غريب هذا التصرف

من يريد حل هذا الاشكال يدور شخص امريكي يشترى السياره من الامارات ويوديها الى البحرين واذا كتب الامريكي اعتراض ناقشوه وعرفو من وضع القرار على البحرينيين يطبق نظام على اناس ليس لهم دخل فيه
لان نظامهم يجيز المديلات القديمه هذا اجتهاد موظف وليس قرار رسمى

يعني لازم كرتون

حسبي الله ونعم الوكيل على من حط هذا القرار

يا اخي نبي مواتر قديمه سواء ياباني والا امريكي والا الماني الجديد كله خايس ..
نبي موتر ما يقول لا..
السيارات الجديده كلها كرتون وحقت اسفلت ناعم ما هو مثل اللي بكل شارع بالسعوديه..

انا ابي اشتري كابرس 90 واستورده من برى السعوديه ففوجئت بهذا القرار
لكن ما اقول الا حسبي الله ونعم الوكيل ...

معلوم يا محب الجاه

أكيد بتقولون عذركم :
إذا كان الكلام من فضه فسكوت من ذهب.
بالإضافة أن تخليص إي إجراء في دولة السعوديه في أغلب الأوقات يكون دائما بتكبر و غرور .
و كل شخص يداوم على كيفة بالخاصة منطقة البطحاء.
الدين هو المعاملة.
و شكرا

المشكلة ما عندهم قرار موثوق الهم قرار اداري

اي والله كلش ما عندهم سالفة منفذ البطحاء شنو بيضرهم لو عبرنة السعودية بلوحة تصدير اهو بالصراحة عناد والبحرين ما عندهم خبر في الموضوع واحنى انيب سيارات من برة لان اصلا البحرين ما عندهم اوبشن عدل في السيارات لكن ما اقول الا احنى السهلين

الرفاعي

انا واحد مريت بتجربه والله احنه البحرينين بالنسبه للموظفين في منفذ البطحاء يعاملونا معامله قاسيه لارقابه عليهم من جهة المسئولين عليهم وفي تخليص السيارة يخذون رسوم 35 دينار من غير رصيد والاول لايخذون الرسوم بس يذلوننا ذل في عبور المنفذ بعد 5 او 6 ساعات لين اخلصونا حسبي الله ونعم الوكيل عليهم

ديرة مخسوفة

لو هالديرة عدلة كان ما تمرمر المواطن ويعدم روحة من بلد إلى بلد علشان سيارة ومستخدمة بعد. لا معاشات عدلة واسعار السيارات بعد ما يحتاج اقول يعني لو افترضنا تكلفهم 1000 دينار ايبيعها 10000 كل هذا على ضهر المواطنين الفقارة.
متى انعيش مثل باقي الناس
وين كلا اللي ايقول بغير هنود الخليج إلى ملوك الخليج . ما شفنا الا طزة في العين.

ام كشه

حسبنا الله ونعم الوكيل يعني الفقير زيدوه فقر ناس تترزق خافو الله

علي القطان >>

الله يكون في العون بس غريبه المسئله قبل اسبوع واحد من الربع دخل سياره موديل 2000

الله يعينكم

لي رأي بالنسبة للمتضررين, لا تلجأون للمسؤلين في البحرين ولاتصعدون الموضوع بالبحرين لان الموضوع راح يتأزم جذي ويمكن تلفتون نظر المسؤلين لتطبيق النظام في البحرين وهذيك الساعة بتقفل عليكم من جميع النواحي ,,, روحو مقر ادارة الجمارك السعودية بالرياض وقابلو المسؤلين هناك واهم راح يتفهمون مشكلتكم وراح يحلونها لانهم على دراية بالنظام المطبق في دول الخليج لان واضح ان اللي حصل لكم نتيجة تعنت من المسؤل في الجمرك وتصرف شخصي عقيم وقبل ذلك روحو لمدير جمرك سلوى يمكن بعد يحلها لان البطحاء تحت ادارته

قريبآ

قريبآ بيفتحون جسر البحرين و قطر وبتفتكون اللة معا الصابريآ

لي تجربة واستفيدوا يا اخوان

اشحنوا على البحر يا جماعة بلا تعقيدات بلا بطيخ

انت فقير واحنا وراك وراك

تبي تاجر من ورانا احنا ندري يبه بنسوي ليكم مثل ماسوينا لاعضاء الوفاق في الحدود الخليجيه

14 نور

هم يأكلون ويشربون وينامون قريري العين أما الفقير
فيأكل بحساب ويشرب بحساب ونومه في الليل متقلب يفكر في رزق يوم غد هل هو آت أم لا , ديونه كيف يسددها أولاده كيف يطعمها عورته كيف يسترها , همه ثقيل وجسمه عليل رمته الحيات بسهامها وأثقلته الدنيا بأحمالها فما قوله إلا :: الحمد لله رب العالمين :: وإن شكرتم لأزيدنكم ::

