نحن معكم

خله يخيييييييييييييييييييييييييييس
يتصيحون بالشتاء و الحين يتصايحون بالصيف!!!!!!!!
تقاعس البحارة عن الدخول للبحر لا تعني شحة الاسماك و لا يبرر رفع الاسعار و انما طمعا منهم ليثبّتوا علينا اسعارا جديده لا طاقة للفقير عليها.
نحن كلما اكل الفقير الفقير حذفناها على الحكومه, ليش يعني تبون الحكومه تصيد السمك اليكم و تبيعونه علينا. و من يقول لا يوجد دعم, فهو مغالط لنفسه, ام انكم تريدون رواتب بمقابل مهنتكم الى جانب علاوة الغلاء و دعم الرواتب؟!!!!

في اولى من السمك

كان من الاولى عمل تغريدات في اشياء يستفيد منها الشعب وليس بسبب ارتفاع سعر سمك ،وكأن الشعب ان لم يأكل السمك سيموت جوعا

غلاء الاسعار

باشر راح انقول عدس يعزك ولا دجاج بدل وعقب باشر راح انقول فول يعزك ولا عدس بذلك وعقب عقب باشر موت يعزك ولا حياة يذلك ودمتم سالمبن

الكل يشتغل في الحر والبرد

اكثر البحرينين يشتغلون في الحر والبر وانا اشتغل في تصليح السيارات مو معناتها كل يوم اودي السعر فوق واقول حر اليوم وباجر برد .. الطمع طبع

ارتفاع الأسعار

بسبب الأجانب كل شيء مرتفع

!!

في موضوع اللحم نصحتكم كم مرة وقلت عليكم بالكشري فهو رخيص وقوي والحين في موضوع السمك بعد أقولكم عليكم بالكشري مافي أحسن منه ، يغني عن اللحم والسمك والدجاج واللي ما يعرف يطبخ الكشري يخبرني بعلمه بدون مقابل

انا ضد المقاطعه

الصياد وراء التزامات
اهل يصرف عليهم طلعته من بيته الى البحر بترول
تصليح الطراد اذا حصل اليه عطل
اذا كان الصيد قليل بسبب الحر
اكيد راح يرفع السعر

اشترو الدجاج مفيد للصحه

وحتى لو قاطعتون كلها شهر بالكثير وترجع الاسعار مثل قبل المشكله انتون مو فاهمين ان العرض قليل والطلب كثير والاجانب ياكلون الاخضر واليابس لانهم اكثر من نص السكان حسب الاحصائيات واذا نجح قاطعو الفواكه بشوف الي قبل كم سنه بعشره دينار تشتري كل شي والحين ما تجيب لك شي لو بس على البحاره وما تقدرون على تجار الفواكه لانهم كبار

المقاطعه بتشمل كل شي زاد سعره..

واحنا اهل البحرين كلامنا واحد .

حرتكم في البحاره ؟

وادا صارت الثلاجه ب10 دينار منهو اللي بيعوضه في شهر 10 لو 11
في هالشهرين يدلل على سمجه علشان تاخدونه
محد ياخد من الرخص
وادا زاد اتحاطمتون على الغلاء
والحمله مابتنجح

معا

ويدا بيد لمقاطعة الاسماك الغالية لين ما تخيس عند اصحاب الطمع

فترة قصيرة

الله يخليكم يالبحارة ربعنه واهلنه وحبايبنه ...وهذي فترة وبتعدي بعد تغير الجو

بسيطة

خله يخيس الين تعدي هذه الفترة . مع الاسف الطمع والجشع اعمي اعين هؤلاء البحارة

بحار

يا جماعه اذا قل العرض زاد السعر واذا زاد العرض قل السعر وبلا هرار علينا يوم كان سعر كيلو الصافي خمس ربيات محد أتكلم وثاني شي احنا في كل يوم ندخل البحر اتكلفنا الدشه من 150 إلى 200 دينار واذا صدت ثلاجة وحده صافي وبعتها ب 150 يعني تطلع عليي الدشه رأدي وهاذي التكاليف منها البترول والثلج والآيل و إطعام السمك ومعاشات العمال وبلاوي ومصايب والي مو عاجبنه البحر مفتوح يروح يصيد ويبيعه علينا أرخص ويحصل فوقها رحمة والدين

كلامنا مو هرار.

