أعلنت وزارة العمل اليوم السبت (12 سبتمبر/ أيلول 2015) عن تنظيم معرض للتوظيف في القطاع التعليمي، تحت رعاية سعادة وزير العمل جميل بن محمد علي حميدان، وذلك في الفترة من 14-17 سبتمبر الجاري، من الساعة الثامنة صباحاً حتى الساعة الثانية ظهراً في بهو الوزارة، وذلك بمشاركة 50 مؤسسة تعليمية من جامعات ومدارس، إلى جانب معاهد ومؤسسات تدريبية خاصة.
ويستهدف المعرض بحسب الوزارة، الذي سيفتتحه حميدان يوم (الاثنين)، حملة الشهادات الجامعية والدبلوم والثانوية العامة، وتعرض الجهات المشاركة الشواغر التي تحتاجها للباحثين عن عمل، بينما تعرض وزارة العمل من خلال جناحها الخاص فرص التوظيف إلى جانب فرص التدريب المخصصة لتأهيل عناصر وكفاءات وطنية مناسبة للعمل في القطاع المذكور. كما أن الجهات المشاركة ستتلقى طلبات التوظيف مباشرة من الباحثين عن عمل، بالإضافة إلى توقيع عقود التوظيف وذلك خلال فترة المعرض.
اتمنى الصدق
اتمنى تكون فعلا وظائف ترتقي بالشهادات الجامعيه رحنا من قبل شركات وشركات اخرتها موظف استقبال ولا كاشير هذا الموجود وفوق هذا العمل مايعطوني علاوة تعطل كل الموضوع فقاعه هوا ترتفع يشوفونها الناس يبتسمو وتنفجر بدون اي نتيجه هذا هو المعرض ولا من باب الشفافيه خل يكتبون كم جهة مشاركه وكل جهة كم وظفت ووين وظفت بالضبط
عاطله 4سنوات
شنو الاوراق المطلوبه؟ ؟؟؟
عاطله 4سنوات
الله يوفقنا جميعا لخدمه وطننا الغالي وهالخبر اجا بوقته من زمان ودي اشتغل ورح اقدم اوراقي وان شاء الله يقبلوني
الاوراق المطلوبة
يا جماعه شنهي الاوراق المطلوبة غير السيفي؟
ياعمي وين مكانهم
ويييييييييين
المكان وزارة العمل
في وزارة العمل توهم مطرشين مسج
ياعمي وين مكانهم
ياعمي وين بهو الوزارة وين مكانهم بالضبط مع ان والله ادري وظايفهم البنغاليه ماترضى فيها بس بنشوف تاليها
شنو الاوراق المطلوبة
عاد انا متفائلة من الصبح .. شنو الاوراق المطلوبة غير السيفي .. يقولون التوظيف فوري
حسبي الله و نعم الوكيل
حسبي الله و نعم الوكيل الوظائف الحكومية للغرب و احنا لنا الوظائف في القطاع الخاص !!!!
خريج احصاء
يعني خريجين الاحصاء الهم علاقه
قصوا على الناس
سنتين ويفنشونهم
طال الأنتظار
نتمنى هذة المره تحل مشكلتنا مع التعطل و نتنفس الصعداء .
امل والم
خطوه جديده نتمنى الحصول على فرصه عمل حقيقيه وليس اعلانات وتظاهر بالتوظيف على الفاضي!!!
بلا معارض
هالمعارض اللي تسوونها مالها داعي ومضيعة وقت.. عندهم اسماء العاطلين وتخصصاتهم.. وتعرفون كل وظيفه شنو التخصص المناسب ليها..
اللي يبي يوظف يعرف شلون يوظف. مو جايبين ... وحاطينهم مكاننا.. لايفهمون ولا الطفل يفهم ليهم سنو يقول
صح لسانك
كلام سليم 100%
في وين؟؟
وين بالضبط بصير؟؟
نروح الوزارة اللي في الكونتري مول لو مكان ثاني؟؟
نسال الله التوفيق للجميع
في وين بالضبط المكان !!
وزارة العمل المبنى الرئيسي
المبنى الرئيسي اللي قريب من بوابة مدينة عيسى
في وين؟؟
وين بالضبط بصير؟؟
نروح الوزارة اللي في الكونتري مول لو مكان ثاني؟؟
في وين؟؟
وين بالضبط بصير؟؟
نروح الوزارة اللي في الكونتري مول لو مكان ثاني؟؟
فهموني السالفه
الحين الوزاره مو عندها اوراقنا ويدرون اشكثر عاطلين ليش بعد هامعرض اذا في وظايف عطوها المستحقين اللي اوراقهم ذابت عندكم وخلاص ماله داعي هالهرار
كله شوووو
وزارة التربية مصريين وأجانب المدارس الخاصة بحرينيين والله عجب !! لاا وما يحصلونها ألا بالغصب
تناقض
اشبعتون من توظيف الاجانب في وزراة التربية
والحين جاين تضحكون علينا
لو تبون صدق الخير وتوظيف العاطيلين تعرفون كيف بس كلها جمبزة
فيدونا
المعرض بكون فالوزارة مفسها و لا صالة الوزارة؟
عاطلة 10 سنوات
عشرة سنوات مراجعه لا يوجد شاغر لتخصص مدرس رياضه ومعارض صور اعلامية لا غير بلا جدوا
معرض الرملي
لايكون مثل معرض الرملي بس هرار وبلا توظيف كله شوووو لا شفنا توظيف ولاشي.
