السلام عليكم

السلام عليكم
اليوم داومو المعلمات والمعلمين
لاانه اني ابغه بكره اروح المدرسه؟

نور العين

المهندس كم يحصل ؟
أكيد المدرس أكثر .

حمامهـ السلام

مافي احلى من الصراحة المدرسين طمااعين عدل صراحة صدق شهرين وشوي بس حمدوو ربكم ع الاقل انه في شهرين وشوي صدق الطمااع طماع
الله والمدرسين عاد ناس يشرحون من صدق ويحللون معاشهم امه ناس صوت يلعلع ع قله الفايدة وبعضهم اهمال الى اخر درجة بس ما يبين الا البحريني قصدي المجنس ما يبين
الله يساعدكم يالمدرسين ع الجيل الجديد
والله يساعدكم واتمنى من كل مدرس ومدرسة وخصوصا المدرسات الله يساعدكم بس تدرون انه الله يمهل ولايهمل القصد واضح

مكشوفة يا وزارة التربية ...

اللي قاعدين يدافعون عن الوزارة باستماتة ...
أقول كم دفعوا لكم الجماعة عشان تتواجدون على النت طول النهار اليوم وعيونكم على جريدة الوسط . .. تنتظرون أي كلمة تنكتب تردون عليها ...
والله عيب ياوزارة الطائفية ... والحقد ... ومكشوفة .. ترى مكشوفة حتى للصغار !!!

ابنائنا لايفهمون من هؤلاء المدرسين العرب

اكثر اولادنا لايفهمن لهجة هؤلاء الاجانب الذي ركزتهما الوزارة غصبا علي الاباء وهذا يعني ان الوزارة متعمدة في سقوط ابنائنا والمفروض من الاباء رفع عريضة الي وزير التربية ورئيس الوزراء

مدرسات مدرسة الوادي

سلااااااااااااام سليم أرق من النسيم على قلوب معلمات الوادي الابتدائية للبنين....
كم كنت سعيدة وانا أرفرف حولكم كفراشة من قسم لقسم ومن مبنى الى آخر.
شكرا لكن جميعا وأتمنى أن ألقاكن في عامي القادم على المودة والخير يامن أحتضنتوني كأخت لكنز
وشكرا لأدارة المدرسة وخصوصا المديرة المساعدة ام علي وللمديرة ايضا على تعاونهن الدائم معنا...

لا يعطوني إجازة بس دخيل الله ينقلوني

باختصار اليوم رجعت البيت لضغط مرتفع
( 159/112)

ما أدري متى بينقلوني
تعبت
وللعلم أني توني متوظفة عمري 23 سنة والضغط موصل جدي

الله كريم

يلا بعد اشتبون اكثر من جذي .. كفاية الي سويتوا في الطلبة طول الفصل.. يلا ما عليه سامحناكم هههههه.. اجازة سعيدة .. وسلام مني لجميع المعلمين

...

..... احنه اولى بهالوضائف

مدرس ثانوي

الأوليين يقولون لو ما الحسد ما مات أحد ، شدعوه حاسدين المدرسين على الاجازة ، كلها شهرين و شيلو منها الجمعة و السبت بتصير شهر و 14 يوم ، الشيىء الآخر المدرس مقيد بهذه الاجازة ، يعني ما يقدر يطلع إجازة في الشتاء مثلاً ، ترى هذي الاجازة تعتبر إستراحة المحارب و نقاهه ، المدرس يستعيد نشاطه بهذه الاجازة و يستعيد عافيته . إلي يقول رواتب خيالية أقوله استريح ، تسع سنوات تدريس و الراتب 830 دينار ، صدق راتب خيالي ، زائر رقم 44 و 45 كلامك عين العقل .

الله كريم

ويش فايدة الاستقطاب من الخارج والحمدلله في متخرجين بحرينيين وعندهم الشهادات معلقة لاوظيفة ولاشي تعب ودراسة ولا في وناسة..!! ماأشوف مستفيدين من توظيف الأجانب غير
التعب والمشقة والمشاكل .. بس اللي نقوله الله كريم ..

