الرصاصي

في السابق كانت المرور والجوازات من اكره الاماكن للي يبغي يخلص معاملة عندهم اما الان ولله الحمد فقد تورطت عندهم الخدمات وتسهلت، غير ان ما يجري في الجهاز المركزي للمعلومات بحاجة لاصلاح صراحة ولازم يسهلون الامور بدلا من هالتعقيدات والصرامة في الطلبات

اخي المواطن هنا البحرين لا تستغرب من هالاشياء ويش تترقبون يعني .

000

مستعدة أشتغل واترك شغلي المتعب من سبع ونص الى خمس ونص ومستعدة بقبول بنص الراتب ، بس ماعندي واسطة فمابحصل الوظيفة ادري خخخخ

للامانة

في الاسبوعين الماضيين رحت ثلاث مرات و كل مرة تأخير و في مرة من المرات اخذت الرقم الساعة 9:50 دقيقة و انتظرت حتى الساعة 12:30 و كان باقي على الرقم حوالي اربعين رقم و مشيت لان عندي موعد ضروري الساعة 1:00
لكن انا ما الوم الموظفين فقط لانهم موظفتين فقط و احيانا يخلون وياهم موظف ثالث و المراجعين عددهم كبير جدا و خذ اذا صار تعطيل من مراجع او اخذت المعاملة وقت طوبل فأكيد راح ينعكس على الاشخاص الي ينتظرون
الله يكون بعون الجميع مراجعين و موظفين

مسخره

كأنه في كوفي شوب ضرب سوالف و ضحك و بخور و تعديل غطر ....وين قاعدين

الصراحة

يبيلهم مدير حازم يشد عليهم مب يشيد لهم باللعب، أصلاً من قعدتهم وأستخدامهم للجهاز يبين عدم الكفائه وضعف اللغة الأنجليزية، بينما أصحاب الكفائات عطالية بطالية، أشلون تم توظيف ذلين ما أدري بس الأكيد واسطة

ناس تموت تحلم بوظيفة

وذلين لعب ومسخره ولاهامهم شيء، دليل الواسطة لأن لو ديرتنا تشغل الكفائات لما وصل حالنا لما نحن عليه الأن

أستهتار ورواتب على الفاضي

والحل في توظيف ناس قد المسؤولية وإللي موعاجبة الشغل يقعد بالبيت

مواطنة

صح الخبر وخصوصا هاذي الموظفة الموجودة في قسم تغيير العناوين او تغيير المسمى الوظيفي واللي شفته منها انها خلتني انتظر وهي تخلص معاملات اهلها في التلفون ومعاملاتها في قمة السوء ويا المواطنين على الجهات المسئولة تعاقب هال موظفين لو بلفت انتباه او اشعار

جيف بس جت على هذي ؟

اتحداكم تتصلون

قويه

بعد قسمة مجموع الدقائق للعمل 8 ساعات يصبح وقت انجاز كل معاملة يتطلب 48 ثانية، اذا كان الموظف ينجز 1000 معاملة. ملينا من الكلام الهراء.بسكم كذب بالارقام.

مب بس الجهاز المركزي

الديرة كلها صايرة زحمة
بكل مكان
والويوه اللي نشوفها شوي بحرينيين والاكثر مب بحرينيين
يا ترى ماسبب كل هالزحمة بالديرة

تعطيل في تعطيل

أنا مره كنت في القسم هذا كانت للأمانه وحده بس تشتغل والباقي كمبيوترات بدون موظفين، والقهر ان بعد ساعة انتظار باقس شوي وانصلي الصبح هناك وصل الريوق والموظفة الوحيده راحت تآكل وبدشة واحد انتظر بس عشر دقائق انقهر وطلع مديرهم وقاله هالناس كلها وانا ننتظر موظفينكم وينهم؟ قاله عدنا نقص رد عليه ولا ساعة 5 العصر نكمل رد المدير شنسوي ياخوي رد مراجع أكا برع موظفين زايدين والمراجعين قله ييب من برع رد مدير ما اقدر قال المراجع انا بشتكي ما بسكت رد اي اشتكي على شان يزيدون موظفيني، خمس دقايق الى 5 موظفين داشين

