عجيب أمرك عليّ تسأل ولا كنك جفيت شهور

ولا كني اذا ماجيك تصدّ بعيد وتجفيني

وش اللي غيّر عنادك فشلت فلعبتك للدور

أو ان الشوق في قلبك غدا كل لحظه يطريني

أنا ادري كلام الغير وعمرك ماملكت الشور

ومهما قلبك اتغير ماردة يتوه ويجيني

اخذها درس واتعلم وشوف الدنيا كيف اتدور

مثل ماني ترجيتك جيت اليوم ترجيني

ابي ترجع وتنساني وأبي قلبك يرد مكسور

انا مالي رجا منك ولو في مرة تعطيني

تفضل روح حب غيري عسى تلقى معاه النور

ترى ماعاد لك ذكرى تساوي دمعه من عيني

هذاك اول يابايعني تلاعب عزتي وتجور

أما الصدق وحياتك ابد ما عدت تعنيني

ودام اني شربت الهم من قسوة جفاك شهور

أظن الحين جا دورك تشرب من ظما سنيني