يوم تخرجي يوم كانت لي فيه امنيات عارمة ، كنت انتظره انتظار المشتاقين واعدُ إليه إعداد الملهفين التواقين ، كنت متفائلة بان يومي هذا سيجمع كل خلجاتي المبهمة ، سرعان ماتحول هذا الشعور الى ضرب من الخيال والسراب، ونحن على عتبات التخرج وهذه الايام التي تفصلنا عن كل ايام الثانوية وماقبلها ، هاهو الشعور المصدم بحد ذاته يباغتنا ، انا طالبة من سترة الثانوية للبنات، احمل صوتي بل مشاعري ومشاعر زميلاتي المحبطة التي كانت الفرحة تغمرنا بروب وقبعة من سترة الثانوية للبنات لتعلن اكتمال مسيرتنا الثانوية بعطاء.
لحظة التخرج التي تعني لنا الكثير والكثير ، والتي زرعت فينا حب الاجتهاد والتفوق ألا يجب ان تكون في محل يحسد عليها ؟ الا يجب ان يشعر الطالب انه اهلٌ لذلك ؟ انه محل المسئولية ؟ انه انجز هذه الـ ١٢ سنة بتفوق ووصبر !
كيف لا ونحن كغيرنا تواقوون لهذه الوهلة (شهادة بيضاء وقبعه وروب ونظرات الاب والام تخترقنا )، يشهدون على منوال صبرٍ وتعبٍ عميق بذلناه خلال هذه المراحل ، ففي الابتدائية - وانا اتحدث عن نفسي - لم احظى بحفل تخرج منها وكنت ابوح في نفسي ماهي الا مرحله صغيره ولا تستدعي هذه الحفلات وكنت متأملة بالمرحلة الاعدادية ولكنها كانت على غير التوقعات ، إلى ان جمعت كل آمالي وأحلامي الورديةٍ حقًا ، وفي مرحلتي الثانوية استنهضت كل طاقاتي ، لتوقعي بان نهاية هذا العطاء هو حفل باذخْ ومكانٌ راقي ، وكل الاشياء التي تجعلني أشعر ان هذا اليوم هو يوم من الجنة ، ولكن حقا سرعان مازالت الاحلام ، وفكت شرائطها الوردية ، للتو حصلت على تنوية ان حفلتنا نحن المتخرجين الثانويين ، ستكون بتاريخ كذا وفي اليوم كذا وكانت الصاعقة التي جعلتني اتهاوى ان مكانها هو صالتنا الرياضية !
صالتنا نحن ماهي الا معرض لكل حفلاتنا الداخلية !كانت تجمع حفل المتفوقات وللعلم اننا كنا نُوزع على دفعات لصغر حجمها فالطالبات اللآتي حصلن على معدل فوق ٩٥% لهن يوم مختلف عن طالبات اللآتي حصلن على اقل من ٩٥% ذلك ليكون هناك متسع كافٍ لاولياء الامور !
لا أعلم حقًا ان احزن أو اضحك على هذا الوضع المقيت ! لا اعلم من ألوم حقاْ ..هل هي مديرتي التي زرعت فينا امال طائلة او من ؟ ان مخيلتي ابدًا لا تتصور اي حفل سيكون هذا مع العلم ان دفعتنا تحمل عدد كبير ليس كسابق الدفع ، خابت آمالنا حقا وظنوني أصبحت غارقة ، مايكون بوسعي إلا هذه الخربشات وذرف يراعي على هذه العتبات راجيةً ان تصل هذه الذرفات اليكم والى الجميع لعل من وجودً فائدة ..
وختاما، نرجو من سعادة وزير التربية الدكتور ماجد النعيمي النظر في أمرنا و كلنا أمل ان يحقق آمالنا و حلمنا .
طالبة من مدرسة سترة الثانوية للبنات
ظلم
بصراحة مديرة سترة اللعام كانت واجد افضل و اهي الوحيدة اللي سوت لنا الحفلة في صالة وزارة التربية و التعليم و بس المديرة الجديدة واجد شديدة و حرمتكم من احلى شعور و اتمنى ان اصير لكم حل و تكتمل فرحتكم
مهزلة
بعد هذا المقال ادارة المدرسة كنسلت التصوير الفردي و الجماعي !! تم الاخذ من الطالبات مبلغ 20 دينار فقط على الروب !! صالة المدرسة صغيرة جدا و لا تتسع لاولياء الامور ... للاسف محد يسمع راينا !