عادي لا تستغربين

أصلاً أهو اللي مشجعهم، ولا شنو شغلته مب أهو المسؤول والله جدامي أشوفة يسولف ويضحك معاهم، ولا هامهم شيء، والله لو الأمر بيدي لفنشتهم كلهم ووظفت ناس عدل، الواحد تجيه حره وأهو قاعد ينتظر وأهم ولاعليهم بروووووود

أشتكينا أو ما شتكينا

عمك أصمخ، أذا المسؤوليين يشاركون الموظفييين في السوالف وشرب الشاي، فأي خير يرجى منهم

الصراحة الوضع هناك سيء جداً

حيث يطر الناس للأنتظار لأكثر من ثلاث ساعات حتى ينهي معاملة صغيره بسبب أستهتار الموظفين هناك، حيث لا حسيب ولا رقيب، في ناس مب لاقيه كراسي تقعد عليها تظل واقفة بالساعتين ثلاث، واذا هالحبايب ما يبون يشتغلون خلهم يقعدون بالبيت ووظفوا ناس كفؤه قد المسؤولية

المفتلت

اخواني شنو تتوقعون من موظف يشتقل ابصبعين علة جهاز الحاسوب آنة موعارف
هل الموظف متخرج من وين أللة ماعطهم عشرة اصابع بس الضاهر امخلي اصابعة
الباقي اسبير.

أي والله صدقت ههههههههه

اشوفهم ورقة بيد وصبعة وحده تنقي الأحرف من على الكيبورد هههه، لا وكل معاملتين يخلصونها لا زم عقبها ساعة أستراحة، مسخره

الولاء الوظيفي

المشكلة أن البعض لا يخلص في عمله .. فالح بس في تعديل غترته

هههه

عجبتني فالح في تعديل غترته ولا ننسى بعد تعديل شيلتها ...

أي والله صدقت

مو فالحين في شيء حتى أنجليزي ما يعرفون وأجانب واجد متواجدين، وأضحك عليهم لما يتكلمون مع الأجانب كله كلمات متقاطعة ونص الكلمات مب فاهمينها، بس مثل ما قلت فالح يعدل الغتره

عمك اصمخ

الكل متذمر والكل مستاء لكن أبشركم خلكم مستائين على طول لان ما في شي راح يتغير واللي مو عاجبه يشرب ماي البحر

مرحبا

يمكنكم من تحديث المعلومات عن طريق الانترنت للموقع الالكتروني الرسمي للجهاز المركزي للمعلومات بدلا من الانتظار حيث ان العملية لن تستغرق اكثر من 5 دقائق عن طريق الانترنت.

الكستنائي

يجب محاسبة الموظفين المقصرين في أداء واجبهم الوظيفي.!!
هل يعقل أكثر من 8 كونترات والي شغالين بس 3..!!
وين باقي الموظفين راحوا ..!؟ أكيد يتريقون وياكلون حب شمسي وسوالف..!

ولد بطنها

حل المشكلة بسيط هو بحرنة الوظائف او جلب محترفين من الخارج مثل لعبة القدم ههههههههههههه

لا رقابة ولا مسؤولية

قبل يومين كنت متواجداً لإجراء معاملة، أنتظرت ما يزيد عن الساعتين وكانت معاملة الموظفة سيئة جداً.

مخلص معاملات

حل المشكلة فقط هو زيادة عدد الموظفين و محاسبة الموظفين إذا أهملوا أعمالهم ، و الكل يعلم هذا الشيء لكن لا حياة لمن تنادي .
لا يوجد إهتمام في الناس من قبل هذا القسم .

