ثاني اعدادي مدرسه مدينه عيسى الاعداديه للبنات

متى شهادات ثاني الاعدادي

ام السادة

مو كل المعلمات مظلومات ، اني في بنتي بالابتدائي كذا مرة اذا ما تعرف الحل او تحل غلط تقووول اليها المعلمة خلييي وحد من الطالبات تعلمش ويوم اشتكيت للمشرفة قالت هذا قرار ان الطالبات يصححون لبعض عجل المعلمة ليش تااااخذ الراتب اخر الشهر علشان التصحيح بس ؟؟؟؟!!!!!!! المفروووض يدرسوون بضمير

ليتني ما صرت مدرسة

أنا مدرسة لغة عربية ، أعاني من ضغط العمل فنصابي 21 حصة وتربية صف ومناوبة في الفسحة ومناوبة نهاية الدوام يومين في الشهر .
حتى جدول حصصي غير منظم ، فعندي يومين خمس حصص.
أنا نادمة لاختياري مهنة التدريس ، برغم حبي للغة العربية وتقديسي لمهنة التدريس فعدما كنت طالبة كنت أنظر لهذة المهنة بعين التقديس والاحترام .
أما الآن فأنا أنصح جميع من يهمني أمرهم بعدم الإنضمام لهذه المهنة .

عاطلة

اني معظم اهلي مدرسين وكله دايخين حتى خالتي تمشي بشنطتها مالت الاوراق علشان تصحح وخالتي الثانيه ما تطله من بيهم كله تحضير وتصحيح والباقي مثلهم ولمن اخذت تدريس المل اقول لي غير تر وجع راس في التوظيف والتدريس واحنا غلطتنا لو تخصص ثاني ونشتغل ل4 العصر ولا ها الشغلة

عدم توافر الشواغر

والله خسنا في بيوتنا اقول يا وزير وظفنا ترانا ملينا

معلمة

اللي يتكلم عن مهنة التدريس أنها سهلة والمعلمين يلعبوون ما يدري عن هذي الشغلة حتى أبسط الأمور ولا راح يقدر شغل المعلم إلا إذا كان مكانه, باختصار مافي شغلة سهلة لكن شي اسهل من شي شغلتنا لاتقتصر على المدرسة بل في البيت وعلى حساب اولادنا ولا حتى في عطلنا المحسودين عليها ادرس ثلاث مناهج ولا كل يوم يغيرون المناهج يعني كل سنة شغلي يتغير غير عن طلبات هالمشاريع ( التحسين والجودة وتقييم الأداء ,...) الله يكون في عونا والشيء الأهم مافي تقدير حق شغلنا من قبل الإدارات فكل إدارة عندها قروب مقرب

والله الي يده في الماي ... وتعرفون الباقي

أبي أعرف الي قاعدين يتطنزون على شنو؟؟؟ لو انتو مكان المدرسات مساكين جان شنو سويتوا؟ كفاية كرف المدرسة من تدريس وأنشطة و الجودة و إلخ.. ونروح البيت محملين بأغراض الله يعلم بوزنها وبعد تعيبون؟؟
أحنا مب رافضين نشتغل بس الرحمة زينة تخيلو روحكم واقفين تتكلمون خمس ساعات متواصلات شنو راح اتسوون؟؟
على فكرة حتى الإجازة الي حاسدينا عليها نقعد نتجهز حق السنة الجديدة فيها!!!!!