> الله ياخذ بحقنا
ابغى افهم الفلوس وين بتروووووح ؟ لا تصوووير لا صااالة لا حاله ! يالبووواقين رورجعو بيزاتنا لابوها من حفلة مانرتجي من هالمديره شي ...
تابع
بس ان احنا نشتغل على نشيده المفروض المدرسة تشتغل عليها كباقي المدارس و عقب الدفع و المراكض مايقبلون تنعرض في الحفل لان البرنامج يجي من الوزارة مايقدرون يخالفونه ! ليش بس نشوف المدارس الباقيه كل الامور ميسرة لها الا احنا ترا من حقنا يعني ، يبون لمتى نسكت ؟
شكرًا بنات سترة ع كل اللي سويتونه ماقصرتون ، خلاص مابي اسمع كلام !
هذا رد المديرة اذا بغينا نكلمها ، هذا رد لطالبات دفعه كامل ؟ السؤال ، وش سوينا ؟ سوينا اعتصام او تكلمنا بهمجية نفس بعض المدارس عشان نلاقي كل هالرد ؟ كل اللي سوينه رسالة ننقل فيها مشاعرنا اللي ما لقينا احد نعبر له عنها و قالوا حفلتكم في الصالة الرياضية و قلنا بنتقبل ، و قالوا كنسلنا التصوير ليوم الحفلة وقلنا ما عليه ، و قالوا ماكو مسرح المديرة ماتقدر تركب .. قبلنا الروب للحين ماستلمناه ولا جيكناه و لاندري حتى بلونه مشيناها يتبع
مطالبنا
مايصيررر صراحه جذي طول حياتي ماصارت لي حفلة تخرج والحين لما قالو في حفله شقيت البوز وجان تطلع في الصاله مالت المدرسه !!!!!! اي تحطيم دا !!!! ليش يعني مو في صاله الوزاره ببلاش ترى يالبرووووووص الله على الظالم
.طالبة
الله يلعن الظالم ، انصحكم تتحتجون وما توافقين ع هالتخرج ، لو كنت وياكم ف التخرج ما حضرت :( مو شاطرين بس حق مخالفات ع لون الجواتي والتأخير اخس مدرسة شفتها ف حياتي !!!!!
.طالبة
وهالمديرة الفاشله لا تسوي شيء ولا !! الحمد لله والشكر ترز شحومها بس كل يوم ع الكرسي ماشفنا شيء ف المدرسة متغير ؟ حتى فسحة الصلاة ما تخلينا نصلي في لصفوف هذي سكتنا عنها ان شاء الله تتفنش السنة الجاية لان محد يبيها ، وجهها يجيب الفقر :)والأخس والاعظم وزير التربيه هالفاشل اذا يمكن مديرتنا كانت مدرسة انجليزي هذا ما يعرف انجليزي ، الله ياخذهم كاممل واجد مصعبين علينا وخصوصا مدرسة سترة آخر مدرسة يفتكرون فيها !! لا مدرسات عدله و ولا شيء لو مو الطالبات وطموحهم جان الحين المدرسة دمار ،
ستراويه
اي والله
Senior 2013
الشي يجيب الصيحة، ليش جدي حرام .. احلا شي آخر اللحظات ، احلا شي لما ترمون القبعة،.. مو لما ترمونها وتطيح ع راس الي صوبكم
....
