من كلام الناس... خصوصا بين بنات حواء هو أن الرجل الخليجي وخصوصا البحريني لا يعير لباسه في البيت اي انتباه ولا يلبس الا "الزنجفرة والسروال" كأن خباز، علامة على ارتداءه "الزنجفرة والسروال" بلونهما الأبيض وهو اللبس نفسه يرتديه "الخباز" اثناء العمل.
الا ان الرجال يدافعون عن أنفسهم بالقول ان هذا التعميم ظالم وغير صحيح وتستخدمه النساء للهروب من الانتقادات الموجهة لهن من الرجال خصوصا.
برأيك... "...هل أصبحت الزنجفرة والسراول" علامة الجودة للرجل الخليجي؟
زنجفره
الله يستر عليكم
موضوع للترفيه عن النفس
بانتظار مواضيع أحلى
خل يلبس الي يريحه
عادي بيلبس صروال بيلبس بدلة وكرفتة في البيت اي شي مو مهم المهم هو يكون انيق من داخل اناقة الشكل في البيت مو مهمة طبعاً مانتكلم عن النظافة نتكلم عن شكله ولبسه في البيت الرجال يحبون يلبسون صراويل وشورتات وفانيلة حفرة خل يلبسون وش عاد..وهم بدعوها عليهم لان ينادون البنات امهات ركب سود فقامو البنات يسمونهم ابو صروال وفانيلة او الاسباني هههههه كلش عادي سوالف سوشيال ميديا..حلاوته رجلي بكل حالاته وبصرواله وفانيلته الله يحفظه ابو محمد
موضوع لا يستحق في كلام الناس
و الله فشلتونا بهالموضوع ، حطوا مواضيع اللي تبين مستوى شعب البحرين الثقافي اللي اشتهر فيها بين شعوب المنطقة مو مواضيع الزنجفره او الفانيلة و السروال ،
أتفق
أتفق معك !!
انا من قرية بني جمرة
واول مره اسمع بكلمة زنجفرة
جان كتبتوه فانيلة وفكيتونه
خير الامور اوسطها لاافراط ولاتفريط
يعني الاعتدال في اللبس وكل مكان له لبسه المناسب
نصيحة
انا اقول كل واحد يلبس اللي يرتاح له .وتركوا عنكم سروال وافنيله وركبه سودة وبطه حمرة..لو كل زوج وزوجة يحترمون بعض ماكل واحده قالت اللي عندي واللي عندي ..استروا علينه وعليكم الله يرحم والديكم
الي مايعرف معنى زجفرة مو بحريني
الي ما يعرف ويش معنى زنجفرة مو بحريني
انتبهو
السروال بنكتب بالسين. وليس بالصاض
عدال عليكم انتون والمرأه الخليجيه ومعاناتها.. حسستوني انها 24 متكشخه ومتعدله
انا اقول كل واحد ياخد باله من لغاليغو
الحمد لله
حمدوا ربكم اللي عندي ماعنده تصنيف للثياب ينام بنفس اللي يطلع فيهم يعني رحمة عندي اللي يلبس السروال والفنيله في البيت
السنجفره
قبل حوالى عشرين سنه
يسمون الفانيله سنجفره
مصطلح قديم
اسألو العجايز و لشيوبه وبعلمونكم
تعليق
في معظم الأحيان
تهون
عند الشباب تهووون لاتشوف شاايب لابس هالصروال الاصل الأبيض في النص مصووفر وتحت عند لرجول اسود وبدون هاااف ههه
موضوع ...
