اعزائنا زوار ومستمعي الوسط أون لاين أهلاً بكم من جديد في برنامكم الاسبوعي الناصية، مع قرب شهر رمضان شهر الرحمة والغفران شهر الخير والبركة يسعدنا واياكم ان نلتقي بسوق المحرق المركزي مع بعض الاخوى المواطنين واخوانهم الاشقاء الخليجين فكان لنا هذا الحوار الممتع والشيق فأهلاً وسهلاً بكم من جديد.
* تعطينا اسمك ومن اي منطقة؟
- أحمد العرادي من عراد طبعاً.
* تقدر تسولف لنا عن شهر رمضان الأول اشلون تستقبلونه إذا قرب شهر رمضان؟
- والله كان شهر رمضان اي اول ما اجي شهر رمضان على زماني انا الي لحقت عليه، أول ما في الكمليات الموجودة الحين الناس اذا جاء شهر رمضان تطلع في المجالس كانت المجالس كثيرة بكثرة ليس مثل الحين ورق ما ورق ما في مثل الحين ؟؟؟؟ وتعرف الجهال أكل ما أكل غير متوفر مثل الحين الجهال يطالعون من مجلس إلى مجلس ادورون يفترون.
* مسامحة، انا سمعت الاول قبل ما يأتي شهر رمضان يشترون دبيحة اي راعي البيت يشتري دبحية وخليها في اكياس كل يوم ليه كيس معين؟
- لا انا اقول لك هل الاشياء ما لحقت عليها انا اكلمك عن الزمن الي انا لعبت فيه.
* يعني هذه ليست قديمة؟
- الأول ليس لديهم ثلاجات ؟؟؟؟؟؟؟؟؟؟؟؟؟؟؟؟؟؟؟؟؟؟؟
* هل عادات قطر نفس عادات البحرين؟
- قطر والبحرين شيء واحد بنسبة 99 في المئة، بس رمضان أول لما يدخل يدخل الفرح معاه، الناس تستعد لرمضان ؟؟؟؟؟؟؟ رغم ان شهر رمضان اسعد الشهور للمسلم لان كل ايامه تعتبر عيد، فكان رمضان قبل على ايام الاوليين البيوت تزين الفريج يزين يستقبلونه بالفوانيص لجهال لهم لبس خاص وفي شيء يميزه هل القرقاعون نصف رمضان، لكن الحين رمضان الكل لها في حاله يمكن في العيد تحسن ان رمضان موجود بس، بس الي يميز رمضان الزحمة في الشوارع بس.
* عرفنا على اسمك؟
- اسمي حسن علي، والله ان عشت في طفولتي احلى من الحين ايام طفلوتي احس شهر رمضان احلى من الحين.
* عشت في وين انتى؟
- انا عشت في قرية النبي صالح.
* وش الفرق؟
- الفرق كثير، الأول تحس ان ؟؟؟؟ شهر رمضان أكثر من الحين، الحين رغم ان في فعاليات بس أكثر الشباب متوجهين إلى المجالس الرمضانية والادعية والقرآن، الحين لا بالعكس في الخيام تحصل الناس في الامكان التي هي بعيدة عن شهر رمضان يعني مو متقربة إلى الموسم الديني ؟؟؟ تلقى الناس مشغولة في ؟؟؟؟ بعكس الزمان الي عشنا فيه طفولنا طعمه أحسن.
* لحقت على المسحر أول؟
- حنا كان واحد اسمونه الجاسمي واحد ضرير وكان أيام الأول برد شديد برد موالحين برد برد تقدر تقول اصل العضم وايام امطار اجي وايد فيطلع مسكين ظلال ما في ليتات ما ليتات هل سوالف ما ميش، فيطلع مسكين يطبل على درام (بيب) عنده عصا غليضة ويطبل ؟؟؟ ويريد بس الناس تسمع.
* ماذا كان يقول؟
- ما اذكر ذلك الوقت، يا رمضان يا رمضان شهر الخير والبركات ؟؟؟؟ ، بس الناس كانت تسمع لان لا يوجد اسي ما كان عندهم يا عرش يا في حجرة ؟؟؟ بس الناس تسمع صوت البيب، وحنا جهال كنا نطلع وياه ساعات نطلع وياه.
