بالمختصر ...رجال مافي ....الواحد يعرس ...يسترجع المهر ويخليها تبني من فلوسها لانه هي المحتاجه هي الي تبي تستقر ولا جان عليه كله سهر وصرمحه
في القهاوي ...فتدفع رايح لبنيان لقروض وتالي ولد الكلب يايعرس عليها وياخذ فلبينيه خايسه يا اثيوبيه ريحتها توصل لسابع بيت ....بالمختصر لريال مايترس عيونهم شي شتغلنه. تعبنه . كرفنه . درسنه. جبنه اولاد او ماجبنه مرده بعقله الي درام لخمام انظف منه يهدم بيت بكبره عشان نزوه خايسه

النساء لما صاروا يأخذون دورهم ودور أزواجهم صاروا الرجال ديكور بس، المرأة عليها مسؤوليات البيت توصيل الأطفال الغسال الكناس التنظيف و بعد تروح تشتري ماكلة البيت وتدفع أبيال وتتصل للسباكين وتوقف مع العمال يخلصون أشغال البيت غير وظيفتها الي بره البيت عشان تشيل نص مصروف البيت وحضرته رجول على الثانية يتأمر و يتزمر و يهدد بتزوج اربع انت أول سو واجبات بيتك الأول عقب فكر تتزوج الثانية

الرجال اللي يرقعون الدروازة موجودين بس المشكلة محد يعتبرهم ألحين لأنه مو زمانهم زمان المرجلة هذا زمان البهدلة ومن جديه اللي يرقعون الدروازة مخشوشين بالغصب والسبب ماميش دروازات حتى يرقعونهم.

اي والله رجال هالزمن عيارين لاخر درجة طبعا البعض منهم ومن مضمنهم زوجي اخواني خيلاني هذا الي اشوفه زوجي اذا يخترب اي شي بالبيت ويحتاج صيانة صبري يا حريقة سار وبالحنة والزنه يالله يسويها الله يساعدكم يالحريم

صراحه بنسبه اليه انه بدى كل شى فى البيت اسويه لاكن مرض السكلر مانعنى مع انى احب العمل واحب اخدم زوجتى واولادى واعمل فى البيت كد ما اقدر اللهم فرج عن مرضى السكلر يا الله

علشان ما انزعل النسوان اللي هم فعلاً معظمهم حبايبنا وينحبون من اخلاصهم وجمالهم وحنيتهم وتربيتهم للأولاد وتعبهم ووووو. والطباخ انخليه إلى اخر شي ولكن القليل منهم عكس ذلك - وأنا أقولها وبكل صراحة وأنا متأكد بأن مُعظم المعلقين سيتفقون معي في كلامي المثل هذه الأيام ولو أنه قديم وكان يُستخدم في البيوت إلا أنه أي المثل الان له معاني كثيرة بعيدة عن واقع البيت - وأكرر وأقول الله يخلي نسوانا الطيبين القنوعين ويطول في عمرهم ويحفظهم لينا يا رب وشكراً

يا عمي طييير

شقال قال رجال زمن أول ، رجال زمن اول الي تمدحونهم ..كل شي عندهم بالضرب و الصراخ و العناد ، اما شباب اليوم متعايش مع ارتفاع الاسعار و متطلبات النساء و صعوبة التوظيف ..

الزوجة ما تستوعب شكثر تأثير الاشياء الصغيرة على الزوج.. لما يرجع من الشغل مثلاً يحتاج انه يرتاح بروحه ما يسمع شي لمدة ساعة وحدة و بعد الساعة تدخل تسأله شخبارك اليوم ان شاء الله بخير قول لي شصار وياك شنو تحتاج. و اذا بدا يتكلم لازم بس تسمع لا تعطي ردة فعل سلبية ولا تقاطع ولا تناقشه في هالوقت. اذا تبي تناقش الموضوع ترجع له بعدين.
بعد ما يخلصون كلام تقول له انزين باجهز لك الشمسية الجديدة اذا ما عليك امر في طريقك بس شيل القديمة و ركب الجديدة .. بوقف وياك علشان سريع نخلص.
والله الرجال بسيطين.