تفكرنا مراهقين! وما تحس اصلاً لو تحس ما بعته بهالسعر ولا كانه المواطن عليه التزامات وقروض وعيال وبلاوي.خله يخيس عندك لين ما تعقل .

خالها تخيس

هذا أفضل حل وشوف النتيجة ، غصباً عليهم بينزلون السعر ، إبيعونها ولا تخيس عندم ويخسرونها .

لا لا للاسماك نعم نعم للبيض

اذا ارتفع سعر البنزين بيرتفع سعر السمك و اذا ارتفع سعر السمك بيرتفع سعر الايجار ..وووووووووو...زياده المفاجئه هذه مو بسبب الحر لا والف لا.. ترى هذه جس نبض لكم من الحكومة ياشطار عشان اذا قبلت الحين بكره بتتقبل اي شئ

الطمع مصيبة

الطمع مو من الذي يصيد السمك المصيبة من الجزاف يريد ايكون ثروى في مدة قصيرة وهذا مالحظه من الجزاف في منطقتنا جديد في السوق ويملك الكثير من العقارات ورأس المال ويتكلم بالألوف هذا من وين مو من بخصوص الناس والحلف من كذب بس نفاق الناس ماتتحمل جشع البحار لو زيد معذور

السوق ما فيها سمك

اذا الصياد يدخل البحر ما يطلع ثلاجة بكم تمبونه يبيع؟
مقاطعة على ويش...
هو بعد عنده مصاريف بترول و عمال وووو
تبونه يبيعه ببلاش ما يصير اللي يمبي يشتري يروح اللي ما يمبي على راحته.

ما دخلنا في جم مصاريفه.

احنا علينا قروض بعد بتقول ليش ماخذ قرض؟ نفس الجواب حق كلامك.

ما نبي

طيب لا تتباكى وتسوي نفسك فقير وتعتصم وتطالب بدعم البحاره وتمد بوزك .. وكلمه زيادة بردك عرضين

sunnybahrain

السلام عليكم ،،سلط الله عليها من ديره ،،المواطن مطلعين عينه وين ما راح ،،السيارات اسعارها { تكوي } ،،لانها مستورده ،،لحوم البقر والجمال والماعز ،،كذلك اسعارها مرتفعه ،،كذلك هي مستورده ،، اما الاسماك ونحن نعيش على ظهر جزيره محاطه بكل ما انعم الله من خيرات البحر ،،ف لماذا الجشع يا عباد الله ،،رجاء يا اخوان ولدعم المواطنيين اجمع { اشتر سمكه واحصل على الثانيه مجانا }جزاكم الله خير ،،السلام عليكم .

كم سعر الهامور اليوم

زائر

.......

الى كل من يريد الدجاج يربي الدجاج ويحصل اولادهم ويذبحهم وياكلهم في بيته وإلى كل من يبي بيض يربي الدجاج وبيعطونه بيض وإلى كل من يبي سمك ينزل البحر ويصيد ولا بنسمع شيء عن الأسعار لأنك انته تبني نفسك بنفسك وتاكل ثمرة تعبك بنفسك ههههه ولا تبون تنامون وتروحون تشترون لما يتعب الواحد على حاجته ويسويه بيده تكون هي حاجته ولا أحد يقدر يكلمه ومحد بيسمع هالشكاوى واللبيه كلها وشكرا ..........

اقول الى كل اللي يلومون البحارة

انتون تعرفون كم من المبالغ المستحة
علينا دفعها الى !!!!!
على كل طراد 3 عمال
طباعة الفيز 344
دفع كل شهر 5 دينار الى الهيئة
دفع كل شهر 4 دينار الى التامينات
و اجار سكن العمال كل شخص 20 دينار
والكهرباء و الماء تقريبا 20 دينار
و الراتب ما يقل عن 100 دينار
و نفترض ان صاحب الطراد يستلم راتب
من المدخول 300 دينار شهريا
و التامين 45 دينار
و المصروف اليومي للطراد من بترول و و شبك و زواده
ما يقارب 20 دينار يوميا .
تعالو يا جماعة و احسبو الحسبة
وشوفو احما مظلومين لو ظالمين
مثل ما يدعون بعض الناس

ما عليكم منهم

الله يرزقكم من واسع رزقه و اللي يبي يشتري و اللي يبي يقاطع الله وياه و الارزاق بيد الله

وشكوا احنا.

باجر انا بزيد بعد وبقول علي قروض .العقل زين ترى .