اول يوم دراسي كانت تهددد بعدم اجراء الحفلة بسبب تافه وغير مبرر له والحين خلصت السالفة ان بتسويه ف المدرسة هالانسانة ليست قديررة بتخاذ القرارت وادا طللعت قرارت تكون فاشلة وغير مرضية للجميع .. نتمنى من الوزارة اخذ الاعتبار بقضيتنا ترى ماباقي وقت :(
المناهج صعبة و الحل
الله كريم
احسن من لا شئ
انتي عمرش شفتي حفل تخرج من غير حضور لاولياء الامور هذا اللي حصل مع اولادنا
اين وزير
اي مديره هذي امس راحوا لها مجموع من طالبات طردتهم وسدت باب في وجهم وطلبت من عاملات مادخل اي طالبه في قسم الادراه وبش هذي المديره وينك باوزير غافل عنها وين الحق طالبات في حلمهم في حفله تخرج
الله يعينكم
اني مو طالبة ولا ولية امر وانقهرت على القرار شلون المعنيين بالموضوع .. روحو كلمو المديرة واذا شفتونها تتعذر باجتماعات انتظروها لنهاية الدوام او انتظروها من الصبح على باب مكتبها بس لاتعطونها الحق انها تدوس على حلمكم وانشا الله يصير ليكم حل
الحال من بعضه
تقبلوا هذا أله بصير إني خريجة 2011 من نفس المدرسة وكانت بعد الحفلة هناك
ظلم
اذا ماغيرت المديره مكان الحفله منقاطع الحفله كلنا وخلها هي تحتفل بروحها
اسوأ ذكرى
هاذي المديرة حتى البنات اللي معدلهم من 90 ل 95 كانت ماتدعينا لحفل التفوق لانه فقط للي 95 وفوق وتالي تتطنز علينا تقول الا يبي يجي بصور وياه (يوم ثاني) حق تصدقون ان حفلة نفس ذيك
قتلوها
اني اقول قتلوها خلنا نفتك منها ومن قوانينها اللا نفس وجها
هه !!
حفل التفوق ما حضروا اولياء امور فيه / بحجة الصالة ما تكفي !! و حفل التخرج بيسونه بالصالة !! شهالمسخرة بس ي مديرة !!
حرام
والله حرام اللي تسوي المديره فينا وين وزير التربيه وين كلامه اللي يشجع ابناءا على الدراسه وتفوق هذي هي مكافاه لهم
الوسط
ونحن طلاب الجامعة ما يشجلون لنا صيفي ناس وناس كتبوا عن معانتنا :(
حرام والله
12 سنه وانى احلم متى تتخرج بنتي وافرح بيوم تخرجها 12 سنه وكل يوم يمر اقول راح يجى يوم تخرجها وافرح بتفوقها وظليت احلم بهذا اليوم لحد امس ضاع الحلم التخرج بسبب قرارات هذي المديره الظالمه اللي ماحسبت اي حساب لمشاغرنا كاولياء امور تبغي نفرح في بناتنا خل تروح تجوف مدارس ثانيه حفلتهم شلون وحتى البوفيه مسوين لهم بس مااقول الا حسبي الله ونعم الوكيل فيها اجمل حلم كنت انتظر تبخر بسبب قرارات التعسفيه
نريد حفلة مناسبة لسننا
نطالب بحفلة مناسبنا إلى مرحلتنا العمرية فهي ليست حفلة تفوق للمرحلة الإبتدائية ( نظام فصل ) تقام في صالة رياضية وكل طالبة في حضن الطالبة الأخرة . . مهزلة دليل على عدم وجود إدارة ذات كفاءة في ووزارة التربية والتعليم ومدرسة سترة الثانوية للبنات
من حقنا الحصول على حفلة تخرج محترمة
الصالة الرياضية لاتكفي لمتفوقين المستوى الثالث فكيف يمكن ان تكفي للمتسوى بأكمله مع أولياء الأمور ومع ذلك تم الطلب منا إن ليس من الضروري ان يحضر كلا الأبوين ويكتفي بوجود الأم فلنا حق اصطحاب كلهيما لأن من الجدير حضور أبوينا فهي لحظة جني ثمار جهود الأبناء , وبناءا على ذلك نطلب من وزارة التربية والتعليم أن تعطي الأمر أكثر أهمية فنحن محرومون من أبسط حقوقنا شاكرين لهم مساعدتهم لنا . .