اتصلو فينا تعالو مرشحينكم ويوم رحنا كأنا في معرض الخريف سوق مقاصيص ولليوم وبلا نتايج بسكم قص على العاطل
كلنا رافضين
اخويي حطو ليه رافض وهم مرشحينه هرار بدون لا يسألونه حتى ويوم رحنا المجمع طلع كله فشار اعلامي
من المسئول
نريد تواصل مع مسئول مباشر عن المعرض
شفافية نشر النتائج
مثل ماتنشرون الدعاية والاعلان للمعرض انشروا النتائج عل اقل بإسم المؤسسات بكل شفافية واتركوا عنكم الغموض لتنجح معارضكم
ماندري نصدقكم او لا
اخاف ننصدم بالواقع المر مثل مراجعتنا لمركز التوظيف بلا معنى
والله زين
لو تكررون معارضكم بتوظيف جدي احسن من الرواتب الا تدفعها وزارة العمل لموظفينها الا تروح لهم بالمواعيد ويوقع ويختم ويعطي موعد جديد وبس بدون عرض وظائف وكأننا درسنا عشان التأمين ضد التعطل مو عشان نتوظف ونستقر
المعارض
المعرض السابق ولاول مرة تميز بتوظيف علني جعلنا تغير فكرتنا عن البهرجة الاعلامية من عدم جدوة المعارض
انشاالله هالمرة بعد يصدق التوظيف ونشوفه على ارض الواقع
جهود موفقة
في موظفين في الوزارة ينحطون على الجرح تبرى وتشوف جهودهم واضحة يحاولون يساعدونك،
وفيه موظفين غرورهم ضارب السما ولا لهم بارض يسوون شغلهم
موفقين
خطوة جديدة ممتازة
فكرة جديدة لاول مرة تطرحها وزارة العمل على ما اظن ، التوظيف في المدارس الخاصة والجامعات سيكون الدوام افضل عالاقل دوام واحد كأبسط الامور التي نرغب بها كأمهات جامعيات
رواتبهم عاليه ولا مذله
تتوقعون رواتبهم عاليه ولا حالها حال الاعانه
أين موقع المعرض؟؟
بهو الوزارة اي صوب يكون؟؟
بالوزارة
بهو الوزارة يعني منطقة الاستقبال والمساحة المفتوحة خلفها "يعني المعرض بالوزارة بالدور الأرضي"
في نفس الوزارة
يعني في قاعة(صالة) الوزارة
توفيق للجميع
شنو يعني في بهو الوزارة؟
بهو الوزارة
بهو الوزارة يعني القاعة الداخلية فيها
بهرجه اعلامية
بعد توظيف أعداد كبيرة من الوافدين الآن يتظاهرون بأنهم يبذلون جهدهم لتوظيف البحرينين
ماله علاقة
سياسة توظيف الاجانب وتوظيفهم فعلا مالها علاقة بجهود وزارة العمل بإمكانية مساعدة العاطلين بالتوظيف في القطاع الخاص!
عاطل
كله شو بس، كل مره اروح معرض واقدم ولا مره اتصلوا لي، حتى لمقابله ما يتصلون شلون بوظفون
نصيحة للجميع لا تضيعون وقتكم
هذي المعارض شبعنا منها وعارفين شنو هدفها الاساسي ,, كلها العاب اعلامية يا جماعة من دون مخرجات ! تروح المعرض تشوف الشركات ماشالله عدد كبير لكن ولا شركة عندها شواغر !! تسالهم ليش مشاركين ؟ يقول لك عشان نعرف الناس بمنتجاتنا وانجاراتنا وهالخرابيط !! وبعضهم حتى السيفي ما يرضى ياخذها !!! شلون صار معرض توظيف ما ادري !!! اشرح لنا
هرار
اضم صوتي لصوتك
نريد تحرك حقيقي لا صوري
نتمنى ان يكون معرض وظائف حقيقي لا معرض اعلاني
وعلى وزارة العمل ان توفر دورة التربية للخريجين الراغبين في الالتحاق بالسلك التعليمي
زوجتي راحت مقابلة في مدرسة خاصة وقالو ليها ان هي واجد زينة بس ما عندها دورات تربية ووزارة التعليم فارضة على المدارس ان المدرسين لازم يكون عندهم تربية (طبعا وزارة التعليم ما عندها حلول ثانية بس تفرض الشروط واتحط العوائق للمواطن )
زوجتي نفس الشي
زوجتي نفس الحالة لكن وزارة العمل تدخلت وتم توظيفها عن طريقة مسئولة في وزارة العمل طرشت اسمها لوزارة التربية ووظفوها وبعد كم شهر راحت جامعة البحرين طبعا بترتيب هالمسئولة مع التربية واظن تمكين بعد لها دخل واخذت الشهادة والحمدلله واعترفوا بها
انشاء الله موفقين
انشاء الله يكتب في هذا المعرض الخير و يحصل كل من يبحث عن عمل فرصه
خطوه مباركة
الله يوفقكم و يوفق العاطلين للحصول علي عمل