تابع رسائل قصيرة لأصحاب العقول الصغيرة

- لا فضى فوك: برافو وعفارم عليك لأن لا فضى معناها (لا فرغ) وما يندرى ما يفرغ من الأكل والا الكلام واثنينهم مصيبة..
- المعلمين ما ينعطون ويه: وليش قلنا لك تعبال عطنا ويه .. بسك كوبي وبيست كفاية نكتة الراتب الخيالي.. ترى ضحكتنا من قلب خخخخ.. اقول روح اتعلم شلون تتكلم بعدين شلون تكتب وترد

رسائل قصيرة لأصحاب العقول الصغيرة

- بنت المنامة: حبيبتي تلحفي زين لأن الخيابة لو كانت مملكة فهي (أنت) وأنصحك تكتبين مسلسلات وتطلعين فيها احقادج على المعلمات..
_ جامعية وهذا رايي: إذا كان اخوك او ابوك سكيورتي فهم مو كل الدنيا .. والتعميم غلط يا خلف جبدي.. وإذا كانوا اللي بالشركات شايفين الضيم فإني بالتأكيد عرفتي كم شركة مو كل الشركات وما نقدر نقول كلهم شايفين الضيم وبالمقابل ما نقدر نقول كل المعلمين عايشين مرتاحين!

روحوا انتو بعد احتجوا من مانعكم

ذبحتونه الشركات الخاصة
احتجوا ...طالبوا بحقوقكم ساكتين بياكلونكم
وبعدين من قال ست ساعات ؟؟ اشتغل في الثانوي وجوف اذا قدرت تتنفس دقيقة
ما يسوى المعاش اللي ناخذه واحنا نشتغل اضافة للتدريس فراريش ومن غير اوفر تايم بعد
حسبنا الله ونعم الوكيل

أخ على المهام الرسمية !!

الله يجعلنا إن شاء الله من أصحاب المهام الرسمية
نريد سفرة
سفرة بلوشي
يا وزارة التربية عاد قسموا المكرمة صح

رد لزائر 32

انا كنت ادرس لغة عربية وكنت موظفة في القطاع الخاص واعاني من طول الدوام والراتب وغيره من الأمور وكنت للأسف اشكو لمن كنت اعتقد انها صديقتي ولكن الحسد ياكل القلوب وبالفعل كنت افضل الصحافة والشركات على التدريس ولكن احلامي تبخرت!! سؤال لمن كتبت الرد وش المانع من التقديم للوظيفه هذي ارزاق والأجر على الله وما اقول الا خلي الحسد عنك يا...........

رسالة اعتذار

وش فيكم حاطين على المدرسين كلامهم عدل و العدل اساس الملك يوجد الكثير من المعلمين و المعلمات البحرينيات هم الأكفا و اقول للحساد و الحاقدين و اللي لسانهم طويل لولا المعلمين جان اولادكم صاروا غجر و يمكن يمشون حفي بعد و تاسفوا كلكم للمعلمين و المعلمات المحلصين و تحية لهم من القلب .

مساكين المعلمات

لاخر يوم متواجدات اشكرهم جميعا واجازة سعيدة وبالخصوص معلمات مدرسة عين جالوت الابتدائية من المديرة حتى المعلمات والاداريات اللاتي كانوا اسرة واحدة

زائر 38 ركز يالحبيب تحياتي

ليش واللي يعملون في الشمس كلهم جهلاء يمكن ؟

عندك مهندسين مثلا متخرجين من الجامعة ومشرفين عمل "فورمن" و و

على العموم الله يكون في عون الجميع كان مدرس او عامل في شركة

مرحبا

يا ربي كل واحد حاقد على المدرسين
أدعي عليه يشتغل مدرس
يا ربي تصيرون مدرسين كلكم
أتحداكم تصبرون يوم واحد في التدريس
تصور تقابل أكثر من ثلاثين طالب مراهق من الساعة سبع الصبح و اللي نايم و اللي يناخر و اللي يبي يروح الحمام و اللي ريحة خايسة و اللي ماله زاغر و اللي ياكل و اللي يبي يضرب و اللي و اللي ..
تصور أنك تقابلهم كل يوم عشان تعلمهم
أكثر من أربع حصص في اليوم
و ثانيا لك الحمد و الشكر يا رب العالمين على كل حال ...