مديره ظالمه
قرار ظالم من مديره المدرسه بصراحه حرمتنا من حفله التفوق وسبب ضيق الصاله الرياضيه وعدد المتفوقات كبير والحين تبغي تحرمنا فرحتنا بتخرجهم ليش هذا ظلم هو باركات مافي لسيارات عند مدرسه شلون راح تستوعب الصاله الرياضيه كل هذا عدد المديره بصراحه انسانه ظالمه ماعندها ذره احساس وين وزير التربيه عن هذا ظلم بحق بناتنا
،،
نصوم ونصوم ونفطر على بصلة
عييب عليهم !!
من بداية السنة المديرة تطلع قرارات وعقابات تأديبيه من غير مبررات للطالبات غير نظافة المدرسة ومادري شنوو شتبين يعني ؟ ماله داعي هالحركات اللي تسوونها نعطي ونعطي وماناخذ ! ف كلشي مظلومييين ماناخذ منهم غير التفرقه وكسر الخواطر .....واساليب استفزازية
شكلين مابنحكي
والله العظيم حرام عليها لوبتها مارضت ليها بحفلة مهزلة جدي.. موكفاية انها هي الااختارت الروب جنه اهي الا بتلبسه وحرمتنا من فرحة اختيار اللون براحتنا مثل المدارس الباقية والحين تبي تسوي لينا حفلة خربوطة وتبي ولي امر واحد وكل مانروح ليها الباب مقفول عليها اوتقول عندي اجتماع تعالوا بعدين
وزاره التربيه
البلد كانه فقير ما عنده شي انتي ادا تخرجتي من الثنويه وبدون حفله احنه تخرجنه من معهد وكل يوم في الوزاره ما في شغل وكل يزم نفتر كانه القدر اقول لينه يا انروح شرطه مجتمع يا شغغله ثانيه 250 اله مته !!!!!
وزاره التربيه
البلد كانه فقير ما عنده شي انتي ادا تخرجتي من الثنويه وبدون حفله احنه تخرجنه من معهد وكل يوم في الوزاره ما في شغل وكل يزم نفتر كانه القدر اقول لينه يا انروح شرطه مجتمع يا شغغله ثانيه 250 اله مته !!!!!
كنا نظن و أصبحت ظنوننا هباء
اذا كانت صاله المدرسه لا تكفي المتفوقات أتكفي الخريجات أثبتت مدرسة ستره فشلها و أن مديرتها فاشله رغم أن هذه أول سنه من توليها إداره المدرسة أي فرحةٍ سأراها في عينا والداي في حفلة لا تليق بمقامهم و مقامي كخريجه من يقبل أن يتخرج و يكرم أمام عيني والداه و هما واقفان لضيق المكان و لعدم وجود كرسي للجلوس فيه كما أن صاله المدرسه أصبحت مكانًا تعلق فيه لوحات المدرسه و بمجرد النظر إليه أشعر بالبكاء أيعقل بعد 12 سنة دراسية أتخرج في صاله قبيحة المنظر و والداي واقفان أي حفله فاشله هذه و أي تخرج سأفرح به هذا
ههههههههه
ههههههههه تحملو هذا اللي صار فينا بس ما وصل احتجاجنا للجرايد
ولماذا؟؟
اليس هذا من ابسط حقوقهن يا وزارة ؟
احد حقوقنا :(
مدرسة سار تحقق طلبها بإقامة الحفلة في صالة الوزارة على الرغم من أن صالتها الرياضية أكبر بكثير من صالة مدرسة سترة ، فكيف سيتم إقامة هذا الحفل في صالتنا ، لذلك نطالب بإقامة حفل تخرجنا في صالة الوزارة ....
مديرتنا ظالمة
اتمنى يعدلون هالقرار الفاشل و الا اهما يتحملون مسؤولية اللي راح يصير
كسرت بخاطرنا
حرام كسرت بخاطرنا وثاني شي لأن احنا مدرسة سترة ما بيسمعون لكلمتنا .. مظلومين يا سترة
زهرة
ما نقول الا حسبي الله ونعم الوكيل في الي كان السبب هذي فرحة لاتعوض بااي ثمن لكن في الصالة الرياضية!! لييش ؟!!
السبب لأنكم....
أنتو بالذات ما راح يسمع طلبكم !!!