* هو عادتا اجي الساعة كم ساعة وحدة؟
- والله على حسب الاذان يا خوك قبل الاذان بساعة ونص وبساعتين الا ربع.
* في قطر في مسحر لحقت عليه؟
- في المسحر لحقت عليه، بس كل سنة عن سنة اشياء تكون مجودة وتقل تدريجياً حتى الاكلات مثل الهريس والقيمات الثريد كانت اشياء تميز رمضان، الحين يتفطر من اي مكان من اي مطعم، اما المسحر احنا ؟؟؟؟؟ نسمع عنه في التلفزيون او الاذاعة ؟؟؟؟؟؟؟؟؟؟.
* الحين وين موجود؟
- عندنا في قرية عراد موجود إلى حد الان.
- المسحر في البحرين موجود في كل مكان ؟؟؟؟؟؟؟ في المحرق موجود، وفي امكان يطلع في سيارة وهو ماشي، أول على ارجوله يفتر،
- دائماً ليالي الاوف تحصل وراه الجهالو ولي عنده قوطي تنكة؟؟؟ لحد الان موجود عندنا في قرية عراد، بس ليلة الاوف تحصل الجهال وايد، اما ليلة الدوام تحصل يا بروحة يا نفر واحد وياه يا نفرين بس.
* قطر عنهم توزيع الصحون نفسنا؟
- عدتناً الجار كل جار يعطي جاره ؟؟؟؟؟؟؟؟، المؤسسات الخيرية افطار صائم حالياً منتشر بكثرة في قطر ولي كان موجود قبل كل يوم تفطر عند واحد اي في وناسة في لدة عبادة ولدة اجتماعية الي ما شفته من سنة تشوفة في رمضان، الي تسأل عنه تشوفة في رمضان، الحين صار يوم عادي الي ايميزه انا انصوم، ؟؟؟؟ ؟؟؟؟؟؟؟؟؟؟
- أول حزت المغرب ما تحصل واحد اجيب لك كأس ماء أو تحصل تمرة أو اتحصل قيمات أو تحصل شيء، الحين لا من الله أكبر تحصل المساجد عامرة كل مسجد تدخله حياك تفضل اي لو عابر سبيل ما يتعطل نفس الأول، الأول لا في البيوت والعزايم الحين لا اي مسجد لازم موجود هل شغلة وهذه الشغلة الزينة الي صارحت حالياً في هذا الوكت هذا بس.
- أول اتحصل العصر قريب المغرب اتحصل جهال وايد كل واحد حامل صحن كل واحد رايح بيت الحين ما فيش هل الاشياء ما ميش الحين ؟؟؟؟؟؟ أول الجار ما يكل حاجة لا يعطي جاره.
- في هذه العادة ولكن نسبتها اقول ولكن موجودة تلاحظ الاطفال عنهم اصحون مازالت هذه العادة موجودة ما تغير شيء علينا.
- في النبي صالح موجودة، في المغرب تحصل الاطفال من بيت إلى بيت يقدمون الصحون اي مازالت موجودة ولي اختلف الاشياء التي دخلت علينا الجيدة بس.
* من قطر بعد تعرفنا على اسمك؟
- خالد محمد.
* اصير عندم نفسنا شراخيات في شهر لمضان؟
- قليل.
- بالنسبة لنا ازيد هل الاشياء، يزعجون الفريق كله.
* انت ما سولفت لينا انت من وين؟
- انا من الماحوز.
* وش اسمك؟
- أحمد العسبول، على الايام التي انا لحقت عليها كنا قريب المغرب عند الاذان كنا اصغار فنتظر المأذن لين ما يأذن تحصلنا قبل عشر ربع ساعة واقفين كلنا جهال عند المسجد انتشوف غولة بس من يقول الله أكبر المحل تحول إلى هدوء محد الكل يركض إلى بيته وكانت هذه الحركة حلوة، الحين ما نشوفها حتى في الاطفال، حنا كنا انسويها يمكن الكبار يرتاحون منها الحين غير موجودة اندثرت اشياء واجد تغيرت في شهر رمضان الي حنا كنا قبل انشوفها المجالس القرآن يتهيأ لي الأول أكثر من الحين.