الى زائر رقم 43

اي والله نحن طالبات ما نقدر في يوم واحد شرحت حق بينية رياضيات مرضت اسبوع كامل صوتي راح أنا معاج يا معلمة غالية اللهم يخفف عنكم ثقل دراسة وياه طالبات

متحلطمات

الناس اللي تقول المعلمات كله يتحلطمون اقول احنا ما نشتكي لاننا ما نبي نشتغل و لكن احنا نقول ارحمونا و خففوا الحمل علينا شوي عشان نقدر نعطي داخل الصف اذا المعلمة عنددها خمس حصص متتالية في اليوم شلون يكون حالها في نهاية اليوم ما تقدر تعطي احنا بعد بشر و نتعب و اللي تقول خلي يستقيلون و يوظفونا اقول لو ما الحسد ما مات احد

إلى جميع المعلقين

الذين يرون ان المعلم همه الراتب
أتحداكم تجربون التدريس يوم واحد فقط في نظام فصل
واللي يقبل التحدي باعطيه راتبي كله
التدريس ما صار فقط شرح الدروس
بل أعمال كتابية لا نهاية لها
يدي صارت شبه مشلولة من كثر التصحيح
وصوتي صار ذكوري من كثر الشرح
الرحمة يا عالم
نلاقيهامنكم والا من أولياء الأمور والا الإدارات والا الوزارة والا من الطلاب أنفسهم
اللي صارو يرفسونا ويمشون
حتى ما علموهم أهالي يقولون كلمة اعتذار إذا أخطأو ا في حق أحدهم

والله صدقتي يا زائر 33

ألحين الحال مقلوب إلي ما يحب راس المديرة كل اليوم الصبح و يقضي أشغالها و يسوي مسابقات ماليها معنى ما يعبرونه و ما يقدرونه

؟

أصعب مهنة التعليم و بالخصوص عند الإناث‏ / كل واحد مو مدرس خله يسد بوزه و يروح حق الجلف يدرسونه

احتياااااااااااااااااااااط

اذا انتو جذيه عيل احنا معلمات الاحتياط شنو انقول اللي امسوينا مثل الاتجار بالبشر ، والله العظيم ادخل اكثر من 22 حصة أسبوعيا وكل هذا لأني احتياط :(

شغلونا احنا العاطلين

اذا توظفنا احنا اللي قاعدين في البيت على شهاداتنا بحل ازماات وااجد في المدراس خصوصا حصص الاحتياط لان ساعات الصفوف محد يرضى من المعلمات ايرووح ليهم لان كل المعلمات تعابه و يظلوون الجهاال مهدودين مثل الغنم ماعليهم راعي

أنا طالبة

اي والله عندي في مدرسة معلمة الاجتماعيات مسكينة كل يوم تدرس خمس حصص والله هي تعبانة تدرس صفوف ثاني اعدادي كله و صف ثالث اعدادي هاي معلمة يبي لها تكريم و اطلب من وزارة تخفيف عنها ضغط والله هي تستاهل اكثر أشكرها من اعماق قلبي شرح معلمة 5 دقائق تدش في مخ عاشو يا معلمتي بنت المهدي من

عساهم

عساهم....إلا يبغى الدح مايقول أح....ناس مو لاقية اشغال وهذلين بس يتشكون..احمدوا ربكم...ياليتني مكانكم

على طول يشتكون

صراحة المدرسين البحرنيين مو مال شغل حتى ولو توه متوظف يقعد يشتكي ويتأفف لما أنتو مو قادرين على الشغل لويه تركضون ورا التدريس على العموم هذي عادة البحارنة كله يشتكون ومتمللين ومو عاجبهم العجب واذا مو متحملين الشغل خليهم يستقلون .

هذا ليس كلام منطقي

الى الزائر الذي يقول أن البحرنين مو كفأ خله يجرب التدريس بعدين يتكلم... شكله عجبنه شغل الأجانب وخل العاطلين الجامعين جالسين في البيت الي ومالانهاية.

المدرسة مقبرة المعلمين(معلمة عربي)

تحولت المدارس الى مدارس انشطة وفعاليات الي يكرف داخل الصف ماليه اي اعتبار الاعتبار بالفعاليات والانشطة ،شلون تبغونا نشارك بالفعاليات والنصاب عشرين حصة والمجموعات خمس وارشاد ومصادر ومناوبة واحتياااط وحضور ورش واشراف على مسابقات ومناهج جديدة وحضور و لجان يالله من خيرك ،،،وطبعا التصحيح والتحضير واعداد الاختبارات والامتحانات في البيت ،،والاولادوالزوج ليهم الله،،،صار دوامنا مو 8 ساعات إلا اربع وعشرين ساعة والراتب الكل يطالعه ويحسدنا عليه واحنا صار لينا سنوات موقادرين نشتري نتفة ارض حق عيالنا .....