معظم الرجال الي ترفع الدروازة راحت لان اصبح الرجل يستهلك كل طاقته في التلفون والشيشة واللعب الى وقت متأخر حتى يمكن ما عنده وقت ايقابل زوجته والزوجة المهملة نفس الشي اضن يعني لو مافي تلفونات ولا شي اطلع طاقتك فيه بطلعه في متطلبات البيت واكثر من المطلوب بعد

راحت نساء تغسل وتطبخ وجت نساء السوشيال ميديا

ونسيت أخبركم اني ثياب الشغل أنا اللي أغسلها وفي أوقات كثيرة أنا اللي أطبخ العشى لأن طبخي الذ من طبخ زوجتي وحتى عيالي واخوانها يحبونه أكثر هههههه

ايام الدراسه ف الغربه تعلمت اصلح الاشياء الي تخترب فبيتي بنفسي مو عيب ! ومو مكتوب على الشغله انها باسم الرجال ولازم هو الي يسويها زوجي يرجع من الشغل هلكان بينما اني فالبيت ماتوظفت عااادي لو قضيت حوايج البيت اني مرتاحه ! ليش الناس تطالعني بنظره شفقه اذا رحت البراده او السوق اخذ الحاجيات الي احتاجها (اني) !
ليش لما اقوليهم عادي تبدلين شماسي البيت وعادي تسلكين المغسله اذا انسدت يستنكرون الشي ؟ من قاليكم هالاشياء مكتوب عليها للرجال فقط ! كل شي في البيت مسؤولية الطرفين والفاضي واجبه يقوم ابه

شكرا على اللايكات الوسط ..
سهلتوا علينا تعبير راينا

كل واحد وتربيته ونشأته، الحمد لله شغلي من الصبح الى الليل ومن أدخل البيت المغرب ما أطلع لأن لزوجتي وعيالي حق علي، وأما التصليحات فجميع الأدوات موجودة عندي وأصلح بنفسي جميع أعطال البيت من بايفيتر وكهربا ونجارة وحتى النفسيات إذا أختربت أصلحها ههههه أقعد لها مع لعيال بعد العشى وأخليهم يشاركوني حتى يتعلمون يعتمدون على نفسهم، وحتى أشغال أخواني كثير منها أنا اللي أسويها ولله الحمد.
وصحيح أن البعض مايعرف حتى يصك جرار بنطلونه وخاطري إذا أشوفهم ألشطهم بهوز من القهر.

بالضبط.. :) كأنك تكتب عني

انا اتكلم عن روحي اي شي يخترب في الشقة اصلحة صدق بعض الحيان زوجتي تكلمني مرة ومرتين بعدين اسوية بس اقوليها ويش اسوي ما ارجع من الشغل اله خمس وشوي وارجع تعبان بس في بعض الامور كلش ماتتحمل التاخير حتى لومتكسر حدي لازم اسويها وهي مسكينها بعد تتعب ويايي ومااحب احد يدخل الشقة اله اذا شي ماعرفته ديك الحزة اخلي احد ايجي.

ي ريت زوجي يسوي جذي

همه النوم اذ تبي تذبحه قعده من نومه
انه كالشي علي اسويه حتى ااشحن ماي . واشتري خبز بعد ...

بعض الرجال خلونا نصير كهربائيا, بايفيتر, دريوليه, ميكانيك, ندفع ابيال, نشتري اغراض بيت كلشي على ظهرنا....... هذا في جيلنا الله يستر على الجيل القادم.

السبب من النساء لان ما يعرفون متى يقولون الى الزوج عن الاعطال والشغلات
تخيل توك راجع من الشغل المغرب تعبان اول ما تدخل البيت تقولك عن اعطال تافه مو ضروريه تلوع جبدك وتخرب مزاجك
انا اقول راحت نساء مربيات اصيلات وجتنه نساء المفوشر وتزين والخرابيط
لول المره عن عشر من احيين حتى مجبوس ما تعرف تسوي يا دافع البله

فعلا السكن في بيت العيله لابد من الاجواء المشحونه يتحافلون ع كل شي بالاخص لين الام بعد اجي مدلعتنهم في كل شي ،،
الي اعرف نسوان عن رجال هي الام والاب في البيت وتحط ايدها في كل شي من صبغ ونجاره طاوله ..... الخ
واجون رجال مايهمهم ويستانسوووون لين يآخذون بت الناس وتكون بهالمواصفات ..
ماحد كامل بس المثاليه مطلب الجميع

زين بعد نتزوجكم يالجياكر...مو عاجبش ارجعي بيت ابوش

ههههههههه

اجكر رجال الخليج انتو فلاتعيب على بنت بلد يا املح

في الصميم

جبتها في الصميم (گووول )

لا

بصراحه النسوان ما يستاهلون هل الكلام أهمه ينحبَوون وايد

اي ولله ............راحت الرجال العدلة.

