مشكلة

انا صاحب محل لغسيل السجاد اليوم كل الزبائن غرقانين من المطر والحاله اللى تبكي في سترة بيت يشيلون الماي منه بواسطة شاحنة المجاري الله يكون بعونا مبالغ تنصرف بالملايين ولا احنا جايفين تطور والمناطق الجديدة مثل اسكان جدحفص وقلالي وسترة ليش تصير بركة مياة أمطار من نحاسب وإلى متى

ريحة بواليع

الله يكرمكم ريحت المجاري طلعت من اختلاط ماء المطر وياها

قطرة مطر وغرقنا

الله يعينا لو صدقت التوقعات في مدرار شان طبعنا من الفيضانات.

لاااا توجد مواقف

لا توجد مواقف عند الشقة كلللله مطر ومجاري ماميش ويش نسوووووووي !!!!!! والمنطقة غفصة بعد !!!!!

الحمدلله

الصور تتكلم

الحمدلله

الحمدلله اليوم الشوارع سالكة ومافيها ولا نقطة ماي
تصريحات بعد إزالة الماء هههههه

صراحة وضعنا هين

فيديوات قطر ماساة مع انهه مباني يديدة .. طبعا السعودية سيول .. والأردن سيول .. وضعنا اهون من الكل

كل سنه هالمشكله ولايوجد حلول

الاشغال والبلديات بس هذا شغلهم حزة الطواري

الحمد لله - سترة

كل شي تمام في قرية العز سترة، ولا في نقعات ولا صارت حوادث ولا قطر بيت عندنا، والمجاري عندنا مرتبه، ولا في سيارات شفط المياه، والشوارع سالكه والجو رومانسي على الآخر
كل شي تمام يا سترة

قرب المطار

مدخل عراد والشارع المؤدي للمطار صار برجة....والله فشلة
احنا الفقارة متعودين على مرايغ .... لكن الشوارع البراقة بعد تغرق

ابو الساده

المفروض من وزير التربيه والتعليم ان يعطي يوم اجازه اولادنه تبهدلو

في بيتنه شلال

من شدة المطر المطر تجمع في السطح ودخل البيت لينه وسوى شلال ...

سيارتي مفل الطراد

انا من اشوف نقعة ماي ،اطوف بالسيارة عليه بسرعة علشان اطفر الماي و اسمع الصوت . و احسن شي اذا دخل سيارة الاوادم الي في الشارع الثاني

مشوار العشر دقائق

اليوم صار ساعتين في الزحمة .. وفي الأخير طلع متجمع ماي عند كوبري الخارطة !!

بلا شك

الف في المليون صحححححح

الاسد

قصص تتكرر كل سنه وتصريحات رنانه في جميع المجالات تتحدث عن الانجازات . وهم حتى نقعه مو عارفين يصرفونها .

نرجو من الوسط

مشروع بلاد القديم الإسكاني غرقان بالكامل بيوت وسط بحيرة منظر طبيعي وكأنك في إيطاليا نرجو من جريدة الوسط زياره المنطقه والتصوير

ملاك الروح

قصدك اشبيليا

سلماباد

تعالو شوفو سلماباد شنو حالتها
عشان اقدر اروح السياره انتظرت سيارات تمشي وتوزع الماي بعدين عند دوار المسجد لنص السياره الماي ودوار AMA حدث ولا حرج ولما وصلنا الشغل الباركات نقع ما نقدر نبركن والبراحات كلها ماي الواحد شيسوي هذول اكثر المناطق حيويه لازم يكون فيها اهتمام اكثر من اللي نجوفه واليوم هالجم ساعه اللي طاح فيها مطر الفجر بينت البنيه التحتيه شلون متهالكه الشوارع في سلماباد بدون شي متروسه حفر فما بالكم فيه مطر مايبين شي

العقرب

مشاريع ينصرف عليها بالملايين وفي النهاية ما في غرامات على الشركات المنفذة في حال أخطأت التنفيذ
مهندسين من الشرق والغرب اتهندس في الاشغال وفي النهاية هذي النتيجة

العقرب

لاحظوا مكان اللي تتجمع فيها الامطار السنة، لاحظتون؟؟؟!
في ذمتكم مو قبل عشرين سنة تتجمع الامطار و في نفس الاماكن؟؟؟!!
اللي ما لاحظ للحين لاحق يلاحظ السنة الجاية لانه ما في شئ يتغيير

ههههه

اكو جدار مدرسة طاح في الرفاع صوب مجمع جيان

بيت أبي آيل للسقوط أرجو المساعدة

بيت والدي آيل للسقوط من فترة ولغير قادرين على بنيانه ا اللجوء الى مكان اخر المطر يسقط من السقف عليهم كل سنة أرجو من يستطيع التبرع أو مساعدتي