إلى الزائر رقم 3

أؤيد كلامك وأثني عليه ... أنا معلم لغة عربية ونصابي 21 حصة .. 11 سنة والحال ما تغير . احنا نكرف في الصفوف وغيرنا يلعب بالحوافز والمكافآت وخصوصا معلمي الصفارة والتربية الفنية .. نشاط رياضي هرار وغالبا الطلاب هم اللي يديرونه أو رسم وصباغة الحيطان وتلميع واجهة الإدارة والحافز مضمون .. فيه فرق بين مدرس لغة عربية أو مدرس مادة أساسية وبين مدرس الرياضة اللي حده حامل كرة وصفارة ... تبدأ الحصة بصفارة وتنتهي بصفارة .. ويقولون يتعبون بعد ........

عبير الورد--- للمعلمه المقهوره

هههههههههه ضحكتيني ياعزيزتي ههههه الحال من بعضه وشكلي بدخل وياااج

ألى زائر رقم 3

إلى زائر رقم 3 معلم الصفارة الي مو عاجبنك روح جوفه شسوي في المدرسة من تدريس وأنشطة ومباريات العصر غير الدوام في الإجازات،غير أنه فراش المدرسة كل شي فوق راس صج معلم الصفارة على قولتك مظلوم ومظلوم.

معلمة مقهورة

بس بقول شي
أني إذا ما استجنيت السنة وودوني الأعصاب
أكيد السنة الجاية بيودوني
تعبت والله تعبت

الأجنبي يحصل على 20 ضعفالراتب

ودونا المريخ ونبي 3أضعاف الراتب مو الأجنبي راتبه 40 دينار وهنا يستلم 800 أحسبها حتى وزيرهم يبي يعمل في البحرين مثلك يا زاير 7 عطوهم مثل السعوديه 2000 ريال وبس لكن ديرتنا تربي الغريب

طالبة مقهورة

والله مو بس المعلمات تعبانين حتى احنا الطلبة مافي رحمة كلش في اليوم الواحد اربعة اختبارات وش هل الحالة حتى لين طلبنا منهم رحلة ما يرضون يودونا وش هل الحالة

عاطلة جامعية

ليش ما يشغلونا مدام في نقص في المعلمات حتى لو ننجح في الامتحان والمقابلة يقولون مافي شواغر

نعم للبحرنة ..

و كل اللي يدخل و يقول المعلم الأجنبي أكفأ فهو من المعلمين الوافدين الخائفين على الدينار، و ربي الشاهد على ما أقول الوافدين أكثر المعلمين يتأخرون على الدوام، و الأسماء و الجنسية عندي غير الأمور الأخرى من الشهادات المزورة لبعضهم و ضعف تحصليهم الجامعي لهذا رفضتهم دولتهم

أنا تدرس ابني مدرسات غير بحرينيات و يعاني

حنا نعاني مع المدرسات غير البحرينيات ( الوافدات )، توصيل المعلومة ضعيف جداً عندهن،غير اللفظ غير الواضح للكلمات، و الأساليب التربوية التي لا تتوافق مع بيئتنا البحرينية و الشدة المخالفة لقوانين التربية، و هذي المعاناة واضحة عند مدارس الأولاد الذين يقوم بتدريسهم وافدون أجانب على البلد،و المعاااناة أكثر من هذا لكن هذا ما يسعني قوله الآن..راحت أيام زمان لما كانت مدرساتنا كلهن بحرينيات لا يعرفن الكلل و لا الملل على عكس الوافدات اللاتي همهن الراتب و تحويله نهاية الشهر،و كل يوم طاقينها بالسهر و المجمعات

