(أ) لم ألتق به، لكن ماوصلني عنه. عن سيرته وأخلاقه من أصدقاء، يجعلني أعرفه تمام المعرفة.

شعر - شوقي العامري

تمسّك في وصالي لا تهزّك شوشره

على فالك صحى ليلي ونور كوكبي

كفاني من عنا بعدك عتاب وثرثره

مدام أنك غديت اليوم كنزي وذهبي

تهجيتك على قلبي حروف وْمحبره

ليا حبك سبا عقلي وكل عمري سبي

أبي تسكن شراييني ودمّي تسحره

وأبي روحك تعانقني وتفهم ماأبي

وأبي عينك تباريني وليلي تسهره

وأبي لامن نويت أرحل تعاند مذهبي

وأبي تنصف ودادي واشتياقي تذكره

وأبي لاجيت لك مقبل تعانق موكبي

وأبي لامن بزغ نجمي غيومك تمطره

وأبي أقطف من أغـْصونك ثمار ٍ لولبي

وابي ارسي على شطك وقلبي تأسره

ليا من حرّكت امواج بحرك مركبي

وأبي قلبي من أحساسك وعطفك تغمره

وأبيك تصير لي زادي وغيثك مشربي

وأبيك تكون لعيوني ظلال وْمنظره

ألي منك حبست النور داخل مخلبي

زمانك لوتغطرس وأبتسم لي خنجره

حلفت أني اولّع من لياليك احطبي

ولو عينك نست شوفي غرور وْمقدره

تبخر في معاليقي ودادٍ مختبي

دخيلك لامتى هالعشق فيني تنكره

تعبت أشكي غرامك وأرتوي نار أتعبي

تعال أغسل ذنوبك من دموع المغفره

وحقق كل مواعيدك وغاية مطلبي

(ب) شاعر يشتغل بهدوء على نصه. يرتب عوالمه وفضاءاته كناسك يذهب إلى خلوة وهو مدجج بكل طهر ونقاء.