الهند

العام الماضي سافرت الهند-كيرلا كسائح انا وعائلتي في العطلة الصيفية .. ما شاء الله المطر لا يتوقف ليل نهار .. ولكنك لا ترى بقعة مستنقع على الارض بسبب البنية التحتية السليمة رغم ان الهند بلد فقير .. ولكن تعال الى بلاد النفط الغنية لترى كيف تسرق الأموال العامة ويعيش المواطن في أسوأ الأحوال حينما يتعلق الأمر بقطرات من المطر

ارضهم غير صخريه مثل ارضنا.

السبب هو اهمال وفساد وترقيع وهذه هي النتيجه.

إلى متى؟؟

إلى متى دواعيس الحاله بيتم جذي ؟
إلى متى يتم هل حفر ؟
وين البلديات عن المقاولين؟؟؟

إلى متى؟؟

إلى متى دواعيس الحاله بيتم جذي ؟
إلى متى يتم هل حفر ؟
وين البلديات عن المقاولين؟؟؟

اطالب بإجازة

اليوم ما قدرنا نطلع من بيوتنا نروح الباصات وزود الشوارع كله مياها و وزير التربية مايعرف يعطي يوم على الاقل إجازة , وإلى مدرسته في المنطقة التعليمة وش يسوي

المطر خير

المطر خير ونعمه من الله ، الحمد الله يارب
الوتحد اذا عندة مشكلة في البيت يسوي صيانه او يركب وتر بروف ، المجالس البلدية قبل شهر تقول اذا راتبك اقل من 600 اتصل فيهم بيركبون لك مجانا
اما الشوارع تغيير خل نتاخر عن الدوام شوي اصلا عادي يسمحون لك اذا امر طارئ

المطر خير صحيح

لكن يتحول لنقمه ولعنه على الشعب لمن تشوف ديره صغيره يغمرها الماي وتتعطل مصالح الناس. .هي مو حايه على الا بيوتهم تخر مطر ..شوف الشوارع بذمتك هي حاله دوله نفطيه ..عاجبك المنظر بحيرات في كل مكان ناس تضررت سياراتها

الماء رحمة ام نقمة

الحمد الله ع الماء الذى غسل القلوب القاسية والنفوس الضعيفة ورحمة من الله لعباده لتعتبر بقدرة الله سبحانه وجنده المسخرة ربي اجعله رحمة ولا تجعله نقمة
الله يرحم من ليس له مسكنا صالحا او قدرة ع تحمل مشقاته وسخر له القلوب الرحيمة لتعويضه عما خسر من نعائمك اللهم امين

abumallak

هي أمطار الرحمة والخير علينا نحن أهل الارض بعضها يكون نعمة حينما تسقى بها دواب الارض ونخيلها و حينما يكون أهل الارض في سبات عنها معرضين تكون نقمة على الفقير في البيت والشارع فمن إحدى النعم أني إستقيضت في الواحدة والنصف فجرا فوضعت الاناء في غرفة إبنتي التي يتسرب فيها المطر بشكل كثير وقمت بالتصوير فيديو وصور لظاهرة الخير والرحمة والله يكون في عون المواطن .

اليوم

كسرة خاطري بنت رايحه الجامعة تمشي في الماي في البديع حتولت اوصلها الى مكان عن الماي بس عصبت علي تفكرني قاعد اغازلها فخايتها تولي ويا نقعة الماي

الأمطار قصة

الأمطار قصة تروي الواقع المزري من فساد وسرقات ووعود عبارة عن سراب، فالبحرين على صغرها ولفترة طويلة جدا الى الآن وهي تعاني من سوء التخطيط في الشوارع والبنية التحتية بشكل عام مع تخصيص ميزانيات لذلك إلا أن تلك الميزانيات من أموال تذهب لمناقصات هي في الأساس (........)

الدولة النفطية تغرق بالماء

كل سنة يسقط المطر الحال هكذا ، لم يتغير شيء الأمور تزداد سوءاً ، والوضع في تردي ، لا يوجد نظرة مستقبلية أبداً .. النظرة قاصرة جداً ، يوم واحد كفيل بأن يغرق دولة باكملها ، دلالة واضحة لسوء التدبير وقلة الاهتمام ،يجب تحسين وضع البنية في أسرع وقت وتدارك المشاكل التي ستحدث في السنين القادمة، يجب أن نوجد طريقة نجعل ماء المطر فائدة لنا لا مصيبة وكارثة.