يالي ماخذين مدرسات عشان رواتبهم تستاهلون

حتى لو كانت الوحده بدون اخلاق وقبيحه رحتو ركضتو تبون مدرسه عشان راتبها تستاهلون على نياتكم ترزقون

خلهم يستقيلون كلش عاد الحين بيموتون الطلبه من غيرهم

الصراحه الي ضحكني بالموضوع يهددون بالاستقاله خلهم يستقيلون شلمانعنهم ؟؟يدرون ما فيه اشغال ,, حجي في حجي من قلة اي بيون يتوظفون؟؟من زين تدريسهم قله منهم ايدرسون زين

كله تتشكوون ؟موبلاش يعطونكم رواتب ومن زين تدريسكم

يعني المدرسين والمدرسات
البحرينيين كله يشكون وبس الراتب حلو وبارد قعدو في ابيوتكم اذا مو عاجبكم هذا التدريس جذيه ,, يعني تبون رواتب بدون تعب؟؟من زين تدريسكم؟؟الصراحه الاجانب ايدرسون بضمير لكن معظمكم ما كنا نفهم شي منهم

اللي مو قد الشغل لا يشتغل...

ناس متخرجه مو لايقه شغل وبعض المعلمات والمعلمين يتحلطمون .والله حاله.

الى زوج المدرسةhhhhhhhhhhhhhhhhhhhhhhhhhh

قصدك العكس صح؟؟؟؟؟والله لو تسال زوجتك من درسها وعلمها ووصل لها المعلومة وكبرت وتخرجت وصارت معلمة راح تقلك المدرسات الاجانب>>>,واللي يقول الاجانب غير كفىء يروح ينام احسن له لانه يا اما بيكذب على نفسه واما يغالط فيها لان الشهادة في البلدان العربية الاخرى لا تمنح الا لمستحقيها وبجدارة مو نفس هنا كل شىء سهل وجاهز...ومن هنا ياتي تميز الاجنبي

المعلم البحريني اكفأ واحق بالتدريس

الى الزائر 7 كلنا كنا طلبة ولاحظنا الفرق بين المعلم الاجنبي والمعلم البحريني الاصلي !
المعلم البحريني يشرح من قلب ويفهم الطلبة من احساااس لان عنده انتماااء للوطن ويعتبر الطلبة الي قدامه يمكن يكونون واحد من ابناءه .. والمدرسين الاجااانب ينعدون على الاصابع الي يشرحون عدل وبين قوووسين بس المصريين في الرياضيات ( الذكور فقط ) الي يشرحون عدل اما الباقي من ياخذون الجنسية استراحوا

والله هذي شغلتهم

والله المدرسين صاروا كساله, هذي شغلتكم التدريس ومن زين تدريسكم..كله تأفف وكله مو عاجبكم شيء. وبعدين اذا فيه مدرسين غير بحرينيين مو مهيئين للتدريس ففي آلاف المدرسين البحرينيين لا يفقهون شيئا في التدريس والتربية

غريبه؟؟

هناك مدرسات ينتظرووون ان يعملو ؟؟ فلماذا لا توظفوهن؟؟ بعد هذا المقال اتوقع بان يجلبو هلجلف من برة ليغطون .. ويتركون بنات البلد مفلوتين

kh kh

تعليق على الزائر ( 7 )
لا نختلف على ساعات العمل، لكن رفقاً به يا اصحاب التعليقاتلكون المعلم حتى في الحصص الفراغ يعمل.. فهو إما يحضر للدرس القادم أو يصحح الاختبار السابق. او يعد نشاطا..