هذا الحال كل سنه
كل سنه مثل الشي في تفرقة كبيره بين مدارس البحرين وخاصه في هالشي لان الدفعات اللي قبل كانت حالتهم مثلكم وهم في تفرق واجد بين الطالبات المتفوقات يوم حق اللي اكثر من 95 ويوم حق اللي اقل من 95 هذا تفرقه لازم المديره تشجعهم وماتفرق بينهم سمعت من طالبات واجد هالشي اتمنى يسوون حلول حق كل شي في هالمدرسه ماعندهم اسلوب وي الطالبات ول يقدرون جهود الطالبات بغض النظر عن المدرسات محترمات بس المدرسه فعلا تحتاج لتعديل اشياء واجد غلط فيها ان شاء الله الله يجبر بخواطركم
ظلم لاينتهي
نتمنى ان يصل صوتنا الى الوزارة.
فرحونا
تعب 12 سنة ما يحق لنا نفرح ؟ ما يحق لنا نطلبها في المكان اللي تمنيناه ورسمناه في خيالنا ويوم قرب يصير واقع راح كل شيء وانطفت الأماني وانكسرت الصورة الجميلة اللي تخيلناها حتى تحل محلها صورة حفل يتسم بالفشل قبل كل شيء .. لو تفضلتم انظروا في امرنا
إلى وزيرة التربية
تلاشت طموحاتنا و فقدنا الأمل ، نتمنى من وزيرنا الكريم .. النظر في امرنا بجد و تحقيق ما ترنو إليه أنظارنا .. طلبنا بإقامة حفلة في صالة وزارة التربية و التعليم و إنه جدا طلب بسيط .. وباءت محاولاتنا بالفشل مع إدارة المدرسة فنرجوا منكم تحقيق آخر أحلامنا الصغيرة .. وشكرًا ..
نبي صالة الوزااااااااارة
لتبقى في القلب ذكرى! نريد حفلة على مستوى!
أما التجاوب .. و إلا. ..
نطلب من وزير التربية النظر في أمرنا و بسرعة و إلا الرد سيكون صارم على المديرة و الوزارة !!
أما التجاوب و إلا ..
نطالب من وزير التربية النظر في الموضوع و بسرعة و إلا الرد سيكون صارم على المديرة و على الوزارة !!
ظلم ..
من حق الطالبات ان يتشاركن الفرحة مع اهاليهم بعد مضي 12 سنة دراسية ، وكيف ذلك و الصالة الرياضية لا تكفي ، أسيبقى أهالينا خارج الصالة ام سيبقون واقفون داخلها بسبب ضيق المكان ؟ ، وهل سيتم خلط الأمهات بالإباء ام كيف ذلك ،، ما هذا الحفل ؟! المدارس الاخرى ستقام لها حفلات راقية سينتهي مشوارهم كما كانت امنياتهم تسير ، لكن طالبات مدرسة سترة ستنتهي حفلتهم بإستياء و تحطيم آمال وطموحات الطلبة .. ألا ينبغي النظر في ذلك .. نتمنى من سعادة الوزير أن يتطلع في هذا الأمر :(
ظلم لاينتهي
نتمنى ان يصل صوتنا للوزارة
احترموا حقوق الطالب
اني طالبة تخرجت من مدرسة سترة وكانت نفس هالامور مسوينها لينا ،، دائما مدرسة سترة من افضل مدارس البحرين وعدد متفوقينها كبير ،، هذا تكريم المديرة للجهد اللي يبذلونه الطلاب ،، جدي يتكافئ الوالدين ع نجاح بنته وتفوقها مكان ضيق اكل مو عدل والمكان حار المفروض الوزاره تجبر جميع المدراس ان تكون الحفله في صالة الوزاره ،،
12 سنه
12 سنه نددرسس وواخر شيي نتخرجج في صالة مددرسسه حراممم جددي
محد يقدر يلومنا
تمنينا حفلة تخرج في ابتدائي و ما كنا نفهم و وعدونا في اعدادي يسوونها رحنا عدادي وقالو ما يسوون في عدادي محد يسوي على قولهم جينا إلى ثنوي في صالة المدرسة سوو شيء يعدل صورتكم شوي و ما يخلينا نحس انكم مفرقين في مدارس سترة
بصيييص أمل !!