الواقع

لن ترضى عنك اليهود ولا النصارى حتى تتبع ملتهم، صدق الله العلي العظيم، الواقع يقول ان النسوان لو تعطيهم لبن العصفور ما يرضون عنك حتى تكون عجيبة في ايدهم، وش ذنبنا اذا كانت عزتنا ترفض ان نكون خيخه، الله خلقنا جذي، الله ما يرضى علينا نكون الا جذي، ومن جذي الله خلى لينا ولاية عليكم، ومن جذي للذكر مثل حظ الانثيين، ومن جذي العصمة في ايدنا، وكما يقال النساء ناقصات عقل ودين، او النساء خلقوا من ضلع أعوج، نصيحة النساء الكف عن الترهات والتفرغ للمطبخ و..، والسلام

وش ذنب المجتمع فيه امثالك

بمنطقك الخاطىء اذا المرأة بس ل... عجل كل شي ثاني على الرجل من تصليح وعلى منطقك كل شي ثاني خراب ومو تمام خطا الزوج والله يهديك العلم نور ناقصات عقل مو لانهم اقل ذكاء ولا لان الله يفضل الرجال الله سبحانه في خلقه شؤوون المرأة والرجل يكملون بعض وماتستمر الحياة بدونهم كل واحد له دوره وامتيازاته والحمدلله على الخلق راضين للنخاع لاحظ انت قاعد تصتصغر مكانه مخلوق الله حافظنها لو تهدر ليوم الدين مكانة الانسان ماتنزل لكن مالومك يمكن انت ربيت في بيت ابوك معتبر امك سرير بس الله يهديك

روح نام

الله مايرضى عليك لكن يرضى على غيرك مثلا؟هههه ووحدة تصلي صلاتها كامل ناقص الدورة افضل بمليار مرة من واحد عنده كل الايام ومايصلي مرة في السنة وسالفة الضلع الأعوج جوف تفسيرها لان اذا النساء ضلع أعوج انت مخلوق من شنو ؟يحظي الكل مولود من نفس النسل الا هو ادم ارجع القصة واقرأ تفسيرها وخل عنك الكلام اللي ماله معنى وابتعد عن التعقيد ابرك ليش معقد روحك من عامة النسوان لاتحط تجاربك الفاشلة معيار على الجميع يابو كرامة ياحكيم زمانك لاتزعل محد بيذلك خخخخ

باين انك فاشل

روح تفرغ لشغلك واحد ناجح مابيحقد على النسوان جدي عجل الأقربون أولى بالمعروف فاختك وامك أولى بنصيحة المطبخ ....

الحقيقه الغايبه

هالزمن يتزوج وحده تشتغل وتسوق سياره ويرمي كل شى عليها تسويه وهو من يرد من دوامه ع طول زحر وفي الليل القهاوي وضرب شلخ ع ربعه ما يدري عن بيته يعني ( خذ لك من هالنوعيه وابلش)

تعبئة بنزين السيارة

الأعمال الثقيلة ما أختلفنا عليها لكن تعبئة السيارة بالبنزين بعد انتهاء الزوجة من مشاويرها على الرغم من مرورها بالعديد من محطات التعبئة أعتقد هذي مصيبة تحتاج الى حل

اني زوجي صدق ملول والشغله مايسويها الا عقب حنة وطحنه وانتظار بس عمري مافكرت اسويها بداله حتى لو اني متضررة منها .. هالاشغال الرجال يتكفل فيها .. صيانه وتصليحات من صووبهم

ذكرتوني

من فترة اختربت شمسية الله يعزكم الحمام
ظلينا ست اشهر ندخل الحمام في الظلام او مع شمسة
وبعد الحنة والطحنة ركب شمسية جديدة
لكن يكرم زوجي ماينطبق عليه المثل راحت رجال ،،،،
لان بصراحة رجال كفو وينشد فيه الظهر في امور
كثيرة - بس اذا اخترب شي يسوي روحه مايشوف