كل،واحد يلبس اللي يريحه
عبدالله ابو محمد
شنو يعني زنجفرة ؟
أم
أم محمود شكلها اليوم ماعندها مزاج بالمرةتقول ماشافت في حياتها احد يلبس السروال والفانيله وخاطري اعرف وين عايشه وعلى أي كوكب ساكنه الحمد لله والشكر بس سؤال زوجش مئه في المئه ينام لابس بدله وضروري الجوتي والدولاغ الله يساعدش
ما شفت و لا مره .... ام محمود
مع ان المنطقة السكنية كل يوم ادخلها 4 او 5 مرات و لا مره شفت رجل بهذا اللباس الخاص للبيت فقط
زوجي انا اشتري له جميع ملابسه .... ام محمود
منذ تزوجنا و انا اشتري له جميع ملابسه و ذوقي يعجب اصدقاءه و يحسدونه على الزوجة التي توفر له جميع الحاجيات من احذية و جوارب و عطورات و كريمات و للبيت اشتري له جلابيات و ملابس داخليه احنا نسميها شلحة لان الزنجفرة هي الفانيلة الصوف التي تلبس في الشتاء
و اذا فتح معرض الخريف اشتري له جلابيات من القسم المصري و القمصان من القسم السوري
الجكجك
وما ادراك ما الجكجك
راحة وتهوية لكل شي
شنتر بن عداد
أتفق مع نسوان الخليج بأن الرجال (امبهدلين )في البيت وهندامهم صفر ، وبل حتى النسوان (امبهدلين ) في البيت وحالتهم اتلوع الجبد لكن بدرجه أقل من الرجال.
اهمشى
اهمشى شى يستر البدن وانه ما احب المظاهر لانها كلها كذابه
والله يهدى الجميع وفرج عن شعب البحرين الجوعان ومحرووووم من كرامته وعزته
النكت خطر
والناس تاخدها مو على انها نكته على انها قناعه ومن المسلمات والمجتمع ياخذها بهالطريقه ويتم تعميمها وبناء رأيك وموقفك تجاه اي شي بناء عليها !!
لله دركم
لن يكون هنالك موضوع الا هذا موضوعنا هذا ليكتمل مشهد الحياة من سخريات القدر الاول على كليته بكالوريوس واستر مدرس عادي والي نجحوا بالدز موجهين
النكت داخلها قناعات
انتبهوا الاعلام يسيركم مثل مايبي بطريقة خفيه بطريقة النكت يطرح مصطلحات جديدة يعطيك قناعات حتى رأيك في الشيء يعطيك اياه جاهز لانه جا عن طريق نكته فأنت لاشعوريا تقتنع من الداخل بكل مايتسرب اليك اذن انت مسير
وناسة الوسط
قعد بسنجفره وصروال فى البيت مايهم
الأهم يساعد زوجته ويقوم بواجباته
بس لايعفن.. يسبح ويتفرك بالصابون
الفانلة والسروال لبسهم في الحدود المعقولة
لبسهم للبيت فقط ولا كل لحوال تغير بينها وبين البجامة .كمانحن النساء نرتاح في لبس ملابس معينة للبيت كذلك الرجل مع التغير.ان يتعدى الحدود ويخرج بها للشارع والبرادات فيها ان
محتار
اخترعوا البنغالية صراوله ملونيين وفوانيين ملونه
تناسب جميع الاعمار
والنسوااان بعدهم على الدشداشه ام المربعات
مثل اللي عندنا
مثل اللي عندنا فتحوا ليهم قسم جديد بدل البالطوه قاموا يمشوف بجينز وقمصان مال نوم .. هذي مرة تسميها... ولا صاروا من أصحاب الأتكيت .. يداورون في الوزارة جان يشوفوهم وزير واللي غيره ينجبر ويسويهم رؤساء ... طاح حظش وحض تفكيريش
الحر تكفبه الأشارة
لآاعتقد السروال او الزنجفلرة تقلل من شأن الشخص مادام بين اهله ولباس الخباز لايحقر فهو يقدم لنا لنا خدماتنا .. دعوا الخلق للخالق
الملابس
الملابس ماتسوي الواحد رجال او حمار الاخلاق وحسن التعامل فقط هم من يسوس الواحد رجال محترم ام لا. ثانيا الواحد اذا ما يأخذ راحتة في بيتة وين يأخذه في الشارع لو في المجمعات والله حيرتوا الناس
وينه الرجال؟؟
خله يلبس زنجفره وصروال وريحته ريحه بس خلنا نحصله.. وينه هو..
