قدم طلبة المرحلة الإعدادية اليوم الخميس (7 يناير/ كانون الثاني 2016)، أول امتحان نهائي للعام الدراسي 2015/2016، والذي شكل "صدمة" على حد وصفهم لـ "الوسط" بعد أن جاءت ثلث أسئلة امتحان مادة اللغة العربية من خارج المنهج الدراسي.
وأشاروا إلى أنهم تفاجئوا بوجود أسئلة من جزء محذوف من المنهج الدراسي، لافتين إلى أنهم أبلغوا إدارات المدارس بذلك والتي بدورها رفعت المسألة للوزارة إلا أن الأخيرة لم تتجاوب معهم على حد قولهم.
وعبر أولياء أمورهم عن استيائهم من عدم التدقيق على الأسئلة المطروحة في الامتحانات والتأكد من تناولها لمحتوى المناهج الدراسية، لافتين إلى أن تفاجأ أبنائهم بالأسئلة الخارجية أسهم في التأثير على أدائهم في جميع أسئلة الامتحان كما ومن المتوقع أن يؤثر على درجتهم الكلية أيضا.
ووجه أولياء الأمور نداء لوزارة التربية والتعليم بإعادة النظر في تصحيح الامتحان وحل المشكلة بصورة تحفظ حقوق الطلبة.
الامتحان سهل ماقلنا شي بس ليش يخلونا نحفظ كل هذا اذا مابيجيبون منه شي
مايصير الصراحه تعبت وانا ادرس صار لي يومين ادرس و احفظ القصايد اخر شي ما جابو لنا شي منهم الا نكتب بيتين
الي و الله تعبنا و درسنا لايام مب ساعات و اخر شيء فتحت الاوراق انصدمت قسم بالله جاني الصيحة و كلمنا مدرس قال اعتبروها خارجية شنو و الله حرام تعبنا و مجهودنا راح على الفاضي نبي من الوزارة حل لهذا الموضوع و الله نبي حل ما نبي درجاتنا تروح على أخطاءكم أنتوا و بسسس !
صراحه اذا ما سوو حل هذي .... اول شئ يخالفون القوانين احنا تعبنا و احنا نراجع و آخر شئ اجيبون شئ ما درسناه و روح تعبنا على الفاضييييي و تعني چديييييي .....
\nاحنا جايين نتعلم و ندرس و نجي نقدم الاشياء على الي درسناها مو اشياء على الفاضي و من وين الحين بجيبووون الينا درجااات محد يعني يطمح اجيبفي العربي
\nيعني اذا قالوا الينا نراجع و جابوها الينا ويش بينقص منهم
بسم الله الرحمن الرحيم
الخطأ وارد ولكن على ماذا يدل سوى ان الاخصائي الذي وضع اï»»متحان لا يعرف المطلوب من الملفي او انه لم ينتبه له بس السؤال المهم ماذا لو المدرسة هل من قامت بوضع اï»»متحان الم يكن اولياء اï»»مور اï»»ن ينوحون ويسبون ويشتمون المعلمين ومن بعدها يرفعون شكوى على المعلمين فلما اï»»ن سكت قد بلعوا ريقهم ؟؟؟!
ًں’”
صراحة يعني الامتحان م كان صعب لديك الدرجة بس ان غلط م يجيبون لينا شي داخلي و يجيبون قصيدة محذوفة !
الصراحة كان الامتحان صعب
باين منهج المدارس في وادي وادرات الوزارة في وادي والا قصيدة ملغية من سنتين اللي حطوا الاسئلة وينهم عن خطة المنهج ؟؟؟؟
سوء ادارة
سوء إدارة من الوزارة وعليها احترام جهود الطلبة المبذولة و اولياء أمورهم
قد يكن الامتحان امتحان قدرات ! مو امتحان لغة عربية
حبيبتي النمله لقد اتضح انك ذا اهمية فذة لدى وزارة التربية والتعليم فهنيئا لك يا نملتي بهذا التقدير وحظ اوفر للطلبة واولياء الامور على الجهد المبدول !!!
المشكله ان بس جم سؤال من الي درسناهم جابوا و الباقي راح على الفاضي و بالعاده يجيبون نص خارجي واحد مو ثنين هم يبون يختبرون مستوياتنا ولا قدراتنا العقليه
لا تستغرب فالبحرين بلد العجائب
ترا حرام هذا ندرس و نتعب و اخر شي قصيدة ما درسناها
ترى خلوا الطلبة يحفظون 3 قصايد و في النهاية جابو اليهم بس يكتبون 3ابيات و ما جابو اليهم ولا شرح من القصايد اللي راجعوهم و عددهم 5
اييي ويش يعني احنا نتعب ونراجع خمس قصائد اخر شي اسال خارجيه ظلم محد وضح لينا الاسئلةً
حسبي الله ونعم الوكيل خمس قصايد دبحنا روحنا نحفظ فيهم واخرتها يجيبون وحده محذوفه وقصه نمله الاسئله مالها كلش ماليها علاقه بالقصه درجاتنا بتروح حرام عليكم
يظهر إن وزارة التربية والتعليم تغرد خارج سرب المنهج . هل القصد من الامتحان تحدي وتعجيز لقدرات الطلبه في اللغة العربية أو الاستهزاء بمنهج الطلبة ومدرسيهم؟؟؟؟؟؟؟ إذ إن ما يدرس شيئ ومايختبر فبه شيئ آخر !!!!!!!!!!!!
