واحد من الناس

والله ياشباب انا الي اشوفه من الاخوان الهنود والبلوش اذا ركبو سيكل مايهمهم كان على شارع رئيسي على هاي ويه على اي مكان حتى لو كانو اعمارهم 4 سنوات يحبو يطلعو فيها قدام الناس وهلشي يسبب حوادث اغلب وحوادث الحوره والقضيبيه منهم والاهل يلعبو دور لازم يعلموهم حتى لو كانو مشغولين مانلوم الهنود والباكستانيين لانه صار في عرب يقلدوهم اتروح اي مكان رفاع المحرق المدينه ستره الخ كلهم نفس الشي مع احترامي للجميع وتحيااتي ^_*

المحرق

اكثرما ساءني ان ارى الطفل المصاب ممدا على الارض لاكثر من نصف ساعة بانتظار سيارة الاسعاف لو كانت اصابته بليغة جدا لتوفي الاخر وين النشامى

انا السائقه

كنت بدفع عمري كله بس الولد يرجع يعيش
الدرجات الهوائية فاجئوني قدرت اتفدى الاثنين بس الثالث ماقدرت اتفاداه
تفاديتهم وانا ضاربه بريك
الله يرحمه لحد الحين ماقادره انسى .. ياليتني ميته معاه ولا اشوف اللي قاعده اشوفه
الله يرحمك ويالله اغفر لي اللهم عفوك عفوك
واللي شاف الحادث ياليت يتوجه للمرور محتاجه شهود من اللي شافو الحادث من بدايته ارجووكم

w7da shafat el7adth

a9lan elyahl ohwa elle 6ala3 3la el bnt elle kant etmashi ma leha thamb wel ghalat 3la el yahel o ahel el yahel m5lieen a3yalhom fe el share3 ahom ma kano ethneen kano 3 wa7ed maat el thani t3wr el thaleth ma feh shey wo ra7 m3a o5oh el es3aaf bs elle m5leeni astghreb el yahel elle maat m7d ya 7aqah la ommah la obooh wain ahaalah????

الله يرحمه

الله يرحمه مسكين انا كنت في مكان الحادث وكسر خاطري الولد وهو ميت على الارض الله يرحمه ويصبر اهله .... بالاخير قضاء وقدر والحق على اهله لان الشارع شارع سريع والحق مو على البنت الله يصبرها بعد لان يلي صار معها بحرمها تسوق سياره الله يرحمه ويصبر اهله

المهم

المشكلة كل على السائق المسكين وين ادارة المرور وين زمان اول اللى ماشافت واحد على سيكل و اسحبوا و مشكلة وتعال شوف الهنود لين يطوفون الشارع ومثل المجانين وشتسوي واحد طلع مرة واي بريك يجود ديك الحزه.

!!!!!!

الولد الفقير آسيوي عشان جذي قاعدين تلومونه!! لو كان بحريني كان لعنتوا المرور و السايق و و و و و و و ......... لكن أبد مالمتوا أولياء أمورهم لكن أقول الواحد مايشوف عيبه بنفسه!! الله يصبر أهل الولد.

المحامين

واحنا مجموعة المحامين نعاني يوميا من عبور الشارع حيث أننا نوقف سياراتنا في باركات الكوورنيش قرب مطعم كل أفشان ثم نعبر الشارع للوصول للمحكمة نحن نناشد بلدية المنامة وإدارة المرور لوضع جسر مشاة لوقف المعاناة اليومية المستمرة ولا داعي للإنتظار حتى وقوع حادث لأحدنا لا سمح الله

انتبهوا من المشاة

ليش اللوم دايما على السواق ؟!!! يعني مثلا الشارع هاي وي ويمكن السيارة تمشي 80 او 60 اقل شي وبتتفاجئ بيهال يعبرون او اي احد حتى لو ضربت بريك قوي بعد ما في فايدة اقل شي بتصير اصابة
انا واحد اخاف من هالسوالف من اجوف احد يمشي حتى لو على الرصيف اخفف كل اخاف يطلعون بالغلط واتوهق بعدين!!!
ومثل ما قال الأخ بو هاشم في ناس ما يبالون بأرواحهم تلاقيهم يطوفون الشارع جنهم سيارات مو اوادم!!!
الله يكون في عون الجميع