إذا خلصت الصراولة
يوم اللي الصراولة البيضان كلهم وصخين اسوي الوقعة لين يغسلون ليي واحد، أرتاح بهم خفاف
أهم شي صروال ابيض وفانيلة
. اي اشفيها الزنجفرة و السروال مو ملابس يعني ؟
والله الخباز مو عار علشان تعيارون الناس فيه . اي اشفيها الزنجفرة و السروال مو ملابس يعني ؟ كيفي قاعد في بيتي و كيفي :)
سكتوا
ترى في دول مجاورة لينه همهم بس يضحكون على رجالنا خلى نخفف شوية عليهم ونرحمهم من هالهدرة اللي مامنها فائدة الا الشماته كفايه لقبوا رجالنا بالخمسه دينار بسبب يوم دعم اللحم يسوى علينه نجيب لروحنا المطنزة اكتبوا لارجالنا اشياء زينه تفتح النفس والله حرام
احبه
اني احب ابو صروال وزنجفرة لأن الصروال يخلي ... الرجل أكثر واضحة
ويع
مصاخة وقلة حيا
فجاهة
خلصت الردود يعني
صروال الضاغط
ياجماعه خل عنكم الزنجفره وشوفو حل للصروال الضاغط اللي يلبسونه النسوان. يفصل الجسم تفصيل وخصوصا اذا هب الهوا وانفتح البالطو. بنموووت
خل عنك
الضاغط وشوفو لبسكم اللي يفشل فانيله معلوجه صوب مرتفع وصوب نازل كأنها ماكلنها فار لو واحد لابس جينز مع قميص ورافع البنطلون فوق كرشته ومن ورآه كومه مفاتيح تقول جرس وهو يمشي او اذا لبس ثوب وشماغ ماعرف يتحرك صدق اضحكون البسو شى بسيط ومرتب مع النظافة
من زواغه عيونك
استح بس
موووت
لاتبقق اعيونك ومابتموت هههههه
عدل كلامك
الضاغط اللي يلبسونه البنات و يطلع من تحت البالطو يذبح . . و بعض البنات يتعمدووون هالشي . . الله يستر علينا و عليكم
أنا ألبس سروال وفانيلة
على طول ألبس في البيت سروال وفانيلة بيضاء "زنجفرة" وأشعر بالراحة في لبسها لانها مصنوعة من القطن البارد ..ثانيا تسهل عملية النكاح وتحافظ على برودة الأعضاء التناسلية والحمد لله زوجتي ما قط كلمتني عن لبسي وهي أخف من لان جسمي حار وبسرعة أعرق وريحتي حلوة لأني أحط لي مزيل الرائحة وعطر واتسبح واغتسل ..وألبس الجلابية إذا ضيف جاني البيت
وشلون عن هاف الجكجك
الجكجك بعد من علامات الجودة... والحين في الوان منه... وليس الابيض فقط
يضل طول اليوم خانق روحه
طول اليوم يلبس بنطلون او ثوب وغتره وعقال تبونه ينام في بدلة رسمية ونك تاي بعد؟
تمشي
تمشي بلا صروال جيفة مصرولة
جيبوا عن صروال القيطان ... ناس الحين بس هاف ودشداشة وبالطوووه... هني المواضيع
عادي
بالنسبة لي عادي يلبس اللي يعجبه ويريحه كان برى لو داخل البيت.عندي هموم الدنيا والدين مو فاضية اشوف لبسه واشغل مخي وياه
غريب
الصروال احسن من الجينز على الاقل ما يكون ضاغط حسب ما فهمنا الثياب الضاغطه تاثر على خصوبه الرجال
الرجال باخلاقه وليس بلبسه
مهما لبس عادي ما يعيبه الا اخلاقه
عادي
أبو فانيلة وصروال و أفتخر
حاضرين يا نسوان
بكرة البس البلدلة ( والتاي ) واقعد في المطبخ للغدا ، بعدها البس الغترة والعقال ونقعد في الصالة للتلفزيون والمذاكرة مع الأولاد ، جذي زين يعجبكم ؟؟؟
شرايكم بدل هالهرار
تخلون مواضيع تناقش هالسيدات التعبانة من صباح الله خير .. ( و لو اني اعتقد ان الموضوع عقيم). تأذينا
ثقافة
للأسف نفتقد الي ثقافة مجتمع ، كثير من الناس تراها في المحلات التجارية والبنوك تلبس ملابس فضفاضه بيتية وتذهب تقابل موظفين محترمين بكامل لبسهم واناقتهم ويقدمون خدمات مقابل شخص شاد بلباسه وتري الاعين ترقبه في كل حركة والأسف الأكبر عندما تري الشباب هم في المقدمة لعدم اهتمامهم بمنظرهم وشخصيتهم ولكن كل ذلك يعود للأصل في النشأة والسلوك البيتي لذلك هي ثقافة تربية وسلوك مجتمع نتمني التطور والاهتمام الشخصي اكثر والي الامام جريدة الوسط مع المزيد من احاديث المجتمع .. شكراً .