احسن واحد

احسن واحد ولد الدفاع مستعد و مبرز كل مذكرات الإحتجاج و المرافعة

أي أشد حراً

الخباز مقابل التنور أو الصياد في البحر

ما نبي سمج

الله يخلي قواطي التونه تارسه البرادات :)

يا جماعه

ليش مو قادرين إصدقون إن السمك الي ينصاد قليل

اغلى من البترول

يقولك في الكويت وصل كيلو الزبيدي 15 دينار يعني 50 دولار يعني اكثر من قيمة برميل نفط وفي البحرين وصل كيلو الصافي 5 دينار 13 دولار وشوي يعني قيمة البرميل بدون بترول فاضي

سؤال يا جماعة

من اساس الغلاء و البهدلة اللي احنا فيها؟ هل هم باعة السمك اللي مسووين حملة عليهم ؟! أكيد الكل عنده الجواب ، الحملة لازم توجه ضد كل فاسد و حرامي سواء صغير او كبير

عارفين ليكم عدل ههههه

تركتون كل قضاياكم المهمه وحطيتون بالكم ويا الصافي هههههه طمبووووورها

خلص البحر

هل كمية ألاسماك في البحر قليلة ؟ وهل عدد الصيادين قليل ؟

زين اتسسوون

خل نسوي حملة ضد البوايقة مدام انكم مسوين حملة ضد الطمع و الجشع اشرايكم؟!

الجزازيف

المشكلة عندنا في الجزازيف هم اللي حتكرون السوق .. زمان اول البحار هو اللي يبيع السمك ويكون رخيص وخاصة عند اقتراب وقت الصلاة .

شعب نايم

السارقين في كل مكان الحين تركتوهم و حاطين بالكم و بال البحارة الفقارة ،، يللا الارزاق بيد الله

الحرب ليس على بحارة

الجزازيف أغلبهم من يرفع أسعار الأسماك يبيعون ما يحل ولا يحل يشترون الثلاجة بسعر وبيعها بأسعار ، بيع بسعر معقول زيارة مقبوله ارحم ترحم .

حسبنا الله وكفى

أنا اقول الحل بسيط زيادة الرواتب للقطاعين العام والخاص...................الكويت رغم الرواتب العالية وقيام الحكومة بإسقاط القروض أكثر من مرة قامت تشتكي الغلاء خلهم يجون البحرين ويشوفون المواطن كيف يعاني الامرين لتوفير لقمة العيش مجلس النواب الاعدنه ولا مرة هدد الحكومة بالانسحاب في حالة عدم الاستجابة لزيادة رواتب الناس لانه الجيب متروس عسى الله لايهنيهم في كل فلس يستلمونه قولو آمين

امين

امين
امين
امين

استغفر الله

اشله الدعاوي ، يا دافع البلا ، محد جبركم تشترون صافي أما انتو بعد حالة وياكم
و الحين الديرة كلها غلاء في هالمجمعات و المطاعم ما شفناكم تتكلمون و لا في حملات

لا تكبرون الموضوع

اللي يبي يشتري و اللي ما يبي لا يقطع رزق أحد ، مو لازم تاكل سمج صافي و شكراً لكم

صار مدة ما اكلنا

احب السمج : (
الحمدلله على النعمة

سمك

خلوه يخيس

انا واحد مو مقاطع

إنتوا مفكرين ان البحر و الصيد شي سهل و رخيص..أقول تره البحاحير كلهم ربعنا ... شي صير اذا دفعت دينار او دينارين زيادة.. ... بدل الي تصرفه في .... و .... و ......

من جبرك تقاطع ؟؟

محد قالك قاطع , روح اشتر هامور بعشره دينار و صافي بخمسه دينار هههههه راتبك ما شاء الله عليه يكفي ويزيد ,, من كلامك مبين عليك ما يمدح في السوق الا الربحان فيها ,, والكل بيخلي السمج يخيس هو سمج تصيدونه من البحر ببلاش وبس تدفعون مال بترول وايل وشوية خبز داخل القرقور ,, يعني يوميتكم تدخل اكثر من ثلاثين دينار واذا زادت الاسعار صار الراتب دبل

تكلم عن روحك.

مقاطعه .

