التفاهم سيد الحلول - آم دآنة -

حل اي مشكلة هو الحوار و التفاهم بإحترام ، ل نبتعد برهةً عن الشرع و الدين ، منطقياً الزوج مسئول عن العمل ، الإنفاق على البيت والزوجة والاولاد ، تآمين احتياجاتهم جميعهآ ، و مساعدة الزوجة - إن آمگن - بالمقابل ؛ الزوجة تهتم في شئون المنزل من تنظيف و ترتيب و عناية و تؤدي حقوق الزوج و حقوق الاولاد و احتياجاتهم و جميل ان يآگلوا من يدها ما يحبّون ، إن ارادت مساعدة الزوج ماديا كان بها ، لا تريد هي حرّة ، الحل يگمن في تشارگ المسئوليات بشگل مرضي للطرفيـن بشرط آن يلتزم گل طرف بواجباته و التزآماته '!

الى زائر 17

الى زائر 17 ساعد الله قلبك على هل بلوة والله يصلح حالكم وخبرك معضم نساء البحرين ذهب اصلي مامنهم اقصور
موظفة
تشتغل فى البيت طبخ وكنس
مدرسة خصوصي حق الأطفال
سائق من والى المدرسة والمشاوير الاخرة

لست مع الشرع

لذا نرى الرسول الأكرم (ص) يذهب إلى بيت الزهراء ـ سلام الله عليها ـ في اليوم الأول بعد الزفاف من أجل أن يبارك لهما الزواج يقسم الأعمال بين هذين العظيمين قائلاً ما معناه:
"يا زهراء، إن أعمال المنزل، من قبيل الخبز أو طحن الشعير والحنطة، وتنظيف الدار، ورعاية الأطفال سهمك؛ أما سهم أمير المؤمنين (ع) فيتمثل في تهيئة الحطب، وجلب الماء، وترتيب ما يحتاجه المنزل من مواد أخرى تجلب من خارج المنزل".

المصدر

وين مصدر الحديث ممكن تعطينا اياه عشان نتاكد

هذا تفسيرك ولا تفسير شيخ فاهم

مانبي تفسيرك عطنا مصدر شيوخ لهم مكانة دينيا ونجوف تفسيرهم

بحرانيه منطحنه

الحمد لله كل يوم طبخ وشغل ولا احب اقعد وفوق هذا كله مايعطيني زوجي ولا ربيه وساكته وصابره الحمد لله نبي بس نعيش

الحمدالله انا احب الطبخ والطبيخ

المشكله زوجي ماياكل اي شي وما يسوى اطبخ وانفخ في مطبخ يشبه جهنم لاني عايلتي صغيرة بس زوجي وولدي وكنت اتمنى وللان يصير عندي مطبخ محترم

للمعلق اللي عندك مشكلة مع زوجته

قبل ماتقدم على أبغض الحلال عند الله كلمها وفهمها بالتفصيل عشان تصير الحجة عليها وكلم اَهلها انك خلاص وصلت حدك وعطها فرصة يمكن لو قلت لها الكلام اللي قلته انت هني بالضبط تحس وتتغير الله يوفقك

إي اي

مو ملزمين نطبخ صح وإذا طبخنا تراها شيمه منا والمطاعم ترس الديره معقدين السالفة عشان طبخ تلفون ويصلك الاكل لا تكبر ون القصه انتهى

شوف العيارة

قمة العيارة والخيابة راحت امهات اللول وجت نسوان يفشلون حتى بيض مقلي مايعرفون

جمعة مباركة

الصراحة الزواج ود وتفاهم وعشرة سنين لازم الطرفين يتنازلون بعض الأحيان ومافيها شي أهم ماتنازلوا لغريب اهم شي الاحترام في الكلام اما التعنت والعناد مايفيد وكل شي له حدود الاعتدال أحسن شي لان احنا مو في فلم عشان كلمة او فعل خلاص نطلق الدنيا ماتمشي جدي لكن واضح ان الطبخ مو سبب الطلاق يمكن فيه سبب ثاني المهم لاتسوون حرب بين النسوان والرجال اليوم الجمعة مالينا خلق اللي هني يتعاونون وفي الحقيقة عسل مع أزواجهم وزوجاتهم