بليييز اخيررر سنة حقناااا حرااام اجوفف يكرموني وامي واقفة تطالعني من بعيد من الزحمة ماعندها حتى كرسي تققعد عليه!! قابلين لو نصبر لين شهر 8 بس نبي شي نستحقه .. نررفع راسشش بدرجاتنا ي مدرستنا وانتين صعب عليش تريحين نفسيتنا؟
لا تعليق
ليش المديرة في البداية تقول ان في صالة الوزارة بتكون الحفلة وبعدين يغيرون رايهم ! كل هذا عشان يسكتونا لان يعرفون ان احنه مغلوب على امرهم ولان احنه بنات "سترة" فما بيعطون الموضوع اهتمام ف الاساس :)
.
كل شي ينسكت عنو الا هااي ، لهوووووون و بس
حفلة تخرج !!
افشل مدرسة على مستوى البحرين من ناحية الادارة والقرارات التافهة .. وكل هذا واحنه ساكتين ! ليش من البداية يقولون ان بيسوون الحفلة في صالة الوزارة بعدين ننصدم بالمسج ان الحفلة في الصالة الرياضية !! اولياء الامور وين يقعدون اذا الصالة يا دوب تكفي العدد الهائل من الطالبات .. شاطرين في التهديدات بس
أنا أب أريد أن أحضر حفلى إبنتي
وما خفي كان أعظم! المديرة ترفض حضور الآباء إلى حفلة تخرج بناتهم.. لما هذه العنجهية في القرارات؟! من حقي كأب أن أحضر حفل إبنتي وأراها تحصد ثمار ما زرعته طوال سنوات دراستها.
اي ثمار اي حصاد عن الجمبزه!
الحفلة تكون للبنات وامهاتهم افضل واذا تبي تحصد عندك عقب الحفلة لي راحت البيت احصد
!!!
والله عيب هالحجي الابو ماقال شي غلط من حقه والله اهوه تعب فيها مثل ما الام تعبت ومن حقهم ثنينهم يروحون ولو سمحتي حفلة تخرجنا احنا اللي نحدد بعدين مافكرتي ف البنات اللي ماعندهم امهات؟
.
الحفلة ما بتصييير الا في صالة الوزارة ، وشكلين ما بحكي
من حقنا
احنا كخريجات من حقنا حدد وين نتخرج الحين المبلغ تقريبا 7000 ونصه او اقل لروب التخرج والباقي وين راح؟ ليش مايسون لينا حفل تخرج عدل الحين احنا 12 سنه دراسه ومستانسين بنتخرج واحنا من الدفعات الي اول مره بيسون لها حفله تخرج في النهايه الروب واختارته المديره وقلنا ماعليه لكن المكان نبي مكان عدل والاب والام مو واحد منهم احلنا من حقهم اثنينهم يفرحون فينا مو واحد ومن حقنا في حفل تخرجنا نصور ويا الاثنين والمديره من البدايه كان هدفها في الصاله واحنا رافضين ونرجوا تحقيق مطلبنا
حفلة تفوق فاشلة وسكتنا .. لكن حفلة تخرج في الصالة .. لهوووون وبس
،،
اذا مصرين ع حفلة التخرج بالمدرسه فشكرا ع الروبات مانبيهم عطونا بيزاتنا بنسوي لينا حفله بروحنا والله حاله احنه الا رفعنه اسم المدرسه مابين المدارس ومدرستنا معروفه بالانضباط والقانونيه اخر شي اتسوون فينا جذي ؟؟ احنه ماطلبنه غير حقنا من حقنا انعيش احلا لحضاتنا في احلا مكان المدارس الا بتسوون ليهم في صالة الوزاره احسن منا بشنووو؟؟؟؟
طالبة متفوقة
انه طالبه من مدرسة سترة الثانوية اتمنى من الوزارة اخد امرنا بجدية
وين الفلوس
حسبي الله ونعم الوكيل! خيبو ظنون طالبات حاطين آمالهم ع حفله بمستوى! واللي طلبوه من تكاليف ماتسوى حفله ف صاله رياضه!