يا ريت

نتمنى انشوف الكل يد واحدة مثل الكويت

فيليه

من زمان تركت السمك وتميت اشتري الفيليه من الهايبرماركت .. الذ وارخص وسعره ثابت.
الجشع وغياب الرقابة سبب رئيسي لمافيا الاسماك .. يعني كيلو الهامور يوصل 10 دينار ليش .. أسعار مبالغ فيها بشكل خيالي
افضل شي .. قاطعوه .. خلوه يخيس عشان الجزازيف ما يتضربون والصيادين بعد

لكن يا أخ

إذا كنت تقصد سمك فيليه هل تعرف نوع السمك الذي تأكله وإلى أي الفصائل ينتمي وعلى ماذا يتغذى ومن أي البلاد هو ، وهل هو آمن وصحي وخالي من بكتيريا الليستيريا المميتة ، للمزيد إبحث (حقيقة سمك الفيليه في الاسواق) مع التحية .

ليش الصافي ليه ريحه بعض الاحيان؟

شريت صافي 12 دينار وله ريحه غير مرغوب كأن ماكل من مجاري ولا احد اكل ليش الغش؟ احنه ناقصين

إنت إذا ما تقدر تميز الفاسد من الطازج

إستشر من يعرف أو كلف من تثق به ليشتري لك ،أغلب الظن أن بنغالي (صمك )

من السبب

الكويت حرهم حر السمج موجود في البحر شمعنا بحرنا سبب الغلاء مو الصيادين سبب الغلاء الدوله

انت شاطر

صح كلامك سبب الغلاء هم الحكومة

لنكن منصفين

اصلا انتو تاجرون سجلات الصيد لهنود والبنغاليه و غاليه بعد وتبعون الويزه وزيدون السعر لان لكم كميشن زيادة مع كل ارتفاع الاسعار يعنى تسنغلون الهنود و هم تستغلون الناس حتى تاخذون فلوسهم وبعد ين تقول طبيب انتو اكبر حراميه من الطبيب

البلادي

يد واحدة ضد الغلاء قاطعو الأسماك وكل شي ليس بمقدور المواطن شراءة وغضبا علي التجار الركوع وتنزيل الأسعار

ليش ثقافة التذمر منتشرة بها الطريقه؟!

كلشي صاير ثقيل على النفس وكلشي فاتحين عليه موضوع...سمك غالي؟! لا تشتريه!
دجاج غالي؟ لا تشتريه...ما بتموتون لين صرتون نباتيين اشوي...مو بس غالي عندكم لاحظوا الاسواق المجاورة اكو الكويت نفس الشي وانتو حالكم ادمر ويه ها الدفان ولين راحوا الصيادين بعيد ماليهم الا المصادرة والحبس..كل فصل ليه وعليه يوم اللي ترخص فيه الاسعار والجو ربيع محد يقول الحمد لله...

قاطعوهم بارك الله فيكم خله يخيس السمج عندهم

خله يخيس لا احد يشتري سمج ,, خلهم يولون سوو مثل ما سوو الكويت هذلين الناس ما يرحمون و أي حجه يقولونها بس عشان يزيد السعر ما عليكم منهم لين جا الشتا بيقولون الجو بارد والسمج بيروح لاماكن دافيه ولين حر قالو لك يروح لمناطق بارده وكله شلخ في شلخ

حصلوه تالي قولوا خلوه يخيس

اذا البحار صاد عشرين كيلو وتكلفة دخلته البحر تكلفة بترول وايل وتعبتهم مايطلع قيمة دخلة البحر غالب الاوقات هل الايام وحضرتكم تروحون تاكلون في مطاعم بلابيط وبيضتين بتدفعون ليكم كل شخص دينارين واكثر تستسخرونها في فقير لهبته شمس ما طلع له خمس دنانير

الله ذاك الزمان

علئ قولة الشاعر عبد الرحمن
الله ذاك الزمان كيلو الصافي بثمان

لسان

لسان مثل لسان الصياد ما تشوف يصك عليك من جميع الجهات ولا تقدر تصيده بالكلام، حتى الشطار على الكيبورد يصيدونهم الصراحة حجة الصيادين هي الحجة الاقوى دائما واتذكر كيف وقفوا السوق كله لما اضربوا عن العمل في 2008 حتى زارهم رئيس الوزراء واسقط عنهم الضرايب كان محد قادر عليهم لا بالاذاعة ولا التلفزيون ولا الجرايد