صباح الخير
الجو ما يساعد الواحد يتكشخ انا اشوف الفانيلة والسروال عملي تلبسة من الصبح الى اليل ما في مشكلة غير الثوب ولعقال تنصلخ من الحر ومعضم الخليجين عدهم هوايات تربية لطيور او تربية ا لخيو وعندة سيارتة اهم من بيته ومرته
اللباس و التأثير
اللباس له تأثير بعلاقتك بالآخرين و تكون النتيجه الاحترام المتبادل
لكن الزوج المهتم بالملابس في البيت او الخارج تقابله زوجه تهتم بنفسها
هنا تأثير ترك السنجفره و السروال
احنا في 2015
ايام الغوص خلاص
فشلتونا قدام نسوان العالم
أكراد أنتون أكراد
بلا سروال وبلا فانيلة ، لبس رياضي وبس
اجوف في مجتمعنا في البحرين يلبسون السروال والفانيلة اقل مقارنه بدول الخليج وخصوصا السعودية يلبسونه الاولاد قبل لكبار بكثرة
بالنسبة لي ولا مرة لبست سروال وفانيلة في البيت ، من اوصل البيت على طول اغير الثوب ، احلى شي في البيت البس الرياضي كشخة ومريح تتحمس للرياضة اكثر بالبيت ولو صارت طلعات مفاجئة ما تضطر تبدل احس يناسب كل مكان
اصلاااا السروال والفانيلة مو راكب مع ديكور البيت
حلو
اصلا ياحلات زوجي بالسروال والفانيله اني عندي كشخه وحليوين عليه واحب اجوفه بهم واشجعة وعاجبني مووووت واني بعد عاجبتنه بلباسي بس مابقول ليكم ويش البس ليه في البيت علشان عين الحساد كثيرة
زنجفرة عجبتني من زمان ما سمعت هالكلمة
ترى الزوجة عندها عيون تطالع و تشوف و تقارن وإن لم تتكلم حفاظا على مشاعرك أو لأسباب أخرى
سنع نفسك أيها الرجل
هل اصبجت
هل أصبحت الركبة السوداء "أيقونة للمرأة الخليجية
شنو هالتفكير ؟؟
ليش مجودين على سالفه هالركبة من قال كل بحرينيه ركبتها سودة ولهدرجه هالركبة مسببة ازمة يعني وضجه خف علينا يابو ركبة بياض الثلج يا ايقونه البياض الناصع
ليش ماتحبون الستر
الرجل عليه ان يستر نفسه امام اهله مهما يكن زوجته امه اخته بناته وما اظن انه عار او عيب لما يكون الرجل الخليجي بزيه المتعارف عليه واما شورت وماشابهه فانه دخيل علينا وشنهو خباز هل الخباز مب انسان في النهاية هو امسان يلبس الفانيله والسروال اخف لكونه يعمل وحرارة المخبز تطلب منه ان يلبس شي خفيف
الحمد لله
انا عن نفسي في البيت دائما كاشخ . ولازم العطر و البودي لوشن وبودي سبيريه موجود 24 ساعه. واذا بطلع لثياب لازم اتكون اكشخ وارتب حتى لو بروح البراده الي صوبنه..
ومرتي اتغار علي من هالكشخه...
يابخت المره الثانيه الي بتصير من نصيبي .
