اولا هاذا الشي اسمه قلة احترام لبقية الناس الي ينطرون فتره طويله, و ثاني شي هالشي ممكن يسبب حوادث يعني سيارتين يحتكون في بعض و يكبر الموضوع, الكل بيوصل المكان الي يبيه و اذا تمت السياقة بطؤيقة عدله بدون العناد وايد اسهل و اختصار للوقت و الكل بيوصل ف الوقت المناسب

ليش تندبون حظكم وتنوحون وتبون المرور يسوي ليكم حل..
الحل بيدكم انتون، خل كل سيارة وترك توقف بين الشارع والخط الاصفر علشان ماحد يقدر يدخل في الخط الاصفر ويتجاوز واللي بعده بيكون واقف في السيد علشان مايصير السيد الواحد سيدين

من راقب الناس مات هماً
احمل اخاك المؤمن على سبعين محمل
وانا ماادافع عنه بس افضل من سياقة بعض الناس في الشارع ، اخلي ظ،ظ  يتجاوزوني احسن من شبة انسان يمشي ظ¦ظ  في اليسار و مايرضى يتباعد

بالآخر .. واحد ماعنده لا اخلاق و لا احترام !!! و اعطف على ابوه وامه اللي تعبوا بس علشان يحصلون على واحد مثله يوم يقوم بتصرفات قد تكون اقرب للحيوانية منها من البشرية !!!

أوقفوا التجنيس

هذا من مخلفات التجنيس والحل لكل الأزمات سياسي

اي تجنيس

تعال شارع البديع الصبح والله خاطري انزل ليهم اصفصهم بس استحي ع طولي وساعات اعطيهم مجال يركبون فوق راسك بس كلش اسلوبهم منحط مثل وجوههم

لو حضرتكم تجي وتشوف شارع 16 ديسمبر ، والله حالة!! الطلاب يخلصون دوامهم يبون يتغدون وهلكانين ، ويجونك هالنوع من الناس ، انا انزعج وأشمئز منهم صراحة ، !!

السياقة = فن وذوق واخلاق ..... فاقد الشيئ لا يعطيه

أمممم

هل أشكال أشوفهم يومية في الشوارع..

هذا اسمه خط الطوارئ واكيد اللي يمشي عليه عنده حاله طارئه ... احسنوا الظن

اي نعم اخي .. بس خف علينه يا الاسعاف !!! عندهم امور طارئة .. طق لك دبل سكنير و اشر بأيدك .. الكل بيعطيك فرصة

البلادي،،،تعال علي جسر سترة صباحا ومساء وشوف العجب والسبب يرجع الي تصميم الجسر من الأساس لا يستوعب آلاف من السيارات بجميع الأوقات فماذا يعمل الموظف الفقير الذي مهدد بالفصل يوميا اذا تأخر. علية بالخط الأصفر ،،،بس حاسب تري دفاتر خلصت من المخالفات

انا

والله عدلوا الشوارع عدل بعدين حاسب الناس

سامحوهم لان بس هم اللي متأخرين على دواماتهم واشغالهم الخاصة والبقية ماعندهم شغل وشاغلين الطريق بدون سبب ..

الرجال معذور ... شوفوا زحمة الشوارع .. وبدلا ما تكون 6 سيدات مخلينها بس 3 !!!! وما تبون زحمة ،، وما تبون الناس تستغل اي مساحة للوصول لعملها ؟؟؟

أولا: من المحتمل ان تكون لديه حالة طارئة... ثانياً: الشوارع ضيقة بدلا من لوم المتسببين في عدم توسيع الشوارع تلومون الناس،، مثل اللي يسبب فقر في المجتمع ولايبغي أي أحد يبوق !!!! ( رغم ان البوق غير مبرر )) ولكن ينطبق عليكم القول : ألقاه في اليم مكتوفاً وقال له ... اياك اياك ان تبتل بالماء . وسلامتكم

احسن خلق الله

هذلين يفكرون نفسهم احسن من غيرهم لان ما يتنزلزن للوقوف في الطابور. انا مستحيل اسمح لواحد منهم يطلع علي ولو كل واحد ما عطاهم فرصه يطلعون عليه احتمال انهم يتأدبون

