الحمدلله

انا اهم حاجة عندى هو ان الامتحانات امتى وحرم قوى اللى هما بيعملوه ده والله حرام المفروض يخفضوا المناهج التعليمية او يحددوا هنمتحن فى ايه بالظبط

بلاوي

الانخفاض في درجة تجمد المحلول عن درجة تجمد السائل النقي الناتج عند واحد مول لاي مادة غير الكترونية في 1000 جرام من السائل .

احل خبر سمعته اليوم ( خربتون عليي المراجعة ) لكن ما علي ضمن الاجازة

فرحتون الناس

فرحتونالناس مشكورين ياوزارة

يا أبو الاقتراحات

هيي انت يا ابو الاقتراحات عن البياخه الزايده والشي اللي ما تعرفه لا تفتي فيه فهمت والله مسخره الكل قام يقترح كل من هب ودب

اقترااااح جدا فااااااااشل

كفاية اليوم الدراسي يكون دسم ومتعب وبعد الغاء لحصص النشاط؟؟!!

المدرسيين عياريين

مساكين المدرسين اليي ما يحصلون كلمة رحم الله والديك و كل هذا التعب و محسودين لان لهم اجازات "محسود الفقير على موتت الجمعة" و هالاجازة ما تسوى عليهم و محسودين عليهم ساعات الشغل اليي عند المدرسين اكثر من ساعات الشغل اليي عند الموظفين في الوزارات اني تدربت بوزارة العمل من الصبح ساعتين للشاي و الجرايد و نصف ساعة للشغل و المراجعين "عمك اصمخ " و ساعة للصلاة و خمس ساعات للسوالف وينتهي الدواااام من اليي طلع العيار؟؟

الروضة لشهر 7

أنا اللي باط جبدي وقاهرني روضة من الروضات المشهورة وأول يوم دراسي للأطفال مصور ومحطوط في النت ، تخيلوا هذه الروضة قبل لايداومون أولادنا أخذوا من عندنا رسوم لشهر 7 ،والله حرام عليهم لا ويسوون روحم مطوعيين وهم همهم يأخذون فلوسنا بأي طريقة
لكن والله حرام عليكم كل دينار أخذتونه مني لشهر 7 لأني مابجيب أطفالي هالشهر

زائر

مرحبا ،، انا طالب في الأول الثنوي الصراحة الكتب وايد صعبة ومقرر الريض طويل وفي كل يوم يحاولون يكملون درس حتى لو مافهمنا..! وإذا قالنا للأستاذ مافهمنا يقول لنا روحو معاهد ودرسو برى انا هني شرحت الدرس انت مافهمت كيفك ،، والحين جاييين تقولوون لينا الإمتحنات ع الأبواب.! تونا مافهمنا شي من المقرارات ،، حسبي الله ونعم الوكيل فيكم يالوزارة يوم اللي جبتون لينا هال المصاروة يدروسونا والله مانفهم لهم 

لا حول ولا قوة الا بالله

الله يلعن كل من يقول ان المدرسين عياريين . .....وما اقول الا ما يطول العنب حامض عنه يقول وكل واحد في قلبه حره يعصر على روحه لوميه .

احلى خبر

عجل اجازة الصيف ما بروح منها شي

كل يرى الناس بعين طبعه

لست مدرسا لكي ادافع عن المدرسين ولكن بعض التعليقات تجبرك على التعليق , البعض يعتقد ان التدريس عمل سهل و ان المدرسين مجظوظين باجازات طويلة و ان لديهم اوقات فراغ كثيرة في اليوم الدراسي و ...... , المشكلة ان البعض يطبق المثل الذي يقول ( كل يرى الناس بعين طبعه ) فلانه يداوم متأخرا ويستغرق الساعة الاولى من الدوام في قراءة الجريدة ثم يأتي وقت الريوق والذي يستمر ربما لساعة ثم وقت الصلاة نصف ساعة ثم سوالف وقت الظهر مع الزملاء ثم الانصراف قبل نهاية الوقت بربع ساعة لذلك يعتقد ان المدرس عيار مثله

المعلمين عيارين

شكرا زائر 26و27 كفيت ووفيت كل إللي بقلبي.