ام ساجدة

لو تصدقين ان شمسية الحمام من سنتين مختربه واحنا ندخل في الظلمة !!!
بس بعد رجلي ماينطبق عليه الكلام راحت رجال

بعيدا عن النساء في لوم الرجل وبعيدا عن الرجل في لوم المرأه
كل شخص تربى على شيء معين من قبل الوالدين وكل جيل في رايي انه يجب تربيته بطريقه مختلفه وليس بالضروره مثل ماتربينا لان الزمن يتغير وتتغير فيه مفاهيم كثيره ..
انا زوجي مو كامل ولكن اذا اخترب شي فالبيت يصلحه بنفسه واذا استعسر الامر يتصل على احد ذو خبره. عكس اخوي اذا اخترب شي على طول يتصل للتصليح لانه يحب كلشي "بيرفكت" وكلواحد على ماتعود عليه في بيت اهله ..

صبيان هلايام لا تاير يعرف يبدل حتى حلاقة مايعرف يحلق حق روحه

هالباب على هالخرابة.
رجال هالزمن عيايرة ونسوانهم نسوان الجكن نقدز

ترست سطل

مايملي عيونهم الا جف تراب ...

ايييييي والله

خوش موضوع ...الرجال مو قد مسؤليه ولايعرف اصلاً أي يخترب في البيت يظل بالسنتين بو ما تتحرك الزوجه نقص في البيت شي بعد الزوجه تاخده مسؤليه الاطفال هي الا تربي وتسهر ولين مرض توي مستشفى وهي وهي وهووو عنده النوم الا اعز من كل شي مايهده يبس ينام ووناسة مع ربعه الهيلك ....وصراحة كنت متوقعه الزواج غير طلع مسؤليه وماعندش ظهر تحمين عليه ابسط مثال لين مرضتين مافي وقت تتعالجين لأن حضرته يبي ينام ويطلع ومنوو للجهال صراحة رجال الحين صاروا النسوان اشجع منهم

اقتراح لنقاش موضوع الايام القادمه

السكن في بيت العايله الكبيره يعني 8 و9 شقق بعوائلهم يارحمة الله الواسعه

الرجال ايام اول دوامه يخلص الساعه وحده ويرجع بيتهم ,, الحين الرجال يشتغل دوامين ويرجع هلكان ,, وايام اول اعطابهم بسيطه على قد الحال الحين كله اشياء كهربائيه ومعقده ,, يعني ويش تبونه يسوي الرجال يشقق ثيابه عشان يرضيكم ؟؟ ونسوان هالزمن ويش يعني ؟ خدامه وعندها لا تحلب بقره ولا تروح الزراعه وحتى طبخ ما تعرف وبعد تتحلطم

الرجل الان يأكل + يشرب = كرش _ مقاهي + شيشة + مواقع التواصل في الهاتف + كلل وملل - سهر ثم يأتي البيت >>>> ونام وهكذا تستمر الحياة .

مو اللكل بعض الأزواج شعلة نشاط في البيت وكل شيء يسون مثال زوجي واخوي كل شيء يصلحونه ويحلونه الوحدة تحس وراها سند وظهر في كل شيء الله يعطيهم العافيه ويحفظهم

اني اقوم بشغل البيت كله

وهو راس ماله اودي الجاهل الى الباص مال المدرسة صوب البيت هذا بس وقت تواجده في البيت يقلب البيت فوق حدر بس اعطوه الموبايل ولحد اكلمني

رجال انذال

يوهمون البنت بالحب ويعيشونها قصص وهميه وتالي ياخذ غيرها لان غيرها مستواها المادي احسن ..هالنوعيه مو رجال

الزوجات هم السبب

ليش اللوم على الزوج فقط !! الازواج زمن اول مرتاحين لان زوجاتهم مطيعات ويؤدون واجباتهم على احسن وجه ولا فيهم الحنه والنحاسه مال بنات اليوم لذلك يكون مرتاح نفسياً ويقوم بكل مسؤولياته

لا والله

مع ارتفاع اسعار كل شيء بما فيها العقارات والسكن رجال الحين ابطال ويحفرون الصخر بعد
كل مالها المعيشة تصير اصعب واصعب

