أرفع بخطابي هذا إلى كل من يهمه الأمر... أنا شاب بحريني، حامل لشهادة الماجستير في إدارة الأعمال بامتياز مع مرتبة الشرف، أطمح لأخدم وطني... أعمل منذ العام 2011 براتب لا يتجاوز 350 ديناراً بحرينياً فقط، علماً بأني متزوج ولدي بنت، طرقت جميع الأبواب وتقدمت لكل الشواغر المنشورة في كل مؤسسات الدولة الحكومية والمؤسسات الخاصة، أملاً أن أستطيع أن أخدم وطني بوظيفة تلبي طموحي وتناسب شهاداتي إلا أن كل المحاولات باءت بالفشل.
ليس لدي مانع أن أعمل في أية وزارة حكومية أو أية مؤسسة مالية أو بنك، أو أية مؤسسة تعليمية كمدرس لأخفف صعوبات الحياة... فهل أحظى بما أنشده في القريب العاجل؟
(الاسم والعنوان لدى المحرر)
العدد 5251 - السبت 21 يناير 2017م الموافق 23 ربيع الثاني 1438هـ
بعض الشركات الصغيرة ما تقبل البكالوريوس لانه راتبه 400 فما فوق وهي مواردها بسيطة فما بالك الماستر يعتبرونك اوفر كوالفيكيشن ما يبونكو البعض يبغي الخبرة + الشهادة بس يبغونك تكرف 9 ساعات و ما تشوف اهلك الا يوم الجمعة و طول الاسبوع من الصبح الى الليلشهادة الماستر المعروف انه اقل شي و بدون خبرة الراتب لازم 600 فما فوق من جذي بعض الشركات تتردد فيه انها تاخذ صاحب الماستر تفضل الدبلوم و البي اسانصحك تقدم بالبي اس و تحط خبراتك و تشرح نقاط القوة عندك في السيفي و الاعمال اللي قمت بها من قبل
الله يفرجها لك وتحصل على وظيفة براتب أحسن والرزق على الله..ولا تتأثر بالردود المحبطة..ولو عندك واسطة جان من زمان اشتغلت في وزارة من وزارات الدولة..
الوظيفة مايبون نوع الشهادة !! يبون شنو تقدر تضيف لهم !!
لله كريم
الحال من بعضه 3 شهادات عندي واشتغل ب 200 دينار؟؟ وين راح تفوقنا خسارة عليه وصورنا في الجرايد
أنا درست الماجستير ولا عطوني فلس واحد، وزوجتي درست بكالريوس نفس الشي. الزيادات بالمزاج في هذا الزمن مو الشهادات.
قول الحمدالله غير ما عندهه شغله وانت تقولي 350
عندي شرارة بكالوريوس في الاعمال المصرفية والمالية منذ ٢٠١١ اعمل براتب ٣٥٠ دينار بحريني
يا فرج الله
الله يعينه يا رب اني مثل حالك ماستر في تخصص مطلوب من بريطانيا ويوم رجعت ما حصلت شغل الا بالوقعة ويش تقول اخوي الحال مزري للمواطن والوافد ياخذ الخير كله
لا تحسسونه إنه ضحيه ومغلوب على أمره. خلوه تحكه الدنيا ويضوق بلاويها وصدقوني بيتعلم وبيتذكر هالأيام. لو بكره يحصل شغل ب2000 دينار تظنون ساعدتونه!? صدقوني أنتون وظفتوا مقعد مشلول بجسم صحيح براتب كبير فقط. دوس يالحبيب دوس.
تكمله لتعليقي بخصوص الدوس والعروس، من واجب الأهل تربية أبناءهم على تحدي الحياه والعمل بأكثر من وظيفه وتقبل الحياه بحلوها ومرها ولا تترك نفسك ضحيه وتلوم فلان وعلان لوم نفسك فقط. عجل شبتسوي لو ما عندك ماجستير وعندك ثانوي هل بتتسول مثلا? علمك سلاحك وقلبك خله قوي ودوس وأجتهد وبتجيك الفلوس.