إلى زاائر 4

لوو سمحت يعني من فضلك وفر إقتراحاتك لنفسك أحنا الطلبه ما نبي يزيدون الدوام إلى 3 حسووووووووووآ فينا شوي عااد كفايه ما نوصل البيت إلأ الساعه 2 فإذا صار الدوام الساعة 3 ما بنوصل إلا 4 وبعديين دواام يوم السبت ماااكو ما نبي صج إقتراحات فاااشله فاشله فاشله

المعلمين عيارين 2

وهذا على حساب منازلهم وأولادهم ,, ولافيه موظف يعمل خارج دوامه الرسمي بثانية واحدة . وعيارين لأنهم بكل بساطة مستضعفين من الإدارة والوزارة وأولياء الأمور والطلاب .,, والوافز توزع بالحسوبيات ... لا بعثات للدراسة ولا تفرغ للدراسة للمعلمين ويوم المعلم لايستحق هذا العيار إلا جائزة بدينار كحد أقصى ... عرفتوا كمية العيارة إللي عن المعلم ... يعني خلهم يداومون السبت وللساعة 4 ,,, وفي ستن داهية بيوتهم وأولادهم
أهم شيء راحة أصحاب السمو اللي موعيارين ...

المعلمين عيارين ,,,, شكرا لكم على هذه الهدية

المدرسين عيارين لأنهم الموظفين الوحيدين في الوزارات اللي مالهم اوفر تايم لو اشتغلوا بيوم اجازتهم , عيارين لان معاشاتهم نصها تروح لتجهيز الصفوف وشراء هدايا التميز لأولادكم , عيارين لأنهم لهم نصف ساعة راحة في طول اليوم , عيارين لأن ماعندهم وقت للشاي والجرايد وحكاوي الضحى اللي بالوزارات , عيارين لأنهم بالصف يعملون أنشطة للميزين وللضعاف ويراعون الفروق بينهم , عيارين لأن الوزرة تطالبهم بمشاريع إضافية تاخد وقت اولادهم وبيوتهم , عيارين لانهم يعملون حتى بوقت وجودهم بمنازلهم في التحضير والتصحيح ووو

ليش ما اتعرفون الحساب ؟؟؟؟؟؟؟؟؟؟؟

يا وزارة التربية .. ويا وزير من قال لك ان اللي ضاع من المرحلة الابتدائية 7 أيام فقط ؟ شهر كامل ضاع عليهم وانت تقول بس 7 أيام !!! بس عشان ما تحذفون من المناهج شي .. مو مهم عنكم الكيف .. بس الكم هو المهم ؟؟ تالي يطلعون لينا باللي يسمونها الجودة وسحاسبونا .. وشنو بتعوض حصة النشاط .. وأي مادة بتعوض ؟؟ يعني كل معلمة تاخد ليها نص صف واتدرسه .. وش هالقرارات الغير منطقية واللي ما تودي ولا اتجيب .. وانت يا معلم يا مسكين لازم تتكيف بالقرار الفاشل .

مدرسة أخذوها حجة

احنا عيالنا في مدرسة , كلشي علينا حتى أوراق مراجعة ما يطبعون لينا ويقولون المدرسات ما عنهم وقت , جبتر كامل يخلص في أسبوع , بدون ما يفهم التلميذ وتالي الضغط على ولي الأمر .. تعال يا أبو أو أم درسي ولدش أو بنتش هالجبتر اللي ما فهم منه شي من المدرسة .. عجل احنا ليش دافعين دم قلبنا ليكم عشان اتقولون ما عند المدرسات وقت .. والله اللي يبي لبن العصفور يوصل ليه .. انتون ما بتدرسونهم عدل بس على الأقل عطونا أوراق مراجعة اندرس فيها عيالنا .. وكاتبين في خطتهم يا أولياء أمور لا أحد يتذمر من هالقرار