زوجي دعله

زوجي من يسوي شي بغصب ولا يتقنه غير حميي كل شي يعرف وشغله نظيف .. بتاع كله

Bata3 kollllo

افااا

في ناس ايدهم ثقيله في الشغل البيت وناس ما عنده الثقه في عمله ... زوجي فالح في الكمبيوتر اذا اخترب بسرعة يوده المصلح

الغريب

البيت يحتاج صيانه مستمره .. وانا قده ما اخلي شي خراب في البيت ... عندي كل المعدات ربعي يعلقون على يقولون لي كانك في كراج ... احب انجز اعمالي بنفسي

بارك الله فيك

كثر الله من امثالك

زوجي

دائما زوجي يبهرني بفنه .. اختربة جفافة الثياب فتكه قطعه قطعه .. قالت له : مصيرها الخمام وستغربة لم سواها علما بانه ليس ميكانيكي .. شغل اليوتيوب ومش معاهم خطوه خطوه .. انجاز ..

ذكي ماشاء الله

الله يعطيه العافيه

انا زوجي ما يعرف يصلح شي ، بس من يخترب شي اتصل في (الهندي) كهربائي او باي فيتر يسوي الشغل اول باول
الحمد لله

بقوليكم ترى في الزمن مافي رجال عدله يعني لازم تلاقين فيه عيب صديقتي أرملة يون أهلها أصروا عليها تتزوج بس كل ترفض أهي تقول بعظمة لسانها للأسف مافي رجال عدله حتى لو تعتمد عليه في شي بسيط لازم فيه شمخ

الزمن تغير وأصبحت المرأه تتقاسم مع الرجل المسئولية وكل ذلك بسبب المرأه وتدخلها بالتزامات الزوج

زوجه منطحنه يعني متعددة الاستخدامات

يكفي اني اصبغ واصلح الابواب وانظف البلكونه والمراوح والمكيفات واغسل الزل (السجاد)

تربية السبعينات والثمانينات

شباب اليوم هم تربية جيل السبعينات والثمانينات، اختلفت الأوضاع وصار الولد بس يدرس ويطالع تلفزيون وآلام والأب مايشاركونه في مسؤوليات البيت فكبر ما عنده هذا الحس وللأسف يبدأيتعلمه مع الزواج فيكون الموضوع صعب على الزوجة اللي من نفس الجيل ونفس التفكير مع فرق أنها كانت بارزة اككثر في التعليم والعمل فتاخذه وتشيله مثل مو شايله باقي الاشياء

يقال في السابق إذا غاب الرجل عن البيت يسد مكانة في قضاء حوائج بيتة الأهل و الجيران اما اليوم بس يمرض الزوج يعتفس بيتة في هذا الزمن لا الأهل ولا الجيران ما يدرون عنهم

الدنيا بخير

للحين الدنيا بخير في رجال صح ما يدرون عن شي وكل المسئولية على راس الزوجة وهو ولا يدري عن شي وفي ازواج بالعكس يساعدون زوجاتهم ويهتمون بالبيت والاولاد وفي ازواج تعرف وتفهم كل شي بس للاسف يحب يكون فقط مسيطر لكن لا يقوم بأي عمل في البيت

مو كلهم طبعا

الحمدالله زوجي قد المسؤوليه لو يخترب اي شي ما يحب اشوفه جدي بسرعة اصلحه ما يحب تتراكم عليه الاشياء

صباح الخير الحين صعب في هالزمن اتميز أبوج باخوج ولا زوجج كأبوج وقليل احصل لي أحد رجال في شيمة يعتمد عليه أغلبهم دلايع يبون كلشي بارز مايبون شي اتعبون عليه من جبينهم مساكين ابوتنا الاول في كلشي اشتغلوا واتحملوا صعوبة ذاك الوقت ويشغلون روحهم في أي شي عشان بس لقمة العيش وكان ذاك الوقت صعب صعب جدا بس وسلامتكم

الشباب

للأسف الشباب هالايام همهم بعد الدوام أن يطلعون مع الربع سواء كان للقهاوي أو البسطات أو أماكن الترفيه و دائما منشغلين بصطياد الفتيات عبر وسائل التواصل الأجتماعي و ستدراجهن إلى احضانهم. . واقع للأسف

