عَلِمَ «الوسط الرياضي» أن مجلس إدارة الاتحاد البحريني لكرة السلة يتجه لإيقاف جمهور نادي المنامة لـ3 مباريات متتالية عن حضور مباريات الفريق في الدورة السداسية لكأس زين البحرين لكرة السلة وذلك بعد أن رفعت اللجنة الفنية الأمر إلى مجلس الإدارة لاتخاذ العقوبة اللازمة بحق الجماهير.
وكانت جماهير نادي المنامة قد خرجت على النص في مباراة الفريق الأخيرة ضد الحالة وذلك بهتافات غير رياضية ضد اللاعب المخضرم أحمد مال الله في نهاية المباراة.
وعَلِمَ «الوسط الرياضي» أن جمهور المنامة لن يكون متواجدا في مباريات الفريق الثلاث المقبلة ضد سترة والمحرق والأهلي على التوالي وذلك في إجراء قوي ومتشدد من جانب اتحاد السلة لمنع تكرار مثل هذه الأمور في المستقبل.
وبيّنت مصادر أن إدارة نادي المنامة تضغط وبقوة لتخفيف العقوبة المتوقعة على جماهير النادي وخصوصا أن الفريق يخوض 3 مباريات حساسة ومهمة للتأهل للمباراة النهائية لكأس زين البحرين لكرة السلة.
يذكر أن هذه العقوبة ليست الأولى ضد جماهير المنامة، إذ كان اتحاد السلة قد اتخذ قرارا مماثلا ضد جمهور المنامة في المباراة النهائية لدوري الموسم الماضي ضد الأهلي، إذ منعت الجماهير من دخول المباراة الثانية من أصل 3 مباريات.
العدد 3057 - الثلثاء 18 يناير 2011م الموافق 13 صفر 1432هـ
يستاهلون
يستاهلون و إذا مال الله غلطان لازم يتوقف. أول شي الأخلاق الرياضية قبل كل شي
ولد المدينه
سؤالي للاتحاد ليش الجمهور المنامه ماعندهم الا مال الله في 9 فريق غير و أكثر من 100 لاعب في الدوري ليش بس مال الله؟؟؟؟؟ قرارا الصارحه ظالم
منامي
ليش كل مرة نفس القرار ونفس المبارة ونفس اللاعب ؟؟؟ يعني هاذس مو لعبة مدروسة يا اتحاد ؟؟؟ و اش سالفت الحكام اللي اتيبونهم ما يقدرون يقررون و يقولون من الغلطان ومن اللي لازم يتوقف لات اهما يجوفون و يسمعون كل شي ؟؟
حبيت اشكر الاهلاوية و والله فيكم الخير و اتمنى تصدر قرارات ثانية ضد نادي غير منامة و هاذي بس جمهور منامة يتوقفون و باقي الجماهير حلال يسوون و يقولون اي شي يبوون ؟؟؟
ليش يا وسط
ليش ماتعرضون تعليقي
مايبونالمنامه تاخذ الدوري الكاس
هاذه الي بيغيتوه ياجماهيرنا؟؟؟؟الاتحاد كان متربص لأقل حركه او غلطه على جماهيرنا فهو لا يريدالمنامه توصل لمنصة التتويج يعاقبون الجمهور كله عشان فئه قليله جاهله وتدعي انها مناميه يجلسون يسار جمهور المنامه.وعلى الأداره النادي بطردهم فهم يشكلون خطرا على سمعة هاذا النادي العريق واقترح من النادي الأنساب من الدوري عشان ايشوف الأتحاد مرارة الدوري من غير المنامه الزعيم وانشوف الدوري البحريني بيصير احسن دوري بالخليج بعد؟ وخلوماالله ينفع الأتحاد ؟لين مته يبي يلعب مادري ؟ عباله للحين شباب
منامي
والله حرام
ستراووي
زين ياتحاد مسويتون فيهم لانهم جمهور ماعندهم خلاق ويه اللاعبين
ماذا عن؟؟
ماذا عن احداث المباراة الاهلي و المحرق بتاريخ 13-1-2011؟؟
والله ما تقصرون يالاهلاوية
والله العظيم وانا اقرأ التعليقات اعجبتني ردود اخواني الجماهير الاهلاوية الحقانية والتي كانت موجودة في مباراتنا ضد الحالة وهي تشهد على جماهير المنامة في وقت كانت تهدأ بعضها البعض وكانت فئة قليلة من كانت تردد العبارة ولكن اللاعب احمد مال الله لا ندري متى سوف يأخذ عبدالآله إجراء ضده !! احنا ما نسامح مال الله ولا احمد حمزة ولا عبدالآله لأنهم من تحت لتحت !!
خلك منصف يا عبدالآله انت انسان متدين !
