رغم ان قلبي ما عشق غير دنياك

ورغم ان روحي يالغلا هايمه فيك

بارحل معا جرحي وبارضا بفرقاك

وباحاول آكمل حياتي بطاريك

ان كان ذا شورك انا دوم وياك

ماريد ابد حبي في يومٍ يعنّيك

بس انت أشّر واعتبر مطلبك جاك

وانا عليّ اني اصونك وأراضيك

من كثر حبك صاربي جرح يهواك

كلما طريتك يدعي الله يخليك

لاخسر انا روحي لاجل ما كسب رضاك

وشفايده هالروح لوما تداريك

بس رغم جرحي منك ما راح انساك

وباعيش مستقبل سنيني بماضيك

وكل مايمر عامٍ عليه بذكراك

صدّقني باضوي شمعةٍ واحتفل فيك

يونس سلمان