حسبنا الله ونعم الوكيل

حسبنا الله ونعم الوكيل
اذا كانت هالقرارات تصدر على هواهم ليش الدولة ما تشوف حلول اليهم؟؟
لو كل شي تبون تمنعون هالفقراء المساكين
اللهم عجل لوليك الفرج

بس عاااااااااد

بسكم عاد والله حرام عليكم يعني الحين الفقير وش يسوي بعمره يروح يبوق ولا ينهب عشان ياخذ له سياره لا وظايف ولا رواتب عدله ولا بيوت ولا حاله وين قاعدين احنا بس ما اقول الا الله يعجل بظهور الحجه يارب

سيارة الفقير

يعني لو واحد عنه مبلغ عدل يكدر يشتري سيارة موديل 2005 وما فوق بيروح الامارات حك شنو ، قوانين فاشلة طبقوها على السعوديين ومو علينا احنا البحارنه والله الدنيا ضاقت علينا وين انروح لا راتب عدل لا بيت حتى السيارة مانعينا ، حسبي الله ونعم الوكيل

البحرين

حبيبي احنا السعودين متضررين من هذا القرار فلا تحسب الفقر موجود بس في البحرين انا ابغى اجيب سيارة من خارج السعودية لكن ما ابغى السيارة موديلها جديد و القرار هذا مانعني انا حالي حالكك متورط بسبب قرار يبغاني اشتري سيارة جديدة

أبو علي...

شلت يد كل من ساهم في قطع رزق فقير

هم البحرينيين ( البحرينيين مظلومين في كل مكان)

اي والله صارت الدنيا لعبة في ايدهم يتحكمون كما يشاءون محد لهم محد يحاسبهم . والخبر اصلا غامض و غير واضح ولا في مبرر على هذا المنع ومن الصعب تعويض هؤلاء المتضررين

غصب هو يبه موغصب

غصب يبونا نتري من اهني واسعار نار شابه انتون كل شي منعتونه بالقوه الى متى وكل شي لا حتى في شي حلالنا لا انتون حتى الهواء لو بيدكم سويتونه بفلوس ومنعتونه

ستــ نور العين ــرة

الدنيا لعبة في يد هؤلاء البشر اللي ما يخافون الله يتحكمون في الناس متى يبّون مو المفروض يخبرون هؤلاء بمنع جلب هذه السيارات بدّل خسائرهم والمفروض السماح لهم بدخول هذه السيارات أو التعويض لهم عن كل مبلغ خسروة

اتاوي شرس

طبعا مثل ما هو معروف مثل هالقرارات ما تصير الا على الفقرا ء .. اول شي السعودين ( القطيف - الاحساء ) والحين على البحرينين . وما ندري هل هي مسأله طائفيه او لا ... والله يعين اللي يقطع 450 كيلو من داخل الامارات وبعدين يقولون له ما تقدر تطوف بالسياره

والله حاله

محسود الفقير موتته الجمعه .

بحرانيه حدي

حتى الفقير في رزقه اصكون عليه ، اسعار السيارات في ارتفاع مستمر حتى المستعمله منها والفقير يضطر يشتري موديلات قديمه يجلبها من دول ارخص من اسعار البحرين تناسب مستواه المعيشي وهذا القرار يعد تعسف في حقه لا حول ولا قوة الا بالله .

انشالله يسون حل

ولله حاله وياهم ... ماندري وش انسوي بسيايرنا مفلتين اهناك سبوعين لا والقهر حتي عن طريق الشحن يقولون ممنوع والي يقهر ازيد نقوليهم خب السيارات تصدير للبحرين يرد علينه بس الطريق الي بتمرون فيه ملك السعودية يعني ممنوع تمرون عليه وش هالمنطق!!! والمشكلة مافي حل غير الشحن عن طريق البحر وهذا يكلف 700 دينار يعني خسارة وتطلع علينا السيارة بمهر عبلة

بس البطحا

انا امس في منفذ سلوي استفسر عن السيارات الموديلات المسموحه قال للسعوديه والامارات وقطر خمس سنوات واما البحرين لامانع اي موديل بس الترصيص والتأمين

الفقير اة وين ماتروح

الفقير وين ماضربها عوجا اللة يكون في العون الفقير وش سوي واحتكار الوكلاء في الديرة واسعار السيارات في الديرة نار نار نار اللة يكون في العون شوفو سيارات الباكستانية الي يجمعون الحديد وش تقول اللة يكون في العون من كثر الرواتب ماتدري اى وكالة تروح