مهداة الى الراحل طلال مدّاح

ربيع كبودنا ترعى حماده ضجّة الأفلاذ

شغب غمّازتين وهيل نصف موارب ودلّه

تفوح بطيبها المبطي بها يا طيبها الأخّاذ

كفح جمعٍ جرت وموّلك والغيم موّلّه

نهض يستكمل النايات في جغرافيا الرذراذ

طلال وكل فوضى رتّبتنا جسّدتْ ظله

وتر ضدّ اليباس وخارج الاسمنت والفولاذ

هنا لغز البساطه في موسيقاه وهنا حله

هو اللي ذوّب (الرا) في طفولة ضيّه استرذاذ

هو اللي ذوّب الدنيا في رابع أحرف العلّه

كريم الروح، مدّ من الجسد خمسين جرح ولاذ

بنا كيف انعنينا عن تعب ريحانه وفُلّه؟

أغاني الفيديو كْليب وموسيقى شهوة الأفخاذ

نهَشْتَه قمح قمح وحنطةٍ... حنطه هوى كله

هوى فجأه عرفنا كم تخاذلنا عن الانقاذ

لغاية ما فرغ كرسي الخشب من بحّة مْوَلّه

وقف خمسين عام استاذنا المعشب، وطاح استاذ

وظلّت ريشة الطير فْـ يده خضرا ومبتلّه