يا جماعة الخير آنه خريج ثاني ثانوي وراتبي ضعف راتب الأخ وأشتغل أعمال حره في شغلتين. تقدر تقول لي شفايدة الماجستير إذا ما تعرف تستخدم اللي تعلمته فالدنيا. الحياه مو بس دراسه الحياه لازم تدوس في بطنها عشان تطلع الفلوس. تقدر تدوس تحصل فلوس ما تقدر تدوس أقعد مثلات العروس.
روح خذ جواز هندي و قدم للوظيفة من هناك بالتوفيق
يقولون لنا درسوا و درسوا لكي يكون عندك شهاده وتحصل لك ؤظيفة مريحه و معاشها قوي .. لكن اين العمل يا ناس ؟؟
زوجتي تحمل شهادة الماجستير في المحاسبة الدولية من احد اعرق الجامعات البريطانية وللأسف وبعد كل الجهد و المال المبذول ها هي عاطلة عن العمل منذ ما يقارب 6 سنوات وقد تقدمت للوضائف في جميع بنوك البحرين دون فائدة.
مسؤولية توظيف اصحاب الشهادات العليا تقع على عاتق الحكومة ولتعمل الحكومة انهم قد بذلوا الجهد والمال وتغربوا سنين طويلة من اجل العلم ومن اجل رفعة هذا الوطن ولتراعي لهم ولنفسياتهم ولأهاليهم.
الا يوجد صاحب ضمير حي في هذه الحكومة!!
الشهادة سلاح قوة ما يناخذ منك
فقلت استغفروا ربكم انه كان غفارا
يرسل السماء عليكم مدرارا
ويمددكم باموال وبنين
ويجعل لكم جنات ويجعل لكم انهارا
أبارك لك هذا التفوق والى المزيد من التحصيل العلمي والشهادات العليا .
خل الا عندهم بكالريوس يتوظفون اول عقب الماجستير
اغلب الشركات تبي دبلوم و ثنوي عشان ما تدفع مبلغ و قدره
صارت الشهاده في هل البلد عائق للحصول على وظيفه
الله كريم و يفرجها علينه و عليك
اخي انا حاصل على درجة البكالريوس في هندسة الكمبيوتر، ولا احصل على وظيفة حتى الان بسبب الراتب المفروض من قبل وزارة العمل، واعمل الان موظف اتصالات ولا صلة بين وظيفتي الحالية ودراستي الاكاديمية، فقدت الامل قبل قراءة مشكلتك وطرقت جميع الابواب ويحزنني ان رفاقي الغير متعلمين وبعضهم لم ينه الثانوية العامة موظفين في وظائف تتخطى ٧٠٠ دينار بحريني فقط بسبب الواسطة، الله كريم وفقدت الامل اكثر عندما قرأت هذا المقال
الى الاخ صاحب الخبر ، و منه الى الكثيرون - اولا الم تكن ارض الله واسعة ....
ثانيا : الشهادة عند البعض ورق و عند القليل معرفة ليستفيد منها في الحياة : لم لا يطبق ما درسة في اخذ سبل اخرى غير وظيفته ان الارزاق كتبت منذ الازل فهناك رزق له لم يسعى له بل اخذ السهل اليسير ولم يكافح لرزقة الذي يستحقة
نصيحة لكل من يدرس ف الجامعة لحد يدرس ماجستير الان وزاره العمل تلزم الشركات تعطي حمله الماجستير راتب معين ف محد بوظفك
مثلك الوف الله يسهل ويفرج
أي والله مثله كثير انا مخلصه ماجستير وأمتياز وعاطله كل ما أـروح لمكان قالوا لي ما عندنا وظائف لمؤهلكم أقول لهم انا قابله أشتغل في أستقبال أو أي شغله قالو لك ما يصير و العمر يمشي واحنه مكانك قف.
اخي العزيز ... اولا ابارك لك حصولك على درجة الماجستير . في هذا البلد البحريني صاحب الشهاده العليا مهضوم حقه. اخوك حصل على ثلاث شهادات عليا اضافة لدورات تعادل ماجستير من دول اوربيه، و الراتب؟ ....
انا بعد عندي ماجستير و عندي خبرة ٧ سنواتها القطاع المصرفي وصار ليي سنتين عاطل ..... وين نروح