راحت الرجال الللي تتحمل مسؤلية

رجال هالزمن ياكلون ويمشون ايدهم في الطوفة صحنه مايشيله شلون ليدري بالبيت .. مايعرفون حتى اولادهم نجحو لو رسبو همهم نفسهم والقهوة والربع .. مافي اي تحمل مسؤلية ولذلك نبي نربي جيل افضل من ابائهم

الحقيقه

نعم هذا المشكلة موجودة حاليا عند بعض الشباب لايعمل والزوجه هي التي تعمل وتجلب عمال الصيانه وتشتري مستلزمات المنزل ام هذا الزوج لايفقه في الصيانه او حتى في أوقات الطوارى لايعلم ماذا يفعل فقط يعرف يأكل وينام

عميق المعنى

هذا المثل ليس محصورا على رجل البيت ولا مقتصرا على رب الأسرة بل يتعداه عن ذلك فهو يعني الرجولة بذاتها يشير للرجل الحقيقي الكفئ صاحب المسؤولية الذي يعتمد عليه في جميع جوانب الحياة .

مجرد راي

ينقسم لقسمين = قسم عياريين بس حده قهوة و مجود تيلفونه ولا يعرف شي في دنيته ... و القسم الثاني لايعة جبده يسوي اشغال البيت من زود طحنة زوجته

معاك حق...في بعد قسم ثالث هذا بابا ماما يسون كلشي عني.

ماهي حرب ولا النسوان يتبلون على الرجال، صارت المرة بالإضافة إلى أعمال المنزل تروح السوق وتشتري الماچلة وتودي الأولاد المدارس وترجعهم وتتصل حق الكهربائي حق أي خلل وتراكض ورى مقاول البناء وتدور نجار وتروح تودي سيارتها الكراج وتراكض على تجديد الجوازات والبطاقات وغيره . وأبو سروال وفانيلة بس يرجع من الدوام ويزحر الغدة ويكبر المخدة ويخمد للمغرب ويقوم يراكع ويساجد ومايدري وش قال في صلاته علشان مستعجل على ربعه وشيشته ومغازل الفتايا طاح حظه. ماقول غير راحت رجال ترفع الدروازة وجتنا رجال مطنزة والعازة

الحين اخيب منهم مافي وانانيين اذا بيت ساكن ويه جماعه قال كل واحد مو بس انا في البيت وانا مو معمر بهالبيت والا يتقاسمون البيت ويسكنون بشقق .طيب ليش مايبني كل واحد دارين ومطبخ صغير بدون كماليات من جبس ونقش ويوفر فلوسه لبناء ارض او شراي بيت صغير. لو بس همهم يشفطون دخان وقهاوي وتلفونات وامفوشر قدام الربع

مع احترامي

يمكن هذا زوجش جذي الحمدلله اقوم بواجباتي وزوجتي ما تقصر ومستحيل اخليها تتعامل ويه كهربائي او نجار او اي شي من هالقبيل

لايك

طالع العنز واحلب لبن ،،،

الإثنين في هذا الزمن فاشلين ،، نعم ينطبق مثلكم هذا على غالبية الرجال الآن ،، وفي المقابل النسوان أيضا أقول لهن ( وين رايحه يا طنازه .. رايحه اتطنز !!) الأزواج والزوجات غي زمن الأجداد لم ولن يعودوا أبدا في ظل الآي فون والآي زفت وباقي الأجهزه الغبيه وأيضا قهاوي الشيشه أماكن تسكع الرجال وانضم إليهم الآن بعض النسوان

ولد زويد

هذا المثل ينطبق على أعضاء مجلس النواب .
والكل يعرف من الذي ضحى في فترة 1994 إلى 1999 ورحم الله الآب الروحي القائد والوالد عبدالأمير الجمري ناس ضحايا ذهبت من أجل عزة وكرامة الشعب البحريني كافة من أجل إسترجاع حقوقة المسلوبة وناس جلست على مقاعد البرلمان بعدما كانو يحرمون شي اسمة برلمان في البحرين وياريتهم يملكون مؤهلات للجلوس على مقاعد المجلس .
لك الله يا شعب البحرين الصبور

الحمد لله انا غير متزوج.

وحياتي في اوجه نجاحي.

كلمة لوجه الله للي مو متزوج

تلاحق عمرك قبل العمر ما يأخذ مأخذه منك وتجد نفسك حبيس الوحدة