تعالو يالوسط الصبح قريب ليكم عند اثار قرية الحجر وعند منطقة القدم وصورو العجز منكم الي يطلعون ع الجوانب ازيد من الي بالشارع اولا يزيدون من الزحمة والحوادث لانه يطلعون طلعات غلط وغير الغبار يعفسونه عفاس ,نطالب بوضع رصيف هني ,انا فكرت احط مسامير للي يطلعون بالرمل

أشكر الوسط على ذكر هذا الموضوع ، و هذا السلوك يضايقنا كثيراً من هؤلاء الأنانيين

السياقه فن وذوق

اتفق معكم ولاكن يجب ان لاننسى رجال المرور ايضا" الذين يقفون بساعات في الجو البارد او في الحرالشديد . عند الاشارات . الله يعطيهم العافيه بس عندي ملاحظه عليهم يمشي السيد الى جاي من المنامه وياخر السيد الى جاي بيطلع من توبلي جدي بتصير الزحمه اكثر وبذات الضهر ياريت تتكنسل الاشاره ويصير كوبري بكون اسهل . وساعات الزحمه توصل لين داخل سلماباد بالقرب من وزارة الاشغال وفي توبلي حق الي بيطلع حدث ولاحرج . والله يعطيهم العافيه رجال المرور .

صوروهم.

انه حاط كيمرا ثابته في السياره .اخر الاسبوع اوديها المرور. لوووول

مالوم

من الاشخاص الكارهين لهذه الاساليب لكن لا الومهم لان الشوارع غير منظمه وضيقه واي حادث مروري سوف يسبب زحمه كبيره

السياقه فن و ذوق و أخلاق

فقد الذرابه

اصلا اصبحت السياقه ليست فن وانما قلة ذوق تنطر بهالزحمه والكل يدخل عليك شتسوي تتنرفز وتنجب. بسبت الزحمه الكل يبي يوصل الله يعين

أهي تقصير من المرور

لان المرور اكثر دورياتهم عسكريه والمدنية قليل لو وفرو كل ( شفت) اربع دوريات مدنيه فقط لضبط المخالفات بيكون رادع قوي لكن الناس تتلفت يمين ويسار تشوف مافي دوريه مرور وساعتها يبتدأ التجاوزات الخاطئه من جذي ماراح نخلص من التجاوزات

طبعآ سلوك خاطئ بدون شك ... ويجب تحرير مخالفات بحق كل مخالف لأنظمة و قوانين المرور ونتمنى من الجميع التقيد بالقوانين المرورية .... ولكن
تمنياتنا من إدارة المرور العمل على دراسة زيادة عدد المتدربين والسيارات كل عام ووضع شوارع المملكة الحبيبه لأنها اصبحت لا تستوعب العدد الزائد
نتمنى التوفيق للجميع

يا كثرهم اللي يسون هالحركة و أكره شي إذا جاك بدش في السيد نهاية الشارع، قليل منهم بيتلطف لواحد عشان يدخله وأكثرهم بدو لك صدر سيارته غصب عليك، منتهى قلة الأدب لا ويمكن يهاوشك إذا تكلمت معاه. هالأنواع من البشر ما ينفع معاهم إلا المخالفات المشددة، كامرات المرور هي الحل والقانون لازم يمشي على الجميع من الإيكو إلا اللمبرغيني.
جسر سترة وشارع مدينة عيسى للقادم من عالي هي الشوارع اللي شهدت فيها هالمخالفات وبكثرة. مرور الدراجات النارية غير فعال في الحد من هذه الظاهرة القبيحة وأجوف الشخص اللي يسويها سفيه

انزين والي يمشي في هذا الخط علشان يلف يمين هل يعتبر قلة احترام ؟

اي نعم لان ي غيره ملتزمين بالسيد عشان يلفون يمين بعد .. مو بس هو بيلف

في شوارع سريعة مصممة تصميم خاطأ لفة اليمين صايرة قريبة من الاشارة مع أن الاغلبية يبون يلفون يمين مثال شارع أمواج في التقاطع المؤدي الى عراد تصميمه كل غلط وأغلب الناس تبي تلف يمين وعندهم مجال كبير يوسعون اللفة فتظطر الناس تمشي على شارع الطوارئ المتصل أصلا مع اللفة دون أن يتعدى على الي بروحون سيدة ولكن شسوي الواحد مظطر لأن الاشارة تبند عليه 4 مرات اذا وقف مع الي بروحون سيدة