:)
ابو كشخه
عداال لاينط ليك عرق من لفشار واي بخت هذا ههههههه
عينه الله العوين
صراحه لرجال بالثوب والزنجفره والفانيلا لو يلبس ذهب وهو عقله نفس ماهو مايسوا شي...ولبنيه لو تلبس خيشه عيش صارت ملكه...بس الرجل عقله عقل طفل أي ناقص
شنو يعني زنجفره ؟
شنو يعني زنجفره ؟ وهذي بأي لغة ؟ وبأي لهجة ؟ بحثت في جوجل ما لقيتها
يعني شلحة
فانيلة مچتفه .. لحد الكتف وحتى الكتف ما تغطية
احيانا تجي باكمام قصيره
بس تنلبس تحت الملابس يعني داخليه
هههه
والي رجلها يلبس اوزار هههه
هذا عاد
دقه قديمه يع
....
ياريت كل الرجال يلبسون ثوب چان احنا بخير. تلاقيه كرشته خمسة متر ولابس فانيلة قصيرة و بنطلون جينز شوي و ينشق. استحو عاد
ههههههه
صدق والله يفشلون كم مره شفت هالموقف الكرشه تطلع من تحت الفانيله يا رجال تنظفو عاد فشلتونا شوفو باقي الدول شلون اناقتهم
تجربتي
اني عندي ولدين وزوجي
الصروال ما يدور في البيت
ثلاثتهم فانيلة بيضة والهاف البكسر... بس اهم شي نظاف والعطر فايح والشعر كلة مرتب وجل
نمشي العزا
الاسد
يفترض الرجال يتأنق باللبس سواء بالبيت او بالخارج .. مو صروال حالته حاله ومصوفر ومعفن مثل راعيه .. المفروض يلبس ويكشخ بالبيت ويتعطر ويكون مستعد هههه
...
انا في البيت احب الباس هاف فقط
يستعد
يستعد حق الفريسة ... وبس هذا اللي هامنكم .... واللي مخلص ماي لدرام عنه ويش يسوي .. لو يقعد .... ما ينفع
الاسد
انا اقصد يستعد .. يمكن الحرمه تبي تطلع معاه تتعشى بمطعم .. تفكيركم بعيييد هههه
من غسالش مصوفرين
لو حصل له مرة اتغسل اثيابه زين ما صارو صفران ولا معفنين
الاسد
رد على 115.. الشغله فيها نظافه واناقه مو حرمه تغسل ثياب . واذا ما عنده شلون يعني ؟؟؟ ما يتسبح .. يظل معفن طول عمره ..
اووه
شورت وفانيله ونعال زنوبه والريحه فايحه
سوده
اشعندها ام ركبه سوده تعايب على الصروال
هاااااا
هالكلام اللي يبط الجبد
عطها فلوس تسوي تقشير أو أو
بس انت عطها وخلاص
ريال ما يترس عينهم إلا التراب
ركبه سوده ولا وجه اسود
على راسي كل من عرف حده ووقف عنده
عمري الركب السود
احبهم :)
سؤال للوسط
هل نقاشاتكم بهالمواضيع منها فايدة
قد يكون الهدف من الموضوع
مثل ما يطلب الرجل من المرأة التزين له .. عليه كذلك أن يكشخ لها ،،
خراب بيوت بس
هو في احسن من كلام الناس لخراب البيوت؟
دردشة
وانت ليش كاتب تعليق ؟
اذا ما فيها فايدة لا تقرأها وخلك مع اخبار سوق اللحم تراها مفيدة.