شووووووفووووووووو

انا سبوع اللي طاف انتظرت 3 ساعات اول اكثر على كونترين شغالين بس.. ولا وحده تقوم تطلع بريك وترجع وتقوم الثانيه وهدي السالفه اما الكل يشتغل مافي امل.. واللي راح يلاحظ هالشي حسوا فينا وضفوا اوادم انا مستعد اداوم 22 ساعه ساعتين راحه بس وظفوني .. ادري اللي بايده هالشي بشوف كلامي وبقول مش بوزك ادري وصلتني قبل لا تقولها ... خاربه خاربه

صدقت

صار لي ثلاث ساعات أنتظر وأني حامل، أنكسر ظهري من القعده وخفت أوقف يجي واحد وياخذ مكاني وأظل واقفة لأن واجد ناس تظل واقفة بلا كراسي، وهم خبر خير سوالف وضحك وتلفونات وشاي وبسكوت وهلا يابو فلان وهلا يا أم علان والناس لايعه جبدها، أشوف أغلب الكونترات فاضية تجيني غصة بحلقي واللي يقهر زيادة المسؤول عنهم يروح ويجي عليهم سوالف وضحك، والحالة حالة، ثلاث ساعات أنتظار كان المفروض أنتظر أكثر لولا أن بعض الناس طفشت ومشت وخطروا أرقامهم ولا كنت بنتظر 4 ساعات أو اكثر عشان بس أغير مسمى وظيفي

موظفتين ثنتين على راحتهم

امس رحت والكل قاعد يتكلم عن التاخير.. انا رحت

كلكم غلطانين

السبب واضح وهو كثرة .. والأجانب

لا توجد محاسبة لهم

الموظف ايخلص معاملة شخص في اقل من خمس دقائق، وبعدين عشر دقائق يتكلم في الهاتف. هذا غير اللي تقوم اتبخر المكان والسوالف ما بينهم. ولا كأنه فيه مواطنين يبون ايخلصون اشغالهم. ولا احد ايحاسبهم.

الكستنائي

تحديث بيانات البطاقة الذكية لا يحتاج إلى أخذ موعد عبر الموقع الالكتروني, وهذا ما يسبب الزحمة.

صحيح

فقط قبل اسبوع تقريبا انتظرت ساعتين من اجل تحديث بياناتي وذلك بسبب فقط موظفان اثنان يعملان .. هذه فوضى

الديرة راجعة ريوس من زمان

مرة رحت اهناك مافيه موظفين يداومون على كيف كيفهم و مو بس چذيه تشوف هالموظفين طق سوالف و لا هامهم المراجعين لين بقت ساعة او ساعتين بينتهي الدوام قاموا يخلصون شغلهم بس المراجعين
تنبط چبودهم من كثر القعدة و الانتظار صج الوضع اهناك مسخررة

كلامك صحيح

بالفعل عدة مرات أشاهد هذا المنظر، عدد من الموظفين يسولفون بطريقة لامبالية، أحيانا مافي ولا كاونتر عليه موظف وهي ماخذين الوضع بدم بارد جدا وعادي ! إما زيادة الموظفين لتوفير قسط من الراحلة للموفين الحالين وتقليل الضغط عليهم او توفير رقابة على الموظفين الحالين.

كلام سليم

فعلاً شي يقهر .. يعني الواحد قد يتحمل الازدحام والانتظار .. ولكن لن يتحمل أن يشاهد استهتار الموظفين بينما هو ينتظر

أنا بعد حصلت لي مشكلة العطال بسبب سوالف الموظفين مع بعضهم البعض

كان عندي موعد في البطاقة الذكية وعندما جلست على الكرسي بعد اخذ الرقم وجدت ان اكثر المكاتب خالية من الموظفين
وفي الجانب الثاني موظفين متقابلين بالسوالف اين الرقابة؟
اليس هذا تعطيل لاجراءات المواطنين؟
يعني لازم ينكتب عن هذه المشكلة او ماتحل نتمنى مراقبتهم بالكاميرات حتى يمشي العمل مثل الساعة

مواطن

اناشد المسئولين في هذا الجهاز بالانتباه لدوام الموظفين حيث يبدا الدوام فعليا الساعه 8 صباحا