ويش ألحين يا عم بو تيله... جافوا حل حق الخريجين في حفل التخرّج لو بعدهم؟

بيتخرج قريبا

- المشكلة ان كل سنة يطلعون ببدعة في التخرج غير، ساعة الصالة صغيرة وساعة يبغون يخرجونهم كلهم في حفلة وحده!

* اذا عندك طيور أو حيوانات مفترسة حط بالك عليهم ترى الجماعة يدورونهم ويبغون يصادرونهم!

غرامه الحيوانات

- انه أقترح عليهم يصادرون الذئاب البشرية المفلته في الشوارع وتتعرض لبنات الناس في الشوارع أحسن!

* ها بو تيله... شأخبارك من عقب المطر ذاك الاسبوع؟

استاذ جابر

- كالعادة... خرّينه وتلعوزنه وصوّرنه البيت علشان أعطيه العضو البلدي إللي وعدنا بيحط لنا عوازل ولا احنه شايفين منه إلا وعوده الاخرطي!

* اجازة عيد العمال جريبه!

مقاول حج وعمره

- ما عندي فلوس اروح العمره... إللي فيني يكفيني!