للترفيه
اعتقد الوسط نشروا هذا الموضوع للترفيه عن الناس وتغيير الجو اشوي من الكآبة الي الناس عايشينها من سالفة اللحوم وغلاء المعيشة
يتبع سؤال للوسط
انا اتابع هالمواضيع احيانا بس المواضيع اللي احس منها فايدة وتنمي عقلي مو مواضيع نفس الصروال ومال ادري شنو
الله يستر من باجر بيحطون عن شنو
ان شاء الله مو اللي في بالي بس
مجرد رأي
ليش نحط بالنا على أشياء تافهة،كل واحد حر في لبس إللي يريحه،أنا وزوجي نلبس اللبس إللي نحس فيه بالراحة داخل البيت لا عمره عايرني ولا أنا عايرته بعد الواحد لين ما أخد راحته داخل بيته وين ياخدها؟
للاسف
معظم الرجال الخليجين مبهدلين في البيت و يهتمون بشكلهم فقط خارج البيت وفي المناسبات- والقهر يطالب زوجته بأنها تتعدل له-خلك نظيف ومرتب علشان يصير لها نفس تطالعك
الى البنات
ترى البنات أغلبهم ألحين سروال وفانلة لا بعد مو أي سروال (سروال يفشل) هذا الضاغط ألي ما أدري شنو يسمونه يصيرون أبه كأنهم لوهة .
بس هالسروال والفانيلة
مرتين مو مثل اللي يلبسه أبو سروال
حلاته
بالعكس هالسروال الضاغط وش حلاوته يصير على البنت خصوصا الزوجة اذا لبسته لزوجها
صدقت
لا وعند الإشاره تچوفها مولعه زقاره والله مسخره
بل
90
شكلك مشرشر
احسن من يقعد زط
على الاقل احسن من يقعد زط ..وليش ما تقولون ضحى بالي عنده وصرف فلوسه عليكن يالحريم وقعد هو مسكين بالزنجفره
لا يا ماما
بس اذا بيطلعون يتكشخون
كلش عاد
كلش عاد كل الرجال يدفعون. أغلبهم زوجاتهم يصرفون عليهم
البحرين معظمهم يلبسون شورتات
اني ولا مرة شفت زوجي لابس صروال وفانيله
يمكن لانه ما يعرف يلبسهم
يجوز بعد
بنت عليوي
والله الرجال بالبيت خله ياخذ راحته يلبس اللي يلبسة بس اهم شيء الأهتمام بالنظافة والأحترام المتبادل
ههههههههه
يُضرب بها الامثال
بووعلي
ايقونتي ليس السروال بل هاف بو طق طق عجيب
آفا
محشومين رجال الخليج والبحرين خصوصا
ههههههه
ما ادري بس اجوف زوجي و اخواني متأنقين على طوول يعتمد على الشخص و شنو الي يرتاح له من اللبس
بعدين لهدرجه خلصت المواضيع
الصروال غير عملي
صراحة احس ان الإيزار والفانيلة احلى واكشخ خاصة ان الإيزار تستطيع استخدامه في مآرب اخرى فهو عملي اكثر من الصروال والوانه جذابه ومفرحة خاصة اذا كان ايزار نيباري
السؤال الاهم
خل الزنجفره والسروال واسأل عن الشنب ليش يشيلونه
اي والله
كأنهم ....
ابو صروال وفانيله
يلبس طول يومه هالخلاقين ولين لبست المره دشداشه عايرها انتين هامله روحش طالع روحك يا الزقرت وتالي تعال تكلم
وانتي الصاجه
مايهتمو بلبلسهم ولا شي
مثل اللي عندي ليش لابسه اللي لبستيه امس ومن هذا الكلام
واهو مايلبس الا هالشورت الاحمر كل يوم
وانه مايهجبني يتم جذي من غير ملابس في كل وكت وهذا متعب نفسيتي وايد واهو مامفتكر بشي.