ركز يالحبيب

أحنا خريجين مو طالعين من المدرسة حتى تقارنوننا باللي يشتغلون في الشمس,

الله يساعد المدرسين والمدرسات على جهودهم الخرافية

لقد عملت مدرسة للمرحلة الثانوية التجارية لفترة بسيطة من الزمان ثم استقلت من وزارة التربية أمام موجة استغراب من بعض الأهل والمعارف لأنني كنت أقدس مهنة التدريس وأقول دائما بأنها مهنة الأنبياء ولكن ماوجدته في تلك المدرسة من غرائب وعجائب يشيب لها رأس الوليد وكأن المكان حثنة عسكرية إضافة إلى الأعباء الخيالية فأنا أظل مشغولة في التحضير والتصحيح من العصر حتى الساعة 12:30 ليلا وكنت على وشك الانهيار لولا رحمة الله وقد عوضني الله على صبري بوظيفة رئيس قسم لدى إحدى الجهات الحكومية

السفر والمهام الرسمية !!!!!!!!

------ مهام وسفر وزارة التربية والتعليم ------
------
جاء الصيف .. وجاءت المهام الرسمية .. أي جاء السفر.. ولمن لا يخصه الامر.
..
ما أقول إلا:
الله يعينكم يا من تتقاسموا السفرات.
الله يعينكم على المهام الرسمية.
.. سفر .. مشقة .. غربة .. فراق الاحبة
..
أيه والله صعبة .. والله صعبة...
..
إذا غاب القط .. إلعب يافأر
..
محاسبة ما فيه ..
..
كل سنة خطة لتقاسم السفرات ..
..
سفر وتصييف وبدل سفر..
..
ما نقول إلا مبروك عليكم هالمكرمات.

صلوا على النبي وإجازة سعيدة للجميع

صلوا على النبي ،أمبي أقول للجميع القناعة كنز لايفنى ،اللة يهني الجميع بالإجازة وإنشاء اللة محفوفة بالسعادة والخيرات ،واللةيقضي حوائج الجميع .
(أم علي)

تلاقيها من وين يا المدرس.. الحساد.. الوزارة .. الطلبة..وكل دعوة تنرد على صاحبها

خافوا الله في هالمدرسين
كفاية يتحملون أولادكم الا المربيين فيهم ينعدون على الأصابع غير معاناتهم ويا أولاد المجنسين
معانات ويا الوزارة الي تحاول تخنق المدرس
معاناة ويا الناس الي محد يحترمهم. واكبر دليل على عدم احترام الناس اليهم هو انتون يا الي رديتون بحقد وقهر ليش انهم احتجوا يوم الاجانب اخذوا اجازة قبل لو صايرة في أشغالكم جان قومتون الدنيا
وي على افادي يا المدرس تلاقيها من حسد الناس لو ظلم الوزارة لو قلة ادب الطلاب لو لو لو
الله يساعد المدرسين,, وكل دعوة تنرد على صاحبها

التدريس شي سيء غصبا عن الكل

اكيد كل شغلة وليها سيئات
لكن التدريس يجيب الهم
يعني مثلا أمي مدرسة فيها من الأمراض التالي:
النقرس
الضغط
السكري
الكلسترول ... والله بدون اي مبالغة
زوجي فيه اكتئاب شديد من التدريس... مو تقولون الكل مكتئب ... اتكلم عن الاكتئاب الحقيقي الحقيقي الي يخلي الواحد ... ما أقدر أوصف
أمممم والأمثلة واجد على التدريس ويش يسوي في الناس من سوء معاملة من الوزارة والطلبة واأولياء الأمور
والله لو المدرس يحصل ذرة تقدير من كل هالجهات بتشوفونه انسان جدا قنوع وملتزم.. بس الضغط يولد الانفجار