حصة النشاط.... فاشلة

أصلا أنا مدرسة وأحب أخبركم إن أصلا حصة النشاط هذي حصة فاشلة، فقط الطلبة أصحاب صعوبات التعلم إلي يروحون حصة التقوية بدل النشاط يستفيدون أما بقية ال؟أنشطة فحدث ولا حرج، القلة القليلة من المدرسات يستفيدون منها إذا كانوا ناوين يشاركون في مسابقات أو فعاليات داخل وخارج المدرسة عشان يدربون الطالبات فيها ، ولذلك لما ألغيت ألحين أطالب وزارة التربية والتعليم إلغاء المسابقات لأن متى سوف يتم تدريب الطلاب لها هل بناخذهم من الصف؟

تدريس ولا تخليص المنهج فقط

أصبح الهم الاكبر للوزارة والمدارس وحتى المدرسين تخليص أو إنهاء المنهج فقط بدلاً من تدريس واستيعاب المنهج .
يعني يبغون ينهون المنهج والسلام حتى لو مافهم الطلاب خصوصا طلاب المرحلة الابتدائية المهم ، انهم يخلصون المنهج في الوقت المحدد من دون مراعاة استيعاب الطلبه وفهم للدرس
الوضع مأساه مايسوى عليهم هالتمديد

الاهل اخر من يعلم

في بعض المدراس الخاصة الاولاد يدوام لغا ية الساعة 3 و4 مع دوام يوم السبت والتدريس كله على الاهل والامتحتانات شاغلة والمدرسة مو عاجبها ولا نعرف مصير الاجازة ولا مصير الاجازة الصيفية ، يا صاحب اقتراح رقم 4 قول الحمد لله ابنك الساعة 2 فيالبيت يتنفس وانت مطمئن انه بخير مش في المدرسة كل يوم مدرس جديد و ولد جديد مع h1n1 يا سلام

حرااااااام...........المدارس الخاصة بعد

يجب على الوزارة تطبيق هالقرار على المدارس الخاصة ايضا لانه حرااااام الطلبة ماينالون اجازة ربيع والاجازة الصيفية قصيرة اصلا بيكرهون المدارس اذا صارت تفرقة بهالشكل.....
اناشد الوزارة بحث المدارس الخاصة على اتباع نفس القرارات بالنسبة للمدارس الحكومية....ز

ام حسين

كفايه عليهم هالدوام من الصبح الى الظهر ويجون ملهفوين على الغذاء مو بعد تخليهم الى الساعه 3 جيف بايعين اعيالنا اقتراحك باااااااااااايخ حده مو انته اللي تقررررره ويالله الله تجي اليهم اجازه الاسبوع

افهموها وهي طايررررررر.

ازالة دروس النشاط الا صفية يعني زيادة الضغط على الطلية يعني كلها مواد دسمة تكره الطالب في الدراسة غصب عنه والله ايعينه خصوصا مع المناهج الصعبة يازعم متطورة يعني لا تفرحون واجد على حساب تلف اعصاب الطالب وهذه وجهة نظر. .

بعض الزوار ...

تعلموا الكتابة أولا و من ثم إقترحوا .......

ممتاز

خوش خبر

مثل مقترح زائر 4

انا من المايدين الى هذا المقترح وهو المفترض لان عيالنا الى الحين ما درسو شي شلون بسون شي في المنتضف فقط شهر واحد من بدات الدراسة وهذا اكيد باثر سلبي على عيالنا ومثل ما اقترح الاخ رقم 4 يا اما يزيدون الدوام الى 3 او يجعلون يوم السبت اجازة او تتكنسل اجازة الربيع وتقليص اجازة الصيف الى شهر واتمنا من الزوار استيعاب الموضوع وادري ان كلامي ما يعجب البعض وخصوصا المدرسين لانهم تعود على العيارة والقعدة في البيت ولا يهمهم نتائج اولادنا والمهم عندهم الراتب والاجازات والحوافر والخاسر نحن واولادنا

والله حالة..