لوعتون جبدنا

كل ماسوت المراة شي قالو الشرع حلل اربع يوم انكم كلش تحبون تعاليم الشرع جان عرفتون ان مو واجب تطبخ قال شنو هذي من واجبات الزوجة ولين طبخت انقرفوا منها وطالعوا غيرها ترى مو مكينة تهتم في لبسها شعرها بشرتها جسمها وهي موظفة وتحمل وتطبخ وحاسدينها على خدامة الحمد لله مو كل الرجال مثل التخلف واقول للمتخلف جرب تسوي هالاشياء بنجوف تحس او لا

اقول

اقول جت نسوان المطنزة والعازة اكل ونوم وخيابة واتساب وانستقرام واسناب

بوعلي

ليس من واجب الزوجة الطبخ والكنس والغسيل وفي نفس الوقت ليس من واجب الرجل ايضا الواجب الرئيسي للزوجة هو التفرغ لتربية الاطفال والاهتمام بالزوج والواجب الرئيسي للزوج العمل والكسب الحلال لاطعام والملبس الاطفال والزوجة اما شغل البيت شراكة مابينهم بس الحين صاير خربوط النسوان يشتغلون والرجال يشتغلون وعفسى قايمة

صح كلامك

بس ياخوي في هالزمن الأوضاع المادية صعبة جدا والحال يرثى له بمساعدة المرأة فمابالك بدون مساعدة والمرأة مافيها شي تشتغل أفضل مثال السيدة خديجة عليها السلام الله يعين الجميع

اووه

طلاق مره وحده لو خاينته ما طلقها عجايب والله

للمعلق 7

انت اقدر على وحدة اول بعدين تحجى قال شنو ماطاب لي حافي منتف ويهدد ياخذ جم وحدة القوي مايهدد بنت اضعف منه القوي يتحدى رجال عشان يثبت قوته تبي تتزوج جم وحدة روح انت حر لكن مو من حقك تعترض على راي الناس البنات مو حيوانات عندك متعززين في بيت اهلهم وتجي انت وتفلسف اذا مو عاجبك راي المعلق اخذ وحدة تقبل بشروطك لكن لاتنتقد شروط ومطالب الغير

رووح عاد لاتقعد تهدد

حلو والله ياتصيرين عبدة عندي وتنفذين اوامري يا اتزوج تزوج بالطقاق اهيا بعد لي جافتك متزوج عليه بتطلب الطلاق وان شاء الله تاخذ واحد احسن منك مو كل النسوان يرضون انك تزوج عليها بس المشكلة الغباء الزايد اسوي مشكلة واتطلق عشان بطني الناس وصلت لوين وفي ناس للحين همهم طول الوقت بطنهم هذي مو حياة اجتماعية سليمة ولا فكر منطقي

الطبخ مو بس للنساء يا عرب يا اذكى امة

حسستوني الناس تطلع من بطون امها تعرف تطبخ اكو شكثر شباب يدرسون في الخارج عندهم من العلم اللي يفيض عليكم يا جهلاء لكن شحلاوتهم يطبخون لانه مضطرين اذا في عمل انت ماترضاه على نفسك انك تسويه وتستصغر انك تسويه لاتجبر غيرك انه يسويه الشرع ماالزم المراة بالطبخ لكن في واجد نسوان يطبخون ويحبون يطبخون ومافيها شي مساكين امهاتنا يطبخون والله يجازيهم كل الخير ويطول في اعمارهم واذا على التعلم وصفات كل اكلة منتشرة بالتفصيل كل اللي يحتاجه شوية ممارسة