مقاطعة

بناكل احلة وربيان يابس ومهياوة ما اعتقد بنموت جوع لازم يعني ناكل طازج؟!! اكو الكويتيين صارو يد وحدة وقاطعوا والصيادين نزلوا اسعار السمك خلونا كلنا نصير يد وحدة ونقاطع وجوفوا النتيجة

مقاطعة

مقاطعة أسبوع او حتى شهر مااابنموت من الجوع او ادا ما اكنا سمك..........قاطعوا الغلا

لنكن منصفين

ندفع مبالغ طائلة لطبيب يقوم بفحصك لمدة 5 دقائق أقلها 20 دينار وهو جالس في مكتبة ولا تتهمونهم بالإستغلاليين ، بينما نحارب الصيادين الفقراء الذين يقتاتون لأنفسهم وأبناءهم متحملين الصعاب من أجل لقمة العيش وذلك لرفعهم الأسعار دينار او دينارين بدون مراعاة معاناتهم لصيدهم الأسماء في عرض البحر ، من يعارض فليقم بتجربة الصيد ليشعر بما يشعر به الصيادين
أعانكم الله ورزقكم من فضله

الصحيح

لا مو عاجبنا . اسلوب التمسكن وادعاء الفقر لا يعطيك حق في رفع الاسعار وانت تتلقى دعم من الحكومه في الوقود ومشتريات القارب وترخيص الصيد والبيع الذي هو ثروه وطنيه ليست ملك لك .. وبالأخير الصيد للتصدير .. والحكومه مطالبه بوضع حد لكم ولأنانيتكم

لا وجود لبديل

السمج اذا ما اكلته ما بتموت لكن الدكتور لو يطلب حلك وحلالك ودواك عنده ماتقدر تقوله لا لان مالك غيره و حسابه في الاستغلال على الله .، الشي اللي في ايدك غير عن الشي اللي مالك غناة عنه

الساكت عن الحق شيطان أخرس

لازم كل يرتفع سعره يتم مقاطعته في ناس تنام بدون عشاء وكرامتها وعزة نفسها تمنعها تذل نفسها والفقراء هم ألي يدللون روحها والاغنياء لو ما حرصهم على البيزة ما صاروا أغنياء فعلا يد وحدة ما تصفق واذا اليوم سكتنا عن كل شيء يرتفع أبشروا بالخير

يا الله

يا الله خلكم ريايل مثل اهل الكويت وكل شيئ يرتفع سعره بشكل غير معقول خلوه يخيس و شوفوا تظبطون الأسعار لو لا و احسن من غرفة التجارة النايمة

عني ما اكلته

حياتي مو متوقفه على السمك واللحم اهل البيت عليهم السلام كانوا يأكلون التمر واللبن ونحن على النهج سائرون
اكل الأنبياء ما في عليه (صالونة العدس موجودة)
وخله يخيس عني ما اكلته

مطاعم الاسماك

احد الاسباب الرئيسية لارتفاع اسعار الاسماك هو تزايد عدد مطاعم الاسماك والتي تستحوذ على نسبة كبيرة من السوق, ضف على ذلك ان بعض هذه المطاعم تقوم بحجز كميات كبيرة من الاسماك قبل وصولها للسوق - كما اخبرني بعذ البحارة - مقابل ان تدفع سعر اعلى بكثير من سعر السوق!!!
ولذا فإن المقاطعة اذا لم تشمل المطاعم لن تجني اي فائدة تذكرز

زين

والدجاجة بيرفعون عنها الدعم
والخروف بيصير أغلى من برميل النفط
والياخير؟

سؤال

هل يجوز شرعاً رفع اسعار اي سلعة عند زيادة الاقبال عليها؟ حيث يستغل البائع حاجة الناس .

جحا

هذي طال عمرك اللي مايخاف الله يسوي جذي يرفع السعر

يجوز

شوف اسعار الحج مثال على ذلكو بختم العلماء بعد

حسافة عليكم والله

حسافة عليكم يا شعب البحرين ...وصل بكم الحال دياية تعزكم وصافية تذلكم ...تركتون مشاكلكم الحقيقية ورحتون تركضون ورا الدياي والصافي ...والله عيب عليكم

البحرينيين يفرون الى البحر

البحرينيون يفرون الى البحر من شدة الحر ، البحرينيون يجدون في البحر متنفس من أرتفاع درجات الحرارة! كل هذه العناوين طالعتنا بها صحف ومواقع في البحرين ولكن السؤال ؟ أذا كان البحر مقصد الناس لتجنب الحر فالبحر ليس بالمكان السيء أذا بالنسبة للبحارة ، لا نعلم هل الخطأ في الناس أم في البحارة أو في الصحافة ؟! والبحارة ليش ما يدخلون البحر في العصر ؟! أحد يجيب يا جماعة؟! المشكلة ليس في البحارة في الأساس وأنما المشكلة في الجزازيف(من يبيعون السمك)!

