الاحتياط احباط

معلمة الاحتياط واجباتها اكثر من الثابت وعليها اتسويهم بس حقوقها اقل من الثابت لانه بين كلمه وثانيه قالوا الا احتياط ..

وا ظلمااااه

اي والله مساكين معلمات الاحتياط لنظام الفصل .. مكروفين كرف اليهد ..

بلا شلخ

هذا احنا سنه خامسة ولا زارونا اخصائيين عشان التثبيت ولا شي .. ولا في خبر عن التثبيت ولا شي ..

سؤال

اذا متساويين في الحقوق والواجبات .. ليش ما تحسبون لينا سنوات الخدمه للترقية .. وثاني شي وين حقوقنا في الحوافز والمكافآت والدرجات ؟؟؟؟؟؟؟؟

نظام فصل

ظالمينهم الاحتياط .. ولا عاد مدرسات نظام فصل
انشوفهم اشلون يعاملوننم ويكرفونهم

إلى الله المشتكى

عن جد إلي تفكر تصير معلمة
تضمن إن راتبها لعلاج الأمراض إلي بتصيدها
قلب وضغط وسكري
ما أدري اشلون باجر بداوم أمبي أفنش بس الحالة كشرة
عندي خيارين يا إني أقعد صوب المساجد أطر أو أستمر في التدريس

مافي ضمير

عندنا مدرسة احتياط من يوم ما جت و هي متمللة من القعدة قرأت الجرايد و المجلات كلها و غيابها على بيزة لا منهج و لا شي
طول السنة فراغ توظيف جديد و قاعدة سنة خبرة يازعم
خبرة في الاحتياط و اذا عطوها احتياط تتشرط على اي صف تروح اكيد قعدة فراع لاتحضير و لا شرح و لا تصحيح و المعاش يمشي حالها حال اللي يكرفون لاخر الدوام
والله حرام
مايعطونها منهج بس عشان مايخففون على باقي المدرسات مع العلم هي احتياط ثابت

بسك كذب يا وزارة التربية

اصلا وزارة التربية ما عرفت غير الكذب والتدليس ما عندها مصداقية بالمرة.... ووزارة الطائفية... اووه قصدي التربية صج يوم قالت ما في معلمات احتياج.. أكيد وبلاشك لأخوانا السنة والمجنسيين أما من الطائفة الشيعية لا تنطبق عليهم حالة التثبيت... لازم يعيشون المذلة تحت طائلة الاحتياط... لا وبعد تخيلوا في حالة الترقيات لما يرقوا وحدة صار لها 3 سنوات توظيف على وحدة صار لها فوق الـ 20 سنة وتعرفون السبب طبعا؟؟؟ وما خفيه كان اعظم؟؟؟

هذا كذب

احنا بعد انكول ان هذا جذب. لان احنا في مدرستنا في مدرس ضعيف الشخصية (مصخرة) بدون ذكر اسماء.. انزين ماصلح من أول اسبوع لا وصيح من مهزلة الطلاب عليه .. انزين واخيرا وجدت الادارة الحل بعد مخاطبة الوزارة بعدم صلاحية هذا الشخص للتدريس مما أدى الى قرار تفريغه من الحصص الاجبارية واعطائه مواد اثرائية لاتحتاج الى منهج ولا درجات ولا بطيخ.. هل هذا انصاف او عدل يا وزير اللي يكرف تصمه ازيادة واللي مايصلح للتدريس اتخليه فاضي ههههه والله مصخرة يا وزير :)

تكذبون على من؟؟؟؟

انا معلمة احتياط من 3سنوات و لا سمعت طاري التثبيت مع انه هناك حاجة كبيرة للمدرسات من قسمي وهناك مدرسات في مدارس اخرى توظفت بعدي وسمعنا عن تثبيتها بعدسنةو من اول ما توظفت ينزل جدول كامل باسمي هذا غير الكرف في اول سنة صدق بهدلوني بالاحتياطات مع اني ماسكة جدول و تقولون ما في ظلم اتحداكم تسالون اي معلمة احتياط اذا في عدل في المعاملة

رد على زائر 5

أشرايج آنه مدرسة فن وأجبرتني الأدارة على تدريس العلوم للصف الرابع والسادس لأنه معلمتهم مسويه عملية وما عندهم معلمه تغطي .. عاد تخيلي من فن لي علوم .. والله مسخره

تابع كذب الوزارة بشان ساعتين الرضاعه

وتجلب معها شغلها للبيت من تصحيح وتحضير وبعض الشغلات الت تعطيها لها الادراة يعني (هالساعتين) تطلع عليها بالرادي وما تستفيد منها اللهم في وصولها لرضاعه الطفل وهي محسود عليها والوزارة تبي تكنسلها ما ادري ليش
رغم ان شغل المعلمه من تدريس والمهام الاخري لا تتاثر بخروج المدرسه لساعتينها المزعومتين والوزارة كل تتحجج بهالساعتين وراميه عليها كل مشاكل الوزارة يوزير لا تكذب علشان موظفينك ما يكذبون