احمدو ربكم لو مره عاااد

اداومون الساعه سبع ويطلعون وحده هذا غير الاجازات طول السنه ومعاش ما شاء الله
احمدور ربكم عااد غيركم يكرف في شركه معاشع 200 دينار ومن الصبح لليل والقهر يتحلطمون بعد

لاتقصون على روحكم

اني اعرف وحدة قبل لا تتخرج كانت اتقول ما ابغي اشتغل مدرسة لو شنو يصير . ومن تخرجت اول شي سوته قدمت لوزارة التربية لوظيفة مدرسة . بعدها اشتغلت في شركة مدة وكانت اتقول الوظيفة في الخاص ما تسوا كلش وكانت بتموت بس ايشغلونها مدرسة وفعلا وظفوها الله يوفقها . وين راح كلامها : ما ابغي اشتغل مدرسة وما ابغي عوار التدريس والتحضير تبخر يوم حصلت الوظيفة الحكومية ومع اول راتب تحصل عليه . لا تقصون على روحكم .

احمدوا ربكم احسن

اضم صوتي مع جامعية
جربوا تشتغلون تحت الشمس وبتعرفون الظلم .جربوا ايكون مسئولك يلعن قفدك ويهنينك كل شوي وبتعرفون الظلم . جربوا ايكون معاشكم اقل من 300 دينار وما تلاقون اللي تكملون ابه باقي الشهر وبتعرفون الظلم . جربوا ايكون دوامكم الى الساعة اربع واجازة يوم واحد في الاسبوع وبتعرفون الظلم . يعني لا تقعدون اتطالعون العيوب وتخلون المميزات . احنا ما نطالعكم في شغلكم بس بعد خلقكم حقانين .لو الشغله مو جايبه همها مو كل يوم العاطلين يبون يشتغلون في سلك التدريس لانها وظايف حكومية ومضمونه.

جامعية

أختي شلون واحد خريج لغة عربية أو فلسفة أو علم نفس ألخ ألخ يروح شركة عجل خريج الهندسة يصير مدرب كرة قدم.

وش فيها يعني

يومين لا زادت ولا نقصت ولا انقلبت الدنيا روحو شوفو الشركات مساكين 21 عشرين يوم فقط اجازه وانتو شهرين ونص غير الايام الي راحت قيل وبعد الامتحانات دوام ساعه الى ساعتين فقط واستلمتون رواتب 3 اشهر وبعد زعلانين ولله حرام

صدق وقاحة (زائر رقم 8 ،زائر رقم 17 ،زائر 23 )

اظن في شي اسمه عدالة صح او لا والا يعني هالشي مو في قاموسكم والله لو هذا الشي صاير بشغلك جان اول واحد بتفتح بوزك لا تقعد تتفلسف واجد واستريح ، كل واحد مسوي روحه صاحب قيم رفيعة.
روح شوف الدول الثانية شلون رواتب المدرس وحاطينه على راسهم
تراكم اذيتونه.
حسبي الله عليك ما فيه غيركم حقود

السفر والمهام الرسمية !!!!!!!!

جاء الصيف .. وجاءت المهام الرسمية .. أي جاء السفر..
..
ما أقول إلا:
الله يعينكم يا من تتقاسموا السفرات.
الله يعينكم على المهام الرسمية.
.. سفر .. مشقة .. غربة .. فراق الاحبة
..
أيه والله صعبة .. والله صعبة...
..
إذا غاب القط .. إلعب يافأر
..
محاسبة ما فيه ..
..
كل سنة خطة لتقاسم السفرات ..
..
سفر وتصييف وبدل سفر..
..
ما نقول إلا مبروك عليكم هالمكرمات.

لا فضى فوك جامعية

جامعية كفيتي ووفيتي يسلم فمك.