* اي قلت المجلس الحين؟
- في المجالس يتهيأ لي قلت لان في بعض العوائل طلعت من منطقتها، لي راح مدينة حمد ولي ؟؟؟؟ فهذا تمت المناطق القرى فيها مازالت بس ليست المجالس الأولية؟
* سولف لنا في قطر ليلة القرقاعون شنو تسوون الاطفال اروحون البيت نفس هني؟
- في لبس معين لهم في قطر والبخنق للبنات وبشت للجهال ويدورون في البيوت نفس المنقطة نفس الفريج ادورون على البيت كلهم مع بعض هذا الموجود من زمان وللحين موجود بس الحين الاعلان يسوي دعاية في التلفزيون والجهال تصور بس الحين في السياراة والواحد اخاف على اعياله انهم يطلعون لكن قبل الكل يطلع حتى الكبار يتمون واقفين في الرصيف اشوفون الجهال رايحين رادين الحين كلة مع الخدم الدريول رايح معاه محد يدري عنه.
* وتتذكر على ايام القرقاعون الأول؟
- حنا لنا في الناصفة في قرى البحرين اشوف يحتفلون بشوارع يحتفلون وايد عندنا لان يصادف عندنا المولد، مولد الحجة فحنا نحتفل وايد، الجهال صدق خفايف بس العالم وايد في الشارع وتشوف الزينة واليتات والاعلام.
* الاكلة المعروفة في قطر شنو؟
- الثريد والقيمات، ما في فرق بين البحرين وقطر.
* والاسعار مرتفعة؟
- وايد عن البحرين.
* اشلون مثلاً كيلو اللحم ازيد؟
- لا اللحم ثابت مثل الخضراوات المواد الغدائية ترتفع بشكل ما تتصور ؟؟؟؟؟؟؟؟؟؟؟.
* اي في رمضان يرتفع السعر؟
- اي كليو التفاح تاخدة في الايام هذه 7 ربيات عندنا في قطر بـ 14، في رمضان كلشي يرتفع بصراحة فرصة التجار.
خصوصاً بداية شهر رمضان المبارك ارى الاشياء التي دائماً يستخدونها الناس مثلاً الخضار بشكل جنوني ترتفع مثلا البوبر والكوسا والاشياء التي يحتاجونها الناس تراها بشكل خيالي اسعارها ومن اروح اسبوعين تتراجع هذا بالنسبة لشهر رمضان بالنسبة إلى الخضراوات، ولا توجد رقابة محد اراقب مادري ليش ترتفع وبعد سبوع ترجع.
* وعندكم في قطر المدفع بعد؟
- موجود بس في مناطق معينة، صارت شيء رمزي، المدفع موجود عندنا في التلفزيون اذا تشوف قناة قطر اطلعونه حتى الجهال يجتمعون عليه لا زال موجود ؟؟؟؟؟؟؟؟ الواحد يتفاجئ كلشي غالي.
- خصوصاً هذه السنة تصادف رمضان والعيد وعقبها المدارس، يعني السنة هذه راح يكون عبئ كبير على المواطنين البحرينين وعلى المقيمين كامل.
كلمة اخيرة كل واحد يتكلم؟
- والله الي اتمناه وخصوصاً من التجار اراعون الفقراء المساكين على اساس ان يكون في فرحة للجميع، تلاحظ في ناس ميسورة تقدر تشتري يعني تقدر توفر ليها ناس لا تستطيع توفر فراعون هل الاشياء يعني يخففون العبء لعيهم وفي مقترح لجان اصير علشان اسعادون العوائل، لا نقول رفاهية قوت يومها، بس.
- عرادي كلمة أخيرة والله انا انتمنى ان الحكومة تدعم المواد الغدائية وتراقب التجار.
* للناس؟
- والله انبارك إليهم هل سنة وكل سنة برمضان وهم بصحة وعافية وعلى المسلمين.
- ولله نفس ما تفضل ابوحافض انهم يخففون من استهلاك رمضان وليس لانهو صايم، لان الصيام يشتهي كلشي ولكن لين فطر ما يشتي شيء علشان التجار يشوفون الاستهلاك قل فتجار مطرون انهم يحفظون البضاعة مالتهم لانهم ما يقدر يكدسها لسنة القادمة.