اللهم اجعلها امطار خير و بركات

احب اجواء الامطار و لكن نعاني بسبب النقع لان بنية تحتية عدلة ماميش ! ماقدرت اطلع بسيارتي لانه مجابلها نقعة اظطريت ما اداوم اليوم و السبب النقعة

يا جماعة الخير البنية التحتية بخير وبيزاتكم بيد امينه .. محرقي

كل يوم والثاني يطلع مسئول ويتكلم عن استعدادهم لموسم الامطار من 1980 والوضع مثل ما هو تحفر وتكسر ورصف حتى في الدواعيس غثونه بالطابوق الاحمر والاصفر والرمادي على الطل لا حسيب ولا رقيب وعمك اصمخ ( .... ).

لا شئ

ولا شئ بس ما نمنا طول الليل نمشش في المطر
وداومنا مواصلين

نصيحة

الرجاء من مؤسسة الرقابة المالية التي عينتها الحكومة للخروج هذا اليوم وتراقب شوارع البحرين لتعرف كميات المال المهدورة دون فائدة تذكر

الشوارع مأساة

وين ما تروح تهرب عن النقع تطلع ف وييهك نقعة اكبر ..
السيارات كلها تغوص بالنقع .. واني كنت خايفة تبند السيارة أو تخترب ..

مدرسة في جزر ...

المفروض ان جزر ...من المناطق السياحية والسكنية الجديدة، الشوارع المؤدية الى المدرسة الواقعة هناك امتلأت بمياه الأمطار بحيث ان أولياء للأمور كانوا يحملون أولادهم على أكتافهم وكأنك في احداث مغامرات عدنان ولينا!

جدت ام محمود

غرقنا ومطبخي ماله حل

خال ابو محمد

وين البلدية .. والمسؤلين .. والحرامية اللي هندسووو الشوارع

هذا غيث من الله

احنه بيتنا من كل مكان يخر لكن نحمد الله على هذه النعمه غيث من الله الى عباده الأراضي الزراعية لايؤثر فيها الغيث يعني لوينزل المطر أسبوع الارض تمتص الماء اما الأراضي الصلبه فشيئ طبيعي ماتشرب الماء واقتراح على الحكومه المحافظه على ماء المطر ببناء خزانات لمياه الأمطار

ام محمود

اقول عشان سنه الجايه الا تهدرون وتقولون طول الصيف .. انتو مو مال شتاء يوم واحد وغرفتووون

المطر يطيح عندنا شهر واحد ونغرق .... طمبورها

المطر يطيح عندنا شهر في السنة ونغرق ، عجل لو يطيح 6 شهور في السنة ؟؟

طمبوررها

طشان

طشان غرقانة مسكينة تكسر الخاطر

اكو فريقنا برچه و سياراتنا غرقت

كل سنة قبل الشتاء تصرح الحكومه ان ان احنا بارزين ومادري ويش و مجهزين كلشي و من يطيح المطر تبين الحقيقة لا مجاري ولا تخطيط شوارع عدل لدرجه ان حوادث تصير من أبسط نقعه ماي ! نفس سالفة المرور واول يوم دراسي وغير وغير ..أصلا متى افتكرت الحكومه بشعبها ؟ فالحين في المفوشر بس والحقيقه عكس التصريحات .

كيفية المشاركة

كيفية المشاركة؟؟؟

يعني ..اكتب تعليق وصلك.

اهني اي نكته عن مطر البحرين وصلت لك.

المراءة

المرئه اللي حاطه لها مكياج طاح المطر و ونكشف كل شئ .

اطالب بنعال جديد

انا واحد انقص انعالي من المطر طفت في خمقه ولصق في الخمق ويوم رفعت ارجولي انقص

ههههه

الله يعوضك

مسامحه

يبين عليه نعالك ذايب ياخوك

ههههه

اكيد زنوبة

من زمان

الأمطار تتجمع وتسبب مشاكل من زمان ولم تحل المشكله لأن الفساد في ازدياد ولم يتغير

بتول

الشوارع ماساه الواحد اخاف يمشي على الماء لان ما يعرف منسوبه او هل يحتوي الشارع على حفر و غيرها

وزارة الأشغال

الجماعة نايمين على اذاينهم اليوم زحمة في الهاي وي مال عذاري بسبة جم نقعة

عشر دقايق صارت ساعتين ونص

ساعتين ونص عشان اقطع مسافة من دوار القدم الى قريب من عذاري ما شفتها عذارى حتى ورجعت على شيخ عزيز لان المهمة اللي رايحة لها انتهى وقتها