انتوا والله ذابحين عمركم اني طالبة جامعية في الاردن.. من اول ما وصلت على العام الدراسي الجديد والوضع تمام في الاردن لا في خوف ولاهم يحزنون وازيدكم من الشعر بيت المدارس مدوامة من رمضان يعني الوضع كله تمام والبحرين دابحين عمرهم على الفاضي..

???

ليش هالصورة؟
اصلا من زمان وقفوا الفحص في المدارس

كل شيئ تمام

والله وش ها الضجة الدراسة بدأت، والأمور ماشية تمام مع أولادنا لا فيه ضغط ولا هم يحزنون.

اقتراح غير موفق

سيككون هناك ضفط على المدرسين او هذا مو مهم عنك

إلى الزائرة رقم 1

هذا المقترح غير فعال مع التلاميذ وخاصة مع الحلقة الأولى وذلك بسبب أن الطفل يمل بسرعة من الصف ومن الدرس فإذا احتمل الجلوس لمدة خمس ساعات في صفه لا يعني أنه يحتمل الجلوس مدة أطول إلى ثمان ساعات و قدرته على الاستيعاب تقل ، وخلكم من المدرسين والتهجم عليهم لأنهم هم يعرفون مستويات التلاميذ ومدى قدرتهم على التحمل ، وإذا تبون الفكة من أولادكم ودوهم دروس بعد العصر

ماشاء الله عليك يا أبوا الإقتراحات

الحين أنت راعيت عيالك وما راعيت الي المدرسين أكيد الي يده في الماي غير الي يده في النار وبعدين باقولك من بيعوض المدرسين والمدرسات على دوامهم الي مداومينه من أخر رمضان خوش والله ، أنا عندي لك أقتراح أفضل أش رايك يلبون إقتراحك لكن شرط إستقطاع 1% من رواتب المواطني للمدرسين ولأن عيالكم وخايفين على تحصيلهم العلمي فلازم أتضحون بعد أنتوا أشرايك موافق أو لا .

غير مقبول

من قال لك كل اوليا الامور يريدون ذلك اتكلم عن نفس فقط .

!!!

اذا انت متملل من عيالك وتبيهم يقعدون طول هالفتره في المدرسه ...فأنت بكيفك !! وفر اقتراحك لنفسك

زين والله

الحمد لله عجل بيفرحون الطلبة لان الكل مستاء من التخوف الحاصل نحو تقليص الاجازة

رد على 1

هذا رأيك الشخصي اما الباقي فلا يريدون تغيير في شي يكفي الى 1 ونص !!! اما ان الدوام الى الساعه 3 فهذا راح يكون نظام فااااااااااشل فأأأأأأشل فاأأأأأشل ... حتى انهم يداومون السبت فهذا مرفوووووض

عندي مقترح

عندري مقترح الى ورزارة التربية والى الوزير حفضه الله
ليش ما يكون يوم السبت دراسة عشان ليكون ضغط على اولادنا في المقررات وليش ما يزيدون وقت الدوام المدرسي يعني الى الساعة ثلاث وهذا افضل شي عشان التحصيل العلمي لاولادنا وهذا مقترح جيد والجميع يطالب بة ويتمنها والاحتجاج بس من قبل المدرسين لانهم لا يريدون التضحية عشان ابنائنا بس اتمنى من الوزارة تنظر في هذا الاقتراح لان جميع ولياء الامور يريدون هكذا

اصبحنا واصبح الملك لله

صباح مشرق للجميع ، اخبار تسر القلب من الصبح
شكرااا صحيفتنا العزيــزة " الوسط " على البشــارة

الحمدلله

من وجهة نظري اظن انه التصرف الحسن لأن الناس تطمح للراحة والدراسة بنفس الوقت وانا شخصيا بالمرحلة الأخيرة من الثانوية واتمنى يوم تخرجي بفارغ الصبر !!

درب الزلق

بارك الله فيكم يا وزارة التربية فرحوا اولادكم في الإجازة

احلى خبر على الريق

احلى خبر على الريق .......... باي رايح الدوام قبل لا يزورنا اليوم فراش الوزير ....... لازم قبل نصف ساعة احنا في مدارسنا