أنا لست معلمة في وزارة التربية

لكن الوزارة تظلم المعلمين البحرينينن و تبخسهم حقهم.. حرام يداومون أكثر من المعلمين الوافدين.. هم الأجانب و هم لابد أن تكون العصا عليهم أغلظ.. ثانيا رواتب الأجانب غير العلاوت و الحوافز كثيرة جداً و البحريني راتب يا الله يمشي حاله.. حرام و الله.. و الله يساعد المعلمين البحرينيين

عصابة وزارة التربية

مسؤولي التربية كلهم عصابة من وراء مكاتبهم و المدرس البحريني هو عدوهم اللدود و هو دائما على خطأ
و يش عليهم اجازات و دوام على كيفهم و سفرات و مؤتمرات
لان الجمد لله المعلم عندهم ليس رسول بل كاد أن يكون رسولا

حسبي الله ونعم الوكيل

حسبي الله ونعم الوكيل في اي حاقد يحقد على المعلمين العرب حيث هم الاجدر والافضل والاكثر خبرة وكذلك الكثير من المدرسين الطيبين البحرينين وليس الحقدة . يا ناس دلين ناس مسافرين ومتغربين يعني يجهزو حالهم للسفر .

بنت المنامة

لو كانت الخيابة مملكه ، بكون وزرئها كلها مدرسين.
ابو الخيابة،، شهرين ونص اجازه وميتين قهر ويحرقون روحهم على يومين الحكومه خذته منهم.
الله يعين لو يشتغلون شركه خاصه اجازتهم 22 يوم.
هذا وعلى طول الأسبوع يشتغلون 4 او 5 ساعات في اليوم والباقي فراغ عشان يحضرون، بس محد يحضر الا من رحم ربي. ماقول غير الشكوى لغير الله مذلة ، الله ينتقم من كل المدرسين اللي ما يحللون معاشهم وخليها نار في الدنيا ونار في الآخرة.

زائر 17

أنا كنت مدرس
وأعتقد أن الطريقة التي يعامل بها المدرس والمدرسة في البحرين .. من قوانين ..ومن أمثالك ..تجعل هذه المهنة:
..
من المهن الغير إنسانية،
من المهن التي تنتهك حقوق الانسان.
..
ماذا تقول يا رجل ؟؟
إن كنت لا تعلم .. فالأفضل أن تسكت.

هكذا يجب ان يكرم المدرس البحريني !!!!!!!

هكذا يجب أن يحفز المدرس المواطن.
هكذا يجب أن يميز المدرس البحريني.
هكذا يجب أن يعامل المدرس البحريني.
هكذا يجب أن تكون الادارة.
هكذا يجب أن تكون العدالة في العمل.
هكذا يجقق الرضا الوظيفي.
هكذا التخطيط الاستراتيجي.
هكذا الخوف على التعليم.
هكذا تحقق الاهداف.
--
بارك الله فيكم يامسؤلين .. والله مافيها شئ .. أبدا .. تلاعبوا كيفما يحلوا لكم .. إذا غابت القوانين والتشريعات والمحاسبة.
.
لذلك ليس غريبا أن نرى العجائب
..
التلمذة المهنية يعظم وهو فاشل فاشل فاشل.

يالي حاسدين المدرسين

دعوتي اليكم
ان شاء الله تصيرون مدرسين وتعانون الي يعانونه
هههه صدقوني ما في دعوة أشر من هالدعوة

بلد الأجانب الكرام

الأجانب مدللون في هذا البلد، و المواطن متمرمر في دنياه.
هنا أطرح بعض الملاحظات التي لا أجد تفسيرا لها:
- بعض مدراء الإدارات في وزارة التربية صرح بأنه يفضل المدرس الوافد على البحريني.
- المدرس الوافد يستلم 13 راتبا في السنة، و البحريني يستلم 12 راتباً.
- راتب المدرس الوافد لا يقل عن 700 دينار من أول التحاقه بالوزارة، و البحريني لا يصل لهذا الراتب قبل 8 إلى 10 سنوات من التحاقه بالوزارة.
- الإجازة الصيفية للوافد أطول من إجازة المواطن.