الحل

حل هذي المشكلة هو وضع جسر مشاة بين الشارعين حتى تمر الناس بدون حوادث قاتلة

الله يرحمهم

نناشد بلدي المحرق لوضع حلول للناس اللي تعبر من كورنيش الغوص للشارع المقابل حراااااام عوايل واطفال يعبرون الشارع وين الجسر العلوي يابلدي المحرق بس رازينه نتفرج عليه

حداوي اصيل

شفت الحادث بنفسي وقلت في نفسي اكيد ذولي هنود من اللي يقدر يعبر هشارع المزدحم والخطر وين اهاليهم الله يرحمهم ويصبر ذويهم , وللعم وصل طابور السيارات المزدحمه من مكان الحادث الى المحرق من الجسرين

الاهمال من أولياء أمور المتوفى

للعلم لو أن الحادث في أي دولة أوروبية، يسجن ويغرم أولياء أمور الطفلين، ويعوض صاحب السيارة، بسبب مخالفة السير في الطريق. "هذا طريق سريع وليس محل للعبة". ألله يعطيك الصبر يا أخت لم يكن خطأك أنه قضاء وقدر ، آمل من النيابة العامة توجيه التهمة إلى أولياء الأمور في مثل هذه الحوادث، ونصيحة جالية شبه القارة الهندية لا تبالي في أرواحها فإحذروا منهم. بو هاشم

اني شفت الحادث

كانوا على سيكل وناطين الهاي ويه .. الله يرحمه كان مفلوت على الارض وعليه فانيله حمرا واللي وياه قاعد جنبه والسياره تخفست

وين اولياء الامور؟؟

المرور عندنا بهالبلد يعرف بس يخلي دوريات عند المناطق اللي فيها تحركات شعبية ويتصيد مخالفات الحزام اللي نسوها الناس من زمن النبي نوح او مخالفات تافهه , مايطالعون هالمسخرة اللي يسوونها بعض اصحاب الدرجات النارية واما الدراجات الهوائية فالمفروض ينتبه مو نلوم السائق بعدين لازم اباءهم مايعطونهم ويدلعونهم لهالحد وعقب يصيحون اذا ماتوا عيالهم لكن عموما قدر الله وماشاء فعل

لو كانت ديره اوروبيه الاولويه للدراجه.

اهني الدراجه كانها مو مركبه هههههههههه.اللي يضرب تن عليها واللي يزرق عليها ولا كانه كائن حي فوق الدراجه بس شرها على المرور اللي ماتنزل قوانين عدله بخصوص الاولويه للدراجه الناريه كله ضد الدراجات .

الله يرحمهم جميعا

هذا مكتوب ومقدر ليهم ولكن نرجوا من جميع السواق الانتباة لهذة الامور

الى زائر رقم 1

الدراجه هوائيه وليس موتر سيكل وهؤلاء اطفال يعني احتمال يكونون كلنو يلعبون في الشارع وصدمتهم السياره فلا تضعو اللوم دائماً على السائق

قضاء وقدر

اذا جاء اجلكم لاتستأخرون ساعة ولا تستقدمون
يعني الحادث مو شرط يكون من مخمور حتى الي عندهم حواسهم كامل معرضين لعمل حادث
الله يرحم الجميع

المشكلة الناس مو متعودة على الدراجات النارية

الناس في الشارع ما تعتبر الدراجة النارية مركبة حالها حال السيارات - لأن قليل اللي يستخدمون الدراجات النارية - من جدي ما تعطيها اهمية واهني اتصير الحوادث - الرجاء الإنتباه ومعاملتهم معاملة السيارات في الشارع.