الله يهديه
ابو سروال و فانيلة سمعت عنه فقط ولم اراه ... ام محمود
من خلال تعليقات الوسط فقط سمعت عن هذا المصطلح ما شفته في الحقيقة لا في حياتي الزوجية و لا أحد في الطريق بمعنى اخر كلام يتداوله الناس ما شفت اي رجل او شاب يلبسه ولان الحياة الاجتماعية عندي صفر
انا بعد ما جفت وحده ركبتها سوده
كل لي جفتهم من الخليجيات ركبتهم نفس لون بشرتهم
الا الخدامه كانت ركبتها سوده اما للفلبينيه لي ويانا في الشغل ركبتها ابيض من جسمها
زائر 14
تكسرين الخاطر ام محمود ودي اشوف لش حل الصراحة
روحي يا أم محمود
الاحياء في القرى بتشوفينهم
يأس
اشوف يا ام محمود تعليقاتش يأس ليش ما تحاولين تتغيرين للافضل وترى الدنيا كلها يومين ما تسوى الواحد يصيده يأس وقنوط من الحياة
نعم اعيش في يأس و عزلة من سنوات ..... ام محمود
كثير من الناس حولي في بيئة العمل و مع ذلك اقول اني اعيش في عزلة لاني وضعت اسوار بيني و بين الناس و بين زوجي و لا اذهب لاي من التجمعات العائلية وهذه يسمونها عزلة نفسية يعني في اشخاص يحبون الوحدة وانا منهم لهذا السبب الكثير من الاشياء لا ادري بها .. يوجد موقع في النت اسمه قاموس الكلمات المغبرة و توجد كلمة زنجفرة و معناها الحزن الشديد تقدرون تبحثون في جوجل توجد كلمات بحرينية كثيرة
راي زوجه
كما يطلب الزوج من زوحته ان تتزين وتتعدل في البيت، هي من حقها ان تطلب المثل من حلاقه او تعديل لحيته و رشاقته ولبسه ، هناك اشكال والوان للبس من بيجامات البيت. ما في الا هاللبس عاد....
ارحموا نظر وذوق نساءكم يارجال.
صح
الواجب عليهم يتعدلون إلينا مو بس لبرى
احنا احق
بس حق التبقق يتعدلون واحنا إلينا الوساخة بكل الطرق
أم محمد
صادقة
تكلمتين بلساني والله
اتفق معاك
والادهى يتشرطون وينتقدون لبس المراه في البيت ، ما يلتفتون للبسهم من صروال وفانيله ومعاه كرش ، الله يعين الزوجات المبتليات بهالاشكال.
كل جيل له لباسه
جدي كان يلبس الازار و الوالد الصروال و الفانيلة البيضة و نحن نلبس الشورت و الفانيل الكت في البيت.
ربمى ينطبق هذا على الذين يلبسون الثوب بشكل دائم وهذا طبيعي.
اكيد
ابوسروال وفانيلة ماجت عبث
بفض النظر عن الملابس وألوانها !
الرجل الخليجي من أكثر الرجال تعنتا وانا اتكلم بصفتي رجل ولكن للأسف شاءت الأقدار أن اصنف كخليجي. أولا لا احترام للمرأه ولا تقدير ولا اهتمام ولا تحمل مسؤلية انا عشت في دول أوربية ورأيت أن الحق بتوزيع المسآليات و أعمال المنزل على الطرفين لأن الحياه لم تعد كما كانت اصحوا نحن في القرن الواحد والعشرين المرأه وصلت في كتبه الرجل وأصبحت رئيسه كبار الدول ألمانيا وقريبا امريكا
الدول الأوربية!
مو بس انت رحت أوربا، احنا رحنا وشفنا الأوربية تُحاسب كما الرجل تمامًا، أما عندنا، فتتصرف برعونة، تدخل عليك بسيارتها اتجاه معاكس وتغلط عليك، تسد الشارع إذا وقفت عند محل، تحتل ثلاثة باركات، ومحد يقدر يكلمها، تغلط عليك وفي المراكز وعند الناس مصدقة، في أوربا ما كو هالحچي، لأن القانون والشرطة يعاملها مثل الرجل.
تعجبني
بس ويين اللي يسمع
انت عايش بلمريخ
من قال المرأه ماليها احترام ومكبوته بلخليج الحمد الله احنه عايشين بعز ويه اهالينه والرجال يساعدون زوجاتهم اني اشوف رجال خواتي كلهم يساعدون تتأسف انت من الخليج اني اقول ليك بلدي البحرين مافي احسن منه وافتخر فيه بلدي حتى لو فيه عيوب هو ارقى من دول اوروبا الي تفتخر فيها
انا معاك
الرجل لاينظر اليه بما لبس ينظر ليه بما فعل
خلكم من هالزنجفره وجلعو عضلاتكم بتقاسم الادوار مع الزوجه وبعدين اذا رجعتو البيت وشفتوها كهربا مشوطة وانت حاط ارجول على رجول اسألها وش فيش!!
