شكا مواطنون لـ «الوسط» من أن «مركز بنك البحرين الوطني الصحي يعاني نقصاً شديداً في الأطباء، مؤكدين أن «المواعيد الصباحية تنتهي غالباً قبل الساعة الثامنة صباحاً، فيما تنتهي المواعيد المسائية مع افتتاح المركز عند الساعة الخامسة عصراً».
وأضافوا «المركز الصحي يقدم خدماته إلى قريتي الدير وسماهيج وجزء من قلالي، ومن غير المعقول أن يتم تخصيص أربعة أو خمسة أطباء فقط لهذا المركز الصحي، أحدهم لفحص الأطفال فقط، وطبيبة للحوامل، وآخر لمرضى السكر، فما الذي يتبقى لعلاج الحالات الصحية الأخرى التي ترد بالمئات على المركز الصحي؟».
وتابعوا «وعلى الرغم من وجود 7 غرف للأطباء فإنها غير مفعلة، ولا يتم فتحها كلها للمرضى لعدم وجود أطباء، حيث لا يتم توفير العدد الكافي من الأطباء يومياً، وبالتالي فإن المتضرر من ذلك هم المواطنون المرضى، إضافة إلى الضغط الكبير الحاصل على الأطباء الذين يعاينون حالات تفوق قدراتهم وطاقاتهم وبشكل يومي يستنزف جهدهم وعملهم».
وأردفوا «تتفاقم معاناة المرضى في هذا المركز يومياً، وخاصة في الفترة المسائية، حيث لا يتم توفير إلا ثلاثة أطباء فقط، وقبل أسبوعين تقريباً لم يتم توفير إلا طبيبين في الفترة المسائية للمرضى، وهذا الأمر يعني بشكل تلقائي أن المواعيد الطبية ستنتهي مع بداية الوقت، وبالتالي فلا يستطيع الكثيرون أن يتعالجوا في المركز».
وواصلوا «ما يجري الآن هو أنه يتم إرجاع المرضى بعد انتهاء المواعيد في المركز الصحي، وهذا لا يليق بوزارة الصحة التي ينص الدستور على أنها ملزمة بتوفير العلاج المناسب للمرضى».
وختم المواطنون «نحن نطالب وزارة الصحة بالوفاء بالتزاماتها للمواطنين، وسد النقص الحاصل في عدد الأطباء في مركزنا الصحي، لأن استمرار هذا الوضع أكثر غير مقبول وغير صحيح، وتقع مسئولية تصحيحه على وزارة الصحة».
العدد 4810 - السبت 07 نوفمبر 2015م الموافق 24 محرم 1437هـ
الدير
مركز الدير الصحي الممرضات الهنود احسن من البحرينيات اللي رافعين خشمهم وتكلمينهم ولا يعطونش وجه
8
جبت بنتي للمركز يوم بحطون عليها سيلان ركبته الممرضه اوكي بس يوم جت بتشيل الابره خفستها في ايد الجاهله زين ما انكسرت داخل و بنتي قامت تصرخ من الألم وصارت ايدها زرقه يومين تعورها وش هالمعاملة ترا المرضى أمانة عندكم مو مستعجلة وتبغين تخلصين شغلش بسرعه هادي لو بتش ما سويتين في ايدها جدي !
الموضوع في الصميم
من زمان وانا اقول برفع شكوى ضد مركز الدير الصحي
كل ما اتصل يقولون لي المواعيد مخلصه او اروح للمركز يقولون لي ما في مواعيد
اذا واحد مريض يقولون له اذا حالة طارئة ممكن يدخلونه حالة مو طارئة روح مركز المحرق الصحي
انزين واذا واحد ما عنده سيارة ويش يسووي وفقير مسكين
قبل نظام المركز افضل بكثير ، كان تروح قبل لا يبندون الدوام بساعة او ساعاتين موجوده مواعيد
الدير الصحي
بصراحه المركز يعاني من نقص في الأطباء مما يقلل فرصة الحصول على مواعيد ويزيد من الضغط على الأطباء رغم ان منهم من يتفانى في العمل ويضطر لقبول حالات اضافيه
الدير الصحي
بصراحه المركز يعاني من نقص في الأطباء مما يقلل فرصة الحصول على مواعيد ويزيد من الضغط على الأطباء رغم ان منهم من يتفانى في العمل ويضطر لقبول حالات اضافيه
للاسف
بعض الممرضات اخلاق ماعندهم على ويش شايفين عمركم انتون حطوكم تخدمون المرضى
وين الوزيره عنهم
المشكله واضحه الاداره سايبه والموظفين مدلعين عجل دختر يتوقف شغله عشان ريوق وين صارت دي احنا وزاره خدميه الريوق كل شوي ناس تروح مو نوقف كلشي عشان بطنا والناس تتعطل خل الوزيره الجديده تسنعهم وتبدلهم كلهم وبعض الاطباء واسطه حق الاجازه المفروض الدكتور كل سنه يتبدل مكان
معاناتي مع مركز الدير
لو الشكوى تجيب نتيجة ويا ادارة هالمركز كان ما قالت لي الممرضة وبكل عين ... نظرة التحدي تضحك علي هي ودكتورتها "روحي اشتكي" لكن الشكوى لله
مركز الدير
السالفه مو بس نقص في الاطباء السالفه فيه ناس مو قاعده تشتغل بضمير مثل ثنتين وحده في والثانيه في مفكرين المركز مال ابوهم اذا ما تبون تشتغلون غيركم يتمنى الشغله مو لاقنها
والله مشكله
هههههههههههه
لا تحامي عنهم يا حجي
انت الي تحامي السالفه مو بس مافي احد السالفه الممرضات وخاصه مال الدير بنتي جابتها زوجتي حق بلاعيم ماتقدر تتنفس مي راضيه الممرضه تدخلها يوم حاولت زوجتي وقالت بشتكي قالت روحي اشتكي وديتها السلمانيه بواسطه شالو بلاعيهما باسرع وقت لان ملتهبين دلين مايستحقون هالمكان
اخس اداره
اخس اداره عجزت اتصل عندي شكوه على ممرضه محد يرد خاصه الممرضات البحرينيات بعضهم تقول غصب جايبينها تشتغل ماتبين ....