المعلمين.. ما ينعطون ويه

على كل شي يستحجون ودائما سباقين في مجال الفوضى والمشاغبه ونشر المشاكل.
أي جهد وأي أرهاق اللي صادكم ؟ (أقل من 6ساعات دوام وحصص لا تتعدا 4 في اليوم ورواتب خياليا واجازات طول السنه وحوافز وترقيات وخصوصا نهاية العام الدراسي، لاتوجد أي رقابه ولا تشديد وهروب واستئذان من المدرسه بشكل يومي اختلاق المشاكل وطلبات تعجيزيه ).بالأضافه الى العياره والبخل والمطالع .. وبكل حب نرى الوزير يضيف مع الأجازه أسبوع أخر ولا نسمع حمد ولا شكورا

مدرس صناعي

احنا مو حسدا في المدرسين العرب ,ولكن من مبدا المساواة بين الجميع وعلى اساس انه اليوم اللي سافروا فيه مدفوع لهم انهم دامو في المدارس
انا اقول انه ادارة وزارة التربية للمدارس كلش ضعيفة بس يضايقون المواطن البحريني
ولا يفوتكم اتحدى اي مسوؤل ان المدرسين العرب خبرات ,اهما يجون يتعلمون في البحرين
لا مادة علمية عندهم ولا طرق تربوية ولا اسلوب تدريس
احنا ما نبي شي بس نبي قد الرواتب اللي يعطونهم اياها راتب الاجنبي ازيد 200 دينار ادا تحسب السكن والتكرة مالت عياله

بسكم طمع حمدوا ربكم

اقول يالمدرسين حمدوا ربكم بلا تفلسف زيادة
من حلاة شرحكم عاد . لو تقولون هالحجي عن الحسد

جولة استطلاعية

نأمل من الوزارة ارسال مندوب ليقوم بجولة حول المدارس الصناعية بشرط ان يكون هذا المندوب بحريني صاحب ضمير حي وليس مجنس مصري أو اردني ليوضح للوزارة من المداوم والملتزم المدرس البحريني أم الاجنبي والذين تمنحهم الادارة الحوافز والمكافآت و تحرم ابناء الوطن منها ولكن حسبنا الله ونعم الوكيل

جامعية و هذا رايي

الله يعطيكم العافية و صدق الوزارة مصختنها كل سنة ما قصرتها شكلها بعدين بتخليها ليكم بس شهر واحد نفس بقية الوزارات يقولون حرام راتب شهرين و هم قاعدين..بالنسبة للي يقولون شغله التدريس ما تسوى جان طلعتون وش اللي مقعدكم روحوا الشركات و تجوفون الضيم اللي على اصوله و لا تقولون ما تسوى و لا شي لانها تسوى و لا تقولون الراتب ما يسوى بلى يسوى و من قال ليكم نفس راتب السكيروتي بشركة تتطنزون على روحكم . صح هالوزارة مصختنها وياكم لكن مو كل كلمة و قلتون ما تسوى و اللي يقول ما تسوى يروح يجرب الشركات تالي يتكلم

خخخخخ

وانتو كلهه تتحلطمون وتتشكون اعتبوكم شهرين في الصيف واسبوعين في الشتاء شتبون بعد

بل توهم بيعطلون

ليش عاد للحين ماعطلوا،الشهادات من زمان ووزعوها على التلاميذ ،ولو فرضنا إنهم يداومون حق الطلبة إللي عليهم دور ثاني ،كلهم يعني يداومون ،العطلة يتراوى ليي قربت النص (أبالغ هههههة)بس صدق ليش الطلبة عطلوا قبلهم بشهر؟!وهم للحين ،اللة يكون في عونهم (وإجازة سعيدة للجميع)
(اللهم بلغنا شهر رمضان أجمعين)
(أم علي)

والله خراطه

توه الناس تعطونهم إجازة ، الطلبة قاعدين من شهر وكم يوم في البيت والمدرسين يداومون من غير سبب ، هذا كله عشان ما يداومون شهر رمضان في الدوام ، يقومون يطلعونه من خشمهم ، كافي إن الاجازة قصيرة بسبب هالمرض (انفلونزا الخنازير) اللي أثر على المدارس كلها.