للعلم يا أخ

أن البحارة بعضهم يدخلون أوقات السحر والبعض الآخر تتفاوت أوقات دخولهم بين الصبح والظهر والعصر والليل حسب الأماكن وأنواع المصائد وطرق ووسائل الصيد واعتمادا على ساعات المد والجزر ،أما الفرق بين الكلاف(جزاف الجملة)وهو حسب شروط واتفاق معين لايدفع أموالا للشراء إنما يستلم كميات الصيد ويعرضها للبيع بعد أن يحدد السعر وله نسبة مئوية ، والجزاف هو الذي يشتري منه بعد أن يدفع ثمن الكمية التي يرغب في شرائها ، بإمكانك أن تزور السوق المركزي فجرا لتطلع على طريقة العرض والبيع والشراء .

بو عبد الرحمن

صباح الخير أيها الشعب الكريم. لازم نحط يدنا مع بعض ترى اليد الوحدة ماتصفق.

سنابسي

الحملة مستنسخة للاسف تويتر صار هرج ومرج وناس فاضيه في تويتر شافو الكويت امس قالو احنا بعد وتلاقيهم اول ناس يشترون الي مطلعين الهاش تاق ناس فاضيه تحرض وتحشد وتطاع منها

وانت حضرتك.

ركزت على هالسالفه بس؟ اهم شي يفيد المواطن .

اي بضاعه

المفروض جديه نقاطع اي شي يرتفع سعره ونبحث عن البديل هذا اقل شي نسويه لان البلد فيها فقارا واجد

خله يخيس

يخيس
يخيس
يخيس
يخيس
يخيس
يخيس
يخيس

لاحول

اسوي روحك ظريف

قريبا أيها المواطن

قريبا أيها المواطن لن تجد ما يعزك...
السمك واللحم والدجاج، ولربما حتى الفول والطعمية، كلها ستذلك

ولد الرفاع

الفول والطعمية مفيد للصحة

اني مااقاطع لكن

اي شي سعره يرتفع عن الحد المعقول مااشتريه وابحث عن البديل

برز العده

من يوم ورايح بروح اوبحدق علا سيف ستره

ولد الرفاع

سمج اول مرة أجوفة شنو اسمة

ولد الرفاع من صجك ما تعرف هلسمجة عيل انا شاك أنت مب رفاعي هههههه

هلنوع من السمج العود منه يسمونه جد والوسطي دويلمي والصغير غلي
هذي تسمية بحارة وحداقة أهل البحرين والخليج أما الغرب يسمونه بركودا

مواطنون يغرِّدون: «دجاجة تعزك ولا صافية تذلك»

حتى الدجاج سوف يرتفع سعرة
اصبروا فقط لحين رفهع الدعم عن اللحوم

سطوم

على قولت المثل مفصخ لايف على عريان

مافي مشكلة

اروح اصيد لي قرضي من على السيف
ههههه

اسمح لي امين سر جمعية الصيادين المحترفين!!!!

لا اعلم هل بالفعل محترفين؟ اخوي..... الصراحه الاسباب اللي ذكرتها غير مقنعه بتاتا لارتفاع اسعار الاسماك بهذه الصوره الجنونيه والغير احترافيه على قولة جمعيتكم!!يعني الحين الحر الشديد بس في البحرين؟يا اخي الحر في كل العالم! ما شفنا طمع وجشع وعدم رحمه اللي في صيادينك وجزازيفك في دوله اخرى!الحر في دبي وابوظبي والعين والدوحه والسعوديه ومسقط وبغداد وووووووو مب عندك بس. ارجوك خلك حقاني وقول صيادينك وجزازيفك الرحمه الرحمه الرحمه في الخلق.

يا أخ

وهل لديك إحصائية بكمية الأسماك المنزلة إلى تلك الأسواق في البلدان والمدن التي ذكرتها ومقارنتها بالكميات المنزلة لدينا هنا على الأقل خلال الشهر الفائت وهذا الشهر وإجراء مقارنة للأسعار بيننا وبينهم ، مع خالص التحية لك وللمتابعين جميعا .