تكمله 11

المدير المجرم اسجل اعمالي باسم احد المدرسين من ربعة ويعطيه حوافز بعد والاكثر ورشحه الى مدير مساعد باعمالي ولم اكتشفته يقولي الا اساعده .تساعده على اكتافي ياظالم. لله الشتكا

تعليق على الزائر7

الظاهر انه ما تعرفين انه في قانون انه النصاب لازم اكون 20 ساعة و هذا نظام ال8 ساعات حق الاشغال العادية و شغلة المدرس مو شغلة عادية لانه الشغل و التحضير ما يقدر اله اسويه في البيت و اذا احتجيتين ليش ما اسوونه في المدرسة هذا ينافى كلامش لانه اذا هم يشتغلون طول الساعات في المدرسة وين اسوون الاشغال الاضافية..و بعد اذا تبين ترقيات لازم بعد تستهلكين وقت اضافي
فشلون الاجانب أكفأ، اصلا المدرسين الاجانب الي نفهم ليهم معدودين على الاصابع و ثانيا هذلين على عقد اكيد ابينون روحهم انه يستحملون و لو خرطي

إلى الزائرة رقم 7

إلى الزائرة الكريمة صدقت فهذا الواقع تعيشة كثيراً من المدارس والأنكى مدارس الذكور فواقعها الأسوء فقد رواى لي صدقي عندما زار ولدة في أحد المدارس وأه شاهد شجار وقع أمام مدير المدرسة بين طلاب ولا حراك من سعادة المدير وعندما تم تنبيه والإشارة له عن الطلاب أتعرفون ماذا قال ( فخار يكسر بعضوا ) اهذه أخلاقيات مدير مدرسة يريد أن يخرج كوادر تخدم البلد

شارلي

الزائر 7 اكيد انت مب بحريني اصلي انا كنت مدرس في احد المدارس كان عندنا مدرسين مثللك اجانب بس علشان ياخذ راتب وهو قاعد محسوب مدرس ادا اعطيتة جدول للتدريس اعتدر وقال انا حشتكي عند صاحبي في الوزارة ، وكأن جاي بس ياخد راتب . الاجنبي الي مثلك ماجي يشتغل لانه الطلاب ماتهمه تهمني انا وجميع المدرسين البحرينين الاصلين . وبعض مدراء المدارس مفهم انصاف يحابون ربعهم أنا كنت اعمل مدرس واقوم بمهام المدير المساعد . عمل ميزانية المدرسة . عمل جدول المرسين . كتابة بينات الطلبه وتفريغها على الحاسب. والمد ير المجرم

الشكوى لله

يارب يوظفونا السنة تعبنا من الانتظار
الوزارة عندها ميزانية تجيب الجلف وتوظفهم واحنا عيال الديرة مو متفرغة لينا
الله على الظالم وياويلهم من عذاب الله

ستــ نور العين ــرة

الله يكون في عونكم والله صادقين اعرف مدرسات ضايقين المر في المدرسة وأن شاء الله يوظفون المدرسات العاطلات عن العمل لمساعدتكم و نبيهم بحرينين فقط يا وزارة

الله يكون بعونكم يا مدرسات

الله يساعدكم على الضغط الحاصل لكم نتيجة كثرة الحصص وكثرة عدد الطلاب في الصف الواحد . وكثرة هموم الدنيا . وايضا لا ننسى هموم البيت وهموم الاولاد . والعتب ليش ما نوظف مدرسين ومدرسات اكثر عشان يتخفف الضغط على الكل والضغط ينتج عنه قله التركيز يسبب الامراض لا سمح الله . والله يساعدكم

الشجار

لماذا الوزارة لاتخفف العبءعنهم ولماذا لاتوظف المعلمين العاطين عن العمل الذين صار لهم اكثرمن عشر سنوات بدون عمل بدل المعلمة او المعلم مايدرسون حصتين او اكثر يوظفون زيادة المعلمين العاطين عن العمل وبهذا لايوجدمعلمين عاطين عن العمل يا خسارة الشهادة الجامعية والتعب وسهر الليالي من اجل طموح يريد ان يحقق وفي الاخيرلا يحصل ما يتمنىوفي الاحير ياتون بمدرسين مصرين اوهندي او غيرة والبحرينى جالس ومتربع على العرش في البيت متى تاتي له الواو وحسبي الله على كل ظالم