مواطن
هذا القانون فقط للتسيب في العمل ليس لخدمة المواطن حيث المواطن يذهب ليتعالج لكن الحاصل هو ان يذهب المواطن لكي يموت ايام الاول تروح اي وقت تحصل الحين يذلونك
هذا بسبب النظام الجديد
بالاضافة لعدم وجود أطباء ،
إحنا خلاص ما نذهب الى المستشفى ونذهب الى مستشفي المحرق الشمالي بعد انتهاء الدوام في المركز الدير الصحي
....
بالفعل نظام توزيع الارقام كان فيه ايجابيات و سلبيات ايجابياته الناس صاروا بالدور و سلبياته تقليل المواعيد او تأخيرها نطالب بزيادة عدد الاطباء و تمديد دوام المركز الصحي ليستوعب المرضى انظروا لمركز الحد الصحي رغم ان عدد سكانه اقل من الدير وحدها الا ان مختلف انواع الاشعة وفرت فيه بعكس مركزنا
شكا مواطنون
كم واحد اللي اشتكوا؟ نفرين ما حصلوا موعد سويتوها قضية
المركز شبه خالي ما في زحمة ولا شي عن العياره
شوفوا المراكز الثانية جدحفص والبديع وقولوا الحمد لله
ديري
ليكون خلوك محامي عنا احنا اولاد الديرة ونعاني كل يوم ولو ماكان في مشكلة محد كتب عنها . انت اما موظف بالمركز او من برى الديرة
يا الديري
خل الدكاتره يشتغلون عدل اول ويتركون عنهم التلفون والناس متعطلة تنتظر دورها وتالي قول نقص مواعيد وزيادة اطباء
لان في موظفين مهملين
انا 30 سنة ونا اراجع هالمركز ما قط تأخر دوري الا اذا الاخت الدكتورة قاعده تهذر في التلفون معطله الناس اما المركز ممتاز نظيف وجديد ويش حلاوته
مركز فاشل
رحت ويا بتي الساعه 7 ونص طايحة ورفضوا يدخلوني وحتى مارضوا يكشفون عليها بالمعالجة وطلعت رحت المحرق الشمالي ورفضوا يدخلونها بحجة ان مركزنا مفتوح واضطريت اوديها خاص وطلع فيها كسر يعني من المسؤل ومن يتحملالمسؤليه والي مايقدر يروح خاص ويش يسوي
مريضة تبع المركز
السيستم الجديد هو اللي مخلي الدكاترة يتأخرون ..كل مره ادش على دكتورة لازم يشير عليها السستم و هم يشكون من هالشي دائما حتى قدام المرضى .. بالنسبة للمعاملة شي طبيعي الواحد يعصب لين السستم جدي الكل بيتعطل بس بعد في ممرضات وعاملات ماخدين راحتهم في الشغل و هدره وسوالف كأن مو كافينهم البريك ..بريك ساعه للريوق و بريك ساعه للصلاه مابقى الا بريك للعشى بعد وش بقى من وقت فتح المركز؟
يجون على موعدهم المسبق
الحين الناس ماتنتظر طابور عشان يبين في عيونك مواعيد محجوزة يجون على وقتهم انا 3 مرات في اسبوع نفس القصه مافي مواعيد
مركز صباح السالم
مركز الشيخ صباح (ام الحصم ) نروح الساعه 9 الصبح خصلت المواعيد ونرد العصر الساعه 6 نفس الشي خلصت نروح مركز سترة او النعيم مايرضون اعالجونا يقولون مركزكم فاتح بعد الساعه 9 نعطيكم موعد
نعم صحيح
صحيح انا اتصل الساعة 5:30 يقولون لي ما في مواعيد او المواعيد كلها بعيدة والمركز يفتح 5 العصر
غير الفترة الصباحية
الناس قاعدة تزيد ما تقل
المناطق المفتوحة على البحر كل سنة تزداد فيها البيوت حتى أن هناك من خارج هذه المناطق يأتي ليسكن هارباً من ضيق المنطقة الاصلية ، وكذلك ازدياد طبيعي في نسبة سكان المناطق ، يقابلة تقليص في الخدمات الصحية ، هذا ليس معقول .. كم من مريض لم يأخذ علاجة بسبب البيروقراطية (القوانين وماشاكل )..
نتمنى من وزارة الصحة وهو قطاع مهم جدأ مراجعة سياساتها وقرارتها .
خل الموظفين يشتغلون عدل اول
تروح مركز الدير الصحي حتى الممرضات مال المعالجة مالهم نفس يشتغلون بس قاعدين ويسولفون ويقولون والله اول روح شوف الدكتووور
مستشفى ستره نفس الشي
مستشفى ستره اكثر الاحيان
لايوجد مواعيد
ودواء في الصيدلية
يريدون المواطن التوجه الى المستشفى الخاص
هذا هو الهدف
مستشفى جدحفص
انا بعد رحت مستشفى جدحفص ساعه 10 صباحا وقالو ليي مافي مواعيد الى العصر ...ويش هل الحاله