long waiting almost 20 years
hope this is true

ضاع المواطن بين تناقض التصريحات وعدم الشفافية..

رئيس اللجنة المالية والقانونية في مجلس المحرق البلدي غازي عبدالعزيز المرباطي: «الإسكان» تبلغ 400 مواطن من منطقة واحدة استحقاقهم لإسكان «شرق الحد».. أن السياسة الإسكانية في البحرين تشوبها الكثير من التناقضات، فلطالما نادينا فيه بعدم التمييز بين أبناء المحافظة الواحدة..

بل بل بعدنا على طلبات 1993-1995

متى بيي دورنا، اذا وصلنا القبر

وين مشاريع شارع البديع

وأين مشروع جنوسان وأين مشروع كرانه وأين مشروع مقابه اليش الامشاريع شارع البديع كاله معطله اليش ؟؟؟؟؟؟؟

مشروع جنوسان

الحين ما في خبر عن مشروع جنوسان وينكم يا وزيرا السكان بس كلام

اليائسة من هاوزارة

شبعنا من هالكلام بنصك عشرين سنة وبنتي طولي والله حرام تعطونا امال فاضية المشتكا لله

أنا اريد

اما من الطائفة الشيعيه ابي بيت في عسكر أكيد امش بوزي

ولد الرفاع

احلم احلم بس

حرام عليكم

اي معايير اقدمية ياوزارة الاسكان والله حرام اللي قاعد يصير بعض القرى طلباتهم 2004 مشيتنهم تحت معيار امتداد القرى ... بينما مصير طلبات 96 فما فوق طبقتوون عليهم معيار الاقدمية .. على الرغم يوجد لديهم مشاريع سكنية في قراهم مثل مشرووع بلاد القديم .. والله ظلم .. وتخبط ياوزارة ..

البلاد القديم !!!

يا خوي ظلمت البلاد,,, خالتي من البلاد طلبها 18 سنة ......وين ال2004 ؟؟؟؟

انتظر بيت

17سنه واناانتظربيت الاسكان عندما تقدمة لطلب بيت الاسكان كان عمري 25 سنه ومازلت انتظر وعمري 43 سنه يعني مدة انتضر 18 سنه والان عندي والحمد لله ابني صادق وحسين ومحمد ونسكن غرفه صغيره وايله للسقوط متى سوف ياتي دوري في الحصول على بيت ام ان الحلم مستحيل{جعفرعبدالكريم صالح

ياخويك توه الناس عليك

أنا طلبي كمل 20 سنه ولن أيأس من رحمة الله

ههههههه

أنتو طلباتكم 93 وأحنا طلبنا 2008 ومن يوم ما قدمنا على وحده سكنية و93 ما تحركو والحين صار لنا 5 سنين وطلبات 93 للحين ما حصلوا يعني أحنا نمش بوزنا من البيوت لا 20 سنة ولا 30 والأكيد أنه حتى مكان قبرك لازم تقدم على طلب وإلا بحرقون جثتك مثل الهندوس ويقطونها بحر

18 سنة انتظار

طلبنا 1995 و عندنا ثلاث اولاد و بنت ... ول الكبير يحلم بغرفة بروحه ... حلم سهل لكن اهني صار صعب ... الحق صار حلم هههههههه مسخرة.. و مع ذلك أملنا بالله كبير الحمدلله