نفس الشارع الي جاي من عالي

الشارع الي جاي من عالي وبتروح المدينه . احنا نبي ندخل يمين ونضطر نصطف في السيد عشان تنفتح الاشارة واذا بتدخل ع الاصفر بيعطونك مخالفه، تخطيط الشارع خطأ. ولكن في ناس مستهترين يروحون لنهاية الشارع ويدخلون على غيرهم

طبعا اذا كان هامور و سيارته كشخه و بذيك الحسبه و لا احد راح يكلمه
لكن اذا كان فقيروه و سيارته مدقدقه ، الكل بيشتغل عليه مرور و شرطي و قاضي
بغض النظر عن ظروفه اللي اضطرته علشان يسوي هالنمونه و هالنفل
هذا واقع

..

بالنسبه لسياقة السياره هو شعار واحد وإلى الأبد ( السياقه فن و ذوق و أخلاق ) هذي إللي يسوي جذي فقد هذه الثلاث صفات أي لا عنده ذوق ولا فن ولا أخلاق، ،، وبل قلة أدب والسلام ختام.. في حاله وحده إلا إذا هو نائب مثل الحبيب إللي سواها (بالعكس هذي عنده جواز خاص وعلى راسه ريشه ومصالح الأمه وهمومها كلها تحت يده !!! ).

ما احب هالحركة من السواق

عديمين احساس هالاشكال

هالأشخاص الإحساس منتهي عندهم ماعندهم احترام للغير عبالهم الناس الا واقفين ماوراهم شغل
وهالحركة واجد تتكرر عند كوبري مدينة عيسى اذا
نازلين
نتمنى من الأشخاص اصحاب هالحركة يشتغل عندهم شي اسمه فن وذوق في السياقة

الاحترام واجب والسياقة فن وذوق وأخلاق قبل كل شئ فيجب على الجميع الابتعاد عن هذه العادة السيئة

لا حياه للناس

المشكله الحاله لو ضروريه مثل مريض يوصلونه للمستشفى او غير الكل فيهم عدم الا مبالاة والكتراث للغير اهم شي هو ما يوقف ينتظر ومن لديه حيله فل يحتال خصوصا عن اشارة عزيز ماساة واشجع المرور على رصد مخالفات الى ان يصير عندهم ذوق لو الوقوف في مربع الصفر هو يدري ممنوع يوقف ولا عليه من غيره وهو ...واقف تكلمه يحقرك وين الخلاق مافي

ناس ماعندها ذمة ولا ضمير.. اكل حقوق الناس سيحاسب عليه يوم القيامة لا محالة

أين المرور عن هؤلاء؟

بصراحة هذا السلوك قلة ذوق وأدب. بشكل يومي يتكرر صباح كل يوم على جسر مدينة عيسى المؤدي لوزارة التربية والتعليم مما يسبب ازدحاما مروريا كبيرا. ولا يكيفهم ذلك فبعد اجتياز الجسر بمسافة يحاولوا الدخول على السيارات المنتظمة في أقصى اليمين للدخول للفة الوزارة وبكل سهول !!! في حين المتظم في المسار يحتاج لثلث ساعة وأحيانا أكثر لاجتياز الجسر لماذا لاتوضع كاميرا مراقبة في هذا الموضع؟إدارة المرور بتربح من الزين من المخالفات .

صح

ويدخلون عليك بالغصب ... احنا هالحركة تصير عند الزنج

يمكن

يمكن مستعجل خوك ،وش دراك انت ؟

عذر أقبح من ذنب

من يتجاوز هو شخص غير محترم وليس لديه أدنى احترام للقانون او للآخرين

يالحبيب

إذا مستعجل معناتة يكسر قوانين المرور والله انك انتيكة!

هلا هلا!

عذر اقبح من ذنب. ترى حتى الخباز يعطي من يأتي أولا . ولذلك يسود النظام . والقانون ما فيه مستعجل او مستثور !

مستعجل؟

اذا مستعجل خله يطلع من وقت حاله من حال غيره. ولا هالربكة الا تصير

تعليقي يشمل (الجميع)

إذ أن كلمة ( الجميع ) التي وردت أربع مرات في بضعة أسطر فيه إحراج (للجميع) وربما بلغت حد إهانة (الجميع ) وسوف أزيد عليكم لأشكر (الجميع ) متمنيا سياقة آمنة ( للجميع ) .