الجوع كافر

بصراحة عنده حق ويقال الجوع كافر ـ اذا المرأه مو مجبورة تطبخ حق زوجها ـ يعني يجيب خدامه وهي تطبخ له وبعدين تعجبه وياخذها ـ يا اااه عاد بعدين وينك من الصراخ ـ اهتموا في حياتكم الزوجيه ـ ما ليكم حق تجوعون ازواجكم

اي

اكيد الزوجة بتسوي لزوجها وبتدلعه وبتطبخ له من باب المحبة مو من باب انه واجب واهو بعد في المقابل يتفهم شدعوة تتاخر في الطبخ طلقها واضح عندة يا مشاكل في اعصابه او انه يبي وحدة غيرها لا باين العمر ولو ان مو شرط

وانه اقول

من جذ نص ....اشكالهم فلبينية

شنسوي تخلف

مو واجبا على الزوجة الطبخ في الاسلام على فكرة لكنها من الأفكار المنتشرة بسبب المجتمعات الغير مثقفة خصوصا ان الحين المرأة تشتغل وتحمل وتولد اذا تبيها تطبخ وماتساعدها لازم ماتشتغل ترتاح وتوفر ليها كل شي ماديا وبعدين الامام علي عليه السلام كان يساعد فاطمة الزهراء عليها السلام في أمور البيت لكن في النهاية كل شخص له رأيه ومتطلباته اذا طبخت فالله يجازيها خير بس اذا ماطبخت شرعا ماسوت شي حرام واكيد اغلب النسوان يطبخون لعيالهم لان الحياة مو هواش وعناد بس عاد طلاق مرة وحدة الواحدة مايصير مشير جذي

لاه!

نساعد ايوه ـ بس ما تطبخ ولا تعرف الشرق من الغرب لاه ـ الصح صح وكل شيئ يجب ان يكون بالمعقول ـ الحياة تعاون وتفاهم ـ الكل يجب يؤدي دوره حتى تسير السفينة بأمان.

و أنا بعد مو من واجبي أكتفي بزوجة واحدة

أنا رجل و أحب التنوع، مثنى و ثلاثا و رباعا و ما ملكت أيماني!

انزين

واذا انا الي اشتغل وهي مبسطة نوم واكل وتلفون وارجع اثيابي بالاسبوعين ماينغسلون والشقه تلوع الچبد من الوصخ والمطبخ لو اصوره چان تنصدمون وريحة المطبخ الي تلوع الچبد اذا انا ما اغسل ثيابي راح اقعد بدون ثياب لا طباخ تطبخ ولاشي اظل بجوعي لا ريوق ولا غدى ولا عشى باقي اقوم اطبخ اليها وأأكلها

اشباه الرجال

للبلع ولكروش والجنس نفس الحيوانات مايسوون اللا ذلين

استغفر الله العظيم

اش هالتخلف ماطلقها الا عشان ياخد غيرها وحط هالسبب عذر اله
وثانيا اذ مسام يكون بعلمه انه مو من واجب شرعي الزوجه اصلا الطبخ انما واجب اخلاقي تفعله الزوجه

اوك اذا انتون مع الشرع

اذا انتوا تقبلون بالشرع شي جيد انا لحد الان ما اكلت شي وزوجتي نايمة لا ريوق ولا غدى ولا عشى واذا قعدت تبي من المطاعم وطول وقتها في الواتساب والانستقرام والسناب وتعال ودني السوق واني مستملة وطول الوقت تتحلطم ووجها كل مكشر وضارب عليها الحزن لكن ما يحلها الا الشرع على حسب رغبتكم الشرع محلل الربع اذا مي مستعدة هي تطبخ اما بروح اقعد مع الي بتطبخ لي وبتتحمل بي وهي مو مشكلة خلها مع السرع الي يقول مو لازم تطبخ حتى الثياب والمواعين انا الي اغسلهم وشقتنا مافي مجال الواحد يحط رجله من العفسة والوساخة