الكاسر

اذا جى الحر قلتون الجو حرا من جدي ترتفع الأسعار
وإذا جى البرد ترتفع الأسعار تقولون برد
والأخير معاكم اقول ليكم بسكم طمع وجشع الناس كفاية الا فيها الحكومة مو مقصرة فيني تجون أنتون وتكملون علينا خلو لينا مجال نتنفس

كل الفصول صعبة

اشلك بالبحر واهواله ورزق الله على السيف مثل قديم بعد ان يتم رفع الدعم عن اللحم والوقود
كم بيكون سعر السمك واللحم بعد رفع سعر الديزل على البوانيش والبترول عن الطراريد

خلوه يخيس

لازم الكل يوقف في وبه الطمع والجشع وقولوها خله يخيس

خل يتحملون بسمك

يتربى في عزهم مناكل خبز وروب

مع المقاطعة

لأن معظم الباعة من الأجانب
خلوها تخيس.

تشترون غالي

المجمعات أسعارها ناااار و مع ذلك في ناس يصرفون بالهبل جت على بياعة السمك

الله يهديك

اقولون ما في صيد وانت اتقول خله يخيس ويش هذا المنطق

اللعب على الحبلين

لما تتكلم أي جهه عن العرض والطلب فهذا ينطبق على من لا يتلقى دعم حكومي . اما انتم فتتلقون دعم حكومي لتوفير الاسماك للمواطنين وبأسعار ثابته .. مو نهب واستهبال .. اما وقد حصل هذا .. فعلى الحكومه وقف الدعم عن جمعية الصيادين ومعاملتهم كغيرهم وعليهم دفع كامل الرسوم والايجارات

ولد الرفاع

وقف الدعم عن الصيادين يعني مايدخلون البحر هاي الشي ماصار اذا صار بسبب مخالفة صيادين

ولد الرفاع

هههههههههههه على طول جاهز بالردود ... بس عندي ملاحظه يالاخو يا ليت بس تتعلم املاء شوي لان عندك خلل في الاملاء .. ومع تحياتي

ولد الرفاع

تعال علمني هاي إلا قاصر كلام الصج مايعجبكم

هلوو يالطيب

ماكو دعم على الاسماك
الدعم فقط على اللحوم
يمقن في جيبوتي يوجد دعم على الاسماك
مو عاجبنك السعر! بسيطه، ادخل البحر و صيد في هالجو اللندني

بلا تقليد اعمي

انتو اول قاطعو البيبسي شدتكم على البحاره الفقاره اللي هم اهلك وناسك مساكين لا ضل ليهم بحر و لا بر روحو تشيطروا على اللي باقكم

رد على زائر 83

هناك دعم للصيادين عبر تخفيض سعر لتر الوقود وهناك دعم ومشتريات محركات القارب وعدة الصيد وأي اضرار تحدث بالاضافة الى بسطات السوق

اي والله

انشهد انهم كفو ..ونعم فيكم يالبحارنة

العيب في الحكومة اللي نايمة في جزة صوف

فشل تتغافل وتتعمد اذلال المواطن _يصرخ يستغيث كيلو سمج ب 3و4و5ووو دينار لاييتطيع شرائه...رواتب متدنية .والغلاء فاحش

زائر 22 | أنا معك بمقاطعة الأجنبي ليس هذا فحسب بل ويجب المطالبة بتشديد الرقابة عليهم أما المواطن خصوصا من لقمة عيشه بيع السمك مقاطعته يعتبر ظلم والاجحاف

قاطع المحلات والفرشات التي تدار من قبل الأجنبي خصوصا السوق المركزي
قاطع الذي يدفع العربة وعليها اكثر من ثلاجة ويجوب شوارع المملكة؛ لا تنسى
الأجنبي هو ايضا سبب ارتفاع السعر- لأن كل صباح مزاد المركزي يعج بهم
لكي يشترون أكبر كمية ممكنة ليتم بيعها على الفنادق والمحلات او توزيعها
على العمالة السائبة لبيعها على المنازل - بداية موسم الربيان الثلاجة 40كيلو
سعر البحار بـ25دينار يظهر الكيلو700فلس وعيني عينك الاجنبي يبيع الكيلو
بـ2دينار وأكثر؛ أين المسؤولين في البلدية؟ الأجنبي لازال بدون رقابة ولا منع