حرام
it's not fare
التطبيق الخاطى
العام الماض صدر فرار باقافهم وتفاجائنا بان المنصة والمدرج يمين المنصة كلها جماهير نادى المنامة فاين التطبيق يا اتحاد السلة مطلوب الصرامة وقد وصل الامر الى ان بعض جماهير المنصة يشير ب10 ديينار الى جماهير الاهلى بما يعن بفلوسنا دخلنا 0اهلاوى
أهلاوي
القرار في محله .
مشجع أهلاوي..
صراحة نادي المنامة ينظلم لما ياخذون في حقه جذي قرار والمباريات القادمة مباريات حساسة حتى لو كانت وحدة منها ضدنا بس بعد الحق حق... و صراحة مال الله المفروض يتوقف بدالهم ولا ليش نادي المنامة ما عنده إلا مال الله وترك كل النوادي واللاعبين؟؟؟ اكييد في شي غلط بينهم وبينه..
واعتقد لو توقف المنامة هالثلاث مباريات بعد ما يرجعون و تصير مباراة ضد الحالة بترجع القصة مثلها مع مال الله والحل ويين؟؟؟؟
كلمة حق حتى لو كان فريق منافس !
أهلاوي
حرام و الله حرام جمهور المنامة يغيب .. صحيح انا أهلاوي .. بس ما أتخيل مباريات قوية ما يكون فيها الجمهور المنامي متواجد .. و مو بس جمهور المنامة سبب في المشكلة .. حتى مال الله نفسه سبب فيها .. و حتى يوم كان وي الأهلي لاحظنا عليه إنه يتعمد إثارة سخط الجمهور المنامي ..
من اللحين أنا من ضمن الكثير من الأهلاوية الذين يقفون صفاً واحداً مع المنامة
احمد مال الله
القرار في محله.
ظــــــــــــــــلـــــــــــــــــــــم
و الله الإتحادد قراراته ياخذها من نادي المحرق و يوقع عليها العسومي و يايدها عبد الإله ذات القلب الأسود ضد جماهير نادي المنامة
و هذي المسرحيات عارفينها
و إن شاء الله الجمهور بيكون موجود خارج أسوار الصالة ليؤازر فريقه
نريد جرأ
على إدارة نادى المنامه أن لا يقفوا موقف جبان امام استهتار اتحاد السله . انسحبوا من الدورى و لا تقبلوا موقف الذل . احمد مال الله رياضى حقود و هو دائماً يستفز جماهير المنامه .
حرام
حرام عليكم يا اتحاد
أنا أهلاوي وكنت موجودا في الصالة في مباراة المنامة والحالة وكان مال الله في قمة العصبية والبعد عن الأخلاق
أنا أرى في القرار إجحافا لأفضل جمهور في المنطقة
ولم تصدر ألفاظ ضد مال الله إلا من عدد قليل ريما يكون مدسوس من قبل إدارات فرق أخرى لأني رأيت بأم عيني الجمهور يرفض هذه الألفاظ
يا اتحاد لا تكونوا ظالمين
قرار متأخر
القرار في محله بل انه جاء متأخراً كثيراً لأن هذا الجمهور سوابقه لا تعد ولا تحصى مع الأسف الشديد
فرغم انني أعده ملح كرة السلة البحرينية إلا أن استمرار خروجه على النص و السكوت عنه جعل الحالة الجماهيرية تصاب بالتوتر والاستفزاز و ارتفاع الضغط و الخروج عن المألوف لدى غالبية الجماهير
أهلاووووي
مافي فايده قرار التوقيف موجود بس بتشوفون جمهور المنامه موجود بقولون انهم كبار في السن وعشاق للعبة وبعدين بتمتلي المدرجات نفس العام الماضي ضد الأهلي مسخره مسخره مسخره
منامي
انا اجوف مباريات عالمية و مباشرة على الهواء جماهير تسب و تسوي حركات حك لاعبين امثال ميسي و رونالدو و واضح وضوح الشمس في التلفزيون، ما سمعنه خبر بأنه وقفوا الجمهور، بس في البحرين. انا اقول يا عبداله، انت انسان مؤمن وتصلي الانصاف شي زين
توقيف 3 مباريات !
للأسف الشديد اتحاد كرة السلة وخاصة عبدالآله ما عنده شخصيه ليواجه اللاعب احمد مال الله ويعاقبه على حركاته ضد المنامة وجماهيره ! والله يا عبدالآله لأنك حالاوي الاصل ما ترضى على فريقك !!
الله يسامحك !!!
والله حاله
ويش هالجماهير هذي
الرياضة أخلاق ، لازم نتحلى بالاخلاق و الا الرياضة ما منها فايدة بدونها
جماهير المنامة كلا جدي ، نبغي نشوف دوري يتميز بجماهير أرقى من جدي
الصراحه
الاتحاد ما بسوي شي عير يزيد المشكله على الاعب نفسه, عشان انكون اكثر منصفين جمهور المنامه غلط و اتوقف أكثر من 10 مرات بس بلا فايده مايعني ان الجمهور حاط في خاطره حركات الاعب الخلوق أحمد مال الله, أحسن حل الاتحاد يغرام + يوقف الجمهور + أحمد مال الله