كذب الساعتين الرضاعه

تقهرني الوزارة بالكذب على المعلمات اللواتي ياخدن ساعتين رضاعه اولا هي ليس ساعتين وانما حصتين يعني ساعه ونصف
لكن بعد ما تخلص المعلمه من حصتها وعلى ما تطلع تصير ساعه واحده فقط
والحين في ايام امتحانات المنتصف
تصير اقل من ساعه بسبب الاستقطاع
من الحصص للامتحانات
ثانيا الوازاة كاذبه في قولها بان معلمات الاحتياط يغطون ساعات الرضاعه وانما المعلمه المرضعه تاخد نصابها كامل وتطلع (ساعتين) الرضاعه في وقتالفراغ اي التي لايوجد لها حصص ......تابع

هههههههههههههههه

هذا ما نتعلمه من وزارة التربية .... وتظليل الرأي العام؟؟؟؟؟؟ ممكن سؤال يا..... هل نحن متساوون في المسابقات الوظيفية وفي التوظيف؟؟؟؟

ساعات الرضاعة يا ....

متى صار في معلمة احتياط للمعلمات اللي عندهم ساعات رضاعة ؟؟؟ أنا معلمة يا زعم عندي ساعتين رضاعة بس في اليوم آخذ أقل من نص ساعة نتيجة الكرف اللي في مدرستنا .. ولما كنت احتياط ما عرضوا عليي مدرسة فيها شاغر لتثبيتي بل أجبروني أروح مدرسة ابن طفيل دوار22 وأنا من شارع البديع اتصوروا .. يذلونا ذل على هالتثبيت .. وفي معلمات احتياط أجبرتهم الوزارة على التوقيع على تعهد بعدم الرضا عن التثبيت عشان ياخذونهم حجة عليهم ويقولون ليهم انتون اللي ما تبون تتثبتون؟؟ اللهم عجل فرج آل محمد ..

كاذبة ايتها الوزارة

نبقى سنين مانشوف عرض تثبيت واحد لنا جدول كامل وشغلنا شغل حمير هذا غير التنقل بين المدارس وكل هالشغل مالنا ترقية او حافز او اي شي آخر لان احتياط مع نبقى سنوات في بعض المدارس ونشتغل اكثر من المثبتين لكن مو معترف فينا في الحوافز والمكافئات لان احتياط

معلمة احتياط

اول ما توظفت خلوني احتياط مواد تجارية, قامت الإدارة ولانها تبي تفضي مدرسة حاسوب لاعمالها عطتني نص جدولها. ولما رحت الوزارة اشتكي قالت لية الاخصائية صج انتين تخصصش تجاري لكن تعرفين للكمبيوتر وتعرفين تدرسين حاسوب ما فيه مشكلة!!

ماعندنا معلمة احتياط

يا وزير مدرستنا مافيها ولا معلمة احتياط , لو فينا الموت نروح المدرسة وندرّس بمرضنا وعلتنا لأن ندري ان صفوفنا بتضيع إذا غبنا ... معقولة جذي مافي ولا معلمة احتياااااااااااااااط يا ناااااااااااااس .وبالنسبة لكلام الوزارة كله هرااار اني كنت احتياط 5 سنوات وثبتوني بنين مدرسة بعيدة وماسمحوا ليي حتى اعترض , بدون جذب شنو قال قال اذا المعلمة ماتبغي نأخر تثبيتها , وبالنسبة لتعامل الادارة مع معلمة الاحتياط كل ما ذكر صحيح والله شاهد كرفونا كرف

معلمة احتياط متمرمرة

احتياط بين مدرسة بنين ابتدائي وبين مدرسة بنات اعدادية امخسفين فيني ويبونا نسكت وناكل تبن .. ما قول الا حسبي الله ونعم الوكيل ..

وينك ياوزير

وين التساوي ف يالحقوق يامن تدعون ذلك أنا معلمة مثبتة وجدولي 24 حصة + مناوبة في الفسحة + ورش + تصحيح +اجتماعات+فعاليات ومشاريع ولا يحق لي التأفف أما الاحتياط في مدرستي فحدث ولا حرج واسطات بالهبل قاعدين بخور وتعطر ولا حصص ولا هم يحزنون نسيت اخبرك ياوزير مدرستي في الرفاع لاصقة في مدرسة بنين وجدامنا مركز صحي ياليت تزورنا وتشوف جداولنا وتشوف الحقوق والواجبات اللي تتكلم عنها وأزيدك من الشعر بيت كل خميسية عندنا مجموعة من المعلمات ياغايبين ياطالعين يسافرون لأهلهم الدول الثانية

يعطيك العافيه

كلام ليس صحيحا وهذا هراء وأنتون ماتغطون ساعات الرضاعه بأي وحده أحتياط وساعات الرضاعه ناخذها من وقتنا ومو ساعتين على كلامكم أحنا ناخذ حصتين يعني تقريبا ساعه ونصف أذا مو أقل وفي بعض المدارس عندهم نقص كثير ياريت تروحون وتشوفون يظلون بدون مدرسات ولا مدرسين
أرجو النظر والمشكله أنا الكل يتكلم بس المخفي كثير