مسؤليه اولاد بيت توصيل حتى الخباز تجيب خبز وهو حاط ارجول على ارجول
الحين بهي الزمن انقلبت الآيه المرأة اصبحت رجل والرجل اصبح مرأة
مثقف
أنا أعجبني توضيح شيخ دين... بخصوص موضوع المرأه والرجل
وهو ليس بالمفرد لأنه فعلا وصلت المرأه لمناصب كبيره كثيره وأفضل من كثير من الرجال كرئيسة دوله وغيره....
ولكن هذه الوظائف يشغلها بالغالب رجال وهنا الفرق..... الموضع ليس بالمفرد....
لو شفت
مااعترض على كلامك فيه فئة منهم بهالوصف..ولو شفت الي شفته اليوم في المركز جان عدت النظر..رايحين موعد لطفلي في مركز صحي وهناك جا رجال وياه بنته والام جت بعدهم بجم دقيقة ومن دشو والطفلة بس تصيح والاب يسكت فيها والام تلعب في التلفون ظلينا تقريباً 3 ساعات وهم ويانا وماابالغ طول هالمدة الام ماالتفتت للبنية مع انها فاااازعة الدنيا اني ماليي شغل جاني الهم شلون الابو الفقير رايح جاي في البنية والام جنه مالها شغل اصلاً وقاعدة ! لو اني مكان هالرجال جان شلتها من دفتها وفلتتها هي ببتها بره : )
اعربي
الاخ الكريم ابشرك، المرأة عدنا في البحرين ماخذة حقها وزود، يعني بالمختصر المفيد شخصية قوية، مديرة، تروح الجم، متكشخة، ناشره شعرها وصورها في كل وسيلة اتصال، تروح القهوة، متبرجة على اصول، نست العفة والسنع، تزوج وتطلق على كيفها
واحد الله يستر عليه بيذبحني
مو بس في البيت يلبسها تطور الموضوع لبره البيت ويقول عادي انى في السياره ما بنزل ويليييي قاص وجهي قدام الناس
لا يكون اللي في بالي =)
الله يهديش بس
لا تفضحيني عاد :(
مدام قلت الا في بالك
معناتها في من هالكائنات واجد
تنابل
الرجال = السروال والفنله البيضه
النسوان = أم الركب السود
التعبيريين خاطاء
الله يهديكم بسكم تحدي
عبارات سعودية
ابوصروال وفانيلة وام ركب سود هذي تعابير يتداولها السعوديون لان اغلب الرجال عندهم يلبسون الثوب وفي البيت يخلع الثوب ويقعد بصروال وفانيلة
انا الحمد لله زوجي واخواني يلبسون بيجامات محترمة وانيقة بالبيت
غيرنا
من هالكلام غيرت ستايلي إلى شورت وزنجفره، بعد ما تقدر اسوي أكثر وخصوصا عندنا شغالة في البيت وما يجوز اتفسخ أكثر.
الرجال بكلمته
لا فلوس ولا لباس ولا شكل والنضافه من الايمان
مجرد تصحيح
النظافة وليس النضافة
خف عليهم
خف علينا يا قوقل ترانزليت
خف
خف لو جوتي
رأي
حلاوته بالصروال والفانيلة، لكن بالجلابية يكون افضل وارتب.
وين المشكله
انا البس داخل وخارج البيت عادي
زنجفرة
ههههههه عجبتني زنجفرة
رأي
ويش تبونه يلبس هل تعتقدون انه في محل في الكبت الي ملابس الرجال كل الكبت الي ملابس الحريم والرجال درج وسلة الملابس والشي الثاني يعني لو الزوج رجع من الشغل وشاف الزوجة جهزة له ملابس ليلبسها هل سوف يمتنع عن لبسها اغلب البنات ملابسهم وملابس الزوج والأطفال منتشرين على طول البيت
هاش تاغ ابو صروال وفانيلة
لا ويحسبون روحهم في قمة الاناقة اشكال تلوع الجبد الناس اتطورت روحو لبسو بجامات غيرو ستايل ابو كرش صروال وفانيلة