حرام اتسون هلون حق الطلاب طلاب يبون درجات و يبون النجاح حرام اتخلونهم في قلق و الطالب يخاف على درجات والله حرام يعني من المفترض اتخبرون عن الشيء الخارجي و مراجعة مكثفة و على الأقل اتخبرون الطلبة عن النص أو الامتحان خارجي
أتمنى على وزارة التربية احترام جهد الطلبة وتعب أولياء الأمور والمدرسين . لأن الهدف من المنهج إعطاء صورة عن مستوى الطلبة . وليس الغرض اختبارهم في قدراتهم العبقرية في اللغة العربية .نرجوا من وزارة التربية احترام منهجها على الأقل .
اني قدمت الاختبار اليوم صدق انصدمت يوم شفت القصيدة على كل القصائد اللي عطونا اياهم واحنا لنص الليل امس ما نمنا نراجع ونحفظ 6قصايد في النهاية يجيبون قصيده اول مره نشوفها
عمل متعمد
الوزارة تعمدت هذا العمل وليست غلطة وعمل مقصود
وش فايدة
وش فايدة حفظ القصايد
دراسة عقيمة لا منفعة ولا هدف ..تعب الطلبة من يعوضهم عنه ونتائجهم من المسؤل عنها شوية تركيز يا متعلمين يابتوع المدارس
اصلا الأسئلة كانت سهلة
اذا كانت سهل ترى سهلة عليك
كل واحد يفكر في نفسه ويش ؟؟ انا رحت الامتحان مواصل ما نمت و اخير شي تطلع لي أسئلة لا اعرفها و لا ما جابو الا سؤال واحد من الي درسته كامل بس قصيدة موطن الخالدين
درسنا شقد قصايد اخرتها تجيبون لنا
قصيدة ما نعرفها حتى و المشكلة كلماتها صعبة .
في حياتي ما اعترضت على أي شي وزاري...بس اتمنى يكون في حل لمسألة وضع أسألة الامتحانات بنتي اليوم ردت من المدرسة تبجي ..أهيا من الأوائل و ما يهون انها تنقص في مقرر انج 201 و السبب هو غلطة في الاستماع من عند الوزارة ..يعني هم الصوت ما كان واضح و اللي يقول الاستماع لغته مب انجليزية قوية و أهيا انه الاختيار الموضوع في نموذج الإجابة النموذجية غلط..وين الرقابة و وين؟ التدقيق يا رب لمتى هالحال عيالنا يتعبون و ينذلون و عيال غيرنه في دول مجلس التعاون الشقيقة اللي بنفس مستوانا الاقتصادي في خير و نعمة؟لمتى
حسبي الله ونعم الوكيل
يا ماقاسينا من هالوزارة خلاص يا طلاب لازم تحفظون الامتحانات في النهائي لازم تجي صعبة ونصها خارجي وكل سنة نفس السالفة تصير
ظلم صراحة الواحد يطمح لدرجات عالية و حبطتونا اليومم
سارت الأمور على ما يرام .... أم محمود
اليوم راقبت الطالبات ثالث اعدادي في امتحان اللغة العربية لمدة ساعتين و السؤال الأول القصيدة ليست من ضمن المواضيع المطلوبة و لكن سارت الأمور على ما يرام اعتبروها من القراءة الخارجية و لم يكن هناك أي صعوبة أو تعقيد بالعكس الامتحان كان بسيطا .
لا كان صعب يتهيه لك حتى المعاني مو موجودين
ولد الرفاع
شكلة طالب مافتح الكتاب
ويش قصدكم يالوزارة
ويش قصدكم يالوزارة بأسألة خارجيه عن اللي درسوه اولادنا وتعبو في الحفظ
هالمرة خبروهم لاتراجعين علشان لاطلاب يتعبون ولاأهاليهم وياهم في الدراسة
من زمان تصير هالسوالف لا تبدون الدراما الحين
الأمر خطيررررر وفيه استهتار بمصير عيالنا
يجب إحالة المسؤول للتحقيق
الله كريم ندرس ونتعب وتالي ننصدم بقصيدة محذوفة، لازم تراعونا واجد فالتصحيح لان ارتبكنا من هالشي وما عرفنا نحل الامتحان وهذا الشي بيأثر ع درجتنا واتمنى ان ما يتكرر الخطأ مرة ثانية
الله كريم
وزارة ظالمه
نفسي بقرار عدل يطلع من هالوزاره يخدم الطالب .. كمية القصايد اللي تعطونها الطالب في النهائي ليش ؟ .. اكثر من خمس كلها حفظ ودراسه وآخرتها كل خارجي بالأسلوبكم هذا تكرهون الطالب في الدراسه .. اللعام ولدي 7 قصايد وكلها ع الفاضي .. طوروا من اسلوبكم ومناهجكم شوفوا الدول الثانيه شلون
انا في أول ثانوي أقوم بحفظ القصص والرسائل 12 فقرة علينا حتى اليوم اندهشت بالرسالة ما عرفت لها
القصائد الي درسناها كلها بس تعب على الفاضي
لو. احنا المعلمين غلطانين. هالغلطة جان قامت القيامة علينا من الوزارة ..لكن من صوبكم غفور رحيم ومن. صوبنا شدي العقاب
ايه ولله المفروض م يخلونا نحفظ هالقد و اخر شي م بجيبون و لا شي من القصايد م يصير ذا ظلم