اه يا ريت ما صرت مدرس

يا ريت ما صرت مدرس ، لأنها مهنة العن من العامل الذي يعمل في الشمس ، على الأقل ذاك يعمل لا أحد يحسده على إجازته ولا أحد يحسده على معاشه ولا أحد يطالع فيه ولا يشمت عليه .
لكن أحنه رغم أنها مهنة قدسها الرسول وهي أعظم رسالة إلا مجتمعنا الغير مثقف لا يعرف إلا الحسد على الإجازة والراتب الذي صار مثل سكورتي شركة والإهانة من قبل أولياء الأمور

شهست .. وش عندكم انتو ياللي تميتوا في المدارس وليش الحسد

يعني اللي تم في المدرسة الحين شنو شغلته ، واللي يسمعه مشلخ عمره في الدوام ، الحضور 7:30 او 8:00 اذا مو 9:00 او عشر ، والطلعة للمعلمين بعد صلاة الظهر بالنسبة للمعلمين امابالنسبة للاخوةالوافدين يعني ، الواحد ينظر اليها من ناحية انسانية ، المعلم اوالمعلمه لم يروا اهلهم من سبتمبر فيعني يومين قبل الموعد المحدد ، مافيه ضير ، و لا الحسد ماكل قلوبكم بس ليش طلع قبل وانتوا بقيتم في المدرسة ،اكبروا بعقولكم ونفسياتكم تجاه اخوانكم انظروا اليها من الناحية الانسانية . فهمتوا ولا ...

ستــ نور العين ــرة

تعودنا نحن البحرينيين على عدم الأنصاف في اكثر الجهات
ودوم الأفضلية لغير البحريني....
إجازة موفقة بعد المعاناة من بعض الطلبة والمسئولين إلى اخواننا وخواتنا المدرسين وخاصة إلى الأخت العزيزة ام محمود والأخ الفاضل مدرس ثانوي
تحياتي للجميع

الحسد

الاجازة كل سنة يقصرون منها وبعد حا سدينا الوزارات الثانية

الحلم

ياريت يشغلون بحرينين بدل هالعرب

مبروك افراج من غوانتنامو

خل يطلعون عقب ما طلعت روحوهم ونشف ريقهم مساكين

شكراً وزارة التربية !!!!

وزارة التربية لو تقدر تمنع الهواء عن المدرسين حتى ما يتنفسون كان ما قصرت .. أنا مدرسة وندمانة إني أشتغل في هالوزارة لأنها العدو اللدود للمعلم حتى انعدمت قيمة المعلم في المجتمع بسببها ... مشكورة يا وزارة التربية على النجاح في تحقيق أقصى درجات القهر للمعلمين ... وأتمنى ما حد يرد من غير المعلمين لأن في فضوليين يردون ما يعرفون الطين من العجين ..

لا والمسخرة ان جاينا قرار من الوزارة إن ما نمشي من المدرسة قبل الساعة 1:30

وفي القرار مكتوب أن على المدارس الامتناع عن قبول أعذار المعلمين في هذا اليوم بالذات ( يعني حتى لو كانت أعذار مرضية أو حالات وفاة؟) الحين المصاروه والاردنيين إجازة وأنا ابن الوطن أكرف وأشتغل في المدرسة؟ أول مرة أشوف بلد ايقدم الاجنبي على المواطن

أم علي98

المدرس البحريني ولد البطة السودة شنو يعني بيصير لو عطوهم هاليومين اجازة حالهم حال غيرهم الله يساعدكم ياأولاد وبنات بلادي
الله كريم
ردي مافيه شي

على الله

كل يوم أقعد وأقول حسبي الله ونعم الوكيل وكل لحظة أردد هالعبارة وماعندي غير هالعبارة واللبيب بالإشارة يفهم والله يمهل ولا يهمل