مهزلة مدرسة سترة
نعم نطالب بحقنا في التخرج في مكان مناسب يكفينا واولياء امورنا والا فما جدوى حضورنا دون اولياء امورنا ولسنا اقل من بقية المدارس كي لانحضى بحفلة تخرج يكفي اننا لم نحضى بحفلة تخرج في الابتدائية والاعدادية لتأتي هده القرارات التعسفيه الان وتهدم ما تبقى من امل بتعلق بحفلة التخرج تحوي تعب 12 سنه وتنتك حقنا فيها
ابنتي ايضًا
بتي راح تنتقل لتوجيهي و كانت تقول لي ما يسون لنا حفل تفوق الحين نهاية العام و بعد حت المتخرجين ما يسون ليهم .. مسكينه تقول لين رحت توجيهي سوا لي انتو حفل تفوق ... تعب طول العام ونتيجة تفوق و بدون حفل كباقي المدارس ؟؟؟؟ عطينا سبب يا مديرة المدرسه
وين العشرين ؟
حسبي الله ونعم الوكيل! هاي نهاية المتفوقات والمتخرجات؟ ع الاقل احد يتحرك والا هالفلوس اللي خذوها وين راحت؟ عشرين دينار من كل طالبة حق شنو ؟ حسابهم عسير ..
شي متعودين عليه
اكيد مدرساتكم يبون يسافرون بسرعه وما يبون يتعطلون على حفلتكم جربنا الشعور في نفس الصاله نص الاهل واقفين وضيق وحر وحفلة فاشلة مظلومين بنات مدرسة سترة
شي متعودين عليه
اكيد مدرساتكم يبون يسافرون بسرعه وما يبون يتعطلون على حفلتكم جربنا الشعور في نفس الصاله نص الاهل واقفين وضيق وحر وحفلة فاشلة مظلومين بنات مدرسة سترة
المديره
هاذي المديره من دخلت مدرستنا خربتها فوق تحت اني بعد ضاق خلقي على خواتي المتخرجات كنت اسمع اصواتهم في الفسحه و اهم يضحكون بصوت عالي و يرددون بنتخرج و بنتخرج حرام الي قاعده تسويه مديرتنا حتى فسحه الصلاة الي لازم نصلي فيها حرمتنا منها و قالت ممنوع الصلاة احنا لمتى راح نتحمل لكن الله كريم
..
اي والله
مومن حقناا؟!!
يعني لما نتعب12 سنة ونجتهد على امل يوم يكون يوم غير عادي بحياتنا ونقطة فاصلة بين جزء من عمرنا لجزء ثاني يكونون عاجزين عن تحقيق شي بسيط بالنسبة لنا..بالاخص فمدرسة سترة كل سنة مديرة جديدة وتوعدنا بوعود مبهمة وتعكسها بتصرفات لا تنم عن الاتزام ابببدا.. مانطلب المستحيل..
دون عنوان
أهكذا تكافئ الخريجات ؟!
كنت اظن وكنت اظن وخاب ظني
ياليت بس لو تكتمل فرحتنا
افيدونا يا وزارة التربية
12 صف في كل صف 36 =432 طالبه التخرج
كل طالبه يحضر والدتها ووالدها 864
المجموع الكلي 432+864=1296
الإداره والمدرسات حسبتهم عند الإداره وراح نشيل صف كامل حق الي ما حالفهم التخرج هذا العام وبعد العدد كبير ولا في باركات بسبب تسوير المنطقه للمشروع الاسكاني
حررااام
أنا طالب لي مطالب لا لصااالات المدارس
ظلم
طالبات مدرسة سترة قدمن و اعطين الكثير ، و دائما في اعلى المراكز ، يستحقن حفلة مشرفة
جلطة
ي علي اني قاعدة انجلط ، جيفة جدي حفلتنا ف الصالة ماتكفيييييي ،
ونسونا
نتمنى الأخذ بأمرنا ونحلم بأن تكون حفلتنا في صالة وزارة التربية
ونسونا
نتمنى الأخذ بأمرنا ونحلم بأن تكون حفلتنا في صالة وزارة التربية
الميزانية ذهبت
على الفساد و اشياء اخرى غير الغرس في طلبتنا حب العلم