إِمْشِي عَدِلْ يـا وَلَدْ وُلا تِضِـرْ اِلناسْ

خَلْ عِنْدَكْ إِشْوَي حَيِهْ وُخَلْ عِنْدَكْ إِحْساسْ

لِطْيُوْرْ ماهِـي سُوَى إِحْــذِرْ تِساوِيْهِهْ

فِي حُـرْ ياكِلْ لَحَمْ وُحُـرْ ياكِلْ حـاسْ

@@@

إِنْبَـحْ كِثِرْ ما يَبِي راسِكْ وُأعْمامِكْ

خالَفْـتْ يا بُوْلَهَبْ شَرْعِكْ وُاِسْلامِكْ

وِالغِيْمْ وُسْطْ اِلْسِمِهْ ما يُوْصَلَهْ لِنْباحْ

لابُــدْ يُوْمْ إِتْعَوِي وِتْعِضْ إِبْهامُـكْ

@@@

حَسْرَهْ وُنَدامَهْ وُأَسَفْ تَحْرِقْ شَرايِنِهْ

عاطِلْ بَلَيّا عَمَلْ زايِدْ عَلِيْــهْ ديْنِـهْ

شَهادَةْ اِلمَدْرِسِهْ ما فادِتِهْ يابُــوْكْ

مادامْ واو اِلعَمَلْ ما تَمْلِكَهْ إِيْدِيْنِــهْ

@@@

راح إلذي لَهْ مَحَلْ وُسْطْ اِلْحَشى وِالرُوْحْ

وُياني خَصِيْمْ وُعَدُوْ تارِسْ حَياتي جْرُوْحْ

عُمْرِى عَلَى مِنْ رَحَلْ وُآهِنْ عَلَى مِنْ يِهْ

صابِرْ وُمالي أَحَـدْ مِحْتارْ وِيْـنْ آروحْ

خليفه العيسى