بصراحة

المعلمون الاجانب أكفأ و اقدر على تحمل ضغوط العمل من المعلمون البحرينون الذين- السواد الاعظم منهم و ليس كلهم- لا هّم له سوى التذمر و الشكية و الحديث في الحكومة و التمييز و اخذ الاجازات المرضية، اما الانتاجية التعليمية فهى ضحلة جداً. شنو يعني اذا عملن من الحصة الاولى الى الخامسة يومياً ، ما هو المرتب مبني على اساس العمل ثمان ساعات يومياً.عجيب امركم تريدون مرتب بدون عمل!!!!!! عرفتو ليش الحكومة بتوظف المعلمين الاجانب!!!!!

زوج مدرسه

انا اقر ما جاء فى التقرير,وأضيف على ذلك
بان وجود مدرسات عربيات ومجنسات غير مأهلات لتدريس ومحسوبه من الكادر التعليمى للمدرسه مما يشكل عب على المدرسات المجتهدات الان الطالبات يرفضنهن لعدم مقدرتهم ايصال المعلومه اليهن فتطر ادارة المدرسه سحب الصفوف وتوزيعها على المدرسات المجتهدات . وأقول ما خفيه كان اعطم

مدرسة تشتكي الى سعادة الوزير

أضم صوتي الى صوتكم لأني مدرسة اتعبت من التدريس اللي صار قاسي مع متطلبات الجودة أني المدرسة الوحيدة في مدرستي و أدرس كل المناهج ومنها منهج جديد و اتعبت المديرة ومتطلباتها ابصوب و المساعدة ابصوب و الجودة ابصوب غير الطالبات و أولياء أمورهم ناهيك أني ام لأربعة أطفال من غير شغالة فوق هذا بدون أي ترقيات أو درجات أو حتى حوافز لا ولازم نشترك في كل المسابقات عشان أنطلع اسم المدرسة هل هذا يعقل يا سعادة الوزير؟؟

مجرد عاطلة لايهتم لها الوطن

الله يساعدكم يالمعلمين ونحن نعلم انه بامكان الوزارة تخفيف العبا ولكنها تتعمد ذلك وهذا بتاللى سياثر على اداء المعلم وتقتل ابداعه.. واها انا اقف في عداد جيش العاطلين منذ مايقارب 7 سنوات بحجة عدم وجود شاغر وياله من غذر

معلمي الفصل

وش تقولوون عجل في معلمي الفصل المساكين الي مهظومين وكل شي مطلوب منهم ومقابلين الطلاب طول اليوم وشغل المدرسه في البيت على حساب أطفالهم وكل يوم مطلوب منهم شي يوم تعاوني ويوم تعلم ذاتي ويوم عصف ذهني ويوم هرار ومع هذا معلم الصفاره هو النشيط وهو صاحب الحوافز ولكن ما أقول الا اللهم العن من اخترع هذا النظام الباطل لعنة اليهود والنصارى

الحال من بعضه

تعالو شوفو مدرستنا انشطة في الطابور والفسحة وحصص ولجان وارشاد واحتياط وانشطة قيم واعباء ليس لها اول من اخر حتى شغل الاداريات من فنيات وكاتبات نحن نقوم بها..ياجماعة بنموت ارحموووووونا

معلمة نظام فصل

أنا أيضاً في أعمل في المنطقة الشمالية الدوار 17نصابنا 24 حصة مع مناوبة وعمل مشاريع وووو !وعلاوة على ذلك أناأسكن في شارع البديع وخاطبت الوزارة عدة مرات بطلب تنقيل ولكن لا من مجيب ومعظم المدرسات يدرسن في مدارس مجاورة وقريبة من سكنهن 00ولكن المشتكى لله عز وجل لا لغيره .........